നേരത്തെ, രാജീവ് കുമാറിനെ അറസ്റ്റ് ചെയ്യാന്‍ സി.ബി.ഐ എത്തിയപ്പോള്‍ അതിനെ പരസ്യമായി മമത എതിര്‍ത്തിരുന്നു. ശാരദ ചിട്ടി തട്ടിപ്പുകേസ് അന്വേഷിച്ച ഉദ്യോഗസ്ഥനാണ് രാജീവ് കുമാര്‍. കേസിലെ തെളിവുകള്‍ നശിപ്പിച്ചു എന്നതാണ് രാജീവ്കുമാറിനെതിരായ ആരോപണം. സുപ്രീംകോടതി രാജീവ് കുമാറിന് നല്‍കിയിരുന്ന അറസ്റ്റില്‍ നിന്നുള്ള സുരക്ഷ പിന്‍വലിച്ചിട്ടുണ്ട്. അറസ്റ്റിനെതിരെ നിയമനടപടി സ്വീകരിക്കാന്‍ രാജീവ് കുമാറിന് സുപ്രീംകോടതി നല്‍കിയിരിക്കുന്നത് ഏഴു ദിവസത്തെ സമയമാണ്.