വിഷയവുമായി ബന്ധപ്പെട്ട് ഉപരാഷ്ട്രപതി വെങ്കയ്യ നായിഡുവിനെ കണ്ടാതായും സ്ഥാനമാറ്റം സംബന്ധിച്ച് കത്ത് കൈമാറിയെന്നും ജെ.ഡി.യു ബിഹാര്‍ പ്രസിഡന്റ് വഷിസ്ത നാരായണ്‍ അറിയിച്ചു.

Today all JDU MPs met RS Chairman V.Naidu & handed over letter mentioning name of RCP Singh as new parliamentary party leader: JDU Sources

— ANI (@ANI) August 12, 2017

നിതീഷ് കുമാറിന്റെ വിശ്വസ്തന്‍ ആര്‍.പി.പി. സിങ് ആണ് പുതിയ രാജ്യസഭാ കക്ഷിനേതാവ്.

അതേസമയം, ജെ.ഡി.യു എന്‍.ഡി.എയുടെ ഭാഗമാകുന്നതുമായി ബന്ധപ്പെട്ടാണ് പുതിയ രാഷ്ട്രീയ നീക്കമെന്നാണ് റിപ്പോര്‍ട്ട്. കഴിഞ്ഞ ദിവസം ബിഹാര്‍ മുഖ്യമന്ത്രിയും ജെ.ഡി.യു പ്രസിഡന്റുമായ നിതീഷ് കുമാറിനെ ബിജെപി ദേശീയ അധ്യക്ഷന്‍ അമിത് ഷാ ഔദ്യോഗികമായി ക്ഷണിച്ചിരുന്നു. എന്‍.ഡി.എ സഖ്യത്തിലേക്ക് ക്ഷണിച്ച ഷാ, ‘ജെഡിയു പ്രസിഡന്റ് നിതീഷ് കുമാറുമായി എന്റെ വസതിയില്‍ വച്ച് കൂടിക്കാഴ്ച നടത്തി. ജെഡിയുവിനെ എന്‍ഡിഎയിലേക്ക് ഞാന്‍ ക്ഷണിച്ചു’ എന്ന് ട്വിറ്ററില്‍ കുറിക്കുകയുമുണ്ടായി.

ബിഹാറില്‍ ജെഡിയു നിലവല്‍ ബി.ജെ.പിയുടെ സഖ്യത്തിലാണ് ഭരണം നടത്തുന്നത്. എന്നാല്‍ ജെ.ഡി.യു എന്‍.ഡി.എയുടെ ഭാഗമായിട്ടില്ല.

ബിഹാറില്‍ ബി.ജെപിക്കെതിരെ രൂപംകൊണ്ട മഹാസഖ്യം തകര്‍ത്താണ് ജെ.ഡി.യു ബിജെപിയെ കൂട്ടുപിടിച്ച് വീണ്ടും ഭരണത്തില്‍ എത്തിയത്. ആര്‍.ജെ.ഡിയുമായി പിരിഞ്ഞ നിതീഷിന്റെ നീക്കത്തിനെതിരെ മുതിര്‍ന്ന ജെ.ഡി.യു നേതാവ് കൂടിയായ ശരദ് യാദവ് രംഗത്തെത്തുകയായിരുന്നു.

ബിഹാറില്‍ മഹാസഖ്യം വിട്ട് ബി.ജെ.പിക്കൊപ്പം ചേരാനുള്ള നിതീഷ് കുമാറിന്റെ തീരുമാനത്തിനെതിരെയാണ് മുതിര്‍ന്ന സോഷ്യലിസ്റ്റ് നേതാവു കൂടിയായ ശരദ് യാദവിന്റെ ഒളിയമ്പുകള്‍. നേരത്തെ, കേന്ദ്രമന്ത്രിസഭയില്‍ കാബിനറ്റ് പദവിയുള്ള മന്ത്രിസ്ഥാനം നല്‍കി അനുനയിപ്പിക്കാന്‍ കേന്ദ്രധനമന്ത്രി അരുണ്‍ ജെയ്റ്റ്‌ലിയുടെ നേതൃത്വത്തില്‍ ശ്രമങ്ങള്‍ നടന്നിരുന്നു. എന്നാല്‍ അദ്ദേഹം മന്ത്രിസ്ഥാനം വേണ്ടെന്നു വെക്കുകയായിരുന്നു.
അതിനിടെ, ബിഹാറില്‍ ബി.ജെ.പിക്കെതിരെയുള്ള പോരാട്ടം നയിക്കാന്‍ ശരദ് യാദവ് മുന്നോട്ടുവരണമെന്ന് ആര്‍.ജെ.ഡി നേതാവ് ലാലുപ്രസാദ് യാദവ് അഭ്യര്‍ത്ഥിച്ചു. ശരദ് യാദവിനെ ആദ്യം ടെലിഫോണിലൂടെയും പിന്നീട് ടിവി ക്യാമറക്ക് മുന്നിലൂടെയുമാണ് ലാലുവിന്റെ ക്ഷണം.
ചാനലുകള്‍ക്ക് മുമ്പില്‍ ലാലു ശരദ് യാദവിനെ ഞങ്ങളുടെ നേതാവ് ശരത് യാദവ് എന്നാണ് വിശേഷിപ്പിച്ചത്. ഞാന്‍ ആവശ്യപ്പെടുകയാണ്, ഞങ്ങളുടെ നേതാവ് ശരത് യാദവിനോട്, നിങ്ങളെ ഞങ്ങള്‍ നേതാവായി കാണുന്നു. നിങ്ങള്‍ ബിജെപിക്കെതിരായ പോരാട്ടത്തെ മുന്നില്‍ നിന്ന് നയിക്കണം- ലാലു പറഞ്ഞു.
ഈ മാസം 26നാണ് കോണ്‍ഗ്രസുമായും ആര്‍.ജെ.ഡിയുമായുമുള്ള സഖ്യം അവസാനിപ്പിച്ച് നിതീഷ് ബി.ജെ.പിക്കൊപ്പം ചേര്‍ന്ന് വീണ്ടും അധികാരത്തിലെത്തിയത്. വെള്ളിയാഴ്ച നടന്ന വിശ്വാസ വോട്ടെടുപ്പില്‍ നിതീഷ് സര്‍ക്കാര്‍ വിജയിച്ചിരുന്നു.

നേരത്തെ നിതീഷിന്റെ സത്യപ്രതിജ്ഞയില്‍ നിന്ന് യാദവ് വിട്ടുനിന്നിരുന്നു. കോണ്‍ഗ്രസ് ഉപാധ്യക്ഷന്‍ രാഹുല്‍ഗാന്ധിയുമായും അദ്ദേഹം കൂടിക്കാഴ്ച നടത്തിയിരുന്നു.