ലോക് താന്ത്രിക് ജനതാദളിന്റെ സ്ഥാപക നേതാക്കളിലൊരാളാണ്. ഏഴു തവണ ലോക്‌സഭയിലേക്കും മൂന്നു തവണ രാജ്യസഭയിലേക്കും തെരഞ്ഞെടുക്കപ്പെട്ടിട്ടുണ്ട്. മകള്‍ ശുഭാഷിണി ശരത്താണ് ട്വിറ്ററിലൂടെ മരണ വിവരം അറിയിച്ചത്.

ജൂലായില്‍ ബീഹാര്‍ മുഖ്യമന്ത്രി നിതീഷ്‌കുമാര്‍ കോണ്‍ഗ്രസ്സുമായുള്ള ബന്ധം ഉപേക്ഷിച്ച് ബി.ജെ.പിയുമായി സഖ്യം ഉണ്ടാക്കിയിരുന്നു. ഇതിനെ തുടര്‍ന്നാണ് ശരത് സയാദവും അലി അന്‍വറും പാര്‍ട്ടി വിട്ടിരുന്നത്.

വൈസ് പ്രസിഡന്റ് അദ്ദേഹത്തിന്റെ ഉത്തരവില്‍ പറയുന്നത് രാജ്യസഭാ ഇലക്ഷന് സ്ഥാനാര്‍ത്ഥിയാകാന്‍ പ്രത്യേകം സജ്ജീകരിച്ചതാണ് മെമ്പര്‍ഷിപ്പ്, അതിനാല്‍ യാദവ് സ്വമേധയാ മെമ്പര്‍ഷിപ്പ് പാര്‍ട്ടിക്ക് തിരിച്ചു നല്‍കുകയായിരുന്നു എന്നാണ്. പാര്‍ട്ടി വിട്ട യാദവിന്റെയും അന്‍വറിന്റെയും രാജ്യസഭാംഗത്വം അയോഗ്യമാക്കണം എന്ന് ആവശ്യപ്പെട്ട് സെപ്തംബര്‍ അഞ്ചിനാണ് ജെ.ഡി.യു നേതാക്കളായ ആര്‍.സി.പി സിങ്ങും സഞ്ജയ് ജായും വെങ്കയ്യ നായിഡുവിന് പരാതി നല്‍കിയിരുന്നത്.

വിശാല സഖ്യത്തിനായി വോട്ട് ചോദിച്ചത് താനും കൂടി ചേര്‍ന്നാണ്. അതുകൊണ്ട് തന്നെ സഖ്യത്തിനുണ്ടായ വീഴ്ചയും പ്രത്യാഘാതങ്ങളും ജനങ്ങളോട് ചര്‍ച്ചചെയ്യേണ്ടത് തന്റെ ഉത്തരവാദിത്വമാണ്. ബിഹാറില്‍ അഞ്ച് വര്‍ഷത്തേക്കുള്ള സഖ്യത്തിനാണ് ആര്‍.ജെ.ഡി, കോണ്‍ഗ്രസ് പാര്‍ട്ടികളുമായി ചേര്‍ന്ന് ജെ.ഡി.യു രൂപം നല്‍കിയിരുന്നത്. മതനിരപേക്ഷത ഉയര്‍ത്തി പിടിച്ച സഖ്യത്തിന് ഉയര്‍ന്ന ജനപിന്തുണയും ലഭിച്ചിരുന്നു. എന്നാല്‍ ബി.ജെ.പിക്കൊപ്പം പോയതിലൂടെ ജനങ്ങളോടുള്ള രാഷ്ട്രീയ വഞ്ചനയാണ് നീതീഷ് നടത്തിയതെന്നും അദ്ദേഹം കൂട്ടിച്ചേര്‍ത്തു. രണ്ട് തരം ജനതാദള്‍ ഉണ്ടെന്നും അദ്ദേഹം പറഞ്ഞു. ഒന്ന് സര്‍ക്കാരും മന്ത്രിമാരും അടങ്ങുന്ന വിഭാഗം. ജനങ്ങള്‍ അണിനിരക്കുന്ന രണ്ടാമത്തെ വിഭാഗമാണ് യഥാര്‍ത്ഥ ജനതാദളെന്നും ശരത് യാദവ് പറഞ്ഞു.

അതേസമയം ജെ.ഡി.യു പിളര്‍പ്പിലേക്കെന്ന സൂചന നല്‍കിയാണ് ശരത് യാദവിന്റെ ബിഹാര്‍ പര്യടനം. മൂന്ന് ദിവസം നീണ്ട പര്യടനത്തിന്റെ ഭാഗമായി എട്ട് മുതല്‍ പത്ത് വരെ മണ്ഡലങ്ങളില്‍ ശരത് യാദവ് സന്ദര്‍ശനം നടത്തും. പാര്‍ട്ടിയില്‍ നിന്ന് തന്നെ പുറത്താക്കാന്‍ നിതീഷ് കുമാറിനെ പ്രകോപിപ്പിക്കുക എന്ന തന്ത്രമാണ് ശരത് യാദവ് ഇപ്പോള്‍ പ്രയോഗിക്കുന്നത്. പാര്‍ട്ടിയില്‍ നിന്ന് പുറത്താക്കപ്പെടുകയാണെങ്കില്‍ ശരത് യാദവിന് രാജ്യസഭാ സീറ്റ് നഷ്ടപ്പെടില്ല. എന്നാല്‍ പാര്‍ട്ടിയില്‍ നിന്ന് രാജിവെക്കുകയാണെങ്കില്‍ എം.പി സ്ഥാനവും രാജി വെക്കേണ്ടിവരും. പാര്‍ട്ടിയില്‍ നിന്നും പുറത്താക്കപ്പെട്ടാല്‍ ആര്‍.ജെ.ഡി, കോണ്‍ഗ്രസ് പാര്‍ട്ടികളുമായി യോജിച്ച് നീങ്ങാനാണ് അദ്ദേഹത്തിന്റെ തീരുമാനം.

Heartiest congratulations on your victory in Rajya Sabha election in spite of toughest hurdles. Wish you all success in your career. pic.twitter.com/ICNTmq02nY

— SHARAD YADAV (@SharadYadavMP) August 9, 2017

ബി.ജെ.പിക്ക് വോട്ട് ചെയ്യണമെന്ന ജെ.ഡി.യു കേന്ദ്രനേതൃത്വത്തിന്റെ നിര്‍ദ്ദേശം മറികടന്നായിരുന്നു പട്ടേലിന് വാസവ വോട്ട് ചെയ്തത്. പാര്‍ട്ടി സംസ്ഥാന ഘടകത്തിന്റെ പിന്തുണയും ഇതിനുണ്ടായിരുന്നു. ചരിത്രത്തിലെ ഏറ്റവും ശ്രദ്ധേയമായ രാജ്യസഭ തെരഞ്ഞെടുപ്പില്‍ അഭിമാനകരമായ വിജയം കോണ്‍ഗ്രസിന് നേടിക്കൊടുത്തത് ബിഹാറില്‍ ബി.ജെ.പിയുടെ സഖ്യകക്ഷിയായ ജെ.ഡി.യു എം.എല്‍.എയുടെ ഈ വോട്ടാണ്. ബിഹാറിലെ വിശാലസഖ്യത്തില്‍ നിന്നു പിരിഞ്ഞ് ബി.ജെ.പിക്കൊപ്പം ചേര്‍ന്ന് മന്ത്രിസഭ രൂപവത്കരിച്ചതോടെയാണ് നിതീഷ് കുമാര്‍-ശരത് യാദവ് ബന്ധം വഷളായത്. നേരത്തെ നോട്ട് റദ്ദാക്കലിനെയും ജി.എസ്.ടിയെയും പരസ്യമായി പിന്തുണച്ച് നിതീഷ് രംഗത്തെത്തിയത് ശരത് യാദവിനെ ചൊടിപ്പിച്ചിരുന്നു. ശരത് യാദവവുമായി അടുത്തബന്ധം പുലര്‍ത്തുന്നവരാണ് വാസവയും ശ്രീവാസ്തവയും. പാര്‍ട്ടി അച്ചടക്ക നടപടിയെടുത്ത ശേഷം ഇരു നേതാക്കളെയും പിന്തുണച്ച് രാജ്യസഭാഗം കൂടിയായ ശരത്‌യാദവ് രംഗത്തുവന്നത് ജെ.ഡി.യുവില്‍ ആഭ്യന്തര കലഹം രൂക്ഷമായതിന്റെ സൂചനകളാണ്. ഇന്നു മുതല്‍ ബിഹാറില്‍ മൂന്നുദിവസം നീണ്ടു നില്‍ക്കുന്ന പൊതുപരിപാടികള്‍ ശരത് യാദവ് പ്രഖ്യാപിച്ചിട്ടുണ്ട്. എന്നാല്‍ പരിപാടികള്‍ക്ക് പാര്‍ട്ടിയുമായി ബന്ധമില്ലെന്നാണ് നിതീഷ് പക്ഷത്തിന്റെ നിലപാട്. ജെ.ഡി.യു ദേശീയ കണ്‍വെന്‍ഷന്‍ ഈമാസം 18, 19 തിയതികളില്‍ പട്‌നയില്‍ നടക്കുന്നുണ്ട്. ഇതിന് മുന്നോടിയായി നിതീഷിന്റെ തീരുമാനത്തോട് വിയോജിപ്പുള്ളവരെ ഒരുമിപ്പിക്കാനാണ് ശരത് യാദവ് ശ്രമിക്കുന്നത്. അതേസമയം ദേശീയ കണ്‍വെന്‍ഷനില്‍ ഇരു നേതാക്കളും പങ്കെടുക്കുമെന്നും അഭിപ്രായ വ്യത്യാസങ്ങള്‍ ചര്‍ച്ച ചെയ്തു പരിഹരിക്കുമെന്നും ജെ.ഡി.യു ജന.സെക്രട്ടറി കെ.സി ത്യാഗി വ്യക്തമാക്കി.

‘ഇത് നിര്‍ഭാഗ്യകരമായിപ്പോയി. ഞാന്‍ ഈ രാഷ്ട്രീയകൂറുമാറ്റത്തിനോട് യോജിക്കുന്നില്ല. ഇതല്ലായിരുന്നു ജനവിധി’. മഹാസഖ്യത്തില്‍ നിന്ന് വിട്ടുപോയ സംഭവത്തെക്കുറിച്ച് ശരദ് യാദവ് പറഞ്ഞു. നിതീഷ്‌കുമാറിനെതിരെ ലാലുപ്രസാദ് യാദവും മകന്‍ തേജസ്വിയാദവും നേരത്തെതന്നെ രംഗത്തെത്തിയിരുന്നു.

നിതീഷ്‌കുമാറിന്റെ എന്‍.ഡി.എയിലേക്കുള്ള മാറ്റത്തിനോട് ശരദ് യാദവിന് വിയോജിപ്പുള്ളതായി നേരത്തെ റിപ്പോര്‍ട്ടുകളുണ്ടായിരുന്നു. എന്നാല്‍ ഇതുമായി ബന്ധപ്പെട്ട് ഒരു പരസ്യപ്രതികരണത്തിന് ശരദ് യാദവ് മുതിര്‍ന്നിരുന്നില്ല. ഇപ്പോഴാണ് അദ്ദേഹത്തിന്റെ പ്രതികരണം പുറത്തുവരുന്നത്. എം.പിമാരായ വീരേന്ദ്രകുമാറും അലി അന്‍വറും നിതീഷ്‌കുമാറിനെ വിമര്‍ശിച്ചിരുന്നു.

കഴിഞ്ഞയാഴ്ച്ചയാണ് ബീഹാര്‍ മുഖ്യമന്ത്രി സ്ഥാനത്തുനിന്നും നിതീഷ്‌കുമാര്‍ രാജിവെക്കുന്നത്. പിറ്റേ ദിവസം തന്നെ ബി.ജെ.പി പിന്തുണയോടെ അധികാരത്തിലേറുകയുമായിരുന്നു.