‘താക്കൂറിന് പകരമായി മുംബൈ ഇന്ത്യന്‍സിന്റെ താരങ്ങളെയൊന്നും റിലീസ് ചെയ്തതായി ഞാന്‍ കാണുന്നില്ല. കഴിഞ്ഞ സീസണ്‍ പകുതിക്ക് വെച്ച് പരിക്കേറ്റ ദീപക് ചാഹറിന് പകരമായി ഒരു താരത്തെ കണ്ടെത്താന്‍ മുംബൈ ഇന്ത്യന്‍സ് ശ്രമിക്കുമോ? എന്തായാലും ലക്‌നൗ സൂപ്പര്‍ ജയന്റ്‌സില്‍ നിന്ന് ഷാര്‍ദുല്‍ താക്കൂറിനെ ട്രേഡിലൂടെ മുംബൈ ഇന്ത്യന്‍സ് സ്വന്തമാക്കിയിട്ടുണ്ട്.’ അശ്വിന്‍ തന്റെ യുട്യൂബ് ചാനലില്‍ പറഞ്ഞു.

ഇതോടെ മുംബൈയുടെ ബോളിംഗ് വിഭാഗം കൂടുതല്‍ ശക്തമാകും എന്നാണ് വിലയിരുത്തല്‍. ഷാര്‍ദുളിന്റെ ഡെത്ത് ഓവര്‍ പ്രകടനം, പവര്‍ഹിറ്റിംഗ് കഴിവുകള്‍ എന്നിവ മുംബൈയ്ക്ക് വലിയ നേട്ടമാകും.

അതേസമയം, താക്കൂറിന് പകരം അര്‍ജുന്‍ തെണ്ടുല്‍ക്കറിനെ ലക്നൗ സൂപ്പര്‍ ജയന്റ്സ് ടീമിലെത്തിക്കാനാണ് ശ്രമം എന്നും ക്രിക്ബസ് റിപ്പോര്‍ട്ട് ചെയ്യുന്നു. ക്രിക്കറ്റ് ഇതിഹാസം സച്ചിന്‍ തെണ്ടുല്‍ക്കറിന്റെ മകനായ അര്‍ജുന്‍ 2021 മുതല്‍ മുംബൈയുടെ ഭാഗമാണ്, എന്നാല്‍ ഇതുവരെ അഞ്ച് മത്സരങ്ങളില്‍ മാത്രമാണ് കളിച്ചത്. അടിസ്ഥാന വിലയായ 30 ലക്ഷം രൂപയ്ക്കാണ് അദ്ദേഹം ലേലത്തില്‍ ടീമില്‍ എത്തിയിരുന്നത്.

ട്രേഡ് സംബന്ധിച്ച ഔദ്യോഗിക സ്ഥിരീകരണം ഇതുവരെ പുറത്തുവന്നിട്ടില്ലെങ്കിലും, മുംബൈയും ലക്നൗയും തമ്മിലുള്ള ഈ കൈമാറ്റം അടുത്ത ദിവസങ്ങളില്‍ ഔദ്യോഗികമാകുമെന്നതാണ് സൂചന.