share – Chandrika Daily https://www.chandrikadaily.com Tue, 28 Feb 2023 12:38:05 +0000 en-US hourly 1 https://wordpress.org/?v=5.8.12 https://www.chandrikadaily.com/wp-content/uploads/2020/08/chandrika-fav.jpeg share – Chandrika Daily https://www.chandrikadaily.com 32 32 ഓഹരി ഇടപാടിലൂടെ കോടികള്‍ നഷ്ടപ്പെട്ട യുവഎഞ്ചിനീയര്‍ തൂങ്ങിമരിച്ചു https://www.chandrikadaily.com/sharemarket-loss.html https://www.chandrikadaily.com/sharemarket-loss.html#respond Tue, 28 Feb 2023 12:38:05 +0000 https://www.chandrikadaily.com/?p=240289 അടൂരില്‍ ഓണ്‍ലൈന്‍ ഓഹരി ഇടപാടിലൂടെ കോടികള്‍ നഷ്ടപ്പെട്ട യുവഎഞ്ചിനീയര്‍ തൂങ്ങിമരിച്ചു. രണ്ടുകോടിയോളം രൂപ നഷ്ടപ്പെട്ടതായാണ് വിവരം. ഏഴംകുളം സ്വദേശി ടെന്‍സണ്‍ തോമസ് (32) ആണ് മരിച്ചത്. അദാനിയുടേതടക്കം ഓഹരികള്‍ ഇയാള്‍ വാങ്ങിയതായാണ് നിഗമനം. പൊലീസ് ഇന്‍ക്വസ്റ്റ് നടത്തി പോസ്റ്റ് മോര്‍ട്ടത്തിന് വിട്ടുനല്‍കി. ഇന്നലെ വൈകീട്ടാണ് ടെന്‍സനെ വീട്ടിലെ കിടപ്പുമുറിയില്‍ മരിച്ച നിലയില്‍ കണ്ടെത്തിയത്. അപ്പോള്‍തന്നെ ആശുപത്രിയിലെത്തിച്ചെങ്കിലും രക്ഷിക്കാനായില്ല. നിരവധി പേര്‍ക്ക് ലക്ഷങ്ങളാണ് അടുത്തിടെയുണ്ടായ ഓഹരിത്തകര്‍ച്ചയില്‍ നഷ്ടമായിരിക്കുന്നത്. വലിയ ലാഭം പ്രതീക്ഷിച്ച് ജോലിയില്‍നിന്ന് വിട്ടുനിന്നാണ് ടെന്‍സണ്‍ ഓഹരിവ്യാപാരം നടത്തിയിരുന്നത്. ഊഹക്കച്ചവടത്തിലൂടെ കോടികള്‍ സമ്പാദിക്കാനെന്ന പേരില്‍ നിരവധി യുവാക്കളാണ് ഓഹരിവിപണിയില്‍ പണമെറിയുന്നത്. കിട്ടുന്നവരേക്കാള്‍ നഷ്ടപ്പെടുന്നവരാണ് ഈ മേഖലയിലധികവും.

]]> https://www.chandrikadaily.com/sharemarket-loss.html/feed 0 പാസ്‌വേഡ് ഷെയറിങ്; നിയന്ത്രണവുമായി നെറ്റ്ഫ്‌ലിക്‌സ് https://www.chandrikadaily.com/password-sharing-netflix-with-control.html https://www.chandrikadaily.com/password-sharing-netflix-with-control.html#respond Fri, 03 Feb 2023 14:16:48 +0000 https://www.chandrikadaily.com/?p=235936 ന്യൂഡല്‍ഹി: ഒടിടി പ്ലാറ്റ്‌ഫോമായ നെറ്റ്ഫ്‌ലിക്‌സില്‍ പാസ്‌വേഡ് ഷെയറിങിന് ഇനി മുതല്‍ നിയന്ത്രണം. ഒരിടത്തുള്ളവര്‍ക്ക് മാത്രമായിരിക്കും നെറ്റ്ഫ്‌ലിക്‌സ് അക്കൗണ്ടിന്റെ പാസ് വേഡ് പങ്കുവെച്ച് ഉപയോഗിക്കാന്‍ സാധിക്കൂ. പുതിയ അപ്‌ഡേറ്റിലാണ് നെറ്റ്ഫ്‌ലിക്‌സ് പാസ് വേഡ് ഷെയറിങ് നിയന്ത്രണം കൊണ്ടുവന്നിരിക്കുന്നത്.

ഉപഭോക്താവ് അക്കൗണ്ട് ലോഗിന്‍ ചെയ്ത ഉപകരണത്തിന്റെ പ്രൈമറി ലൊക്കേഷന്‍ ഇതിനായി പരിഗണിക്കും. ഉപഭോക്താക്കള്‍ ഒരു സ്ഥലത്ത് തന്നെയാണ് താമസിക്കുന്നത് എന്ന് ഉറപ്പുവരുത്താന്‍ മാസം തോറും ഒരിക്കലെങ്കിലും അവരുടെ ഉപകരണങ്ങള്‍ ഒരേ വൈഫൈയില്‍ കണക്റ്റ് ചെയ്യാന്‍ ആവശ്യപ്പെടും.

ഒരേ സ്ഥലത്തല്ലാതെ മറ്റൊരിടത്ത് താമസിക്കുന്നയാള്‍ക്ക് അക്കൗണ്ട് പാസ് വേഡ് കൈമാറുന്നതിന് ഉപഭോക്താവ് അധിക തുക നല്‍കണം. പുറത്തുനിന്നുള്ളവര്‍ക്ക് നിങ്ങളുടെ പ്ലാനില്‍ ലോഗിന്‍ ചെയ്യണമെങ്കില്‍ താല്‍കാലിക കോഡ് ആവശ്യമാണ്. ഈ കോഡ് ഉപയോഗിച്ചുള്ള ലോഗിന് ഏഴ് ദിവസത്തെ വാലിഡിറ്റി ആണ് ഉണ്ടാകുക. പരമാവധി ഉപഭോക്താക്കളെ പണം നല്‍കി നെറ്റ്ഫ്‌ലിക്‌സ് കാണാന്‍ നിര്‍ബന്ധിതരാക്കുകയാണ് കമ്പനി ലക്ഷ്യമിടുന്നത്.

]]> https://www.chandrikadaily.com/password-sharing-netflix-with-control.html/feed 0