അതേസമയം മൃതദേഹം നാട്ടിലെത്തിയ ശേഷം നിധീഷിന്റെ വീട്ടില്‍ സംസ്‌കരിച്ചാലും കുഴപ്പമില്ലെന്നും അമ്മ പറഞ്ഞു.

ഇക്കഴിഞ്ഞ ചൊവ്വാഴ്ച രാത്രിയായിരുന്നു കൊല്ലം കൊറ്റംകര കേരളപുരം സ്വദേശിനി രജിത ഭവനില്‍ വിപഞ്ചികയെയും മകള്‍ വൈഭവിയെയും അല്‍ നഹ്ദയിലെ താമസസ്ഥലത്ത് മരിച്ച നിലയില്‍ കണ്ടെത്തിയത്. ദുബായിലെ സ്വകാര്യ സ്ഥാപനത്തില്‍ ഫയലിങ് ക്ലര്‍ക്കാണ് വിപഞ്ചിക. ദുബായില്‍ തന്നെ ജോലി ചെയ്യുകയാണ് ഭര്‍ത്താവ് നിതീഷ്. ഇരുവരും വേര്‍പിരിഞ്ഞ് താമസിക്കുകയായിരുന്നുവെന്നാണ് വിവരം.

ഷാര്‍ജ ആശുപത്രിയില്‍ സൂക്ഷിച്ച മൃതദേഹം നിയമ നടപടികള്‍ പൂര്‍ത്തീകരിച്ച് നാട്ടിലേക്കെത്തിക്കാനുള്ള നടപടികള്‍ ആരംഭിച്ചു.

ദുബായ്- ലോകത്തെ മൂന്നാമത്തെ ഏറ്റവും വലിയ പുസ്തക മേളയായ ഷാര്‍ജ രാജ്യാന്തര പുസ്തകോല്‍സവത്തിന്റെ 41-ാമത് എഡിഷന് ഷാര്‍ജ എക്‌സ്‌പോ സെന്ററില്‍ തുടക്കമായി. 95 രാജ്യങ്ങളില്‍ നിന്നുള്ള എഴുത്തുകാരും ബുദ്ധിജീവികളും പ്രസാധകരും കലാകാരന്മാരും 12 ദിവസം നീളുന്ന സാംസ്‌കാരിക മഹോത്സവത്തില്‍ പങ്കാളികളാകും. ഈ വര്‍ഷത്തെ അതിഥി രാഷ്ട്രം ഇറ്റലിയാണ്.
ഷാര്‍ജ ബുക് അഥോറിറ്റി (എസ്ബിഎ) സംഘടിപ്പിക്കുന്ന അന്താരാഷ്ട്ര പുസ്തക മേളയില്‍ 2,213 പ്രസാധകരാണ് സാന്നിധ്യമറിയിക്കുന്നത്. അറബ് മേഖലയില്‍ നിന്നും 1,298 പ്രസാധകരാണെത്തുക. കേരളത്തില്‍ നിന്നും ഇക്കുറിയും പ്രധാനപ്പെട്ട എല്ലാ പ്രസാധനാലയങ്ങളും പങ്കെടുക്കുന്നുണ്ട്. ബുക്കര്‍ സമ്മാന ജേതാക്കളും അന്താരാഷ്ട്ര തിരക്കഥാകൃത്തുക്കളും കലാകാരന്മാരും മേളക്ക് എത്തും.

41-ാം പതിപ്പില്‍ 123 വിസ്മയ പ്രകടനങ്ങളും എട്ട് രാജ്യങ്ങളില്‍ നിന്നുള്ള 22 ആര്‍ട്ടിസ്റ്റുകള്‍ നയിക്കുന്ന സംഗീത പരിപാടികളും അരങ്ങേറും. പ്രശസ്ത അറബ്, അന്തര്‍ദേശീയ പാചക വിദഗ്ധരുടെ നേതൃത്വത്തിലുള്ള 30ലധികം കുക്കറി ഷോകളും ഇതിലുള്‍പ്പെടുന്നു. ‘വാക്ക് പരക്കട്ടെ’ (സ്‌പ്രെഡ് ദി വേഡ്) എന്നതാണ് ഈ വര്‍ഷത്തെ പുസ്തക മേളയുടെ ആശയം. 41-ാം പതിപ്പില്‍ 1.5 ദശലക്ഷം ടൈറ്റിലുകള്‍ പ്രദര്‍ശിപ്പിക്കും. കുട്ടികള്‍ക്കായി 623 ആക്റ്റിവിറ്റികളും ഷോകളും വര്‍ക്‌ഷോപ്പുകളും ഉണ്ടാകും.

സെപ്തംബര്‍ 24 വരെ എമിറേറ്റിലെ എല്ലാ സ്വകാര്യ സ്കൂളുകളിലും ഓണ്‍ലൈന്‍ പഠനം തുടരാനാണ് നിര്‍ദേശിച്ചിരിക്കുന്നത്. എല്ലാ ക്ലാസുകളിലെയും വിദ്യാര്‍ത്ഥികള്‍ക്ക് ഇത് ബാധകമായിരിക്കും. രാജ്യത്തെ കൊവിഡ് സാഹചര്യങ്ങള്‍ വിശദമായി നിരീക്ഷിച്ചുകൊണ്ടിരിക്കുകയാണെന്നും വിദ്യാര്‍ത്ഥികളുടെയും അധ്യാപകരുടെയും സുരക്ഷ ഉറപ്പുവരുത്തുന്ന തീരുമാനങ്ങളായിരിക്കും കൈക്കൊള്ളുകയെന്നും അധികൃതര്‍ അറിയിച്ചിട്ടുണ്ട്.

ഓടിക്കൊണ്ടിരുന്ന ട്രക്കിന്റെ ടയര്‍ പൊട്ടുകയും തുടര്‍ന്ന് വാഹനം നിയന്ത്രണം തെറ്റുകയുമായിരുന്നു. െ്രെഡവര്‍ക്ക് ട്രക്ക് നിയന്ത്രിക്കാന്‍ കഴിയാതെ വന്നതോടെ എതിര്‍ വശത്തെ റോഡിലേക്ക് കയറുകയും അതുവഴി വന്ന രണ്ട് പിക്ക് അപ്പ് വാഹനങ്ങളുമായി കൂട്ടിയിടിക്കുകയുമായിരുന്നുവെന്നാണ് വിവരം. ഇതില്‍ ഒരു പിക്ക് അപ്പ് വാഹനത്തിലെ െ്രെഡവറാണ് സംഭവസ്ഥലത്ത് തന്നെ മരിച്ചത്. മറ്റുള്ളവര്‍ക്ക് പരിക്കേറ്റു. പരിക്കേറ്റവരെ ഉടന്‍ തന്നെ ആശുപത്രിയിലേക്ക് മാറ്റി.

ഷാര്‍ജ: ഷാര്‍ജയില്‍ കത്തിക്കൊണ്ടിരിക്കുകയായിരുന്ന ചരക്കുകപ്പലില്‍ നിന്ന് തൊഴിലാളികളായ പതിമൂന്ന് ഇന്ത്യക്കാരെ രക്ഷപ്പെടുത്തി. ഷാര്‍ജയിലെ ഖാലിദ് തീരത്ത് ഇന്നലെ രാവിലെയാണ് അപകടമുണ്ടായത്. സംഭവത്തില്‍ അഗ്നിരക്ഷാ സേനയുടെ തക്കസമയത്തുള്ള ഇടപെടല്‍ മൂലം ആളപായമോ ആര്‍ക്കും ഗുരുതരമായ പരിക്കുകളോ ഇല്ല.

അതേസമയം അപകടത്തില്‍ വ്യാപകമായ നാശനഷ്ടമുണ്ടായി. ആറായിരം ഗാലന്‍ ഡീസലും നൂറ്റി ഇരുപതോളം വരുന്ന കയറ്റുമതി വാഹനങ്ങളും 300 ടയറുകളും പൂര്‍ണമായും കത്തിനശിച്ചു. അപകട കാരണം കണ്ടെത്തുന്നതിനായി ഷാര്‍ജ പൊലീസിലെ ഫോറന്‍സിക് വിഭാഗം പരിശോധന ആരംഭിച്ചിട്ടുണ്ട്.

തീപിടിച്ച വിവരം കിട്ടി അഞ്ചു മിനിറ്റിനകം തന്നെ പ്രതിരോധ വിഭാഗം സംഭവസ്ഥലത്തെത്തിയതിനാല്‍ വലിയ അപകടം ഉണ്ടായില്ല. ഏഴു മണിക്കൂര്‍ നീണ്ട രക്ഷാ പ്രവര്‍ത്തനത്തിനൊടുവില്‍ അപകടനില പൂര്‍ണമായും നിയന്ത്രണവിധേയമാക്കി.

ഖാലിദ് തീരത്ത് ഇത് മൂന്നാം തവണയാണ് തീപിടുത്തമുണ്ടാകുന്നത്. ഷാര്‍ജ പൊലീസും സിവില്‍ ഡിഫന്‍സ് വിഭാഗവും ചേര്‍ന്ന് എല്ലാ കപ്പല്‍ ജീവനക്കാര്‍ക്കും ഇത്തരം സാഹചര്യങ്ങളെ പ്രതിരോധിക്കാന്‍ ആവശ്യമായ ജാഗ്രതാ നിര്‍ദേശങ്ങള്‍ നല്‍കിയിട്ടുണ്ട്.

കാസര്‍കോട്: ഷാര്‍ജയില്‍ വാഹനാപകടത്തില്‍ പരിക്കേറ്റ് ഗുരുതര നിലയിലായിരുന്ന കാഞ്ഞങ്ങാട് സൗത്ത് ചിത്താരി സ്വദേശി മരിച്ചു. സൗത്ത് ചിത്താരിയിലെ ഹസന്റെ മകന്‍ മുഹമ്മദ് കുഞ്ഞി (44) യാണ് മരിച്ചത്. അഞ്ചുദിവസം മുമ്പ് സൈക്കിളില്‍ പോകുമ്പോള്‍ കാര്‍ ഇടിച്ചാണ് അപകടമുണ്ടായത്. 25വര്‍ഷമായി ഷാര്‍ജയില്‍ കട നടത്തിവരികയായിരുന്നു. രണ്ട് മാസം മുമ്പ് പള്ളിക്കര തൊട്ടിയില്‍ പുതുതായി നിര്‍മ്മിച്ച വീടിന്റെ ഗൃഹപ്രവേശനം നടത്തി ഷാര്‍ജയിലേക്ക് മടങ്ങുകയായിരുന്നു. അപകടത്തെ തുടര്‍ന്ന് ഷാര്‍ജ അല്‍ ഖാസിമി ആസ്പത്രിയില്‍ വെന്റിലേറ്ററില്‍ പ്രവേശിപ്പിച്ചിരിക്കുകയായിരുന്നു. ചൊവ്വാഴ്ച രാത്രിയോടെയാണ് മരണം സംഭവിച്ചത്. മുസ്ലിം ലീഗിന്റെ സജീവ പ്രവര്‍ത്തകന്‍ കൂടിയായിരുന്നു. മാതാവ്: നഫീസ. ഭാര്യ: ഇര്‍ഷാദ. മക്കള്‍: ഫാത്വിമ, ഫഹീമ. സഹോദരങ്ങള്‍: ലത്തീഫ് (ഷാര്‍ജ), ഷാഹുല്‍, സുബൈദ, ഫൗസിയ.

ദുബൈ: ഷാര്‍ജ രാജ്യാന്തര വിമാനത്താവളത്തില്‍ പുതിയ ടെര്‍മിനല്‍ ഏപ്രില്‍ മാസത്തില്‍ തുറക്കും. അത്യാധുനിക സംവിധാനങ്ങളോടെയുള്ള അറൈവല്‍ ടെര്‍മിനലിന്റെ പണികള്‍ ദ്രുതഗതിയില്‍ പൂര്‍ത്തിയാക്കി ഈ ഏപ്രിലില്‍ തന്നെ യാത്രക്കാര്‍ക്ക് തുറന്നുകൊടുക്കുമെന്ന് ഷാര്‍ജ രാജ്യാന്തര എയര്‍പോര്‍ട്ട് അതോറിറ്റി അറിയിച്ചു.
സ്മാര്‍ട് സെല്‍ഫ് ചെക്ക്-ഇന്‍ സംവിധാനവും മികച്ച പാര്‍കിംഗ് സൗകര്യവും ഒരുക്കുന്നുണ്ട്. മേഖലയില്‍ മികച്ച എയര്‍പോര്‍ട്ടായി വളര്‍ന്നു വരുന്ന ഷാര്‍ജക്ക് പുതിയ ടെര്‍മിനല്‍ കൂടുതല്‍ ഊര്‍ജം പകരുമെന്ന് പ്രതീക്ഷയിലാണ് അധികൃതര്‍. ലോകത്തിന്റെ 120 ഓളം സ്ഥലങ്ങളില്‍ നിന്നായി 12 മില്യന്‍ യാത്രക്കാരെയാണ് ഈ വര്‍ഷം ഇവിടെ പ്രതീക്ഷിക്കുന്നത്. 2017 വര്‍ഷത്തില്‍ 20 മില്യന്‍ യാത്രക്കാരെ കൈകാര്യം ചെയ്ത ഷാര്‍ജ എയര്‍പോര്‍ട്ടില്‍ കൂടുതല്‍ വികസനം അനിവാര്യമായ സാഹചര്യത്തിലാണ് പുതിയ വികസനം. ഇതിനായി 1.5 ബില്യന്‍ ദിര്‍ഹം ചെലവഴിച്ചതായി എയര്‍പോര്‍ട്ട് അതോറിറ്റി ഡയറക്ടര്‍ ജനറല്‍ ശൈഖ് ഫൈസല്‍ ബിന്‍ സഊദ് അല്‍കാസിമിയെ ഉദ്ധരിച്ച് പ്രമുഖ പത്രം റിപ്പോര്‍ട്ട് ചെയ്തു. എയര്‍പോര്‍ട്ടില്‍ നടപ്പാക്കിവരുന്ന അടിസ്ഥാന വികസന പദ്ധതികള്‍ രാജ്യാന്തര വിമാനങ്ങളെ കൂടുതല്‍ ആകര്‍ഷിക്കാന്‍ കഴിയുമെന്ന് അദ്ദേഹം പറഞ്ഞു. ഇതോടെ ഷാര്‍ജയില്‍ നിന്നും അമേരിക്ക, ഏഷ്യന്‍-യൂറോപ്യന്‍ രാജ്യങ്ങളിലേക്ക് കൂടുതല്‍ വിമാനങ്ങള്‍ സര്‍വീസ് നടത്തും.
എയര്‍പോര്‍ട്ടിലേക്കുള്ള റോഡ് ഗതാഗത സൗകര്യം കൂടുതല്‍ മെച്ചപ്പെടുത്തുന്നുണ്ട്. കഴിഞ്ഞ വര്‍ഷം 20 മില്യന്‍ യാത്രക്കാരെ കൈകാര്യം ചെയ്‌തെങ്കില്‍ നടപ്പുവര്‍ഷം ഇത് വര്‍ധിപ്പിക്കാനാവുമെന്ന പ്രതീക്ഷയിലാണ് അതോറിറ്റി. മാത്രമല്ല സ്മാര്‍ട് ഗെയ്റ്റുകള്‍ സ്ഥാപിക്കുന്നതോടെ യാത്രക്കാരുടെ നീണ്ട ക്യൂവും തിരക്കും ഒഴിവാക്കാനാവും. കൂടാതെ സെല്‍ഫ് ചെക്ക്-ഇന്‍ സംവിധാനവും എയര്‍പോര്‍ട്ടിന്റെ കാര്യക്ഷമത വര്‍ധിപ്പിക്കും. ഷാര്‍ജ എയര്‍പോര്‍ട്ടിന്റെ വികസനത്തോടെ എമിറേറ്റിലേക്ക് കൂടുതല്‍ യാത്രക്കാരെയും വിനോദസഞ്ചാരികളെയും ആകര്‍ഷിക്കാര്‍ കഴിയുമെന്നും അതോറിറ്റി ലക്ഷ്യമിടുന്നു. മറ്റു എമിറേറ്റുകളുടെ മധ്യത്തിലായി സ്ഥിതിചെയ്യുന്ന ഷാര്‍ജയില്‍ നിന്നും എല്ലായിടത്തേക്കും റോഡ് മാര്‍ഗമുള്ള മികച്ച ഗതാഗതസൗകര്യം എയര്‍പോര്‍ട്ടിന്റെ വികസനസാധ്യകള്‍ക്ക് കൂടുതല്‍ ഗുണകരമാവും. നാള്‍ക്കുനാള്‍ വളര്‍ന്നുവരുന്ന ഷാര്‍ജ എയര്‍പോര്‍ട്ടിന്റെ സാധ്യതകള്‍ പരമാവധി ഉപയോഗപ്പെടുത്താനുള്ള കടുത്ത ശ്രമത്തിലാണ് എയര്‍പോര്‍ട്ട് അതോറിറ്റി.