sharuk khan – Chandrika Daily

ആര്യന്‍ ഖാനെ പെടുത്തി ഷാരൂഖിനോട് പണം വാങ്ങാനായിരുന്നു നീക്കം; സമീര്‍ വാങ്കഡെയ്‌ക്കെതിരെ സിബിഐ

webdesk13 — Mon, 15 May 2023 09:53:39 +0000

ഷാരൂഖ് ഖാന്റെ മകന്‍ ആര്യന്‍ ഖാന്‍ ഉള്‍പ്പെട്ട ലഹരിക്കേസ് അന്വേഷിച്ച നര്‍കോട്ടിക്‌സ് കണ്‍ട്രോള്‍ ബ്യൂറോ മുംബൈ സോണ്‍ മുന്‍ മേധാവി സമീര്‍ വാങ്കഡെയ്‌ക്കെതിരെ സിബിഐ. സമീര്‍ വാങ്കഡെ 25കോടി നേടാന്‍ ശ്രമിച്ചെന്ന് സിബിഐ എഫ്.ഐ.ആര്‍.

ആര്യന്‍ ഖാനെ ലഹരിക്കേസില്‍ പെടുത്തി ഷാരൂഖ് ഖാനോട് പണം വാങ്ങാനായിരുന്നു നീക്കം. ഇതിനായി സമീര്‍ ഗോസാവിക്കൊപ്പം ഗൂഢാലോചന നടത്തിയെന്ന് സി.ബി.ഐ. ഷാരൂഖിനോട് സമീര്‍ ഗോസാവി 25 കോടി ആവശ്യപ്പെട്ടു. ചര്‍ച്ചയില്‍ 18 കോടിക്ക് ധാരണയായെന്നും ആദ്യഗഡുവായി 50 ലക്ഷം വാങ്ങിയെന്നും എഫ്.ഐ.ആറില്‍ പറയുന്നു.

രണ്ടായിരം പിപിഇ കിറ്റുകള്‍ സംഭാവന ചെയ്ത് ഷാരൂഖ് ഖാന്‍; കൈയടി

Test User — Sat, 24 Oct 2020 07:24:55 +0000

മുംബൈ: ഛത്തീസ്ഗഡിലെ ആരോഗ്യപ്രവര്‍ത്തകര്‍ക്കായി രണ്ടായിരം പിപിഇ കിറ്റുകള്‍ സംഭാവന ചെയ്ത് ബോളിവുഡ് സൂപ്പര്‍ താരം ഷാരൂഖ് ഖാന്‍. എന്‍ജിഒ ആയ മീര്‍ ഫൗണ്ടേഷന്‍ വഴിയാണ് താരം വ്യക്തിഗത സുരക്ഷാ കിറ്റുകള്‍ എത്തിച്ചത്. ആസിഡ് ഇരകളുടെ ക്ഷേമത്തിന് വേണ്ടി പ്രവര്‍ത്തിക്കുന്ന സംഘടനയാണ് മീര്‍ ഫൗണ്ടേഷന്‍.

ഛത്തീസ്ഗഡ് മന്ത്രി ടിഎസ് സിങ് ദേവ് ഇതേക്കുറിച്ച് ട്വീറ്റിട്ടപ്പോഴാണ് താരത്തിന്റെ സംഭാവന പുറംലോകമറിഞ്ഞത്. ‘ മീര്‍ ഫൗണ്ടേഷന്‍ വഴി പിപിഇ കിറ്റുകള്‍ നല്‍കിയ ഷാരൂഖ് ഖാന് എന്റെ ഹൃദയം നിറഞ്ഞ നന്ദി. ഇതിനായി അദ്ദേഹത്തെ ബന്ധിപ്പിച്ച രാജശ്രീക്കും നന്ദി. നമ്മുടെ ആരോഗ്യമേഖലകളിലെ നിരവധി ഹീറോകളെ സംരക്ഷിക്കാന്‍ നിങ്ങളുടെ പ്രവൃത്തി കൊണ്ടാകും’ – മന്ത്രി കുറിച്ചു.

Sir, We all are trying in whatever capacity we can to help our brothers and sisters to overcome these hard times. Wishing you the best with these endeavors too. https://t.co/pZT3kv7yle

— Shah Rukh Khan (@iamsrk) October 22, 2020

മന്ത്രിക്ക് മറുപടിയുമായി ഷാറൂഖും രംഗത്തെത്തി. ‘സര്‍, ഈ കഠിനവേളയില്‍ ഞങ്ങളുടെ ശേഷിക്കനുസരിച്ച് എല്ലാവരും നമ്മുടെ സഹോദരങ്ങളെ സംരക്ഷിക്കാന്‍ ആവതു ചെയ്യുന്നുണ്ട്. നന്മ നേരുന്നു’ – എന്നായിരുന്നു അദ്ദേഹത്തിന്റെ പ്രതികരണം.

കോവിഡിനെതിരെയുള്ള പോരാട്ടത്തില്‍ ആദ്യമായല്ല ഷാരൂഖ് പങ്കാളിയാകുന്നത്. നേരത്തെ പിഎം കെയേഴ്‌സ് ഫണ്ട്, മഹാരാഷ്ട്ര, ഡല്‍ഹി, പശ്ചിമബംഗാള്‍ മുഖ്യമന്ത്രിമാരുടെ ദുരിതാശ്വാസ നിധി എന്നിവിടങ്ങളിലേക്ക് എല്ലാം താരം സഹായം നല്‍കിയിരുന്നു. മുംബൈയില്‍ താരത്തിന്റെ സ്വകാര്യ ഓഫീസ് ക്വാറന്റൈന്‍ സൗകര്യമുള്ള സ്ഥലമാക്കി മാറ്റുകയും ചെയ്തിട്ടുണ്ട്.

‘പൊക്കത്തിലും നിറത്തിലും ഒക്കെ എന്താണ് കാര്യം’; ഷാറൂഖ് ഖാന്റെ മകള്‍ സുഹാന ചോദിക്കുന്നു

Test User — Thu, 01 Oct 2020 15:01:35 +0000

മുംബൈ: നിറത്തിന്റെ പേരില്‍ വര്‍ഷങ്ങളായി അധിക്ഷേപങ്ങള്‍ നേരിട്ടു കൊണ്ടിരിക്കുകയാണ് എന്നും അവരോട് സഹതാപമേ ഉള്ളൂവെന്നും നടന്‍ ഷാറൂഖ് ഖാന്റെ മകള്‍ സുഹാന. കറുത്തിട്ടാണ്, പുരുഷനെപ്പോലിരിക്കുന്നു, നിറം മാറ്റണം തുടങ്ങി നിരവധി അധിക്ഷേപങ്ങള്‍ വന്നിട്ടുണ്ടെന്ന് സുഹാന വെളിപ്പെടുത്തി. ഇന്‍സ്റ്റഗ്രാമിലാണ് അവരുടെ പ്രതികരണം. ഇതിന്റെ സ്‌ക്രീന്‍ ഷോട്ടുകളും അവര്‍ പങ്കുവച്ചു.

‘പന്ത്രണ്ടാം വയസ്സുമുതല്‍ നിറത്തിന്റെ പേരില്‍ തന്നെ വിരൂപയെന്ന വിളികേട്ടയാളാണ് ഞാന്‍. ഈ പ്രായപൂര്‍ത്തിയായവരൊക്കെ നമ്മള്‍ എല്ലാം ഇന്ത്യക്കാരാണ്, അതിനാല്‍ ബ്രൗണ്‍ നിറത്തിലുള്ളവരാണെന്ന സത്യം മനസ്സിലാക്കണം. . വ്യത്യസ്തമായ പല വര്‍ണ്ണവ്യത്യാസങ്ങളുണ്ടെങ്കിും എത്രയൊക്കെ ശ്രമിച്ചാലും നിറത്തില്‍ നിന്ന് മാറി നില്‍ക്കാന്‍ ആവില്ലലോ, നിങ്ങളുടെ ആളുകളെത്തന്നെ വെറുക്കുന്നു എന്നതിനര്‍ത്ഥം നിങ്ങള്‍ക്കുള്ളിലെ അരക്ഷിതാവസ്ഥയല്ലേ’ – അവര്‍ ചോദിച്ചു.

https://www.instagram.com/p/CFugYlIHC-7/?utm_source=ig_web_copy_link

‘അഞ്ചടി പൊക്കവും വെളുത്ത നിറവുമില്ലെങ്കില്‍ സുന്ദരിയല്ല എന്ന് നമ്മുടെ വിവാഹ വീടുകളില്‍ നിങ്ങള്‍ കേള്‍ക്കുന്നുണ്ടെങ്കില്‍ ഞാന്‍ ക്ഷമ ചോദിക്കുന്നു. ഞാന്‍ അഞ്ചടി മൂന്ന് ഇഞ്ച് ഉയരമുള്ള ബ്രൗണ്‍ നിറമുള്ളയാളാണ്, അതില്‍ സന്തോഷവതിയുമാണ്. നിങ്ങളും അങ്ങനെയാകൂ’ – അവര്‍ കുറിച്ചു.