ഷാരൂഖ് സെയ്‌ഫിയെ ഷൊർണൂരിൽ എത്തിച്ചു തെളിവെടുപ്പ് നടത്തി

webdesk15 — Fri, 14 Apr 2023 10:51:52 +0000

എലത്തൂർ ട്രെയിൻ ആക്രമണ കേസ് പ്രതി ഷാറൂഖ് സെയ്ഫിയെ ഷൊർണൂരിലെത്തിച്ചു തെളിവെടുപ്പ് നടത്തി . ആദ്യം പ്രതി ആക്രമണത്തിനായി പെട്രോൾ വാങ്ങിയ പെട്രോൾ പമ്പിലെത്തിച്ചാണ് തെളിവെടുപ്പ് നടത്തിയത്. പെട്രോൾ പമ്പ് ജീവനക്കാരിൽ നിന്നടക്കം പ്രതിയെ കുറിച്ചും സംഭവത്തെ കുറിച്ചും പൊലീസ് വിവരങ്ങൾ തേടി.സായുധ സേനാംഗങ്ങളുടെ കൂടി സുരക്ഷയിലാണ് തെളിവെടുപ്പ് നടക്കുന്നത്.

ട്രെയിന്‍ തീവെപ്പ് കേസ് പ്രതിയെ വൈദ്യപരിശോധനക്ക് മെഡിക്കല്‍ കോളേജില്‍ എത്തിച്ചു, കോടതിയില്‍ ഇന്ന് ഹാജരാക്കും

webdesk13 — Thu, 06 Apr 2023 07:58:49 +0000

ട്രെയിന്‍ തീവെപ്പ് കേസ് പ്രതി ഷാറൂഖ് സെയ്ഫിയെ വൈദ്യ പരിശോധനക്ക് ഹാജരാക്കി. കോഴിക്കോട് മെഡിക്കല്‍ കോളേജിലാണ് ഹാജരാക്കിയത്. ട്രെയിന്‍ യാത്രക്കാര്‍ക്ക് നേരെ പെട്രോള്‍ ഒഴിച്ച് തീകൊളുത്തിയപ്പോള്‍ പ്രതിയുടെ മുഖത്തിന് പൊള്ളലേറ്റിരുന്നു. ഈ പൊള്ളല്‍ ഗുരുതരമാണോ എന്ന് വൈദ്യ പരിശോധനയില്‍ സ്ഥിരീകരിക്കും. വൈദ്യ പരിശോധന പൂര്‍ത്തിയായ ശേഷം പ്രതിയെ കോടതിയില്‍ ഹാജരാക്കും. എന്നാല്‍, കോടതി ഇന്ന് അവധിയായതിനാല്‍ ചീഫ് ജുഡീഷ്യല്‍ മജിസ്‌ട്രേറ്റിന്റെ ഔദ്യോഗിക വസതിയിലാകും പ്രതിയെ ഹാജരാക്കുക. പ്രതിയെ കസ്റ്റഡിയില്‍ വിട്ടുകിട്ടാനുള്ള അപേക്ഷയും പൊലീസ് കോടതിയില്‍ നല്‍കും.

കേസുമായി ബന്ധപ്പെട്ട് എഫ്.ഐ.ആര്‍ സി.ജെ.എം കോടതിയില്‍ റെയില്‍വേ പൊലീസ് നേരത്തെ സമര്‍പ്പിച്ചിട്ടുണ്ട്. തെളിവുകളടക്കം വിവരിച്ച് രണ്ട് പട്ടികയായുള്ള മഹസറും കോടതിക്ക് കൈമാറി.

sharukh saifi – Chandrika Daily

ഷാരൂഖ് സെയ്‌ഫിയെ ഷൊർണൂരിൽ എത്തിച്ചു തെളിവെടുപ്പ് നടത്തി