ന്യൂഡല്‍ഹി: അന്തരിച്ച ഡല്‍ഹി കോണ്‍ഗ്രസ് അദ്ധ്യക്ഷയും മുന്‍ ഡല്‍ഹി മുഖ്യമന്ത്രിയുമായ ഷീല ദീക്ഷിതിന്റെ സംസ്‌കാരചടങ്ങുകള്‍ നടന്നു. നിഗംബോധ് ഘട്ടില്‍ ഔദ്യോഗിക ബഹുമതികളോടെയായിരുന്നു ചടങ്ങ്. കനത്ത മഴയെ വകവയ്ക്കാതെ ആയിരക്കണക്കിന് പേര്‍ പ്രിയനേതാവിന് അന്ത്യമൊഴിയേകാനെത്തി. രണ്ട് മണിക്കൂര്‍ നീണ്ട പൊതുദര്‍ശനത്തിന് ശേഷം എ.ഐ.സി.സി ആസ്ഥാനത്ത് നിന്ന് വിലാപയാത്രയായാണ് മൃതദേഹം നിധംബോധ്ഘട്ടിലെത്തിച്ചത്. യു.പി.എ അധ്യക്ഷ സോണിയ ഗാന്ധി, മുതിര്‍ന്ന കോണ്‍ഗ്രസ് നേതാക്കളായ മന്‍മോഹന്‍ സിങ്, മോത്തിലാല്‍ വോറ, എ.കെ ആന്റണി തുടങ്ങിയവര്‍ ആദരാഞ്ജലിയര്‍പ്പിച്ചു. സംസ്ഥാനത്തെ സര്‍ക്കാരിനെ പ്രതിനിധീകരിച്ച് മന്ത്രി ഇ.ചന്ദ്രശേഖരനുമെത്തി. മലയാളികള്‍ക്ക് എന്നും പ്രത്യേക പരിഗണന നല്‍കിയ ഷീലാ ദീദിയെ കുറിച്ചുള്ള ഓര്‍മകള്‍ ഡല്‍ഹി മലയാളികളും പങ്കുവച്ചു.

മുതിര്‍ന്ന ബി.ജെ.പി നേതാക്കളായ എല്‍.കെ.അഡ്വാനി, സുഷമ സ്വരാജ്, നാഷ്ണല്‍ കോണ്‍ഫ്രന്‍സ് നേതാവ് ഒമര്‍ അബ്ദുല്ല തുടങ്ങിയവര്‍ വസതിയിലെത്തി അന്തിമോപചാരമര്‍പ്പിച്ചു. ഹൃദയസംബന്ധമായ അസുഖത്തിന് ഏറെ നാളായി ചികില്‍സയിലായിരുന്നെങ്കിലും അവസാനനിമിഷം വരെ പൊതുപ്രവര്‍ത്തനരംഗത്ത് സജീവമായിരുന്നു. ഇന്നലെ വൈകിട്ട് നാല് മണിയോടെയായിരുന്നു അന്ത്യം.

സഖ്യം രൂപീകരിക്കാനുളള ആവശ്യം കോണ്‍ഗ്രസ് നിരസിച്ചു എന്ന് ആരോപിച്ച് അരവിന്ദ് കെജ്‌രിവാളാണ് സ്ഥാനാര്‍ത്ഥികളെ പ്രഖ്യാപിച്ചത്. ആറ് മണ്ഡലങ്ങളിലെ സ്ഥാനാര്‍ത്ഥികളെ പ്രഖ്യാപിക്കുകയും ചെയ്തിരുന്നു. പിന്നീട് സഖ്യസാധ്യത ആരാഞ്ഞ് രാഹുല്‍ ഗാന്ധി ഇടപെടുകയായിരുന്നു.

ഇത്തവണ ബി.ജെ.പിയെ പരാജയപ്പെടുത്താന്‍ സഖ്യംരൂപീകരിക്കാന്‍ കോണ്‍ഗ്രസ് തയ്യാറാകണമെന്ന ആവശ്യം അരവിന്ദ് കെജ്‌രിവാളാണ് ആദ്യം ഉന്നയിച്ചത്. സമാനചിന്താഗതിക്കാരെ സംഘടിപ്പ് ഡല്‍ഹിയില്‍ ആംആദ്മി പാര്‍ട്ടിയുടെ നേതൃത്വത്തില്‍ മഹാറാലിയും സംഘടിപ്പിച്ചിരുന്നു. പശ്ചിമബംഗാള്‍ മുഖ്യമന്ത്രി മമത ബാനര്‍ജി, അന്ധ്രാ പ്രദേശ് മുഖ്യമന്ത്രി ചന്ദ്രബാബു നായിഡു തുടങ്ങിയ നിരവധി പ്രതിപക്ഷ നേതാക്കന്‍മാരും റാലിയില്‍ സംബന്ധിച്ചിരുന്നു. ഡല്‍ഹിയിലെ ഏഴ് ലോക്‌സഭാ മണ്ഡലങ്ങളിലും കഴിഞ്ഞ തെരഞ്ഞടുപ്പില്‍ ബിജെപിക്കായിരുന്നു വിജയം.

AICC Press briefing by @rssurjewala & @ajaymaken on the return of @ArvinderLovely to the Congress family. https://t.co/H45HNhN9cX

— Congress (@INCIndia) February 17, 2018

പാര്‍ട്ടി മാറ്റം സംബന്ധിച്ച ഔദ്യോഗിക പ്രഖ്യാപനം പത്രസമ്മേളനത്തില്‍ ഉണ്ടാവുമെന്ന് കോണ്‍ഗ്രസ് അറിയിച്ചു. കഴിഞ്ഞ തെരഞ്ഞെടുപ്പ് കാലത്ത് യൂത്ത് കോണ്‍ഗ്രസ് നേതാവ് അമിത് മാലിക്കിന്റെ കൂടെയാണ് അര്‍വീന്ദര്‍ സിങ് ബി.ജെ.പിയില്‍ ചേര്‍ന്നത്. ഷീലാ ദീക്ഷിതിന്റെ നേതൃത്വത്തിലുള്ള കോണ്‍ഗ്രസ് സര്‍ക്കാറില്‍ വിദ്യാഭ്യാസം, ഗതാഗതം, ടൂറിസം അടക്കം സുപ്രധാന വകുപ്പുകളുടെ ചുമതലയുള്ള മന്ത്രിയായിരുന്നു അദ്ദേഹം.
ആശയപരമായി തനിക്ക് യോജിച്ച പാര്‍ട്ടിയല്ല ബി.ജെ.പി എന്നായിരുന്നു മടങ്ങിയെത്തിയ ലൗലിയുടെ ആദ്യ പ്രതികരണം. തന്റെ പാളയത്തില്‍ മടങ്ങിയെത്തിയതില്‍ സന്തോഷമുണ്ടെന്നും മുന്‍ മന്ത്രി കൂടിയായ ലൗലി പറഞ്ഞു. ഡല്‍ഹിയുടെ ചുമതലയുള്ള എഐസിസി പ്രതിനിധി പി.സി. ചാക്കോയും അയജ് മാക്കനും ചേര്‍ന്നാണ് അദ്ദേഹത്തെ തിരികെ സ്വാഗതം ചെയ്തത്.

ലൗലിയുടെ കോണ്‍ഗ്രസ് പ്രവേശനം ഷീല ദീക്ഷിത് സ്വാഗതം ചെയ്തു. ‘മടങ്ങിയതില്‍ സന്തോഷമുണ്ട്. ഏറ്റവും നല്ലത് സ്വന്തം വീടാണെന്ന് ഒടുവില്‍ അവന്‍ തിരിച്ചറിഞ്ഞു. ഷീലാ ദിക്ഷിത് പറഞ്ഞു.

ബി.ജെ.പിക്ക് അനുകൂലമായാണ് കോര്‍പ്പറേഷന്‍ തെരഞ്ഞെടുപ്പ് ഫലം. ഈ അവസരത്തില്‍ കോണ്‍ഗ്രസ്സിന് ആത്മപരിശോധനയാണ് വേണ്ടത്. തെരഞ്ഞെടുപ്പ് ഒരുക്കങ്ങള്‍ കൈകാര്യം ചെയ്യുന്നതില്‍ വീഴ്ച്ചപറ്റിയെന്നും മുതിര്‍ന്ന കോണ്‍ഗ്രസ് നേതാവുകൂടിയായ ഷീലാ ദീക്ഷിത് പറഞ്ഞു. കെജ്‌രിവാളിനെ ജനങ്ങള്‍ മനസ്സിലാക്കിയിരിക്കുകയാണ്. കോണ്‍ഗ്രസ്സിനേയും കെജ്‌രിവാളിനേയും താരതമ്യം ചെയ്യരുത്. ഉത്തരവാദിത്തത്തോടെയുള്ള തെരഞ്ഞെടുപ്പ് പ്രചാരണം കോണ്‍ഗ്രസ്സിന്റെ ഭാഗത്തുനിന്നുണ്ടായില്ല. ആരും പ്രചാരണത്തിന് തന്നോട് പറഞ്ഞില്ലെന്നും അതുകൊണ്ട് പ്രചാരണങ്ങളില്‍ നിന്ന് വിട്ടുനില്‍ക്കുകയായിരുന്നുവെന്നും അവര്‍ പറഞ്ഞു. ഇലക്ട്രോണിക് വോട്ടിംങ് മെഷീനുമായി ബന്ധപ്പെട്ട ആരോപണങ്ങളില്‍ സര്‍ക്കാരും തെരഞ്ഞെടുപ്പ് കമ്മീഷനും പരിഹാരം കാണണമെന്നും ഷീല ദീക്ഷിത് കൂട്ടിച്ചേര്‍ത്തു.

തുടര്‍ച്ചയായി മൂന്നാം തവണയും ഡല്‍ഹി കോര്‍പ്പറേഷനിലേക്ക് ബി.ജെ.പിയാണ് ജയിച്ചുകയറിയത്. കോണ്‍ഗ്രസ്സിനെ പിന്നിലാക്കി ആംആദ്മി പാര്‍ട്ടിയാണ് രണ്ടാം സ്ഥാനത്ത്. തെരഞ്ഞെടുപ്പ് പരാജയത്തിന്റെ ഉത്തരവാദിത്തം ഏറ്റെടുത്ത് സംസ്ഥാനത്തെ കോണ്‍ഗ്രസ് അധ്യക്ഷസ്ഥാനം അജയ് മാക്കന്‍ രാജിവെച്ചു.