കേസ് നവംബര്‍ അഞ്ചിലേക്ക് മാറ്റിവച്ചു. അതുവരെ ഷെഹ്‌ലയെ അറസ്റ്റ് ചെയ്യരുത്. അന്വേഷണ ഉദ്യോഗസ്ഥരുടെ ആവശ്യം അനുസരിച്ച ചോദ്യം ചെയ്യലിന് സഹകരിക്കണമെന്നും കോടതി പറഞ്ഞു.

ആര്‍ട്ടിക്കിള്‍ 370 റദ്ദാക്കിയതിന് പിന്നാലെ ഏര്‍പ്പെടുത്തിയ നിയന്ത്രണങ്ങള്‍ക്കിടെ ജമ്മു കശ്മീരില്‍ സൈന്യം മനുഷ്യാവകാശ ലംഘനം നടത്തുന്നുവെന്ന ഷെഹ്‌ല റാഷിദിന്റെ ട്വീറ്റുകളിലാണ് കേസ്. കശ്മീരില്‍ സൈന്യം ബിജെപിയുടെ അജണ്ട നടപ്പാക്കുകയാണെന്നും ഷെഹ്‌ല ആരോപിക്കുകയുണ്ടായി. എന്നാല്‍ ഷെഹ്‌ലയുടെ ആരോപണം വ്യാജമാണെന്നായിരുന്നു സൈന്യത്തിന്റെ വിശദീകരണം. എന്നാല്‍ സൈന്യം അന്വേഷണം നടത്താന്‍ തയ്യാറാണെങ്കില്‍ താന്‍ തെളിവുകള്‍ ഹാജരാക്കുമെന്ന് ഷെഹ്‌ല മറുപടി നല്‍കിയിരുന്നു.

കാശ്മീരില്‍ ഇന്ത്യന്‍ സൈന്യം വീടുകളില്‍ നിന്നും യുവാക്കളെ പിടിച്ചുകൊണ്ടുപോകുന്നുവെന്നും വീടുകളില്‍ അനധികൃതമായി പരിശോധന നടത്തുന്നുവെന്നും ഷെഹ്‌ല റാഷിദ് പറഞ്ഞിരുന്നു. എന്നാല്‍ ഷെഹ്‌ല റാഷിദിന്റെ വാദം സൈന്യം തള്ളിയിരുന്നു. ഇന്ത്യന്‍ ആര്‍മി അന്വേഷണക്കമ്മിഷനെ രൂപീകരിച്ചാല്‍ തെളിവു നല്‍കാന്‍ തയ്യാറാണെന്നും ഷെഹ്ല റാഷിദ് വ്യക്തമാക്കിയിട്ടുണ്ട്.

സംഘടിതമായ രാഷ്ട്രീയ രീതിയിലാണ് താന്‍ വിശ്വസിക്കുന്നതെന്നും മത്സരിക്കുന്നുണ്ടെങ്കില്‍ അത് മുഖ്യധാരാ പാര്‍ട്ടികളിലൂടെയായിരിക്കുമെന്നും വ്യക്തിപ്രഭാവത്തില്‍ വിശ്വസിക്കുന്നില്ലെന്നും കനയ്യകുമാര്‍ വ്യക്തമാക്കി.

‘കോണ്‍ഗ്രസ്, രാഷ്ട്രീയ ജനതാദള്‍ (ആര്‍.ജെ.ഡി), ഇടതുപക്ഷം തുടങ്ങിയവര്‍ ബിഹാറില്‍ സഖ്യമുണ്ടാക്കി ഒരു പൊതു സ്ഥാനാര്‍ത്ഥിയാവാന്‍ എന്നോട് ആവശ്യപ്പെടുകയും പണം സമാഹരിക്കുകയും ചെയ്താല്‍ ഞാന്‍ മത്സരിക്കും’; കനയ്യകുമാര്‍ പറഞ്ഞു.
ബിഹാറിലെ സ്വന്തം മണ്ഡലമായ ബെഗുസരായിയില്‍ മത്സരിക്കാനാണ് കനയ്യകുമാര്‍ ആലോചിക്കുന്നത്.

ജെ.എന്‍.യു സര്‍വകലാശാല യൂണിയന്‍ വൈസ്പ്രസിഡന്റായിരുന്ന ഷഹ്‌ലയും 2019ലെ തെരഞ്ഞെടുപ്പില്‍ മത്സരിക്കും. തെരഞ്ഞെടുപ്പില്‍ മത്സരിക്കേണ്ട സാഹചര്യമുണ്ടായാല്‍ താന്‍ മത്സരിക്കുമെന്ന് ഷഹ്‌ല പറഞ്ഞു. ശ്രീനഗര്‍ സ്വദേശിയായ ഷഹ്‌ല യു.പിയില്‍ മത്സരിച്ചേക്കുമെന്ന് ഹിന്ദുസ്ഥാന്‍ ടൈംസ് റിപ്പോര്‍ട്ട് ചെയ്തു. ഭരണഘടന ഭീഷണി നേരിടുകയാണെന്നും പ്രതിപക്ഷ പാര്‍ട്ടികള്‍ക്കൊപ്പം നില്‍ക്കാന്‍ തയാറാണെന്നും ഷെഹ്‌ല പറഞ്ഞു.

സംഘപരിവാര്‍ ശക്തികള്‍ക്കെതിരെ നിരന്തരം ശബ്ദമുയര്‍ത്തിയ മാധ്യമപ്രവര്‍ത്തക ഗൗരി ലങ്കേഷിന്റെ കൊലപാതകവുമായി ബന്ധപ്പെട്ട പ്രതിഷേധ പരിപാടിക്കിടെയായിരുന്നു സംഭവം.

പ്രതിഷേധ സംഗമത്തില്‍ ഷെഹ്‌ല സംസാരിക്കവെ മൈക്ക് നീട്ടിയ റിപ്പബ്ലിക് ടി.വി പ്രതിനിധിയോട് കടുത്ത ഭാഷയിലാണ് അവര്‍ പ്രതികരിച്ചത്.

‘സംഘപരിവാറിന്റെ കുഴലൂത്തുകാരായ നിങ്ങളെ ഒരു മാധ്യമമായി കാണാനാകില്ല. നിങ്ങള്‍ ഗൗരി ലങ്കേഷിന്റെ കൊലപാതകം മൂടിവെക്കാന്‍ ശ്രമിക്കുന്നവരാണ്. നിങ്ങളെ ഇവിടെ ആവശ്യമില്ല. ഇറങ്ങി പോകൂ പുറത്ത്.

സംഭാവന നല്‍കുന്ന ബിജെപി എം.പിയടെ ആജ്ഞാനുവര്‍ത്തിയാണ് ഈ ചാനലിലെ ആളുകള്‍. ആരെങ്കിലും ഗൗരി ലങ്കേഷിന്റെ മരണം ആഘോഷിക്കുന്നുണ്ടെങ്കില്‍ അതിനെ ശക്തമായ ഭാഷയില്‍ അപലപിക്കുന്നു’-ഷഹ്‌ല പറഞ്ഞു.

Watch Video: