shibhu baby john – Chandrika Daily

കർണാടകയിൽ ബി ജെ പിയെ പരാജയപെടുത്തിയത് കോൺഗ്രസ് എന്ന് പറയാതിരിക്കാൻ സിപിഎം നേതാക്കൾക്ക് അതീവ ശ്രദ്ധ ; ഷിബു ബേബി ജോൺ

webdesk15 — Mon, 15 May 2023 03:22:41 +0000

കർണാടക തെരഞ്ഞെടുപ്പ് ഫലത്തിലൂടെ സിപി എമ്മിന്റെ ആത്മാർഥത ചോദ്യം ചെയ്യപ്പെടുകയാണെന്ന് ആർഎസ്‌പി സംസ്ഥാന സെക്രട്ടറി ഷിബു ബേബി ജോൺ പറഞ്ഞു. കോൺഗ്രസ് നേടിയ വിജയത്തിന് പിന്നാലെ ഭൂരിപക്ഷം നേതാക്കളും മൗനവൃതത്തിലാണ്. ഇവരുടെ പ്രതികരണങ്ങളിൽ കോൺഗ്രസ് എന്ന് പറയാതിരിക്കാൻ അതീവ ശ്രദ്ധയാണ് കാണിച്ചതെന്നും അദ്ദേഹം പറഞ്ഞു. മുഖ്യമന്ത്രി പിണറായി വിജയനും സിപിഎം സംസ്ഥാന സെക്രട്ടറി എം.വി.ഗോവിന്ദനും കോൺഗ്രസ് വിജയത്തിൽമനസ്സില്ലാ മനസോടെയാണ് പ്രതികരിച്ചത്. ഏതോ ഒരു പാർട്ടിയോട് ബിജെപി തോറ്റെന്ന തരത്തിലായിരുന്നു നേതാക്കളുടെ പ്രതികരണങ്ങൾ.

തൂക്കുമന്ത്രിസഭ ഉണ്ടാകുകയാണെങ്കിൽ ബിജെപിയെ പിന്തുണയ്‌ക്കാൻ തയ്യാറായിരുന്ന ജനതാദൾ എസിനായിരുന്നു നാല് സീറ്റുകളിലൊഴികെ സിപിഎം പിന്തുണ. ഇതിലൂടെ സിപിഎമ്മിന്റെ ഫാസിസ്റ്റ് വിരുദ്ധ പോരാട്ടങ്ങളിലെ സിപിഎമ്മിന്റെ ആത്മാർത്ഥതയാണ് ചോദ്യം ചെയ്യപ്പെടുന്നതെന്നും ഷിബു ബേബി ജോൺ പറഞ്ഞു.

ചെയ്യേണ്ട ജോലി ചെയ്യാതെ പി ആര്‍ വര്‍ക്കിന് പോകുന്ന ആരോഗ്യമന്ത്രി; രൂക്ഷവിമര്‍ശനവുമായി ഷിബു ബേബിജോണ്‍

Test User — Mon, 19 Oct 2020 15:21:55 +0000

തിരുവനന്തപുരം: കഴിഞ്ഞ രണ്ടാഴ്ചയായി കേരളത്തിലെ ആരോഗ്യരംഗത്ത് സംഭവിച്ച വീഴ്ചകള്‍ എണ്ണിപ്പറഞ്ഞ് ഷിബു ബേബിജോണ്‍. ലോകത്തിന് മാതൃകയായ കേരളത്തിലെ ആരോഗ്യരംഗത്തെ സമ്പൂര്‍ണമായി തകര്‍ത്തുവെന്ന് അദ്ദേഹം കുറ്റപ്പെടുത്തി. കിരീടം തേടിയുള്ള പ്രയാണമാണ് കെ.കെ ശൈലജ ടീച്ചര്‍ നടത്തുന്നത്. നിപ്പ രാജകുമാരി, കോവിഡ് റാണി എന്ന വിശേഷണങ്ങള്‍ തന്നെയാണ് ആരോഗ്യമന്ത്രിയ്ക്ക് അനുയോജ്യമെന്നും ചെയ്യേണ്ട പണി ചെയ്യാതെ പി.ആര്‍ വര്‍ക്കിന് പിന്നാലെ പോകുന്ന ശൈലജ ടീച്ചറെ മറ്റൊന്നും വിളിക്കാനില്ലെന്നും ഷിബു ബേബി ജോണ്‍ ഫെയ്‌സ്ബുക്ക് വിഡിയോയില്‍ പറഞ്ഞു.

https://www.facebook.com/100003892223256/videos/1889405941199128/

ചവറയില്‍ ഷിബു ബേബി ജോണ്‍ യുഡിഎഫ് സ്ഥാനാര്‍ത്ഥി

Test User — Sat, 05 Sep 2020 10:48:38 +0000

കൊല്ലം: ചവറയില്‍ ഷിബു ബേബി ജോണ്‍ യുഡിഎഫ് സ്ഥാനാര്‍ത്ഥി. സ്ഥാനാര്‍ഥിയായി ഷിബു ബേബി ജോണിനെ ആര്‍എസ്പി സംസ്ഥാന സമിതി യോഗം തീരുമാനിച്ചു. ആര്‍എസ്പി കേന്ദ്ര കമ്മിറ്റി യോഗം സ്ഥാനാര്‍ഥിത്വം അംഗീകരിച്ചു. ഇതു സംബന്ധമായ കത്ത് യുഡിഎഫ് ചെയര്‍മാനും കണ്‍വീനര്‍ക്കും നല്‍കിയിട്ടുണ്ട്. യോഗത്തില്‍ പ്രൊഫ: ടി.ജെ.ചന്ദ്രചൂഡന്‍ , എന്‍.കെ.പ്രേമചന്ദ്രന്‍, സെക്രട്ടറി എ.എ.അസീസ്, ബാബു ദിവാകരന്‍ എന്നിവര്‍ പങ്കെടുത്തു.