shigella – Chandrika Daily

മലപ്പുറത്ത് 4 കുട്ടികള്‍ക്ക് ഷിഗല്ല രോഗം സ്ഥിരീകരിച്ചു; 127 പേര്‍ ചികിത്സയില്‍

webdesk14 — Mon, 01 Jul 2024 07:03:20 +0000

മലപ്പുറം: മലപ്പുറം കോഴിപ്പുറം വെണ്ണായൂർ എഎംഎൽപി സ്കൂളിലെ വിദ്യാർത്ഥികൾക്ക് ഷിഗല്ല രോഗബാധ സ്ഥിരീകരിച്ചു. സ്കൂളിലെ ഉച്ചഭക്ഷണം കഴിച്ച 127 പേർക്ക് ഭക്ഷ്യവിഷബാധയേറ്റിരുന്നു. ഇതിൽ നാല് വിദ്യാർത്ഥികൾക്ക് ഷിഗല്ല ബാക്ടീരിയ അണുബാധ സ്ഥിരീകരിച്ചു. ദഹനവ്യവസ്ഥയെ തകരാറിലാക്കുന്ന ബാക്ടീരിയ മൂലമാണ് രോഗം പടരുന്നത്.

രോഗലക്ഷണങ്ങൾ:

കടുത്ത വയറുവേദന
ഛർദി

നിലവിൽ:

രോഗം സ്ഥിരീകരിച്ച കുട്ടികൾ വീട്ടിൽ ചികിത്സയിൽ
ആരുടെയും നില ഗുരുതരമല്ല
സ്കൂളിൽ നിന്ന് കഴിച്ച ഭക്ഷണം പരിശോധനക്ക് അയച്ചു
രോഗം പടരാനുള്ള കാരണം വ്യക്തമാകാൻ ഫലം കാത്തിരിക്കുക

ജാഗ്രതാ നിർദ്ദേശങ്ങൾ:

ജില്ലയിലെ മറ്റ് സ്കൂളുകൾക്ക് ഭക്ഷണം സുരക്ഷിതമായി സൂക്ഷിക്കാൻ നിർദ്ദേശം
വള്ളിക്കുന്നിൽ മഞ്ഞപ്പിത്തം വ്യാപിക്കുന്നുണ്ട്. അത്താണിക്കലാണ് ഏറ്റവും കൂടുതൽ രോഗികൾ ഉള്ളത്.
284 രോഗികൾ അത്താണിക്കലിൽ ചികിത്സയിൽ
ആരോഗ്യവകുപ്പ് കടുത്ത ജാഗ്രതാ നിർദ്ദേശം നൽകി

വീണ്ടും ഷിഗല്ല; എറണാകുളം ജില്ലയില്‍

web desk 1 — Mon, 11 Jan 2021 15:47:02 +0000

എറണാകുളം ജില്ലയില്‍ രണ്ടാമത്തെ ഷിഗല്ല കേസ് റിപ്പോര്‍ട്ട് ചെയ്തു. വാഴക്കുളം പഞ്ചായത്തിലെ 39 വയസ്സുള്ള യുവാവിനാണ് ഷിഗല്ല സ്ഥിരീകരിച്ചത്. സ്വകാര്യ ആശുപത്രിയില്‍ ചികിത്സ തേടിയ ഇദ്ദേഹത്തിന്റെ സാമ്പിളികളുടെ തുടര്‍ പരിശോധന റീജിയണല്‍ പബ്‌ളിക്ക് ഹെല്‍ത്ത് ലാബിലും, ഗവ: മെഡിക്കല്‍ കോളജ് കളമശേരിയിലും നടത്തിയതിയിരുന്നു. തുടര്‍ന്ന് ഷിഗല്ല രോഗം സ്ഥിരീകരിക്കുകയായിരുന്നു. ചികിത്സയെ തുടര്‍ന്ന് ഇദ്ദേഹത്തിന്റെ നില തൃപ്തികരമായി തുടരുന്നു.

ജില്ലാ ആരോഗ്യ വിഭാഗവും, വാഴക്കുളം ആരോഗ്യ കേന്ദ്രത്തിലെ മെഡിക്കല്‍ ഓഫിസര്‍മാരും ആരോഗ്യ പ്രവര്‍ത്തകരും പ്രദേശത്ത് സന്ദര്‍ശനം നടത്തുകയും തുടര്‍ പരിശോധനകളും പ്രതിരോധ പ്രവര്‍ത്തനങ്ങളും ബോധവത്കരണവും നടത്തി.

മലപ്പുറത്ത് ഒന്നര വയസുള്ള കുഞ്ഞിന് ഷിഗെല്ല

web desk 1 — Wed, 06 Jan 2021 11:24:37 +0000

മലപ്പുറം: ജില്ലയിലെ തിരൂരങ്ങാടി എആര്‍ നഗറിലെ ഒന്നര വയസ്സുള്ള കുട്ടിക്ക് ഷിഗെല്ല വൈറസ് സ്ഥിരീകരിച്ചു. കോഴിക്കോട് ഗവണ്‍മെന്റ് മെഡിക്കല്‍ കോളേജ് മാതൃശിശു സംരക്ഷണകേന്ദ്രത്തില്‍ ചികിത്സയില്‍ കഴിയുന്ന കുഞ്ഞിന്റെ ആരോഗ്യനില തൃപ്തികരമാണെന്ന് ആശുപത്രി അധികൃതര്‍ അറിയിച്ചു. രോഗബാധ സ്ഥിരീകരിച്ച സാഹചര്യത്തില്‍ മുന്‍കരുതല്‍ സ്വീകരിക്കണമെന്നാണ് ആരോഗ്യ വകുപ്പിന്റെ മുന്നറിയിപ്പ്.

അതേ സമയം നേരത്തെ കണ്ണൂരിലും പുതിയ ഷിഗെല്ല കേസ് റിപ്പോര്‍ട്ട് ചെയ്തിരുന്നു. വയറിളക്കത്തെ തുടര്‍ന്ന് ആശുപത്രിയില്‍ പ്രവേശിപ്പിച്ച ആറുവയസുകാരന് ഷിഗല്ലയാണെന്ന് കണ്ടെത്തുകയായിരുന്നു.

ചിറ്റാരിപ്പറമ്പ് പഞ്ചായത്ത് എട്ടാം വാര്‍ഡ് പൂവത്തിന് കീഴിലാണ് രോഗബാധ റിപ്പോര്‍ട്ട് ചെയ്തത്. കണ്ണൂര്‍ ജില്ലയില്‍ ആദ്യമായാണ് ഷിഗല്ല രോഗം റിപ്പോര്‍ട്ട് ചെയ്യുന്നത്.

വീണ്ടും ഷിഗല്ല; കണ്ണൂരില്‍ ആറു വയസുകാരന് രോഗബാധ

web desk 1 — Wed, 06 Jan 2021 10:04:05 +0000

കണ്ണൂര്‍: സംസ്ഥാനത്ത് വീണ്ടും ഷിഗല്ല രോഗം. കണ്ണൂരിലാണ് പുതിയ കേസ് റിപ്പോര്‍ട്ട് ചെയ്തത്. വയറിളക്കത്തെ തുടര്ന്ന് ആശുപത്രിയില് പ്രവേശിപ്പിച്ച ആറുവയസുകാരന് ഷിഗല്ലയാണെന്ന് കണ്ടെത്തുകയായിരുന്നു.

ചിറ്റാരിപ്പറമ്പ് പഞ്ചായത്ത് എട്ടാം വാര്ഡ് പൂവത്തിന് കീഴിലാണ് രോഗബാധ റിപ്പോര്‍ട്ട് ചെയ്തത്. കണ്ണൂര്‍ ജില്ലയില്‍ ആദ്യമായാണ് ഷിഗല്ല രോഗം റിപ്പോര്‍ട്ട് ചെയ്യുന്നത്. കുട്ടി ഇപ്പോള്‍ കണ്ണൂരിലെ സ്വകാര്യ ആശുപത്രിയില്‍ ചികിത്സയിലാണ്.

കഴിഞ്ഞ 27നാണ് കുട്ടിക്ക് വയറിളക്കം തുടങ്ങിയത്. ഇതേ വീട്ടിലെ മറ്റ് രണ്ട്കുട്ടികള്‍ക്കും വയറിളക്കമുണ്ടായിരുന്നു. മൂവരെയും ആശുപത്രിയില് പ്രവേശിപ്പിച്ചു. രണ്ടുപേര് രോഗം ഭേദമായി ആശുപത്രി വിട്ടു. ഒരാളുടെ രോഗം ഭേദമാകാത്തതിനാല്‍ നടത്തിയ പരിശോധനയിലാണ് ഷിഗല്ല കണ്ടത്തിയത്.

കോഴിക്കോട്ട് ഒന്നര വയസുകാരന് ഷിഗെല്ല

web desk 1 — Thu, 24 Dec 2020 06:41:29 +0000

കോഴിക്കോട്; ജില്ലയില്‍ വീണ്ടും ഷിഗെല്ല രോഗം റിപ്പോര്‍ട്ട് ചെയ്തു. ഫറോക്ക് സ്വദേശിയായ ഒന്നരവയസുകാരനിലാണ് ഷിഗെല്ല കണ്ടെത്തിയത്. കുട്ടി കോഴിക്കോട് സ്വകാര്യ ആശുപത്രിയില്‍ ചികിത്സയിലാണ്. കോഴിക്കോട് ഇതുവരെ എട്ട് പേര്‍ക്കാണ് ഷിഗെല്ല രോഗം സ്ഥിരീകരിച്ചത്.

ജില്ലയില്‍ മുണ്ടിക്കത്താഴം, മായനാട് ഭാഗങ്ങളിലാണ് നേരത്തെ ഷിഗെല്ല ബാക്ടീരിയയുടെ സാന്നിധ്യം കണ്ടെത്തിയത്. കഴിഞ്ഞ ദിവസങ്ങളിലായി ഈ മേഖലയില്‍ ആരോഗ്യപ്രവര്‍ത്തകരുടെ ജാഗ്രതയും പരിശോധനയും തുടരുകയാണ്. ബാക്ടീരിയയുടെ ഉറവിടം കണ്ടെത്താനുള്ള പരിശോധനകളാണ് നടക്കുന്നത്.

അന്തിമ റിപ്പോര്‍ട്ട് ആരോഗ്യവകുപ്പ് ഡയറക്ടര്‍ക്ക് കൈമാറണമെന്ന് നിര്‍ദ്ദേശം നല്‍കിയിട്ടുണ്ട്.