തെറ്റിദ്ധാരണയുടെ അടിസ്ഥാനത്തില്‍ രജിസ്റ്റര്‍ ചെയ്ത കേസാണെന്നാണ് മുംബൈ പൊലീസിന്റെ സാമ്പത്തിക കുറ്റകൃത്യ വിഭാഗം വിശദീകരണം നല്‍കിയത്. മഹാരാഷ്ട്രയിലെ ഭരണകക്ഷിയായ ഷിന്‍ഡെ പക്ഷവും എന്‍.സി.പി അജിത് പവാര്‍ പക്ഷവും എന്‍.ഡി.എ സഖ്യത്തിന്റെ ഭാഗമാണ്.

ബ്രിഹന്‍മുംബൈ മുനിസിപ്പല്‍ കോര്‍പ്പറേഷനുമായുള്ള കരാര്‍ ലംഘിച്ച് നഗരത്തിലെ ജോഗേശ്വരി പ്രദേശത്ത് ഹോട്ടല്‍ നിര്‍മിച്ചതുമായി ബന്ധപ്പെട്ടാണ് വൈകാറിനെതിരെ സാമ്പത്തിക കുറ്റകൃത്യ വിഭാഗം മുമ്പ് കേസെടുത്തത്. ബ്രിഹന്‍മുംബൈ മുനിസിപ്പല്‍ കോര്‍പ്പറേഷന്‍ സബ് എഞ്ചിനീയര്‍ സന്തോഷ് മാണ്ഡവ്കര്‍ നല്‍കിയ പരാതിയുടെ അടിസ്ഥാനത്തിലായിരുന്നു കേസെടുത്തത്. വിശ്വാസ ലംഘനം, വഞ്ചന, ക്രിമിനല്‍ ഗൂഢാലോചന എന്നീ കുറ്റങ്ങള്‍ ചുമത്തിയാണ് കേസെടുത്തിരുന്നത്.

വൈക്കറിന്റെ ഭാര്യ മനീഷയും അദ്ദേഹത്തിന്റെ നാല് മക്കളും കേസില്‍ ഉള്‍പ്പെട്ടിരുന്നു. മുംബൈയിലെ ആസാദ് മൈതാന്‍ പൊലീസ് സ്റ്റേഷനിലാണ് വൈക്കറിനെതിരെ ആദ്യം കേസെടുത്തത്. പിന്നീട് കേസ് സാമ്പത്തിക കുറ്റകൃത്യ വിഭാഗം ഏറ്റെടുക്കുകയായിരുന്നു.

2023ല്‍ ഷിന്‍ഡെ സര്‍ക്കാര്‍ അധികാരത്തിലെത്തിയതിന് പിന്നാലെയാണ് പൂന്തോട്ടം നിര്‍മിക്കാനായി നീക്കിവെച്ച ഭൂമിയില്‍ വൈക്കര്‍ ഹോട്ടല്‍ നിര്‍മിച്ചെന്ന് കാട്ടി അദ്ദേഹത്തിന് നോട്ടീസ് അയച്ചത്. 2023 ജൂണില്‍ മുനിസിപ്പല്‍ കോര്‍പ്പറേഷന്‍ വൈക്കറിന് ഹോട്ടല്‍ നിര്‍മിക്കാനുള്ള അനുമതി റദ്ദാക്കിക്കൊണ്ട് ഉത്തരവിടുകയായിരുന്നു.

ഇതേത്തുടര്‍ന്ന് സാമ്പത്തിക കുറ്റകൃത്യ വിഭാഗം നല്‍കിയ പ്രഥമവിവര റിപ്പോര്‍ട്ടിന്റെ അടിസ്ഥാനത്തില്‍ കള്ളപ്പണം വെളുപ്പിക്കല്‍ നിരോധന നിയമപ്രകാരം എന്‍ഫോഴ്സ്മെന്റ് ഡയറക്ടറേറ്റും ഒക്ടോബറില്‍ അദ്ദേഹത്തിനെതിരെ കേസെടുത്തിരുന്നു.

സംസ്ഥാനത്തെ 288 അസംബ്ലി സീറ്റുകളിലും തെരഞ്ഞെടുപ്പിന് തയ്യാറെടുക്കാനാണ് സേനാഭവനിൽ നടന്ന യോഗത്തിൽ താക്കറെ പാര്‍ട്ടിയിലെ ഉന്നത നേതാക്കളോട് ആവശ്യപ്പെട്ടത്.

ലോക്‌സഭാ തെരഞ്ഞെടുപ്പിൽ 21 സീറ്റുകളിൽ മത്സരിച്ച ശിവസേന താക്കറെ വിഭാഗം ഒമ്പത് സീറ്റുകളിൽ വിജയിച്ചു. മത്സരിച്ച 17ൽ 13ലും കോൺഗ്രസ് വിജയിച്ചു. സ്വതന്ത്ര സ്ഥാനാർത്ഥി വിശാൽ പാട്ടീൽ വിജയിച്ചതിന് പിന്നാലെ കോൺഗ്രസിനെ പിന്തുണ പ്രഖ്യാപിക്കുകയും ചെയ്തു. ശരദ് പവാറിന്റെ നേതൃത്വത്തിലുള്ള എൻ.സി.പി 10 സീറ്റുകളിൽ മത്സരിക്കുകയും എട്ട് സീറ്റുകളിൽ വിജയിക്കുകയും ചെയ്തു. ഈ കണക്ക് നോക്കുകയാണെങ്കിൽ സ്‌ട്രൈക്ക് റൈറ്റ് കുറവ് ശിവസേനക്കാണ്. ഇക്കാര്യം അവർ സജീവമായിത്തന്നെ വിലയിരുത്തുന്നുണ്ട്.

“സീറ്റുകളിലും സ്ഥാനാർത്ഥികളെ തെരഞ്ഞെടുക്കുന്നതിലും ശിവസേന (ഉദ്ധവ് താക്കറെ വിഭാഗം) ചില പിഴവുകൾ വരുത്തി, അതിന്റെ ഫലമായി എളുപ്പത്തിൽ വിജയിക്കാവുന്ന നാലോ അഞ്ചോ ലോക്‌സഭാ സീറ്റുകൾ നഷ്ടമായി. ഇക്കാര്യം യോഗത്തിൽ ചർച്ചയായെന്ന് ഒരു ശിവസേനാ നേതാവ് പറഞ്ഞു.

“നിയമസഭാ തെരഞ്ഞെടുപ്പിൽ തെറ്റുകൾ ആവർത്തിക്കാൻ ഉദ്ധവ് താക്കറെ ആഗ്രഹിക്കുന്നില്ല, അതിനാൽ കാര്യങ്ങൾ കൈവിട്ടുപോകുന്നതിന് മുമ്പ് തിരുത്തൽ നടപടികൾ സ്വീകരിക്കാനാണ് പാര്‍ട്ടി തീരുമാനിച്ചിരിക്കുന്നതെന്നും പേര് വെളിപ്പെടുത്താത്ത ആ നേതാവ് വ്യക്തമാക്കുന്നു. ദേശീയ മാധ്യമങ്ങളാണ് ഇക്കാര്യം റിപ്പോര്‍ട്ട് ചെയ്യുന്നത്.

”താഴെത്തട്ടിൽ പാർട്ടി ഘടന ശക്തിപ്പെടുത്താനാണ് താക്കറെ ആഗ്രഹിക്കുന്നത്. ആ വഴിക്കുള്ള കാര്യങ്ങളാണ് ചര്‍ച്ച ചെയ്യുന്നത്. പ്രാദേശിക തലത്തിലും ബൂത്ത് തലത്തിലും പാർട്ടി ശൃംഖല ശക്തിപ്പെടുത്തേണ്ടതുണ്ട്. സംസ്ഥാനത്ത് ഉദ്ധവ് താക്കറെയോട് സഹതാപം ഉണ്ടായിരുന്നു, എന്നാൽ ബൂത്ത് ലെവൽ കണക്ഷന്‍ കുറവായതിനാല്‍ ആ വികാരം മുതലാക്കാനായില്ല. താഴെ തട്ടിലെ പ്രവര്‍ത്തനം ശക്തിപ്പെടുത്താന്‍ ഇനിയും സമയമുണ്ട്. ഇക്കാര്യം പ്രാവര്‍ത്തികമാക്കിയാല്‍ കൂടുതൽ സീറ്റുകൾ നേടാനാകും”- നേതാവ് പറഞ്ഞു.

അതേസമയം നാല് മണ്ഡലങ്ങളിലേക്കുള്ള സംസ്ഥാന ലെജിസ്ലേറ്റീവ് കൗൺസിൽ തെരഞ്ഞെടുപ്പിനുള്ള സ്ഥാനാർത്ഥികളെ സംബന്ധിച്ച് മഹാവികാസ് അഘാഡിയില്‍(കോണ്‍ഗ്രസ്-ശിവസേന(ഉദ്ധവ് താക്കറെ)-എന്‍.സി.പി(ശരത് പവാര്‍) സഖ്യം) അഭിപ്രായവ്യത്യാസങ്ങളൊന്നുമില്ലെന്നും താക്കറെ യോഗത്തില്‍ പറഞ്ഞു.

“ഞങ്ങൾ ക്യാബിനെറ്റ് പദവി പ്രതീക്ഷിച്ചിരുന്നു. ജനശക്തി പാർട്ടി, എച്ച്.എ.എം, ജെ.ഡി.എസ് തുടങ്ങിയ പാർട്ടികളിൽനിന്ന് വളരെ കുറച്ച് പ്രാതിനിധ്യം മാത്രമേയുള്ളൂ. അവർക്കെല്ലാം ക്യാബിനെറ്റ് പദവ് നൽകി.

7 സീറ്റുകൾ നേടിയിട്ടും ശിവസേനക്ക് സ്വതന്ത്ര ചുമതലയുള്ള സഹമന്ത്രിപദം മാത്രമാണ് നൽകിയത്. ശിവസേന എം.പിമാരിൽ ഒരാളെ ക്യാബിനെറ്റ് മന്ത്രിയാക്കണം” -പാർട്ടി ചീഫ് വിപ്പ് ശ്രീരംഗ് ബർണെ പറഞ്ഞു.

ചീഫ് ജസ്റ്റിസ് ഡി.വൈ ചന്ദ്രചൂഡ് അധ്യക്ഷനായ അഞ്ചംഗ ഭരണഘടനാ ബെഞ്ച് നേരത്തെ മാര്‍ച്ച് 16ന് ഇരുവിഭാഗത്തിന്റേയും വാദം കേട്ട ശേഷം ഹര്‍ജികള്‍ വിധി പറയാനായി മാറ്റുകയായിരുന്നു. 2022 ജൂണ്‍ 29ന് ഉദ്ദവ് താക്കറെ സഭയില്‍ വിശ്വാസ വോട്ട് തേടണമെന്ന ഗവര്‍ണറുടെ ആവശ്യം സ്‌റ്റേ ചെയ്യാന്‍ സുപ്രീം കോടതി വിസമ്മതിച്ചിരുന്നു. തുടര്‍ന്ന് ഉദ്ദവ് താക്കറെ രാജിവെക്കുകയും ബി.ജെ.പിയുമായി ചേര്‍ന്ന് ഷിന്‍ഡെ മുഖ്യമന്ത്രിയാവുകയും ചെയ്തു. ശിവസേന ഉദ്ദവ് താക്കറെ വിഭാഗത്തിനായി മുതിര്‍ന്ന അഭിഭാഷകരായ മനു അഭിഷേക് സിങ് വി, കപില്‍ സിബല്‍, ദേവ്ദത്ത് കാമത്ത്, അമിത് ആനന്ദ് തിവാരി എന്നിവരും ഷിന്‍ഡെ വിഭാഗത്തിനായി നീരജ് കിശന്‍ കൗള്‍, ഹരീഷ് സാല്‍വേ, മഹേഷ് ജെറ്റ്മലാനി എന്നിവരുമാണ് കോടതിയില്‍ വാദിച്ചത്.

ഗവര്‍ണര്‍ക്കു വേണ്ടി സോളിസിറ്റര്‍ തുഷാര്‍ മെഹ്തയും ഹാജരായി. വിമത എം.എല്‍.എമാരെ പുറത്താക്കാനുള്ള സ്പീക്കറുടെ അധികാരവും ഷിന്‍ഡെയെ സര്‍ക്കാര്‍ രൂപീകരിക്കാനായി ക്ഷണിച്ച ഗവര്‍ണറുടെ നടപടിയുമാണ് കോടതി മുമ്പാകെയുള്ളത്. ഏകനാഥ് ഷിന്‍ഡെ വിഭാഗത്തിന് ശിവസേനയുടെ തിരഞ്ഞെടുപ്പ് ചിഹ്നം അനുവദിക്കാനുള്ള തിരഞ്ഞെടുപ്പ് കമ്മീഷന്റെ തീരുമാനം സ്റ്റേ ചെയ്യാന്‍ ഫെബ്രുവരി 22ന് സുപ്രീം കോടതി വിസമ്മതിച്ചിരുന്നു. 2022 ഓഗസ്റ്റ് 23ന് മൂന്നംഗ സുപ്രീം കോടതി ബെഞ്ച് ഹര്‍ജികള്‍ ഭരണഘടനാ ബെഞ്ചിന് വിട്ടിരുന്നു.

എന്‍ഡിഎയുടെ അവസാന തൂണായിരുന്ന ശിരോമണി അകാലിദള്‍ സഖ്യം വിടുന്നത് തടയാന്‍ പോലും എന്‍ഡിഎ തയ്യാറായില്ലെന്നത് ആശ്ചര്യകരമാണ്. നേരത്തെ ശിവസേനയും എന്‍ഡിഎ വിട്ടിരുന്നു. എന്‍ഡിഎയ്ക്ക് രണ്ട് സിംഹങ്ങളെ നഷ്ടമായിരിക്കുന്നു. രണ്ട് പാര്‍ട്ടികളും പുറത്തുപോയതോടെ ഇനി ആരാണ് മുന്നണിയില്‍ അവശേഷിക്കുന്നത്? അവിടെ ബാക്കിയുള്ളവര്‍ക്ക് ഹിന്ദുത്വവുമായി എന്തെങ്കിലും ചെയ്യാനുണ്ടോ? നെടുംതൂണ് നഷ്ടമായ എന്‍.ഡി.എയ്ക്ക് ഇനി നിലനില്‍പ്പുണ്ടോയെന്നും, ലേഖനത്തില്‍ ശിവസേന ചോദിക്കുന്നു.

അതേസമയം, കാര്‍ഷിക ബില്ലില്‍ പ്രതിഷേധിച്ച് ശിരോമണി അകാലിദള്‍ എന്‍ഡിഎ വിട്ടതില്‍ പ്രതികരണവുമായി ശിവസേന നേതാവ് സഞ്ജയ് റാവത്തും രംഗത്തെത്തി. ശിവസേനയും അകാലിദളുമില്ലാത്ത സഖ്യത്തെ എന്‍ഡിഎയായി കാണാനാകില്ലെന്നാ റാവത്തിന്റെ പ്രതികരിച്ചു. എന്‍ഡിഎയുടെ പ്രധാന തൂണുകളായിരുന്നു ശിവസേനയും അകാലിദളും. ശിവസനേ എന്‍ഡിഎയില്‍ നിന്ന് പുറത്ത് കടക്കാന്‍ നിര്‍ബന്ധിതരാവുകയായിരുന്നു. ഇപ്പോഴിതാ അകാലിദളും. ഇപ്പോള്‍ എന്‍ഡിഎയ്ക്ക് പുതിയ പങ്കാളികളെ കിട്ടിയിരിക്കുന്നു. അവര്‍ക്ക് ഞാന്‍ ആശംസ നേരുന്നു. പക്ഷെ ശിവസേനയും അകാലിദളുമില്ലാത്ത ഒരു സഖ്യത്തെ ഞാന്‍ എന്‍ഡിഎയായി പരിഗണിക്കില്ല,’സഞ്ജയ് റാവത്ത് പറഞ്ഞ

മഹാരാഷ്ട്രയില്‍ തെരഞ്ഞെടുപ്പിന് പിന്നാലെ കേന്ദ്രം ഭരിക്കുന്ന ബിജെപിയുമായുണ്ടായ അധികാര തര്‍ക്കത്തിന്റെ പേരിലാണ് ശിവസേന എന്‍ഡിഎയില്‍ നിന്നും അകന്നത്. അതേമയം, കര്‍ഷക വിരുദ്ധമെന്ന നിലയില്‍ വിവാദമായ കാര്‍ഷിക ബില്‍ എതിര്‍പ്പ് വകവെക്കാതെ മോദി സര്‍ക്കാര്‍ പാസാക്കിയതോടെയാണ് സുഖ്ബീര്‍ സിങ് ബാദലിന്റെ നേതൃത്വത്തിലുള്ള ശിരോമണി അകാലിദള്‍ കഴിഞ്ഞദിവസം എന്‍ഡിഎ വിട്ടത്. പാര്‍ട്ടിയുടെ പ്രതിനിധിയായ ഹര്‍സിമ്രത്ത് കൗര്‍ നേരത്തെ കേന്ദ്ര മന്ത്രിസഭയില്‍നിന്ന് രാജിവച്ചിരുന്നു. പിന്നാലെയാണ് മോദി സര്‍ക്കാറിന് കടുത്ത തിരിച്ചടിയായ മുന്നണി വിടാനുള്ള അകാലിദളിന്റെ ഔദ്യോഗിക തീരുമാനവും ഉണ്ടായത്. ബിജെപിയുടെ ആദ്യകാലം മുതലുള്ള സഖ്യകക്ഷികളില്‍ ഒന്നായിരുന്നു ശിരോമണി അകാലി ദള്‍. കാര്‍ഷിക വിളകള്‍ക്ക് താങ്ങുവില ഉറപ്പ് നല്‍കാത്തതിലും പഞ്ചാബ്, സിഖ് വിഷയങ്ങളില്‍ കേന്ദ്ര സര്‍ക്കാര്‍ അലംഭാവം കാട്ടുന്നതിലും പ്രതിഷേധിച്ചാണ് ശിരോമണി അകാലിദള്‍ മുന്നണി വിടുന്നതെന്നായിരുന്നു പാര്‍ട്ടി നേതാവ് സുഖ്ബിര്‍ സിങ്ങ് പ്രഖ്യാപിച്ചത്.

അതേസമയം, കൂടിക്കാഴ്ച രാഷ്ട്രീയപരമായുള്ളതല്ലെന്ന് സഞ്ജയ് റാവുത്തും ബി.ജെ.പിയും വിശദീകരിച്ചു. ചില വിഷയങ്ങള്‍ ചര്‍ച്ച ചെയ്യാന്‍ ഞാന്‍ ഇന്നലെ ദേവേന്ദ്ര ഫഡ്നാവിസിനെ കണ്ടതായി സഞ്ജയ് റാവത്ത് പ്രതികരിച്ചു.. സംസ്ഥാനത്തിന്റെ മുന്‍ മുഖ്യമന്ത്രിയാണ് മഹാരാഷ്ട്രയിലെ പ്രതിപക്ഷ നേതാവുമാണ് അദ്ദേഹം. കൂടാതെ ബിഹാര്‍ തെരഞ്ഞെടുപ്പില്‍ ബിജെപിയുടെ ചുമതലയും അദ്ദേഹത്തിനാണ്. ഞങ്ങളുടെ കൂടിക്കാഴ്ചയെക്കുറിച്ച് മുഖ്യമന്ത്രി ഉദ്ദവ് താക്കറെക്ക് അറിയാമായിരുന്നെന്നും പ്രത്യയശാസ്ത്രപരമായ വ്യത്യാസങ്ങളുണ്ടാകാമെങ്കിലും ഞങ്ങള്‍ ശത്രുക്കളല്ലെന്നും സഞ്ജയ് റാവത്ത് വിശദീകരിച്ചു.

എന്നാല്‍, ശിവസേനയുടെ മുഖപത്രമായ സാമ്‌നക്കു വേണ്ടി ഫഡ്‌നാവിസുമായി സഞ്ജയ് റാവുത്ത് അഭിമുഖം നടത്തുന്നുണ്ടെന്നും ഇതുമായി ബന്ധപ്പെട്ട കാര്യങ്ങള്‍ ചര്‍ച്ച ചെയ്യാനായാണ് ഇരുവരും കണ്ടതെന്നും ബി.ജെ.പി സംസ്ഥാന വക്താവ് കേശവ് ഉപാധ്യായ ട്വീറ്റ് ചെയ്തു. ബിഹാര്‍ തെരഞ്ഞെടുപ്പ് പ്രചരണങ്ങള്‍ക്ക് ശേഷം അഭിമുഖം നടത്താമെന്ന് ഫഡ്‌നാവിസ് സഞ്ജയ് റാവുത്തിന് ഉറപ്പു നല്‍കിയെന്നും ഉപാധ്യായ പറഞ്ഞു.

അതേസമയം, സംസ്ഥാനത്ത് പുതിയ സര്‍ക്കാര്‍ നിലവില്‍ വന്നില്ലെങ്കില്‍ മഹാരാഷ്ട്രയില്‍ രാഷ്ട്രപതി ഭരണം കൊണ്ടുവരുമെന്ന ഭീഷണിയുമായി ബിജെപി രംഗത്ത്. നവംബര്‍ 7 നകം പുതിയ സര്‍ക്കാര്‍ നിലവില്‍ വന്നില്ലെങ്കില്‍ മഹാരാഷ്ട്ര രാഷ്ട്രപതി ഭരണത്തിലേക്ക് പോകുമെന്ന് ബിജെപിയുടെ മുതിര്‍ന്ന നേതാവും മുന്‍ ധനമന്ത്രിയുമായ സുധീര്‍ മുങ്കന്തിവാര്‍ വെള്ളിയാഴ്ച പറഞ്ഞു.

ഒക്ടോബര്‍ 21 ലെ നിയമസഭാ തെരഞ്ഞെടുപ്പ് ഫലം കഴിഞ്ഞ് എട്ട് ദിവസത്തിന് ശേഷവും സര്‍ക്കാര്‍ രൂപീകരണത്തില്‍ പുരോഗതി കാണാത്തതിനാലാണ് മന്ത്രിയുടെ പരാമര്‍ശം.

ഇന്നലെ സര്‍ക്കാര്‍ രൂപീകരണ വിഷയത്തില്‍ ശിവസേന പ്രതിനിധികള്‍ ഗവര്‍ണറെ കണ്ടിരിന്നു. ആദിത്യ താക്കറെയുടെ നേതൃത്വത്തിലുള്ള സംഘമാണ് ഗവര്‍ണര്‍ ഭഗത് സിങ് കോശിയാരിയെ രാജ്ഭവനിലെത്തി കണ്ടത്. സംസ്ഥാനത്തെ വരള്‍ച്ച ബാധിത പ്രദേശങ്ങള്‍ക്കാവശ്യമായ ഫണ്ട് ലഭ്യമാക്കണമെന്ന് കൂടിക്കാഴ്ചയില്‍ ഗവര്‍ണറോട് ആവശ്യപ്പെട്ടതായി സംഘത്തിലുണ്ടായിരുന്ന നിയമസഭാ കക്ഷി നേതാവ് ഏകനാഥ് ഷിന്‍ഡെ പറഞ്ഞു. ഗവര്‍ണറെ കാണും മുമ്പ് ശിവസേന നിയമസഭാ കക്ഷി യോഗം ചേര്‍ന്ന് ഷിന്‍ഡെയെ കക്ഷി നേതാവായി തെരഞ്ഞെടുത്തിരുന്നു. മുഖ്യമന്ത്രി പദത്തിന്റെ കാര്യത്തില്‍ 50-50 ഫോര്‍മുല അംഗീകരിക്കുന്നത് വരെ വിട്ടുവീഴ്ച വേണ്ടെന്ന നിലപാട് ശിവസേന ഇന്നലെയും ആവര്‍ത്തിച്ചു.

ശിവസേന വിചാരിച്ചാല്‍ മഹാരാഷ്ട്രയില്‍ സ്ഥിരതയുള്ള സര്‍ക്കാര്‍ രൂപികരിക്കാനുള്ള പിന്തുണ ലഭിക്കുമെന്ന് പാര്‍ട്ടി നേതാവ് സഞ്ജയ് റാവത്ത് പറഞ്ഞു. ശിവസേനയുടെ മുഖ്യമന്ത്രി മഹാരാഷ്ട്ര ഭരിക്കണമെന്നാണ് ജനങ്ങള്‍ താല്‍പ്പര്യപ്പെടുന്നതെന്നും സഞ്ജയ് റാവത്ത് പറഞ്ഞു.

മന്ത്രിസഭയില്‍ നിര്‍ണായക വകുപ്പുകള്‍ ലഭിച്ചാല്‍ തങ്ങളുടെ ആവശ്യങ്ങളില്‍ നിന്നും പിന്‍മാറുമെന്ന റിപ്പോര്‍ട്ടുകള്‍ ശിവസേന തള്ളി. 50-50 ഫോര്‍മുല എന്ന ആവശ്യത്തില്‍ ഉറച്ച് നില്‍ക്കുന്നതായി ശിവസേന നേതാവ് സഞ്ജയ് റാവത്ത് പറഞ്ഞു. ശിവസേനക്കാരന്‍ മുഖ്യമന്ത്രിയാവുന്നതിന് ആവശ്യമെങ്കില്‍ കാത്തിരിക്കണമെന്നായിരുന്നു പുതുതായി തെരഞ്ഞെടുക്കപ്പെട്ട അംഗങ്ങളോട് പാര്‍ട്ടി അധ്യക്ഷന്‍ ഉദ്ദവ് താക്കറേയുടെ ആഹ്വാനം. ഇതോടെ അധികാര തര്‍ക്കം ഉടന്‍ തീരുമെന്ന ബി.ജെ.പി പ്രതീക്ഷകള്‍ക്ക് മങ്ങലേറ്റു. അതേ സമയം കോണ്‍ഗ്രസ്-എന്‍.സി.പി പാര്‍ട്ടികളുമായി ശിവസേന ബന്ധപ്പെടുന്നുണ്ടെന്ന കാര്യം പാര്‍ട്ടി നേതാക്കള്‍ വ്യക്തമാക്കി.
ബി.ജെ.പിയുടെ പ്രശ്‌നം തങ്ങള്‍ക്ക് അറിയാമെങ്കിലും തങ്ങള്‍ക്ക് തങ്ങളുടെ പാര്‍ട്ടിയെ മുന്നോട്ടു കൊണ്ടു പോകേണ്ടതുണ്ടെന്നായിരുന്നു ഉദ്ദവ് താക്കറേയുടെ പ്രതികരണം. നിലപാടില്‍ വ്യക്തത വരുത്തുന്നത് വരെ ബി.ജെ.പിയുമായി ചര്‍ച്ചക്കില്ലെന്നും അമിത് ഷായും താനുമായി എന്ത് കരാറാണ് ഉണ്ടാക്കിയതെന്ന് അറിയില്ലെന്ന് പറയുന്ന മുഖ്യമന്ത്രി ഫഡ്‌നാവിസ് ആദ്യം അക്കാര്യത്തില്‍ വ്യക്തത വരുത്തുകയാണ് വേണ്ടതെന്നും ഉദ്ദവ് താക്കേറെ പറഞ്ഞു. കോണ്‍ഗ്രസ് നേതാക്കള്‍ എന്‍.സി.പി അധ്യക്ഷന്‍ ശരത് പവാറുമായി ഇന്നലെ കൂടിക്കാഴ്ച നടത്തി.

പശു സംരക്ഷകന്‍ എന്ന അവകാശപ്പെടുന്ന നവീന്‍ ആറ് മാസത്തിന് മുമ്പാണ് ശിവസേനയില്‍ ചേര്‍ന്നത്. ദേശീയതയും പശു സംരക്ഷണവും എന്ന തന്റെ വീക്ഷണത്തോട് ചേര്‍ന്ന് നില്‍ക്കുന്നതാണ് ശിവസേനയെന്ന് പ്രഖ്യാപിച്ചാണ് പാര്‍ട്ടിയില്‍ ചേര്‍ന്നത്. ബിജെപി, കോണ്‍ഗ്രസ് സര്‍ക്കാരുകള്‍ കര്‍ഷകര്‍ക്കും രക്തസാക്ഷികള്‍ക്കും പശുക്കള്‍ക്കും പാവപ്പെട്ടവര്‍ക്കുമായി ഒന്നും ചെയ്യുന്നില്ലെന്നും അവര്‍ക്ക് രാഷ്ട്രീയം മാത്രമാമണ് ലക്ഷ്യമെന്നും നവീന്‍ പറഞ്ഞതായി പിടിഐ റിപ്പോര്‍ട്ട് ചെയ്തു.

നവീന്റെ സ്ഥാനാര്‍ത്ഥിത്വം ഹരിയാന സൗത്ത് ശിവസേന പ്രസിഡന്റ് വിക്രം യാദവ് സ്ഥിരീകരിച്ചിട്ടുണ്ട്. രാജ്യവിരുദ്ധ മുദ്രാവാക്യങ്ങള്‍ ഉയര്‍ത്തുന്നവര്‍ക്കെതിരെ സ്വരമുയര്‍ത്തുകയും പശുസംരക്ഷണത്തിനായി പൊരുതുകയും ചെയ്യുന്ന നേതാവാണ് നവീനെന്ന് വിക്രം യാദവ് അവകാശപ്പെട്ടു.

2018 ഓഗസ്റ്റ് 13നാണ് ജെഎന്‍യു വിദ്യാര്‍ത്ഥി നേതാവായ ഉമര്‍ ഖാലിദ് ആക്രമിക്കപ്പെട്ടത്. നവീന്‍ ദലാലിനൊപ്പം ദര്‍വേഷ് ഷാപുരും ചേര്‍ന്ന് ഉമറിനെ കൊലപ്പെടുത്താന്‍ ശ്രമിച്ചുവെന്നാണ് കേസ്. രണ്ട് വെടിയുണ്ടകള്‍ ഉതിര്‍ത്തുവെങ്കിലും ഉമര്‍ വെയിയേല്‍ക്കാതെ രക്ഷപ്പെടുകയായിരുന്നു.

സംഭവത്തിന് ശേഷം രക്ഷപ്പെട്ടെങ്കിലും ഇത് രാജ്യത്തിനുള്ള സ്വാതന്ത്ര്യദിന സമ്മാനമെന്ന് അടിക്കുറിപ്പോയെ വീഡിയോ സാമൂഹ്യ മാധ്യമങ്ങളില്‍ പ്രചരിപ്പിച്ചതിന് പിന്നാലെ ഇരുവരും അറസ്റ്റിലാവുകയായിരുന്നു. സെഷന്‍സ് കോടതിയുടെ പരിഗണനയിലുള്ള കേസില്‍ ഇപ്പോള്‍ ജാമ്യത്തിലാണ് നവീന്‍.

‘ബി.ജെ.പി അവരെപ്പറ്റി മാത്രമാണ് ചിന്തിക്കുന്നത്. അതുകൊണ്ട് ഞങ്ങളും ഞങ്ങളെപ്പറ്റി മാത്രം ചിന്തിക്കുന്നു. നിതിന്‍ ഗഡ്കരിയെ പ്രധാനമന്ത്രി സ്ഥാനാര്‍ത്ഥിയാക്കാമെങ്കില്‍ ഞങ്ങള്‍ അദ്ദേഹത്തെ പിന്തുണക്കാം.’ – റാവത്ത് ഒരു ടി.വി അഭിമുഖത്തില്‍ പറഞ്ഞു.

ആര്‍.എസ്.എസിന്റെ പിന്തുണയുള്ള ഗഡ്കരി പക്ഷവും അമിത് ഷായുടെ നേതൃത്വത്തിലുള്ള മോദി പക്ഷവും തമ്മിലുള്ള ശീതസമരം ബി.ജെ.പിയില്‍ ശക്തമാകുന്നതിനിടയിലാണ് ശിവസേനയുടെ നിലപാട്. നേരത്തെ, അമേരിക്കയില്‍ നടന്ന ലോക ഹിന്ദു സമ്മേളനത്തില്‍ ഗഡ്കരി പങ്കെടുക്കാതിരിക്കാന്‍ മോദി നടത്തിയ ‘കളികള്‍’ സംഘ് പരിവാറിനുള്ളില്‍ വിവാദമായിരുന്നു. അമേരിക്ക, കനഡ, ഇസ്രാഈല്‍ രാജ്യങ്ങള്‍ സന്ദര്‍ശിച്ച് നിക്ഷേപകരെ കാണാനുള്ള ഗഡ്കരിയുടെ പദ്ധതി അവസാന നിമിഷം റദ്ദാക്കിയത് മോദിയും അമിത് ഷായും ഇടപെട്ടാണെന്നായിരുന്നു റിപ്പോര്‍ട്ടുകള്‍.

അതിനിടെ, പാര്‍ലമെന്റ് തെരഞ്ഞെടുപ്പിനു മുമ്പ് ബി.ജെ.പിയുമായുള്ള പ്രശ്‌നങ്ങള്‍ ചര്‍ച്ച ചെയ്തു പരിഹരിക്കണമെന്ന് ശിവസേനാ നേതാക്കള്‍ പാര്‍ട്ടി തലവന്‍ ഉദ്ധവ് താക്കറെയോട് ആവശ്യപ്പെട്ടതായും റിപ്പോര്‍ട്ടുകളുണ്ട്. എന്നാല്‍, ബി.ജെ.പിക്കു വഴങ്ങില്ലെന്നും വേണമെങ്കില്‍ ഒറ്റക്ക് തെരഞ്ഞെടുപ്പിനെ നേരിടാനുള്ള ധൈര്യം പാര്‍ട്ടിക്കുണ്ടെന്നുമാണ് ഉദ്ധവ് ഇതിനോട് പ്രതികരിച്ചത്.