ബി.ജെ.പി സംസ്ഥാന അധ്യക്ഷന്‍ രവീന്ദ്ര ചവാനെതിരെയാണ് ഷിന്‍ഡെ പ്രധാനമായും പരാതി ഉന്നയിച്ചത്. വരാനിരിക്കുന്ന തദ്ദേശ തെരഞ്ഞെടുപ്പിന് മുന്നോടിയായി ശിവസേനയിലെ നേതാക്കളെയും പ്രവര്‍ത്തകരെയും ചവാന്‍ അടര്‍ത്തിമാറ്റാന്‍ ശ്രമിക്കുന്നുവെന്ന കടുത്ത ആശങ്ക അദ്ദേഹം ഷായെ അറിയിച്ചു. ഷിന്‍ഡെയുടെ മകനും എം.പിയുമായ ശ്രീകാന്ത് ഷിന്‍ഡെയുടെ ശക്തികേന്ദ്രമായ കല്യാണ്‍-ഡോംബിവ്ലി മേഖലയിലാണ് ഈ സംഘര്‍ഷം രൂക്ഷമായിരിക്കുന്നത്.

ഏകദേശം 50 മിനിറ്റ് നീണ്ട കൂടിക്കാഴ്ചയില്‍, ബി.ജെ.പി ഒരു ദേശീയ പാര്‍ട്ടിയാണെന്നും, അതുകൊണ്ടുതന്നെ വിപുലീകരണ പദ്ധതിയുമായി മുന്നോട്ടുപോകുമെന്നും ഷിന്‍ഡെയ്ക്ക് വ്യക്തമായ സന്ദേശം ലഭിച്ചതായാണ് റിപ്പോര്‍ട്ട് സൂചിപ്പിക്കുന്നത്. നേതാക്കളെ നിയന്ത്രിക്കേണ്ടത് ഷിന്‍ഡെയാണ്. അല്ലാതെ മറ്റൊരു പാര്‍ട്ടിയെ കുറ്റപ്പെടുത്തുകയല്ല വേണ്ടതെന്നും ഷാ സൂചിപ്പിച്ചു. കൂടാതെ, സഖ്യത്തിന്റെ (മഹായുതി) ആഭ്യന്തര പ്രശ്നങ്ങള്‍ സംസ്ഥാന തലത്തില്‍ പരിഹരിക്കണമെന്നും അദ്ദേഹം ആവശ്യപ്പെട്ടിട്ടുണ്ട്.

2029ലെ മഹാരാഷ്ട്ര നിയമസഭാ തെരഞ്ഞെടുപ്പില്‍ സഖ്യകക്ഷികളെ ആശ്രയിക്കാതെ സ്വന്തമായി ഭരണം പിടിച്ചെടുക്കുക എന്ന ദീര്‍ഘകാല പദ്ധതിയാണ് ബി.ജെ.പിക്ക് ഉള്ളതെന്നും നേതാക്കള്‍ സൂചിപ്പിക്കുന്നുണ്ട്.

“ഒരു ജീവിയുണ്ട്, അമീബ. എങ്ങനെ വേണമെങ്കിലും അത് വളരും…. ആഗ്രഹങ്ങൾക്കനുസരിച്ച് രൂപം കൊള്ളും… ബിജെപിയും എങ്ങനെ വേണമെങ്കിലും വളരുകയാണ്. ആരുമായും സഖ്യമുണ്ടാക്കും പക്ഷേ വളരുക ബിജെപി മാത്രമായിരിക്കും” താക്കറെ പറഞ്ഞു.

ലഡാക്ക് പ്രക്ഷോഭത്തിന്റെ നേതാവ് സോനം വാങ്‌ചുക്കിനെ പാക്കിസ്ഥാൻ സന്ദര്‍ശിച്ചതിന് അറസ്റ്റ് ചെയ്തതിനെയും മോദിയുടെ പാക്ക് സന്ദർശനവുമായി ചേർത്തുവച്ച് ഉദ്ധവ് ചോദ്യം ചെയ്തു. വാങ്‌ചുക്കിനെ അറസ്റ്റ് ചെയ്തെങ്കിൽ നവാസ് ഷെരീഫിനെ സന്ദർശിച്ച മോദിയെ എന്താണ് വിളിക്കേണ്ടതെന്നാണ് ഉദ്ധവ് ചോദിച്ചത്. അതേസമയം അമിത്ഷായെ ഇന്ത്യ–പാക്ക് ക്രിക്കറ്റുമായി ചേർത്തുവച്ചാണ് പരിഹസിച്ചത്. “ഒരു വശത്ത് അച്ഛൻ ദേശസ്നേഹം പഠിപ്പിക്കുന്നു, മറുവശത്ത് മകൻ പാക്കിസ്ഥാനുമായി ക്രിക്കറ്റ് കളിക്കുന്നു.” ജയ് ഷാ ഐസിസി തലപ്പത്തുള്ള കാര്യം ഓർമിപ്പിച്ചായിരുന്നു അമിത്ഷായെ വിമർശിച്ചത്.

‘ഞങ്ങള്‍ അഖണ്ഡത ഭാരതത്തില്‍ വിശ്വസിക്കുന്നു. ഒരു ദിവസം കറാച്ചി ഇന്ത്യയുടെ ഭാഗമാകും എന്നും വിശ്വസിക്കുന്നു’ – എന്നായിരുന്നു ഫഡ്‌നാവിസിന്റെ പ്രസ്താവന.

ഫഡ്‌നാവിസിന്റെ പ്രസ്താവനയോട് രൂക്ഷമായ ഭാഷയിലാണ് ശിവസേന പ്രതികരിച്ചത്. പാകിസ്താന്‍ അധിനിവേശിച്ച കശ്മീര്‍ ആദ്യമായി തിരിച്ചു പിടിക്കൂ. എന്നിട്ടാകാം കറാച്ചി എന്ന് സേനാ നേതാവ് സഞ്ജയ് റാവട്ട് പറഞ്ഞു.

നേരത്തെ, മുംബൈയിലെ കറാച്ചി ഷോപ്പിന്റെ ഉടമയോട്, കടയുടെ പേരു മാറ്റാന്‍ ശിവസേനാ നേതാവ് നിതിന്‍ നന്ദ്‌ഗോങ്കര്‍ ആവസ്യപ്പെട്ടിരുന്നു. മറാത്തി ബന്ധമുള്ള ഏതെങ്കിലും പേരിടൂ എന്നാണ് അദ്ദേഹം ആവശ്യപ്പെട്ടിരുന്നത്. എന്നാല്‍ പ്രാദേശിക നേതാവിന്റെ ആവശ്യം പാര്‍ട്ടിയുടെ ഔദ്യോഗിക നിലപാടല്ല എന്ന് റാവുത്ത് വ്യക്തമാക്കി.

അറുപത് വര്‍ഷമായി കറാച്ചി ബേക്കറിയും കറാച്ചി സ്വീറ്റ്‌സും മുംബൈയിലുണ്ട്. അവയ്ക്ക് പാകിസ്താനുമായി ഏതെങ്കിലും തരത്തിലുള്ള ബന്ധമില്ല. അവയുടെ പേര് മാറ്റാന്‍ ആവശ്യപ്പെടുന്നത് അസംബന്ധമാണ്- അദ്ദേഹം കൂട്ടിച്ചേര്‍ത്തു.

മുഖ്യമന്ത്രിയെ തീരുമാനിക്കുക സംസ്ഥാനത്ത് തന്നെയായിരിക്കും. എന്‍സിപിയുമായി കൈകോര്‍ക്കുകയും ശരദ് പവാര്‍ മുഖ്യമന്ത്രിയാകുകയും ചെയ്യുമോ എന്ന ചോദ്യത്തിന് അതുണ്ടാവില്ലെന്നായിരുന്നു അദ്ദേഹത്തിന്റെ മറുപടി. സത്യപ്രതിജ്ഞ വൈകാതെയുണ്ടാകുമെന്നും. സത്യപ്രതിജ്ഞ ബിജെപിയുടെ കുത്തകയല്ലെന്നും അദ്ദേഹം പറഞ്ഞു.

288 അംഗ സഭയില്‍ ബിജെപിക്ക് 105 സീറ്റാണുള്ളത്. കേവല ഭൂരിപക്ഷത്തിന് 145 പേരുടെ പിന്തുണ വേണം. രണ്ടാം സ്ഥാനത്തുള്ള ശിവസേനയ്ക്ക് 56 സീറ്റുണ്ട്. എന്‍സിപിക്ക് 54 സീറ്റും കോണ്‍ഗ്രസിന് 44 സീറ്റുമുണ്ട്.സ്വതന്ത്രരും ചെറുപാര്‍ട്ടികള്‍ക്കുമായി 29 എംഎല്‍എമാരുണ്ട്. മുഖ്യമന്ത്രി സ്ഥാനം രണ്ടര വര്‍ഷം വീതം പങ്കുവെക്കണമെന്നാണ് ശിവസേനയുടെ ഉപാധി ബിജെപി അംഗീകരിക്കാന്‍ തയ്യാറല്ല. ഇതോടെയാണ് പ്രതിസന്ധി ഉടലെടുത്തത്.

ന്യൂഡല്‍ഹി: കഴിഞ്ഞ ദിവസം പാര്‍ലമെന്റില്‍ ധനമന്ത്രി നിര്‍മല സീതാരമാന്‍ വെച്ച ബജറ്റിനെതിരെ ബി.ജെ.പിക്കുള്ളില്‍ തന്നെ അതൃപ്തി പുകയുന്നു. സ്വര്‍ണത്തിന്റെ ഇറക്കുമതി തീരുവ വര്‍ധിപ്പിച്ചത് ശരിയായില്ലെന്ന് ശിവസേന അറിയിച്ചു. ഇപ്പോള്‍ തന്നെ താങ്ങാനാവുന്നതില്‍ പരം വിലയുള്ള സ്വര്‍ണത്തിന്റെ ഇറക്കുമതി തീരുവ 12.50 ശതമാനം ആക്കുന്നതോടെ ജനങ്ങള്‍ക്ക് വലിയ തരത്തിലുള്ള പ്രയാസം സൃഷ്ടിക്കും.

പൊതുമേഖലാ സ്ഥാപനങ്ങളുടെ ഓഹരി വിറ്റഴിക്കാനുള്ള നീക്കത്തോട് എതിര്‍പ്പ് പ്രകടിപ്പിച്ച് സ്വദേശി ജാഗരണ്‍ മഞ്ചും (എസ്.ജെ.എം) രംഗത്തെത്തി. ഇന്ദിരാ ഗാന്ധിക്കു ശേഷം ബജറ്റ് അവതരിപ്പിക്കുന്ന വനിതയാണ് നിര്‍മല സീതാരാമന്‍. എന്നാല്‍ സ്ത്രീകളുടെ സാമ്പത്തിക മുന്നേറ്റത്തിനാവശ്യമായ നിര്‍ദേശങ്ങളൊന്നും ബജറ്റില്‍ ഇല്ല. ഇതും വിമര്‍ശനത്തിനു വഴി വെച്ചിരിക്കുകയാണ്.

എന്നാല്‍ വിമര്‍ശനങ്ങളെ തടുക്കാന്‍ പ്രധാനമന്ത്രി നരേന്ദ്ര മോദിയും മുന്‍ ധനമന്ത്രി അരുണ്‍ ജെയ്റ്റ്‌ലിയും രംഗത്തെത്തിയിരിക്കുകയാണ്.

നോട്ടുനിരോധനത്തെ രഘുറാം രാജന്‍ (മുന്‍ ആര്‍.ബി.ഐ ഗവര്‍ണര്‍) എതിര്‍ത്തിരുന്നു. പരസ്യത്തിനായി കോടികള്‍ കേന്ദ്ര സര്‍ക്കാര്‍ ചിലവഴിക്കുന്നതിനെയും അദ്ദേഹം എതിര്‍ത്തു. ഇത് പൊതുഖജനാവ് കൊള്ളയടിക്കലാണിതെന്നായിരുന്നു അദ്ദേഹത്തിന്റെ അഭിപ്രായം. എന്നാല്‍ അധികാരത്തിലിരിക്കുന്നവര്‍ കള്ളന്മാരാണ്. സ്വന്തം ഇമേജ് വര്‍ദ്ധിപ്പിക്കാന്‍ അത്യാര്‍ത്തിയാണ്. അതുകൊണ്ട് അവര്‍ രഘുറാം രാജനെ പുറത്താക്കി.

രാജ്യത്തെ ഇന്ധനവില റോക്കറ്റ് പോലെയാണ് കുതിക്കുന്നത്. താമസിയാതെ പെട്രോള്‍ വില 100രൂപ കടക്കും. തൊഴില്‍രഹിതരായ യുവാക്കള്‍ തെരുവില്‍ അരാജകത്വം സൃഷ്ടിക്കും. ഈ ഭരണത്തില്‍ കര്‍ഷകരും അസന്തുഷ്ടരാണ്. ഭക്ഷണ വസ്തുക്കളുടെയും പാചക വാതകത്തിന്റെയും സി.എന്‍.ജിയുടെയും വില കുതിച്ചുയരുകയാണ്. പുതിയ നിക്ഷേപങ്ങള്‍ കുറഞ്ഞു വരികയാണ്. സാമ്ന ലേഖനം പറയുന്നു.

രൂപയുടെ മൂല്യം കുറയുമ്പോഴും സാമ്പത്തികനില ഭദ്രമാണെന്ന് വ്യാജപ്രചരണം അഴിച്ചുവിടുകയാണ്. ഇതിലൂടെ ജനങ്ങള്‍ യാഥാര്‍ത്ഥ്യം മനസിലാക്കുന്നതില്‍ പരാജയപ്പെടുകയാണ്.രൂപയുടെ മൂല്യം കൂപ്പുകുത്തുമ്പോള്‍ രാജ്യത്തിന്റെ സാമ്പത്തിക നില തകരാറിലായതിന് മോദി കോണ്‍ഗ്രസിനെ കുറ്റപ്പെടുത്തുകയാണെന്ന് ശിവസേന.

ഇന്ത്യന്‍ കറന്‍സി മരണക്കിടക്കയില്‍ കിടക്കുമ്പോള്‍ ലോകത്തെ ആറാമത്തെ സമ്പദ്വ്യവസ്ഥയാണ് നമ്മുടേതെന്ന് പറയുമ്പോള്‍ ചിരി വരുന്നു.ഇതൊന്നും ലോകത്തിലെ ആറാമത്തെ സമ്പദ് വ്യവസ്ഥയുടെ ലക്ഷണമല്ല. സമ്പദ് വ്യവസ്ഥ തകരാറിലായതിന് കോണ്‍ഗ്രസിനെയും രഘുറാം രാജനെയും കുറ്റം പറയുന്നത് തമാശയാണ് ലേഖനം പറയുന്നു. കാര്യങ്ങള്‍ ഇങ്ങനെ പോയാല്‍ ഡോളറിനെതിരെ ഇന്ത്യന്‍ രൂപയുടെ മൂല്യം ഇടിഞ്ഞ് നൂറിലെത്തുമെന്നും ലേഖനം പറയുന്നുണ്ട്.

ഓഗസ്റ്റ് 12,13 തിയതികളില്‍ വാജ്‌പേയിയുടെ ആരോഗ്യനില അതീവ മോശമായിരുന്നു. എന്നാല്‍ സ്വാതന്ത്ര്യ ദിനം വിപുലമായി തന്നെ ആഘോഷിക്കാനും പതാക താഴ്ത്തി കെട്ടുന്നത് ഒഴിവാക്കാനും ചെങ്കോട്ടയില്‍ രാഷ്ട്രത്തെ അഭിസംബോധന ചെയ്തുള്ള മോദിയുടെ വിപുലമായ പ്രസംഗത്തിന് കോട്ടം തട്ടാതിരിക്കാനുമാണ് വാജ്‌പേയ്‌യുടെ മരണം 16 ന് ‘സംഭവിച്ച’തെന്നാണ് സഞ്ജയ് റൗത്ത് ആരോപിക്കുന്നത്.

ശിവസേനയുടെ മുഖപത്രമായ സാമ്‌നയില്‍ എഴുതിയ എഡിറ്റോറിയലിലാണ് ബിജെപിക്കെതിരെ ഇത്തരമൊരു ആരോപണം ഉന്നയിച്ചിരിക്കുന്നത്. മരണ വിവരം പുറത്തു വിടാന്‍ സ്വാതന്ത്ര്യദിനാഘോഷം കഴിയാന്‍ കാത്തിരുന്നതാണോ എന്ന സംശയമാണ് ശിവസേന പ്രകടിപ്പിക്കുന്നത്.

്അമിത് ഷായുടെ സന്ദര്‍ശനത്തിനു പിന്നില്‍ എന്താണെന്ന് എല്ലാവര്‍ക്കുമറിയാം. എന്നാല്‍ വരാനിരിക്കുന്ന തെരഞ്ഞെടുപ്പുകളില്‍ ശിവസേന ഒറ്റയ്ക്കു മത്സരിക്കുമെന്ന് പാര്‍ട്ടിയുടെ സമ്മേളനത്തില്‍ പ്രമേയം പാസ്സാക്കിയതാണ്. അതില്‍ ഒരു മാറ്റവും ഉണ്ടാവില്ല. ഞങ്ങള്‍ ഒറ്റയ്ക്ക് തന്നെ മത്സരിക്കും-എം.പി സന്‍ജയ് റാവത്ത് എ.എന്‍.ഐയോട് പറഞ്ഞു.

നീണ്ട ഇടവേളയ്ക്കു ശേഷമാണ് ബി.ജെ.പിയും ശിവസേനയും തമ്മില്‍ ഇന്നലെ കൂടിക്കാഴ്ച നടത്തിയത്. വളരെ പ്രതീക്ഷയോടെയായിരുന്നു ബി.ജെ.പി ഇതിനെ കണ്ടിരുന്നത്. എന്നാല്‍ ഒറ്റയ്ക്ക് മത്സരക്കുമെന്ന് സന്‍ജയ് റാവത്ത് പ്രസ്താവനയുമായി രംഗത്തെത്തിയത്തോടെ ബി.ജെ.പിക്ക് കനത്ത തിരിച്ചടിയായി

ബി.ജെ.പി നേതൃത്വം നല്‍കുന്ന എന്‍.ഡി.എയില്‍ നിന്നും സഖ്യകക്ഷികള്‍ ഒന്നൊന്നായി കൊഴിഞ്ഞുപോവുകയും ഉപതെരഞ്ഞെടുപ്പുകളില്‍ പാര്‍ട്ടിയുടെ ശക്തി കേന്ദ്രങ്ങളില്‍ പോലും കനത്ത തോല്‍വി നേരിട്ട സാഹചര്യത്തിലാണ് ശിവസേന തലവനുമായി അമിത് ഷാ കൂട്ടിക്കാഴ്ച നടത്തിയത്. അടുത്ത വര്‍ഷം നടക്കുന്ന പൊതുതെരഞ്ഞെടുപ്പ് മുന്നില്‍ കണ്ട് ദേശീയ തലത്തില്‍ ബി.ജെ.പിക്കെതിരെ പ്രതിപക്ഷ മഹാസഖ്യം ശക്തിപ്പെടുന്ന സാഹചര്യത്തില്‍ എന്തുവില കൊടുത്തും വീണ്ടും അധികാരത്തിലേറുന്നതിന്റെ പദ്ധതിയുടെ ഭാഗമായിട്ടാണ് നിരന്തരം ബി.ജെ.പിയെ വിമര്‍ശിക്കുന്ന ശിവസേനയുടെ പിന്തുണയ്ക്കായി അമിതാ ഷാശ്രമം നടത്തിയത്.