അതേസമയം, യുവാവിന്റെ മരണവും യുവതിയുടെ ആത്മഹത്യ ശ്രമവും മധ്യപ്രദേശില്‍ വലിയ രാഷ്ട്രീയ വിവാദങ്ങള്‍ക്ക് തുടക്കംകൊടുത്തിരിക്കയാണ്. രണ്ട് ദിവസം മുമ്പ് യുവതിയുടെ ഭര്‍ത്താവ് ശുഭം ഖണ്ഡേല്‍വാല്‍ മരിച്ചത് സര്‍ക്കാറില്‍ ഓഫീസില്‍ നിന്നും നേരിട്ട പീഡനം മൂലമാണെന്ന ആരോപണമാണ് ഉയരുന്നത്.

ഉജ്ജയിനില്‍ കോണ്‍ട്രാക്ടറായ ശുഭം ബുധനാഴ്ച രാത്രി കാര്‍ അപകടത്തില്‍ലാണ് മരണപ്പെട്ടത്. വിഷം കഴിച്ചാണ് ശുഭം വാഹനമോടിച്ചതെന്നും അതിനാലാണ് അപകടം സംഭവിച്ചതെന്നും പിന്നീട് കണ്ടെത്തുകയായിരുന്നു. എന്നാല്‍ വാഹനത്തില്‍ നിന്ന് മുഖ്യമന്ത്രി ശിവരാജ് ചൗഹാനും ആഭ്യന്തര മന്ത്രി നരോട്ടാം മിശ്രയ്ക്കും എഴുതിയ രണ്ട് ആത്മഹത്യാ കുറിപ്പുകളും കണ്ടെത്തിയിരുന്നു. താന്‍ ആത്മഹത്യ ചെയ്യുകയാണെന്നും അതിന് കാരണം ഉജ്ജയിന്‍ മുനിസിപ്പല്‍ കോര്‍പറേഷനിലെ രണ്ട് സബ് എന്‍ജിനീയര്‍മാരാണെന്നുമാണ് ആത്മഹത്യാ കുറിപ്പിലുള്ളത്.

ശുഭത്തിന്റെ മരണവുമായി ബന്ധപ്പെട്ട കേസില്‍ അന്വേഷണം തുടരുകയാണെന്ന് പൊലീസ് അറിയിച്ചു. മുനിസിപല്‍ കോര്‍പറേഷനില്‍ നിന്ന് കോണ്‍ട്രാക്ടറായ ശുഭത്തിന് പണം അനുവദിക്കുന്നതുമായി ബന്ധപ്പെട്ടാണ് പ്രശ്‌നങ്ങള്‍ ആരംഭിച്ചതെന്നും 13 ലക്ഷം രൂപ എന്‍ജിനീയര്‍മാര്‍ തടഞ്ഞുവച്ചെന്നാണ് ശുഭം ആരോപിച്ചതെന്നും പൊലീസ് പറഞ്ഞു. അതേസമയം, ശുഭത്തിനെതിരേ ആരോപണവിധേയരായ എന്‍ജിനീയര്‍മാരും പൊലീസില്‍ പരാതി നല്‍കിയിട്ടുണ്ട്.

ശുഭവും എംബിബിഎസ് വിദ്യാര്‍ഥിനിയായ യുവതിയും തമ്മിലുള്ള പ്രണയവിവാഹം 15 ദിവസം മുമ്പാണ് നടന്നത്്. ശുഭം മരിച്ചതോടെ സാനിയയുടെ പിതാവ് മകളെ തിരികെ നാട്ടിലേക്ക് കൊണ്ടുപോകാനെത്തിയിരുന്നു. കഴിഞ്ഞ ദിവസം ഇരുവരും ഉജ്ജയിനില്‍ നിന്ന് ഇന്‍ഡോറിലെത്തി. രാവിലെ വിമാനത്താവളത്തിലേക്കുള്ള യാത്രയ്ക്കിടെയാണ് ഇരുവരും സി21 ഷോപ്പിങ് മാളില്‍ കയറിയത്.

ജ്യൂസ് കുടിക്കണമെന്ന് മകള്‍ ആവശ്യപ്പെട്ടതനുസരിച്ചാണ് മാളില്‍ വന്നതെന്ന് പിതാവ് പറഞ്ഞു. എന്നാല്‍ മൂന്നാം നിലയിലേക്ക് കയറിയ യുവതി അല്പനേരം കൈവരിക്ക് സമീപം നിന്ന ശേഷം താഴേക്ക് ചാടുകയായിരുന്നു. ഉടന്‍തന്നെ സുരക്ഷാ ജീവനക്കാരും പിതാവും യുവതിയെ സമീപത്തെ ആശുപത്രിയിലെത്തിച്ചു. യുവതിയുടെ ഹാന്‍ഡ്ബാഗില്‍ നിന്ന് ആത്മഹത്യാക്കുറിപ്പ് കണ്ടെടുത്തു. ഭര്‍ത്താവിനൊപ്പം തന്റെ അന്ത്യകര്‍മ്മങ്ങളും നടത്തണമെന്നായിരുന്നു കുറിപ്പിലുണ്ടായിരുന്നത്. യുവതി മൂന്നാം നിലയില്‍ നിന്ന് ചാടുന്നതിന്റെ വീഡിയോ ദൃശ്യങ്ങളും പുറത്തുവന്നിട്ടുണ്ട്.

പ്രധാനമന്ത്രിയുടെ ഗ്രാമീണ റോഡ് ശൃംഖല പദ്ധതിയായ പി.എം.ജി.എസ്.വൈ പ്രകാരം 3.7 കോടി രൂപ ചെലവില്‍ പാലം നിര്‍മ്മിച്ച പാലമാണ് തകര്‍ന്നത്. ശിവരാജ് സിങ് ചൗഹാന്‍ മുഖ്യമന്ത്രിയായിരിക്കെ ബിജെപി സര്‍ക്കാറിന് കീഴിയില്‍ 2018 സെപ്റ്റംബര്‍ ഒന്നിനാണ് പാലത്തിന്റെ നിര്‍മ്മാണം ആരംഭിച്ചത്. തുടര്‍ന്ന് വന്ന കമല്‍നാഥ് സര്‍ക്കാറിനെ അട്ടിമറിച്ച് വീണ്ടും ഭരണത്തിലേറിയ ചൗഹാന്റെ കാലത്താണ് പാലം പണി പൂര്‍ത്തിയാവുന്നത്. ബിജെപി എംഎല്‍എ രാകേഷ് പാല്‍ സിങിന്റെ മണ്ഡലത്തിലെ സന്‍വാര-ഭീംഗര്‍് ഗ്രാമങ്ങളെ ബന്ധിപ്പിക്കുന്ന പാലമാണിത്. യാത്രാ ആവശ്യങ്ങള്‍ക്കായി പ്രദേശവാസികള്‍ ഉപയോഗിച്ചുതുടങ്ങിയ പാലം കനത്ത മഴക്ക് പിന്നാലെ തകരുകയായിരുന്നു.

നിര്‍മ്മാണത്തിന് പിന്നാലെ പാലം തകര്‍ന്നതും അതിന്റെ ദൃശ്യങ്ങളും സംസ്ഥാനത്ത് പുതിയ വിവാദങ്ങള്‍ക്ക് തുടക്കമിട്ടിരിക്കുകയാണ്. തൂണുകള്‍ തകര്‍ന്ന വീണതോടെ പാലം രണ്ടായി വിഭജിക്കുകയായിരുന്നു. അതേസമയം, സംഭവത്തില്‍ അന്വേഷണത്തിന് ഉത്തരവിട്ടതായും കുറ്റവാളികളെന്ന് കണ്ടെത്തുന്നവര്‍ക്കെതിരെ ഉചിതമായ നടപടിയെടുക്കുമെന്ന് ജില്ലാ കളക്ടര്‍ രാഹുല്‍ ഹരിദാസ് അറിയിച്ചു.

നര്‍മദ നദി സംരക്ഷിക്കാന്‍ രൂപീകരിച്ച കമ്മിറ്റിയിലെ അംഗങ്ങളായി തെരഞ്ഞെടുത്തതോടെയാണ് ഈ അഞ്ച് പേര്‍ക്കും സഹമന്ത്രിമാര്‍ക്ക് തുല്യമായ പദവി ലഭിച്ചത്. ഇതോടെ ഇവര്‍ക്ക് സഹമന്ത്രിമാര്‍ക്ക് തുല്യമായ വേതനവും ആനുകൂല്യങ്ങളും ലഭിക്കും. ഏപ്രില്‍ മൂന്നിന് ഉത്തരവ് പ്രാബല്യത്തില്‍ വന്നു.
ജല സംരക്ഷണം, നര്‍മ്മദ തീരത്തെ വനവത്കരണം,നദീ ശുചീകരണം എന്നീ വിഷയങ്ങളില്‍ ജനങ്ങള്‍ക്കിടയില്‍ അവബോധം ഉണ്ടാക്കുകയാണ് കമ്മിറ്റിയുടെ ചുമതല.

അതേസമയം ഇവരില്‍ മിക്കവരും സന്യാസത്തെ മറയാക്കി ആഢംബര ജീവിതം നയിക്കുന്നവരാണെന്നാണ് റിപ്പോര്‍ട്ടുകള്‍. കമ്പ്യൂട്ടറിന് തുല്യമായ ബുദ്ധിയെന്ന് സ്വയം വിശേഷിപ്പിക്കുന്നയാളാണ് സ്വാമി നാംഥേവ് ദാസ് ത്യാഗിയെന്ന കമ്പ്യൂട്ടര്‍ ബാബ. 54 കാരനായ ഇയാളുടെ കയ്യില്‍ എപ്പോഴും ലാപ്‌ടോപ്പ് അടക്കമുള്ള ഉപകരണങ്ങളുണ്ടാവും. ഇന്‍ഡോ ര്‍ സ്വദേശിയായ ഇയാള്‍ മൂന്ന് വര്‍ഷം മുമ്പ് കുംഭമേളയ്ക്കിടെ തന്റെ ഹെലികോപ്ടറിന് മലനിരകളില്‍ ലാന്‍ഡിങ് നടത്തുന്നതിന് അനുമതി തേടിയത് കൗതുകമായിരുന്നു. 2014-ല്‍ ആം ആദ്മി പാര്‍ട്ടി ടിക്കറ്റില്‍ ലോക്സഭയിലേക്ക് മത്സരിക്കാന്‍ ബാബ ശ്രമം നടത്തിയിരുന്നെങ്കിലും വിജയിച്ചിരുന്നില്ല. ബി.ജെ.പിയും ആര്‍. എസ്.എസും സന്യാസികളെ നിക്ഷിപ്ത താത്പര്യത്തിന് ഉപയോഗിച്ച് ചൂഷണം ചെയ്യുകയാണെന്ന് 2015-ല്‍ നടത്തിയ പ്രസ്താവനയും ഇയാളെ ശ്രദ്ധേയനാക്കി. അത്യാധുനിക വാഹനങ്ങളില്‍ അനുയായികള്‍ക്കൊപ്പം യാത്ര ചെയ്ത് റിസോര്‍ട്ടുകളില്‍ സമയം ചെലവിടുന്നതാണ് ഭയ്യൂജി മഹാരാജിന്റെ പ്രധാന വിനോദം. മുന്‍ മോഡല്‍ കൂടിയായ ഇയാളുടെ യഥാര്‍ത്ഥപേര് ഉദയ്‌സിങ് ദേശ്മുഖ് എന്നാണ്. നടപടി സാമുദായിക പ്രീണനമാണെന്നാരോപിച്ച് കോണ്‍ഗ്രസ് രംഗത്തെത്തി. ഈ വര്‍ഷാവസാനം വരുന്ന നിയമസഭ തെരഞ്ഞെടുപ്പില്‍ ഹിന്ദുത്വ വോട്ടുകള്‍ ലക്ഷ്യമിട്ടാണ് ബി.ജെ.പിയുടെ നടപടിയെന്നും നര്‍മദ നദിയെ അവഗണിച്ചുവന്ന മുഖ്യമന്ത്രി ശിവരാജ് സിങ് ചൗഹാന്‍ തന്റെ പാപങ്ങള്‍ കഴുകിക്കളയാനുള്ള ശ്രമമാണ് ഇപ്പോള്‍ നടത്തുന്നതെന്നും പാര്‍ട്ടി വക്താവ് പങ്കജ് ചതുര്‍വേദി കുറ്റപ്പെടുത്തി.

സന്യാസിമാരുമായി ബന്ധപ്പെട്ട ഏത് കാര്യത്തിനും കോ ണ്‍ഗ്രസ് എതിരാണെന്നായിരുന്നു ബി.ജെ.പി വക്താവ് രജനീഷ് അഗര്‍വാളിന്റെ പ്രതികരണം. നര്‍മദ തീരത്തെ മരംനടലുമായി ബന്ധപ്പെട്ട അഴിമതിക്കെതിരെ നേരത്തെ ശക്തമായ നിലപാടെടുത്ത ആളായിരുന്നു ക മ്പ്യൂട്ടര്‍ ബാബയും യോഗേന്ദ്ര മഹന്ദും. ഇതിനായി നര്‍മദാ ഗോതല രഥ് യാത്ര നടത്തുമെന്നും ഇവര്‍ പ്രഖ്യാപിച്ചിരുന്നു. ഈ പ്രതിഷേധ നീക്കത്തിന് തടയിട്ടാണ് സഹമന്ത്രിക്ക് തുല്യമായ പദവിയില്‍ സന്യാസിമാരെ നിയമിച്ചുള്ള സര്‍ക്കാര്‍ ഉത്തരവ്.

2016ലാണ് സി.ബി.ഐ പ്രത്യേക വ്യാപം ബ്രാഞ്ച് തുടങ്ങിയത്. ഡി.ഐ.ജി, എ.എസ്.പി.മാര്‍, ഡി.വൈ.എസ്.പിമാര്‍, ഇന്‍സ്പെക്ടര്‍മാര്‍ എന്നിവരടക്കം 100ല്‍ അധികം ഉദ്യോഗസ്ഥരാണ് സംഘത്തില്‍ ഉണ്ടായിരുന്നത്. ഇതില്‍ നിന്നും ഒറ്റ ദിവസം കൊണ്ടാണ് 20 ഉദ്യോഗസ്ഥരെ ഡല്‍ഹി അഴിമതി വിരുദ്ധ ബ്രാഞ്ചിലേക്ക് മാറ്റിയത്. 50 തോളം കേസുകളിലെ അന്വേഷണം പാതിവഴിയില്‍ നിലനില്‍ക്കെയാണ് ഒറ്റയടിക്കുള്ള സ്ഥലം മാറ്റം. മധ്യപ്രദേശ് പ്രത്യേക ടാസ്‌ക്ക് ഫോഴ്സ് അന്വേഷിച്ചിരുന്ന വ്യാപം കേസ് 2015 ജൂലൈ മൂന്നിനാണ് സി.ബി.ഐ ഏറ്റെടുത്തത്. ആദ്യഘട്ടത്തില്‍ 40 പേരായിരുന്നു അന്വേഷണ സംഘത്തിലുണ്ടായിരുന്നത്.

അതേസമയം സംസ്ഥാനം തെഞ്ഞെടുപ്പിലേക്ക് കടക്കാന്‍ ഒരുങ്ങിനില്‍ക്കെയുള്ള ഉദ്യോഗസ്ഥരുടെ സ്ഥലം മാറ്റം രാഷ്ട്രീയ ലക്ഷ്യംവെച്ചാണെന്ന് ആരോപണമുയര്‍ന്നു. മധ്യപ്രദേശിലെ വിവിധ കോഴ്‌സുകളിലേക്കും സര്‍ക്കാര്‍ തസ്തികകളിലേക്കും പ്രവേശനത്തിനും നിയമനത്തിനുമുള്ള പരീക്ഷകള്‍ നടത്താന്‍ ചുമതലപ്പെട്ട മധ്യപ്രദേശ് പ്രൊഫഷണല്‍ പരീക്ഷാ ബോര്‍ഡ് അഥവാ മധ്യപ്രദേശ് വ്യവസായിക് പരീക്ഷാ മണ്ഡല്‍ എന്നതിന്റെ ചുരുക്കെഴുത്താണ് വ്യാപം. പ്രവേശന പരീക്ഷയില്‍ അയോഗ്യരായ പലര്‍ക്കും കോടികള്‍ കൈക്കൂലി വാങ്ങി നിയമനം നല്‍കിയെന്നാണ് ആരോപണം. 2013 ല്‍ ഇന്‍ഡോറില്‍ നിന്നുള്ള ഡോ. ആനന്ദ് റായി ആണ് ക്രമക്കേടുകളിലേക്ക് വെളിച്ചം വീശിയത്. മുന്‍ ഗവര്‍ണര്‍ രാംനരേഷ് യാദവിന്റെ ഓഫീസുള്‍പ്പെടെ വിവിധ ഭരണഘടനാ സ്ഥാപനങ്ങളും സര്‍ക്കാര്‍ ഉദ്യോഗസ്ഥരും രാഷ്ട്രീയക്കാരും കേസില്‍ പ്രതികളാണ്. മുഖ്യമന്ത്രി ശിവരാജ് സിങ് ചൗഹാന് നേരെയും സംശയത്തിന്റെ മുന നീണ്ടു. ഇതിലുള്‍പ്പെട്ടവരുടെ ദുരൂഹമരണങ്ങളും വാര്‍ത്തയായി. മരിച്ചവരിലേറെയും 25-നും 30-നുമിടയില്‍ പ്രായമുള്ളവരാണ്. റോഡപകടങ്ങളിലാണ് ഭൂരിഭാഗം മരണങ്ങളും. രാംനരേഷ് യാദവിന്റെ മകന്‍ ശൈലേഷ് യാദവിന്റെ മരിച്ചവരില്‍പ്പെടും.

വിഷം കഴിച്ച് ആത്മഹത്യ ചെയ്യാന്‍ ശ്രമിച്ച യുവതിയെ ഭോപ്പാലിലെ സ്വകാര്യ ആസ്പത്രിയില്‍ പ്രവേശിപ്പിച്ചു. യുവതിയുടെ നില അതീവ ഗുരുതരമാണെന്ന് ആസ്പത്രി വൃത്തങ്ങള്‍ പറഞ്ഞു. ബലാത്സംഗക്കേസില്‍ പൊലീസ് നിഷ്‌ക്രിയത്വം പാലിക്കുകയാണെന്നും അന്വേഷണം തൃപ്തികരമല്ലെന്നും ചൂണ്ടിക്കാട്ടിയാണ് യുവതി മുഖ്യമന്ത്രിയുടെ ഓഫീസിനു മുന്നില്‍ ആത്മഹത്യക്കു ശ്രമിച്ചത്.

ജാമ്യത്തിലിറങ്ങിയ പ്രതികള്‍ക്കെതിരെ പൊലീസ് നടപടി സ്വീകരിക്കുന്നില്ലെന്നും യുവതി ആരോപിച്ചു. മുഖ്യമന്ത്രി അടിയന്തരമായി ഇടപെടണമെന്ന് ആവശ്യപ്പെട്ടെങ്കിലും നടപടിയുണ്ടാകാത്തതില്‍ പ്രതിഷേധിച്ചാണ് യുവതി ആത്മഹത്യക്കു ശ്രമിച്ചത്.