ഇന്ത്യക്കെതിരായ വിശുദ്ധ യുദ്ധമാണ് ഖസ്വ ഇ ഹിന്ദ് അര്‍ത്ഥമാക്കുന്നത്. ‘നമ്മള്‍ ആദ്യം കശ്മീര്‍ കീഴടക്കും. പിന്നെ ഇന്ത്യ മുഴുവനായി കീഴടക്കും. ഖസ്വാ ഇ ഹിന്ദ് നടക്കുമെന്ന് ഞങ്ങളുടെ ഗ്രന്ഥങ്ങളില്‍ എഴുതിയിട്ടുണ്ട്. അറ്റോക്കിലെ നദി രക്തത്താല്‍ രണ്ട് തവണ ചുവപ്പ് നിറമാകും. അഫ്ഗാനിസ്ഥാനില്‍ നിന്നുള്ള സൈന്യം അറ്റോക്ക് വരെ എത്തും. അതിനുശേഷം സേന, ഷമാല്‍ മഷ്‌റിക്കില്‍ നിന്ന് ഉയരും, ഉസ്‌ബെക്കിസ്ഥാനില്‍ നിന്ന് വ്യത്യസ്ത സംഘങ്ങള്‍ എത്തും. ഇത് ലാഹോര്‍ വരെ നീണ്ടുനിന്ന ചരിത്രമേഖലയായ ഖൊറാസാനെ സൂചിപ്പിക്കുന്നു’. അക്തര്‍ അഭിമുഖത്തില്‍ പറയുന്നു.

ഇതോടെ അക്തറിനെതിരെ വന്‍ വിമര്‍ശനമാണ് അദ്ദേഹത്തിന്റെ ഇന്ത്യന്‍ ആരാധകരില്‍ നിന്ന് പോലും ഉയരുന്നത്. ഇന്ത്യക്കെതിരായി വിഷം തുപ്പരുതെന്നാണ് പലരും പ്രതികരിക്കുന്നത്.

‘മാക്രോണ്‍: കാര്‍ട്ടൂണുകള്‍ ഫ്രാന്‍സ് ഉപേക്ഷിക്കില്ല. മാക്രോണ്‍ തന്നെ വീണ്ടും പറയുന്നു: ഫ്രഞ്ച് ചരക്കുകള്‍ ബഹിഷ്‌കരിക്കാനുള്ള ആഹ്വാനം മുസ്‌ലിം രാജ്യങ്ങള്‍ ദയവായി ഉപേക്ഷിക്കുക. നിങ്ങള്‍ക്ക് വെറുക്കാനുള്ള സ്വാതന്ത്ര്യമുണ്ടെങ്കില്‍, നിങ്ങളുടെ വിദ്വേഷം നിരസിക്കാനുള്ള സ്വാതന്ത്ര്യം ഞങ്ങള്‍ക്കും ഉണ്ട്.’ എന്നാണ് അക്തറിന്റെ ട്വീറ്റ്.

ഫ്രഞ്ച് സര്‍ക്കാരിന്റെ പ്രവാചക നിന്ദയെയും മുസ്‌ലിം വിദ്വേഷത്തെയും തുടര്‍ന്ന് നിരവധി രാജ്യങ്ങളില്‍ നിന്ന് ഫ്രഞ്ച് ഉല്‍പന്നങ്ങള്‍ ബഹിഷ്‌കരിക്കുന്നതിനെ അനുകൂലിച്ച് ആളുകള്‍ രംഗത്തു വന്നിരുന്നു. അറബ് രാജ്യങ്ങള്‍, തുര്‍ക്കി, ബംഗ്ലാദേശ് പാകിസ്ഥാന്‍ എന്നീ രാജ്യങ്ങളിലെല്ലാം ഫ്രഞ്ച് ഉല്‍പന്നങ്ങള്‍ക്കെതിരെ വന്‍ തോതിലുള്ള ക്യാമ്പയിനാണ് നടക്കുന്നത്. പ്രവാചകന്‍ മുഹമ്മദ് നബിയെ നിന്ദിച്ചെന്നാരോപിച്ച് ഒരുകൂട്ടം ആളുകള്‍ സാമുവല്‍ പാറ്റിയെ കൊലപ്പെടുത്തിയതിന് പിന്നാലെ ഫ്രഞ്ച് സര്‍ക്കാര്‍ കൈകൊണ്ട നടപടികള്‍ മുസ്‌ലിം വിരുദ്ധമാണെന്നാരോപിച്ചുകൊണ്ടാണ് ബഹിഷ്‌കരണ ആഹ്വാനം പടര്‍ന്നത്.