ഷുഹൈബ് വധത്തില്‍ സിബിഐ അന്വേഷണം നടത്താന്‍ തയ്യാറാണെന്ന് കഴിഞ്ഞ മാസം 21ന് നടന്ന സമാധാന യോഗത്തിന് ശേഷം മന്ത്രി എകെ ബാലന്‍ പറഞ്ഞിരുന്നു. ഇത് തള്ളിക്കൊണ്ടാണ് സിബിഐ അന്വേഷണം വേണ്ടെന്ന് മുഖ്യമന്ത്രി വ്യക്തമാക്കിയിരിക്കുന്നത്. സമാധാനയോഗത്തില്‍ സിബിഐ അന്വേഷണം നടത്താമെന്ന് എകെ ബാലന്‍ പറഞ്ഞിട്ടില്ലെന്ന് മുഖ്യമന്ത്രി വ്യക്തമാക്കി.

എല്‍ഡിഎഫ് സര്‍ക്കാര്‍ അധികാരത്തില്‍ വന്നതിന് ശേഷം കണ്ണൂരില്‍ ഇതുവരെ ഒമ്പത് രാഷ്ട്രീയ കൊലപാതകങ്ങള്‍ നടന്നുവെന്ന് മുഖ്യമന്ത്രി പറഞ്ഞു. രാഷ്ട്രീയ കൊലപാതകങ്ങള്‍ക്കെതിരെ കര്‍ശന നടപടിയുണ്ടാവുമെന്നും മുഖ്യമന്ത്രി വ്യക്തമാക്കി.

കഴിഞ്ഞ ദിവസം ഷുഹൈബിന്റെ സഹോദരിമാര്‍ കെ.സുധാകരന്റെ സമര പന്തലിലെത്തി കണ്ടിരുന്നു. ഇന്നലെ വൈകിട്ട് ആറുമണിയോടെയാണ് സഹോദരിമാരായ മൂന്നു പേരും പന്തലിലെത്തിയത്. യു.ഡി.എഫ് പ്രവര്‍ത്തകര്‍ മുദ്രാവാക്യം മുഴക്കി സ്വീകരിച്ചപ്പോള്‍ മൂന്നു പേരും മനസ്സിനെ നിയന്ത്രിക്കാനാവാതെ പൊട്ടിക്കരഞ്ഞു. വളരെ കുറച്ചു സമയം മാത്രമാണ് പന്തലില്‍ ചെലവഴിച്ചത്. സഹോദരിമാരായ ഷമീമ,ഷര്‍മില, സുമയ്യ എന്നിവര്‍ ബന്ധുക്കളോടൊപ്പമാണ് എത്തിയത്. കെ.സുധാകരനെയും ഡി.സി.സി അധ്യക്ഷന്‍ സതീശന്‍ പാച്ചേനിയെയും അഭിവാദ്യം ചെയ്തു. സി.ബി.ഐ അന്വേഷണത്തിനുള്ള തീരുമാനം നീണ്ടുപോകുകയാണെങ്കില്‍ കുടുംബവും സമരത്തിനിറങ്ങുമെന്ന് അവര്‍ കെ.സുധാകരനെ അറിയിച്ചു.

കഴിഞ്ഞ ദിവസം സഹോദരി സുമയ്യ മുഖ്യമന്ത്രി പിണറായി വിജയന് തുറന്ന കത്തെഴുതിയിരുന്നു. കണ്ണൂരിലെ ക്രൂരത അവസാനിപ്പിക്കാന്‍ താങ്കള്‍ മുന്‍കൈ എടുക്കണമെന്നും ഷുഹൈബ് കൊലപാതക രാഷ്ട്രീയത്തിന്റെ അവസാനത്തെ ഇരയായിരിക്കണമെന്നുമാണ് ആവശ്യം. കേസ് അന്വേഷണം സി.ബി.ഐക്കുവിടണമെന്നാവശ്യപ്പെട്ട് മാതാപിതാക്കള്‍ മുഖ്യമന്ത്രിക്കും പൊലീസ് മേധാവിക്കും കത്ത് നല്‍കിയിരുന്നു. എന്നാല്‍ സര്‍ക്കാര്‍ തീരുമാനം നീണ്ടു പോകുകയാണ്. ഇതിനിടെയാണ് സമര പന്തലിലെത്തി സഹോദരിമാര്‍ സുധാകരന് അഭിവാദ്യമര്‍പ്പിച്ചത്. ഇതിനിടെ സമരപന്തലിലേക്ക് ജനങ്ങളുടെ ഒഴുക്ക് തുടരുകയാണ്. കെ.സുധാകരന്റെ ആരോഗ്യനില കൂടുതല്‍ മോശമായിട്ടുണ്ട്. അദ്ദേഹത്തെ അറസ്റ്റു ചെയ്യാനുള്ള സാധ്യതയും ഏറി.

സി.ബി.ഐ അന്വേഷണത്തിനുള്ള തീരുമാനം നീണ്ടുപോകുകയാണെങ്കില്‍ കുടുംബവും സമരത്തിനിറങ്ങുമെന്ന് അവര്‍ കെ.സുധാകരനെ അറിയിച്ചു. കഴിഞ്ഞ ദിവസം സഹോദരി സുമയ്യ മുഖ്യമന്ത്രി പിണറായി വിജയന് തുറന്ന കത്തെഴുതിയിരുന്നു. കണ്ണൂരിലെ ക്രൂരത അവസാനിപ്പിക്കാന്‍ താങ്കള്‍ മുന്‍കൈ എടുക്കണമെന്നും ഷുഹൈബ് കൊലപാതക രാഷ്ട്രീയത്തിന്റെ അവസാനത്തെ ഇരയായിരിക്കണമെന്നുമാണ് ആവശ്യം. കേസ് അന്വേഷണം സി.ബി.ഐക്കുവിടണമെന്നാവശ്യപ്പെട്ട് മാതാപിതാക്കള്‍ മുഖ്യമന്ത്രിക്കും പൊലീസ് മേധാവിക്കും കത്ത് നല്‍കിയിരുന്നു. എന്നാല്‍ സര്‍ക്കാര്‍ തീരുമാനം നീണ്ടു പോകുകയാണ്. ഇതിനിടെയാണ് സമര പന്തലിലെത്തി സഹോദരിമാര്‍ സുധാകരന് അഭിവാദ്യമര്‍പ്പിച്ചത്. ഇതിനിടെ സമരപന്തലിലേക്ക് ജനങ്ങളുടെ ഒഴുക്ക് തുടരുകയാണ്. കെ.സുധാകരന്റെ ആരോഗ്യനില കൂടുതല്‍ മോശമായിട്ടുണ്ട്. അദ്ദേഹത്തെ അറസ്റ്റു ചെയ്യാനുള്ള സാധ്യതയും ഏറി.

ഒളിവില്‍ കഴിയുകയായിരുന്ന ഇവരടക്കം അഞ്ച് പേരെ കര്‍ണാടകയിലെ വീരാജ്‌പേട്ടയില്‍ നിന്നാണ് അന്വേഷണ സംഘം പിടികൂടിയത്. തുടര്‍ന്ന് മട്ടന്നൂര്‍ സ്റ്റേഷനില്‍ എസ്പി ജി.ശിവവിക്രത്തിന്റെ നേതൃത്വത്തില്‍ വിശദമായി ചോദ്യം ചെയ്തശേഷം രാത്രിയിലാണ് അറസ്റ്റ് രേഖപ്പെടുത്തിയത്. ഒരാള്‍ ഷുഹൈബിനെ വെട്ടിക്കൊന്ന സംഘത്തില്‍ ഉള്‍പ്പെട്ടിട്ടുണ്ട്. രണ്ടു പേര്‍ ഗൂഢാലോചന നടത്തിയ സംഘത്തില്‍ ഉള്‍പ്പെട്ടിട്ടുണ്ടെന്നും ജില്ലാ പൊലീസ് സൂപ്രണ്ട് പറഞ്ഞു. കൊലപാതകത്തില്‍ നേരിട്ട് പങ്കെടുത്തയാളും കൊലയ്ക്ക് ക്വട്ടേഷന്‍ നല്‍കിയ ആളും അറസ്റ്റ് ചെയ്യപ്പെട്ടവരില്‍ ഉള്‍പ്പെട്ടിട്ടുണ്ടെന്നാണ് സൂചന. അസ്‌കര്‍ നേരത്തെ എടയന്നൂര്‍ സ്‌കൂളിലെ എസ്എഫ്‌ഐ-കെഎസ്‌യു സംഘര്‍ഷവുമായി ബന്ധപ്പെട്ട് ഷുഹൈബിന്റെ ശത്രുപക്ഷത്തുള്ള വ്യക്തിയാണ്.

അഖില്‍ നാട്ടുകാരനാണ്. അസ്‌കറിനു നേരത്തെ അറസ്റ്റിലായ ആകാശ്, റിജിന്‍ രാജ് എന്നിവരുമായി അടുത്ത ബന്ധമുള്ളതായി കരുതപ്പെടുന്നു. പ്രതികളെ തേടി ബംഗളൂരുവിലെ ചില കേന്ദ്രങ്ങളില്‍ പൊലീസ് റെയ്ഡ് നടത്തിയിരുന്നുവെങ്കിലും പ്രതികള്‍ അവിടെ നിന്ന് രക്ഷപ്പെട്ടിരുന്നു. റെയ്ഡ് വിവരം ചോര്‍ന്നതിനെ തുടര്‍ന്നാണ് പ്രതികള്‍ ബംഗളുരുവില്‍ നിന്ന് രക്ഷപ്പെട്ടതെന്ന് കരുതപ്പെടുന്നു. ഇവരുടെ അറസ്റ്റോടെ ഷുഹൈബ് വധത്തില്‍ അറസ്റ്റിലാവുന്നവരുടെ എണ്ണം അഞ്ചായി. പ്രതികളെല്ലാം സിപിഎം പ്രവര്‍ത്തകരാണെന്ന് പൊലീസ് കോടതിയില്‍ നല്‍കിയ റിമാന്റ് റിപ്പോര്‍ട്ടില്‍ വ്യക്തമാക്കുകയും സിപിഎം ജില്ലാ സെക്രട്ടറി പി ജയരാജന്‍ പ്രതികള്‍ പാര്‍ട്ടി പ്രവര്‍ത്തകരാണെന്ന് സ്ഥിരീകരിക്കുകയും ചെയ്തിരുന്നു.

ഷുഹൈബിനെ വധിക്കാന്‍ ക്വട്ടേഷന്‍ നല്‍കിയതാരാണ്, പാര്‍ട്ടിയുടെ ഏത് തലത്തില്‍ വരെ കൊലപാതകത്തിനുള്ള ഗൂഢാലോചന നടന്നു എന്നീ കാര്യങ്ങളാണ് ഇനി പുറത്തുവരാനുള്ളത്. കൊല്ലാനുപയോഗിച്ച ആയുധങ്ങളും സഞ്ചരിച്ച വാഹനവും കണ്ടെത്താനുമുണ്ട്. കസ്റ്റഡിയില്‍ വാങ്ങിയ ആകാശിനെയും റിജിന്‍ രാജിനെയും പൊലീസ് ചോദ്യം ചെയ്ത് വരികയാണ്. ഫെബ്രുവരി 12ന് രാത്രിയാണ് എടയന്നൂരില്‍ വച്ച് ഷുഹൈബിനെ അഞ്ചംഗ സംഘം വെട്ടിക്കൊലപ്പെടുത്തിയത്.

ആകാശ് തില്ലേങ്കേരിയും റിജിന്‍ രാജും കൊലപാതകം നടത്തിയ സംഘത്തോടൊപ്പം ഉണ്ടായിരുന്നുവെന്ന് സാക്ഷികള്‍ വ്യക്തമാക്കി. നൗഷാദിനും റിയാസിനുമൊപ്പം മറ്റൊരു സാക്ഷി കൂടി വന്നിരുന്നുവെങ്കിലും സാക്ഷിയുടെ സ്വകാര്യത പരിഗണിച്ച് ആരാണെന്ന് വ്യക്തമാക്കിയിട്ടില്ല.

ആകാശിനും രജിന്‍രാജിനുമൊപ്പം മറ്റു മൂന്നു പേര്‍ കൂടി അക്രമിസംഘത്തില്‍ ഉണ്ടെന്നാണ് പൊലീസ് പറയുന്നത്. എന്നാല്‍ ഇവരെ ഇഥുവരെയും പിടികൂടാന്‍ പൊലീസ് സംഘത്തിനു കഴിഞ്ഞിട്ടില്ല. കഴിഞ്ഞ ദിവസം രാത്രി ജില്ലാ പൊലീസ് മേധാവിയുടെ നേതൃത്വത്തില്‍ ജില്ലയുടെ വിവിധയിടങ്ങളില്‍ പ്രതികള്‍ക്കായി വ്യാപക തെരച്ചില്‍ നടത്തിയിരുന്നെങ്കിലും അറസ്റ്റ് രേഖപ്പെടുത്തിയിട്ടില്ല.

കെ.കെ. രാഗേഷ് എംപി വേദിയിലിരിക്കുന്നതിനെ ഡിസിസി പ്രസിഡന്റ് സതീശന്‍ പാച്ചേനി ചോദ്യം ചെയ്തു. ഇതില്‍ സിപിഎം ജില്ലാ സെക്രട്ടറി പി. ജയരാജനും പാച്ചേനിയും തമ്മില്‍ വാക്കേറ്റമുണ്ടായി. ജനപ്രതിനിധികളെ വിളിക്കുന്നുവെങ്കില്‍, മറ്റു പാര്‍ട്ടികളുടെ ജനപ്രതിനിധികളെയും ക്ഷണിക്കണമായിരുന്നുവെന്നുവെന്നു സതീശന്‍ പാച്ചേനി വാദിച്ചു.

മുന്‍പ് കണ്ണൂരില്‍ നടന്ന സമാധാനയോഗങ്ങളില്‍ ഭരണപ്രതിപക്ഷഭേദമില്ലാതെ എല്ലാ ജനപ്രതിനിധികളെയും വിളിച്ചിട്ടുണ്ട്. എന്നാല്‍ ഇത്തവണ മാത്രം അതുണ്ടായില്ല. പ്രതിപക്ഷ പ്രതിനിധികളെ വിളിക്കാതിരുന്ന സ്ഥിതിക്ക് എംപിയെന്ന നിലയില്‍ കെ.കെ. രാഗേഷ് വേദിയില്‍ ഇരിക്കുന്നതു ശരിയല്ലെന്നു കോണ്‍ഗ്രസ് നേതാക്കള്‍ അറിയിച്ചു. എന്നാല്‍ ജനപ്രതിനിധി എന്ന നിലയിലാണു രാഗേഷിനെ വേദിയിലിരിലുത്തിയതെന്നു മന്ത്രി ബാലന്‍ വ്യക്തമാക്കി. പിന്നീട് എംഎല്‍എമാരായ കെ.സി. ജോസഫ്, സണ്ണി ജോസഫ്, കെ.എം. ഷാജി എന്നിവരും വേദിയിലെത്തി തങ്ങള്‍ക്കും ഇരിപ്പിടം വേണമെന്ന് ആവശ്യപ്പെട്ടു ബഹളമുണ്ടാക്കുകയായിരുന്നു. ജനപ്രതിനിധികളെ വിളിച്ചിട്ടില്ലെന്നും രാഷ്ട്രീയ പാര്‍ട്ടികളുടെ യോഗമാണു വിളിച്ചതെന്നും മന്ത്രി ബാലന്‍ വീണ്ടും വ്യക്തമാക്കി. എന്നാല്‍ എംപിയെന്ന നിലയില്‍ ബഹുമാനാര്‍ഥമാണ് രാഗേഷിനു വേദിയില്‍ സ്ഥലം അനുവദിച്ചതെന്നും ബാലന്‍ കൂട്ടിച്ചേര്‍ത്തു.

ഇതിനു പിന്നാലെ കോണ്‍ഗ്രസ് യോഗം ബഹിഷ്‌കരിച്ചു. യോഗത്തില്‍നിന്നു നേതാക്കള്‍ ഇറങ്ങിപ്പോയി. എന്നാല്‍ യുഡിഎഫിന്റെ അഭാവത്തില്‍ യോഗം തുടരുമെന്നും സമവായം കണ്ടെത്തുമെന്നും മന്ത്രി എകെ ബാലന്‍ പറഞ്ഞു.

അതിനിടെ ഷുഹൈബിന്റെ കുടുംബത്തിനായി സഹായധന സമാഹരണം നടത്തുകയായിരുന്ന കോണ്‍ഗ്രസ് പ്രവര്‍ത്തകന് മര്‍ദനമേറ്റു. കോഴിക്കോട് ഉള്ള്യേരിയിലാണു സംഭവം. ഇതിനു പിന്നില്‍ സിപിഎം പ്രവര്‍ത്തകരാണെന്ന് അക്രമത്തിനിരയായ ഗോപാലന്‍ ഇദ്ദേഹം സ്വകാര്യ ആശുപത്രിയില്‍ ചികിത്സ തേടി

സര്‍വ്വകക്ഷി സമാധാന യോഗങ്ങള്‍ പ്രഹസനമായി മാറുന്ന സാഹചര്യത്തില്‍ ഇന്ന് നടക്കുന്ന യോഗത്തില്‍ യുഡിഎഫ് പങ്കെടുക്കേണ്ടതില്ലെന്നായിരുന്നു ലീഗിന്റെ നിലപാട്. ഇക്കാര്യം സംസ്ഥാന ജനറല്‍ സെക്രട്ടറി കെപിഎ മജീദ് പരസ്യമായി പ്രകടിപ്പിക്കുകയും ചെയ്തു. സമാധാന യോഗം വിളിക്കാന്‍ മുഖ്യമന്ത്രി മുന്‍ കയ്യെടുക്കാത്തതിനെതിരെ ഉമ്മന്‍ചാണ്ടിയും രമേശ് ചെന്നിത്തലയും അടക്കമുളള കോണ്‍ഗ്രസ് നേതാക്കളും ഇന്നലെ ശക്തമായി പ്രതികരിച്ചിരുന്നു. എന്നാല്‍ ഉച്ചക്ക് ശേഷം ചേര്‍ന്ന ഡിസിസി നേതൃയോഗം സര്‍വ്വകക്ഷി സമാധാന യോഗത്തില്‍ പങ്കെടുക്കാന്‍ തീരുമാനമെടുക്കുകയായിരുന്നു.

അതിനിടെ ഷുഹൈബിന്റെ കുടുംബത്തിനായി സഹായധന സമാഹരണം നടത്തുകയായിരുന്ന കോണ്‍ഗ്രസ് പ്രവര്‍ത്തകന് മര്‍ദനമേറ്റു. കോഴിക്കോട് ഉള്ള്യേരിയിലാണു സംഭവം. ഇതിനു പിന്നില്‍ സിപിഎം പ്രവര്‍ത്തകരാണെന്ന് അക്രമത്തിനിരയായ ഗോപാലന്‍ ഇദ്ദേഹം സ്വകാര്യ ആശുപത്രിയില്‍ ചികിത്സ തേടി

സര്‍വ്വകക്ഷി സമാധാന യോഗങ്ങള്‍ പ്രഹസനമായി മാറുന്ന സാഹചര്യത്തില്‍ ഇന്ന് നടക്കുന്ന യോഗത്തില്‍ യുഡിഎഫ് പങ്കെടുക്കേണ്ടതില്ലെന്നായിരുന്നു ലീഗിന്റെ നിലപാട്. ഇക്കാര്യം സംസ്ഥാന ജനറല്‍ സെക്രട്ടറി കെപിഎ മജീദ് പരസ്യമായി പ്രകടിപ്പിക്കുകയും ചെയ്തു. സമാധാന യോഗം വിളിക്കാന്‍ മുഖ്യമന്ത്രി മുന്‍ കയ്യെടുക്കാത്തതിനെതിരെ ഉമ്മന്‍ചാണ്ടിയും രമേശ് ചെന്നിത്തലയും അടക്കമുളള കോണ്‍ഗ്രസ് നേതാക്കളും ഇന്നലെ ശക്തമായി പ്രതികരിച്ചിരുന്നു. എന്നാല്‍ ഉച്ചക്ക് ശേഷം ചേര്‍ന്ന ഡിസിസി നേതൃയോഗം സര്‍വ്വകക്ഷി സമാധാന യോഗത്തില്‍ പങ്കെടുക്കാന്‍ തീരുമാനമെടുക്കുകയായിരുന്നു.

സര്‍വ്വ കക്ഷി സമാധാന യോഗത്തില്‍ കലക്ടര്‍, ജില്ലാ പൊലീസ് മേധാവി, ജില്ലയിലെ ജനപ്രതിനിധികള്‍ തുടങ്ങിയവരും പങ്കെടുക്കും.

നിരാഹാര സമരം തുടരുന്ന കെ സുധാകരന്‍ ഷുഹൈബിനെ വെട്ടിക്കൊന്നത് കിര്‍മാണി മനോജാണെന്ന് ഇന്നലെയും ആവര്‍ത്തിച്ചു. മുറിവുകളുടെ സ്വഭാവം ഇത് വ്യക്തമാക്കുന്നുവെന്നും മനോജിന് ഇതിനാണ് പരോള്‍ നല്‍കിയതെന്നുമാണ് സുധാകരന്റെ വാദം. ആകാശ് സംഘത്തില്‍ ഉണ്ടെങ്കില്‍ അത് ജയരാജന്‍ അറിയാതെ നടക്കില്ലെന്നും കിര്‍മാണി മനോജിന്റെ പങ്ക് പുറത്തു വന്നാല്‍ ഗൗരവം വര്‍ധിക്കും എന്നത് കൊണ്ടാണ് ആകാശിനെ പ്രതിയാക്കിയതെന്നും സുധാകരന്‍ പറയുന്നു.

അതിനിടെ ഷുഹൈബ് വധക്കേസിലെ പ്രതികളെ യുഎപിഎ യില്‍ നിന്ന് ഒഴിവാക്കാനുള്ള ശ്രമം പൊലീസ് ആരംഭിച്ചതായി സൂചനയുണ്ട്. ഷുഹൈബിനെ കൊല്ലാന്‍ ഉദ്ദേശിച്ചിരുന്നില്ലെന്ന ആകാശിന്റെയും റിജിന്‍ രാജിന്റെയും മൊഴി ഇതിന്റെ ഭാഗമായാണെന്ന് കരുതപ്പെടുന്നു. ഷുഹൈബിന്റെ കൊലയാളികള്‍ എത്തിയ വാഹനം തിരിച്ചറിഞ്ഞതായി അന്വേഷണ സംഘം സൂചിപ്പിച്ചു. വാടകക്കെടുത്ത രണ്ട് വാഹനങ്ങളിലായാണ് അക്രമി സംഘം എത്തിയത്. ഷുഹൈബിനെ വെട്ടിക്കൊന്ന ശേഷം വന്ന കാറില്‍ തന്നെ മടങ്ങിയ അക്രമികള്‍ ഇടക്ക് വച്ച് രണ്ടാമത്തെ വാഹനത്തില്‍ കയറിപ്പോവുകയായിരുന്നു എന്നാണ് പൊലീസ് നിഗമനം. കഴിഞ്ഞദിവസം അറസ്റ്റിലായ സി.പി.എം പ്രവര്‍ത്തകരായ എം.വി ആകാശ് (24), കരുവള്ളിയിലെ രജിന്‍രാജ് (26) എന്നിവര്‍ റിമാന്റിലാണ്.

ശുഹൈബിന്റെ ശരീരത്തിലുള്ള മുറിവുകളുടെ സ്വഭാവം ഇത് വ്യക്തമാക്കുന്നുണ്ട്. ശുഹൈബിനെ കൊല്ലാനാണ് മനോജിന് പരോള്‍ നല്‍കിയതെന്നും സുധാകരന്‍ ആരോപിച്ചു. ആകാശ് സംഘത്തില്‍ ഉണ്ടെങ്കില്‍ അത് ജയരാജന്‍ അറിയാതെ നടക്കില്ലെന്നും സുധാകരന്‍ ആരോപിച്ചു. കിര്‍മാണി മനോജിന്റെ പങ്ക് പുറത്തു വന്നാല്‍ ഗൗരവം വര്‍ധിക്കും എന്നത് കൊണ്ട് ആകാശിനെ പ്രതിയാക്കിയതെന്നും സുധാകരന്‍ പറഞ്ഞു.

അതേസമയം, ശുഹൈബ് വധത്തില്‍ കോണ്‍ഗ്രസ് പ്രതിഷേധം തുടരുകയാണ്. കണ്ണൂരില്‍ കെ.സുധാകരനും തിരുവനന്തപുരത്ത് യൂത്ത് കോണ്‍ഗ്രസ് നേതാക്കളും നടത്തുന്ന നിരാഹാര സമരം രണ്ടാം ദിവസവും തുടരുകയാണ്. കേസില്‍ പിടിയിലായവരെ കഴിഞ്ഞ ദിവസം തെളിവെടുപ്പിന് കൊണ്ടുവന്നിരുന്നു.