അതിനിടെ ഒരുമാസത്തിനിടെ തങ്ങളിലൊരാള്‍ കൊല്ലപ്പെട്ടേക്കാമെന്ന് ഷുഹൈബ് വധക്കേസിലെ പ്രധാന പ്രതി ആകാശ് തില്ലങ്കേരിയുടെ കൂട്ടാളി ജിജോ തില്ലങ്കേരി ഫേസ്ബുക്ക് പോസ്റ്റിട്ടു. ഞായറാഴ്ച വൈകീട്ട് ഇട്ട ഫേസ്ബുക്ക് പോസ്റ്റ് മിനിറ്റുകള്‍ക്കകം അപ്രത്യക്ഷമായി

തിരുവനന്തപുരം: കണ്ണൂര്‍ എടയന്നൂരിലെ യൂത്ത് കോണ്‍ഗ്രസ് പ്രവര്‍ത്തകന്‍ ഷുഹൈബിനെ കൊലപ്പെടുത്തിയ കേസ് സി.ബി.ഐക്കു വിടുന്നതു തടയാന്‍ സര്‍ക്കാര്‍ ചെലവിട്ടത് 34.20 ലക്ഷം രൂപ. സി.പി.എം പ്രവര്‍ത്തകര്‍ പ്രതികളായ കേസാണിത്.

കേരളത്തിനു പുറത്തുനിന്നുള്ള മുതിര്‍ന്ന അഭിഭാഷകരെ കൊണ്ടുവന്നതിനുള്ള ഫീസായാണ് ഇത്രയും തുക നല്‍കേണ്ടത്. ഹൈക്കോടതിയില്‍ സര്‍ക്കാരിനുവേണ്ടി ഹാജരായ ഒരു അഭിഭാഷകന് ഏറ്റവുംഉയര്‍ന്ന തുക പ്രതിഫലമായി നല്‍കേണ്ടിവന്നതും ഈ കേസിലാണ്.

നിയമസഭയില്‍ അഡ്വ. സണ്ണി ജോസഫാണ് വിവരങ്ങള്‍ തേടിയത്. എന്നാല്‍, കേസ് സംബന്ധിച്ച കാര്യങ്ങള്‍ പുറത്തുവരാത്ത വിധത്തിലായിരുന്നു സര്‍ക്കാരിന്റെ മറുപടി. ഈ സര്‍ക്കാര്‍ വന്നശേഷം ഏറ്റവുംകൂടുതല്‍ പ്രതിഫലം നല്‍കി ഏതു കേസ് വാദിക്കാനാണ് പുറത്തുനിന്നുള്ള പ്രമുഖ അഭിഭാഷകരെ ചുമതലപ്പെടുത്തിയതെന്നായിരുന്നു സണ്ണി ജോസഫിന്റെ ചോദ്യം. ഹൈക്കോടതിയുടെ പരിഗണനയിലുള്ള റിട്ട് അപ്പീല്‍ നമ്പര്‍ 628/18 എന്നായിരുന്നു ഈ ചോദ്യത്തിന് മന്ത്രി എ.കെ. ബാലന്‍ മറുപടിനല്‍കിയത്.

ഷുഹൈബിന്റെ പിതാവാണ് സി.ബി.ഐ അന്വേഷണം ആവശ്യപ്പെട്ട് ഹൈക്കോടതിയെ സമീപിച്ചത്. സിംഗിള്‍ ബെഞ്ച് അനുകൂല വിധി പറഞ്ഞു. അതിനെതിരേ സര്‍ക്കാര്‍ നല്‍കിയ അപ്പീലിലാണ് മുതിര്‍ന്ന അഭിഭാഷകരെ കൊണ്ടുവന്നത്. കേസ് നമ്പര്‍ മാത്രമായി മറുപടിയില്‍ ഉള്‍പ്പെടുത്തിയത് വിവരങ്ങള്‍ പെട്ടെന്നു പുറത്തുപോകാതിരിക്കാനുള്ള കൗശലമാണെന്നു സണ്ണി ജോസഫ് പ്രതികരിച്ചു.

വിജയ് ഹന്‍സാരിയ, അമരേന്ദ്ര ശരണ്‍ എന്നിവരാണ് ഈ കേസില്‍ സര്‍ക്കാരിനുവേണ്ടി ഹാജരായത്. വിജയ് ഹന്‍സാരിയയ്ക്ക് 12,20,000 രൂപ നല്‍കി. മുതിര്‍ന്ന അഭിഭാഷകന്‍ അമരേന്ദ്രശരണിന് 22 ലക്ഷം രൂപ നല്‍കണമെന്നും അത് കൈമാറിയിട്ടില്ലെന്നും മന്ത്രി മറുപടി നല്‍കി. ഒരു കൊലപാതക കേസില്‍ പ്രതികളായ സി.പി.എം. പ്രവര്‍ത്തകരെ സംരക്ഷിക്കാനാണ് ഇത്രയും തുക സര്‍ക്കാര്‍ ചെലവഴിച്ചത്.

സര്‍ക്കാര്‍ കേസുകള്‍ക്കായി സുപ്രീംകോടതിയിലും ഹൈക്കോടതിയിലും ഹാജരാകുന്നത് സര്‍ക്കാരിന്റെ പാനലിലുള്ള അഭിഭാഷകരാണ്. അതിനുപകരം പുറത്തുനിന്നുള്ള അഭിഭാഷകരെ കൊണ്ടുവരാന്‍ അഡ്വക്കേറ്റ് ജനറലിന്റെ ശുപാര്‍ശയോടെ സര്‍ക്കാരാണു തീരുമാനമെടുക്കുന്നത്.

ഷുഹൈബ് വധക്കേസിലെ അന്വേഷണം കാര്യക്ഷമം അല്ലെന്നു ചൂണ്ടിക്കാട്ടി കഴിഞ്ഞ വര്‍ഷമാണ് ഹൈക്കോടതി സിംഗിള്‍ ബെഞ്ച് കേസ് അന്വേഷണം സിബിഐക്ക് വിട്ടത്. എന്നാല്‍ ഈ വിധിക്കെതിരെ സംസ്ഥാന സര്‍ക്കാര്‍ ഡിവിഷന്‍ ബെഞ്ചിനെ സമീപിക്കുകയായിരുന്നു.

ഷുഹൈബ് വധക്കേസിലെ അന്വേഷണം കാര്യക്ഷമം അല്ലെന്നു ചൂണ്ടിക്കാട്ടി കഴിഞ്ഞ വര്‍ഷമാണ് ഹൈക്കോടതി സിംഗിള്‍ ബെഞ്ച് കേസ് അന്വേഷണം സിബിഐക്ക് വിട്ടത്. എന്നാല്‍ ഈ വിധിക്കെതിരെ സംസ്ഥാന സര്‍ക്കാര്‍ ഡിവിഷന്‍ ബെഞ്ചിനെ സമീപിക്കുകയായിരുന്നു.

സുപ്രീം കോടതി അഭിഭാഷകനായ അമരേന്ദ്ര ശരണിനു മേയില്‍ 22 ലക്ഷം രൂപ അനുവദിച്ചു. തുക കൈമാറിയിട്ടില്ല. വിജയ് ഹന്‍സാരിയയുടെ 22.20 ലക്ഷം രൂപയുടെ ബില്‍ സര്‍ക്കാര്‍ ഉത്തരവിനായി സമര്‍പ്പിച്ചിട്ടുണ്ടെന്ന് എ.ജിയുടെ ഓഫിസ് അറിയിച്ചിട്ടുണ്ട്. സുപ്രീം കോടതി അഭിഭാഷകര്‍ ഏതെല്ലാം തീയതികളിലാണു ഹൈക്കോടതിയില്‍ ഹാജരായതെന്നും ഇനിയും എത്ര ബില്ലുകള്‍ സമര്‍പ്പിക്കാനുണ്ടെന്നും സര്‍ക്കാര്‍ വെളിപ്പെടുത്തിയിട്ടില്ല. അതു കൂടിയാകുമ്പോള്‍ ഇനിയും ലക്ഷങ്ങള്‍ വന്നേക്കാം. മറ്റൊരു സുപ്രീം കോടതി അഭിഭാഷകന് 8.80 ലക്ഷം രൂപ ഈ കേസില്‍ നല്‍കിയെന്ന വിവരാവകാശ രേഖ മുന്‍പു പുറത്തു വന്നിരുന്നു. എന്നാല്‍ ഇപ്പോള്‍ പുറത്തുവിട്ട വിവരാവകാശ രേഖയില്‍ ഈ അഭിഭാഷകന്റെ പേരോ തുകയോ ഇല്ല.

സി.ബി.ഐ അന്വേഷണം വേണ്ടെന്നു വാദിക്കാന്‍ എത്തിയ സുപ്രീം കോടതി അഭിഭാഷകനു തിരക്കിട്ടു പണം നല്‍കിയത് നിയമമന്ത്രിയുടെയും നിയമ സെക്രട്ടറിയുടെയും അനുമതിയില്ലാതെയാണെന്നാണ് റിപ്പോര്‍ട്ട്. സംസ്ഥാന സര്‍ക്കാരിനു വേണ്ടി ഹാജരാകുന്ന അഭിഭാഷകരുടെപാനലില്‍ ഉള്‍പ്പെടാത്ത വിജയ് ഹന്‍സാരിയക്ക് മുഖ്യമന്ത്രിയുടെ പ്രത്യേക ഉത്തരവിലൂടെയാണു പണം നല്‍കിയത്. അതിനു ശേഷമാണു നിയമമന്ത്രിയും വകുപ്പു സെക്രട്ടറിയും ഉത്തരവു സാധൂകരിച്ച് ഒപ്പിട്ടത്.

കൊച്ചി: സി.പി.എം ഗുണ്ടകള്‍ കൊലപ്പെടുത്തിയ കോണ്‍ഗ്രസ് യുവനേതാവ് മട്ടന്നൂര്‍ ഷുഹൈബിന്റെ കേസില്‍ സി.ബി.ഐ അന്വേഷണം ആവശ്യമില്ലെന്ന് ആവശ്യപ്പെട്ട് സര്‍ക്കാര്‍ ഹൈക്കോടതിയില്‍. കേസില്‍ ഉള്‍പ്പെട്ട എല്ലാ പ്രതികളെയും പൊലീസ് പിടികൂടിയിട്ടുണ്ടെന്ന് സര്‍ക്കാര്‍ ഹൈക്കോടതിയെ അറിയിച്ചു. ഭീകരവാദ പ്രവര്‍ത്തനത്തില്‍ ഷുഹൈബ് വധത്തെ ഉള്‍പ്പെടുത്താനാകില്ലെന്നും യു.എ.പി.എ വകുപ്പ് നിലനില്‍ക്കില്ലെന്നും സര്‍ക്കാര്‍ കോടതിയില്‍ പറഞ്ഞു.

ഷുഹൈബ് വധക്കേസിന്റെ അന്വേഷണം ഒരു വര്‍ഷം മുമ്പാണ് സിംഗിള്‍ ബെഞ്ച് സി.ബി.ഐക്ക് വിട്ടത്. ഷുഹൈബിന്റെ മാതാപിതാക്കള്‍ സമര്‍പ്പിച്ച ഹര്‍ജിയിലാണ് കഴിഞ്ഞ വര്‍ഷം മാര്‍ച്ചില്‍ ജസ്റ്റിസ് ബി കെമാല്‍പാഷ സി.ബി.ഐ അന്വേഷണത്തിന് ഉത്തരവിട്ടത്. ഇതിനെതിരെ സര്‍ക്കാര്‍ അപ്പീല്‍ സമര്‍പ്പിക്കുകയായിരുന്നു. കേസിലെ അന്വേഷണം പൂര്‍ത്തിയായി. ഗൂഢാലോചന അടക്കം വിശദമായി അന്വേഷിച്ചതാണെന്നും അതിനാല്‍ കേന്ദ്ര ഏജന്‍സി വീണ്ടും അന്വേഷിക്കേണ്ടതില്ലെന്നുമാണ് സംസ്ഥാന സര്‍ക്കാര്‍ നിലപാട്.

2018 ഫെബ്രുവരി 12നാണ് രാഷ്ട്രീയ സംഘര്‍ഷങ്ങളുടെ തുടര്‍ച്ചയായുണ്ടായ ആക്രമണത്തില്‍ ഷുഹൈബ് കൊല്ലപ്പെട്ടത്. യൂത്ത് കോണ്‍ഗ്രസ് മട്ടന്നൂര്‍ ബ്ലോക്ക് സെക്രട്ടറിയായിരുന്ന എസ് പി ഷുഹൈബിനെ കണ്ണൂര്‍ തെരൂരിലെ തട്ടുകടയില്‍ ഭക്ഷണം കഴിച്ചുകൊണ്ടിരിക്കെ അക്രമിസംഘം വെട്ടിക്കൊല്ലുകയായിരുന്നു. മുന്‍ ലോക്കല്‍ സെക്രട്ടറി ഉള്‍പ്പെടെയുള്ള സിപിഎം പ്രവര്‍ത്തകരാണ് കേസിലെ പ്രതികള്‍.

ശുഹൈബ് വധക്കേസ് സി.ബി.ഐയെ ഏല്‍പിക്കണമെന്ന ഹൈക്കോടതി സിംഗിള്‍ ബെഞ്ച് ഉത്തരവ് റദ്ദാക്കണമെന്ന അപ്പീലിലുള്ള വാദത്തിലാണ് സര്‍ക്കാര്‍ നിലപാട് വ്യക്താക്കിയത്. കേസിലുള്ള അന്വേഷണം കാര്യക്ഷമമായി നടക്കുന്നതിനാല്‍ സി.ബി.ഐ അന്വേഷണം ആവശ്യമില്ലെന്നു കാണിച്ചാണ് സര്‍ക്കാര്‍ ഡിവിഷന്‍ ബെഞ്ചിനെ സമീപിച്ചിരിക്കുന്നത്. മാതാപിതാക്കളായ സി.പി.മുഹമ്മദ്, എസ്.പി.റസിയ എന്നിവര്‍ സമര്‍പ്പിച്ച ഹര്‍ജിയിലാണു കഴിഞ്ഞ വര്‍ഷം മാര്‍ച്ചില്‍ ജസ്റ്റിസ് ബി.കെമാല്‍പാഷ സി.ബി.ഐ അന്വേഷണത്തിന് ഉത്തരവിട്ടത്.

2018 ഫെബ്രുവരി 12നാണ് രാത്രി കണ്ണൂര്‍ തെരൂരില്‍ തട്ടുകടയില്‍ ഭക്ഷണം കഴിക്കുന്നതിനിടെ ശുഹൈബിനെ പി. ജയരാജന്റെ വിശ്വസ്തനും ഡി.വൈ.എഫ്.ഐ പ്രവര്‍ത്തകനുമായ ആകാശ് തില്ലങ്കേരിയുടെ നേതൃത്വത്തിലുള്ള സംഘം വെട്ടിക്കൊലപ്പെടുത്തിയത്. ബോംബെറിഞ്ഞ് ഭീകരാന്തരീക്ഷം ഉണ്ടാക്കിയ ശേഷമായിരുന്നു ആക്രമണം. ആശുപത്രിയില്‍ എത്തിക്കുന്നതിനു മുമ്പ് രക്തം വാര്‍ന്ന് ശുഹൈബ് മരിച്ചു.

ഒരു ലക്ഷം രൂപയുടെ ബോണ്ട്, മട്ടന്നൂര്‍ പൊലീസ് സ്‌റ്റേഷന്‍ പരിധിയില്‍ കടക്കരുത് തുടങ്ങിയവയാണ് ജാമ്യവ്യവസ്ഥ. 2018 ഫെബ്രുവരി 12നാണ് സി.പി.എമ്മുകാര്‍ ശുഹൈബിനെ വെട്ടിക്കൊലപ്പെടുത്തിയത്. ബോംബെറിഞ്ഞ് ഭീകരാന്തരീക്ഷം സൃഷ്ടിച്ച ശേഷമായിരുന്നു ആക്രമണം. കോഴിക്കോട് മെഡിക്കല്‍ കോളേജിലെത്തിക്കുന്നതിന് മുമ്പ് രക്തം വാര്‍ന്നായിരുന്നു ഷുഹൈബിന്റെ മരണം.