രാഷ്ട്രീയ കൊലപാതകങ്ങളെല്ലാം നടക്കുന്നത് സി.പി.എം സംസ്ഥാന-ജില്ലാ നേതാക്കളുടെ അറിവോടെയാണെന്ന യു.ഡി.എഫ് ആരോപണത്തിന് അടിവരയിടുന്നതാണ് അരിയില്‍ ഷൂക്കൂര്‍ വധക്കേസില്‍ സി.ബി.ഐ സമര്‍പ്പിച്ച കുറ്റപത്രം. സി.പി.എം നേതാക്കള്‍ക്കൊപ്പം ആശുപത്രി മുറിയില്‍ ഗൂഡാലോചന നടത്തിയ രണ്ടു ക്രിമിനലുകള്‍ കൊലപാതകത്തില്‍ നേരിട്ടു പങ്കെടുത്തു എന്നതിനുള്ള തെളിവുകളും സി.ബി.ഐ ഹാജരാക്കിയിട്ടുണ്ട്.

ടി.പി ചന്ദ്രശേഖരന്‍ വധക്കേസില്‍ ശിക്ഷിക്കപ്പെട്ട് ജയിലിലായ കൊടുംക്രിമിനലുകള്‍ക്ക് ഇപ്പോഴും സംരക്ഷണം ഒരുക്കുകയും ബോംബ് നിര്‍മ്മാണത്തിനിടെ കൊല്ലപ്പെട്ടവര്‍ക്ക് സ്മാരകം പണിയുകയും ചെയ്യുന്ന സി.പി.എം, ഷൂക്കൂര്‍ വധക്കേസ് പ്രതികളെയും സംരക്ഷിക്കുമെന്ന് ഉറപ്പാണ്. മാഫിയ സംഘത്തെ പോലെ പ്രവര്‍ത്തിക്കുന്ന ഒരു പാര്‍ട്ടിയും അതിന്റെ നേതാക്കളും സര്‍ക്കാരിന് നേതൃത്വം നല്‍കുന്നു എന്നത് കേരളത്തിനും അപമാനമാണ്. രാഷ്ട്രീയ എതിരാളികളെ കൊലപ്പെടുത്തലും ക്രിമിനല്‍ കൊട്ടേഷന്‍ സംഘങ്ങളെയും ഉപയോഗിച്ചുള്ള ലഹരിക്കടത്തും സ്വര്‍ണം പൊട്ടിക്കലുമല്ല രാഷ്ട്രീയ പ്രവര്‍ത്തനമെന്ന് സി.പി.എമ്മിലെ പുതുതലമുറ നേതാക്കളെങ്കിലും തിരിച്ചറിയണമെന്ന് അദ്ദേഹം പറഞ്ഞു.

നേരത്തെ ക്രൈം ബ്രാഞ്ച് അന്വേഷിച്ച കേസിൽ ക്രിമിനൽ ഗൂഢാലോചന കുറ്റം ഒഴിവാക്കിയായിരുന്നു പി ജയരാജനും ടി.വി രാജേഷിനുമെതിരെ കുറ്റപത്രം സമർപ്പിച്ചിരുന്നത്. പിന്നീട് അബ്ദുൽ ഷുക്കൂറിന്റെ മാതാവ് ആത്തിക്ക സമർപ്പിച്ച ഹരജിയിൽ ഹൈക്കോടതി കേസന്വേഷണം സി.ബി.ഐക്ക് വിടുകയും കേസിൽ തുടരന്വേഷണം നടത്താൻ ഉത്തരവാവുകയും ചെയ്തിരുന്നു. അതിനെ തുടർന്നാണ് ക്രിമിനൽ ഗൂഢാലോചന കുറ്റവും കൂടി ഉൾപ്പെടുത്തി സി.ബി.ഐ പി ജയരാജനും ടി.വി രാജേഷിനുമേതിരെ കുറ്റപത്രം സമർപ്പിച്ചത്.

പി ജയരാജന്റെ വാഹന വ്യൂഹത്തിന് നേരെ കല്ലെറിഞ്ഞു എന്നാരോപിച്ച് കൊണ്ടായിരുന്നു 2012 ഫെബ്രുവരി 20ന് ഷുക്കൂറിനെ 30ഓളം വരുന്ന സി.പി.എം പ്രവർത്തകർ ചേർന്ന് തടങ്കലിൽ വെച്ച് വിചാരണ ചെയ്ത് കൊലപ്പെടുത്തിയത്. ഷുക്കൂറിനെ കൊലപ്പെടുത്താനുള്ള ഗൂഡാലോചന തളിപ്പറമ്പ് സഹകരണ ആശുപത്രിയിൽ വച്ച് നടന്നു എന്നാണ് സി.ബി.ഐയുടെ കണ്ടെത്തൽ. കേസിൽ തങ്ങൾക്കെതിരെ ഗൂഢാലോചന കുറ്റം അടക്കമുള്ള വകുപ്പുകൾ നിലനിൽക്കില്ല എന്ന് വാദിച്ചു കൊണ്ടായിരുന്നു പി ജയരാജനും ടി.വി രാജേഷും വിടുതൽ ഹരജി നൽകിയിരുന്നത്.

വിടുതൽ ഹരജിയെ എതിർത്തു കൊണ്ട് ഷുക്കൂറിന്റെ മാതാവ് ആത്തിക്ക അഡ്വ. മുഹമ്മദ് ഷാ മുഖേന കേസിൽ കക്ഷി ചേർന്നിരുന്നു. തളിപ്പറമ്പ് ആശുപത്രിയിലെ റൂം നമ്പർ 315ൽ വച്ച് പി ജയരാജന്റെയും ടി.വി രാജേഷിന്റെയും നേതൃത്വത്തിൽ നടന്ന ഗൂഡലോചനയിൽ പങ്കെടുത്ത 2 പേർ ഷുക്കൂറിന്റെ കൊലപാതകത്തിൽ നേരിട്ട് പങ്കെടുത്തിട്ടുണ്ടെന്നും അത് സാധൂകരിക്കുന്ന കോൾ ഡാറ്റാ റെക്കോർഡുകളും മൊബൈൽ ടവർ ലൊക്കേഷൻ വിവരങ്ങളും തെളിവായുണ്ടെന്നും ഗൂഢാലോചന നേരിട്ട് കണ്ട ദൃക്സാക്ഷികളുടെ മൊഴികൾ ഉണ്ടെന്നും അതിനാൽ വിടുതൽ ഹരജി തള്ളണമെന്നും അഡ്വ. മുഹമ്മദ് ഷാ സി.ബി.ഐ കോടതിയിൽ വാദിച്ചിരുന്നു. ഇരു ഭാഗം വാദം കേട്ട ശേഷമാണ് കേസിൽ പി ജയരാജനും ടി.വി രാജേഷും വിചാരണ നേരിടണമെന്ന് കണ്ടെത്തി ഇരുവരുടെയും വിടുതൽ ഹരജി സി.ബി.ഐ സ്‌പെഷ്യൽ കോടതി ജഡ്ജി പി ശബരിനാഥൻ തള്ളിയത്.

കൊലക്കത്തി രാഷ്ട്രീയത്തിനിരയായ ആര്‍.എം.പി.ഐ യു.ഡി.എഫിന് പിന്തുണ പ്രഖ്യാപിച്ചു കഴിഞ്ഞു. ആര്‍.എം.പി.ഐ സംസ്ഥാന സെക്രട്ടറി എന്‍. വേണു ഇത് സംബന്ധിച്ച് നിലപാട് വ്യക്തമാക്കി.

ക്രിമിനല്‍ പശ്ചാത്തലമുള്ള സ്ഥാനാര്‍ത്ഥി ഒരു കാരണവശാലും പാര്‍ലമെന്റിലേക്ക് തെരഞ്ഞെടുക്കപ്പെടരുന്നതെന്ന അഭിപ്രായം എല്‍.ഡി.എഫിന്റെ സ്ഥാനാര്‍ത്ഥി പ്രഖ്യാപനം വന്നത് മുതല്‍ പല കോണുകളില്‍ നിന്നായി ഉയരുന്നുണ്ട്. വേണുവിന് പുറമെ ടി.പി ചന്ദ്രശേഖരന്റെ വിധവ കെ.കെ രമയും പി ജയരാജനെ പരാജയപ്പെടുത്തുക ആര്‍.എം.പി.ഐയുടെ ലക്ഷ്യമാണെന്ന് പ്രഖ്യാപിക്കുകയുണ്ടായി.

ടി.പി ചന്ദ്രശേഖരന്റെ കൊലപാതകം ഉൾപ്പെടെ പല കൊലക്കേസുകളിലും പങ്കുള്ള ആളാണ് വടകരയിലെ സ്ഥാനാർത്ഥിയായ പി.ജയരാജൻ. ഒരു കൊലയാളി വടകരയിൽ ജയിച്ച് പോകുന്ന സാഹചര്യം ഉണ്ടാവരുത്. ജയരാജനെതിരെ വോട്ട് ചെയ്യുക എന്നതാണ് ഞങ്ങളുടെ ലക്ഷ്യം. ജനാധിപത്യ വിശ്വാസികളായ എല്ലാ വോട്ടർമാരും അത് തന്നെയാണ് ചെയ്യേണ്ടത്. അതുകൊണ്ടാണ് യു.ഡി.എഫിനെ പിന്തുണയ്ക്കാൻ തീരുമാനിച്ചത് – കെ.കെ രമ പറഞ്ഞു.

സി.പി.എമ്മിന്റെ കൊലക്കത്തി രാഷ്ട്രീയത്തിനിരയായ മറ്റു പാര്‍ട്ടികള്‍ക്കും തീരെ സ്വീകാര്യനല്ല പി ജയരാജന്‍.

അരിയില്‍ അബ്ദുല്‍ ഷുക്കൂര്‍ കൊലക്കേസില്‍ സി.പി.ഐ പ്രതി ചേര്‍ത്ത പി ജയരാജനെതിരെ മുസ്്‌ലിംലീഗ് പ്രവര്‍ത്തകര്‍ക്കിടയില്‍ ശക്തമായ വികാരമാണ് നിലനില്‍ക്കുന്നത്. ഒരു നിലക്കും കൊലപാതക കേസില്‍ പ്രതി ചേര്‍ത്തയാള്‍ പാര്‍ലമന്റിലേക്ക് അയക്കപ്പെടരുതെന്ന മുസ്്‌ലിംലീഗിന്റെ നിശ്ചയദാര്‍ഢ്യം ആര്‍.എം.പി.ഐയും അംഗീകരിച്ചിരിക്കുന്നുവെന്നത് എല്‍.ഡി.എഫുകാര്‍ക്ക് ചങ്കിടിപ്പായി തീര്‍ന്നിട്ടുണ്ട്. എല്‍.ഡി.എഫിലെ മറ്റു കക്ഷികളായ സി.പി.ഐ, എല്‍.ജെ.ഡി, ജെ.ഡി.എസ് തുടങ്ങിയ കക്ഷികള്‍ക്കും വലിയ തോതില്‍ സ്വീകാര്യനല്ല പി ജയരാജന്‍. സ്ഥാനാര്‍ത്ഥിയുടെ ക്രമിനല്‍ പശ്ചാത്തലം തിരിച്ചടിയാവുമെന്ന് ഈ പാര്‍ട്ടികളിലെ ചില നേതാക്കള്‍ ആശങ്കപ്പെടുന്നുണ്ട്.

അതേസമയം എല്‍.ഡി.എഫില്‍ തന്നെ പി ജയരാജനെതിരെ രഹസ്യമായ രീതിയില്‍ പടയൊരുക്കം നടക്കുന്നുണ്ട്. പെണ്ണ് കേസില്‍ കുടുങ്ങിയ പി ശശിയെ സി.പി.എം കണ്ണൂര്‍ ജില്ലാ സെക്രട്ടറി സ്ഥാനത്ത് നിന്ന് മാറ്റിയാണ് പി ജയരാജന്‍ സെക്രട്ടറി സ്ഥാനമേറ്റെടുത്തത്. കണ്ണൂര്‍ ജില്ലയില്‍ പാര്‍ട്ടിയുടെ ഏകാധിപതിയായി മാറിയ പി ജയരാജനോട് പാര്‍ട്ടിയിലെ ഒരു വിഭാഗം നേതാക്കള്‍ക്ക് കടുത്ത എതിര്‍പ്പ് നിലനില്‍ക്കുന്നുണ്ട്. പുറത്താക്കിയ പി ശശിയെ ജില്ലാ കമ്മിറ്റിയിലേക്ക് തിരികെ കൊണ്ടുവന്നത് പി ജയരാജനെതിരെയുള്ള പടയൊരുക്കത്തിന്റെ ഭാഗമായിരുന്നു. പാര്‍ട്ടി ജില്ലാ സെക്രട്ടറിയായ പി ജയരാജന്‍ മത്സരത്തിനിറങ്ങിയ സാഹചര്യത്തില്‍ എം. വി ജയരാജനെ സെക്രട്ടറി സ്ഥാനം നല്‍കുകയും ചെയ്തു. സാധാരണ ഗതിയില്‍ പാര്‍ട്ടി സെക്രട്ടറി മത്സരിക്കുമ്പോള്‍ മറ്റൊരാള്‍ക്ക് താത്കാലിക ചുമതല മാത്രമാണ് നല്‍കാറുളളത്. എന്നാല്‍ എം.വി ജയരാജന് സ്ഥിരം ചുമതല നല്‍കുകയാണ് ചെയ്തത്. കിട്ടിയ ചാന്‍സ് മുതലാക്കി പി ജയരാജനെ പാര്‍ട്ടി സെക്രട്ടറി സ്ഥാനത്ത് നിന്ന് വലിച്ചിടുകയാണ് ചെയ്തനെന്നാണ് ആക്ഷേപമുയരുന്നത്. പി ജയരാജന്‍ വടകരയില്‍ പരാജയപ്പെട്ടാല്‍ അദ്ദേഹത്തിന്റെ രാഷ്ട്രീയ ഭാവി തന്നെ ഇല്ലാതാക്കാമെന്ന് ആഗ്രഹിക്കുന്ന നിരവധി നേതാക്കള്‍ സി.പി.എമ്മിനുള്ളില്‍ തന്നെയുണ്ടെന്നാണ് അറിയുന്നത്.

ഇത്രയും കാലം രാഷ്ട്രീയ പ്രവര്‍ത്തനം നടത്തിയിട്ടും സ്വന്തമായി എ.ടി.എം കാര്‍ഡ് പോലുമില്ലാത്തയാളാണ് പി. ജയരാജന്‍ എന്ന് വാര്‍ത്തയില്‍ പറയുന്നു. അരിയില്‍ ശുക്കൂര്‍, ആര്‍.എം.പി നേതാവ് ടി.പി ചന്ദ്രശേഖരന്‍, കെ.എസ്.യു പ്രവര്‍ത്തകനായിരുന്ന ശുഹൈബ് തുടങ്ങി കണ്ണൂരിലും സമീപ ജില്ലകളിലും സി.പി.എം നടത്തിയ എല്ലാ കൊലപാതകങ്ങളും ആസൂത്രണം ചെയ്ത് നടപ്പാക്കിയ ജയരാജനെ നിരവധി ജീവകാരുണ്യ പ്രവര്‍ത്തനങ്ങള്‍ നടത്തുന്ന വ്യക്തിയായാണ് വാര്‍ത്തയില്‍ പരിചയപ്പെടുത്തുന്നത്.

എന്നാല്‍ ഇതിനെതിരെ അഭിലാഷ് മോഹനന്‍ എന്ന യുവാവിന്റെ ഫെയ്‌സ്ബുക്ക് പോസ്റ്റ് ഇപ്പോള്‍ സോഷ്യല്‍ മീഡിയ ഏറ്റെടുത്തിരിക്കുകയാണ്. താന്‍ ഫെഡറല്‍ ബാങ്കില്‍ ജോലി ചെയ്തിരുന്നപ്പോള്‍ ജയരാജന്‍ സ്വന്തം എ.ടി.എം കാര്‍ഡ് ഉപയോഗിച്ച് ഓണ്‍ലൈന്‍ പര്‍ച്ചേയ്‌സ് നടത്തിയിരുന്നതായി യുവാവ് പറയുന്നു.

ഫെയ്‌സ്ബുക്ക് പോസ്റ്റിന്റെ പൂര്‍ണരൂപം:
കണ്ണൂരുള്ള ഏതോ ഒരു പീ ജയരാജന് സ്വന്തം പേരില്‍ വര്‍ഷങ്ങളായി അഠങ കാര്‍ഡ് പോലും ഇല്ലെന്ന് ന്യൂസ് 18 കേരളം ഒരു വാര്‍ത്ത കൊടുത്തിരിക്കുന്നത് കണ്ടത് കൊണ്ട് പറയുകയാ ഞാന്‍ 2011 മുതല്‍ 2013 വരെ ഫെഡറല്‍ ബാങ്ക് കസ്റ്റമര്‍ സര്‍വീസ് ആലുവയില്‍ ജോലി ചെയ്ത ആളാണ് ആ സമയം ഇതേ പി ജയരാജന്‍ തന്റെ അഠങ കാര്‍ഡ് വഴി ഒരു ഓണ്‍ലൈന്‍ പര്‍ച്ചേയ്‌സ് ചെയ്യുകയും അതിന്റെ വണ്‍ ടൈം വെരിഫിക്കേഷന്‍ കോളായി ഞാന്‍ ടീയാനുമായി സംസാരിച്ച ആളുമാണ് അപ്പൊ പിന്നെ നിങ്ങള്‍ എന്ത് അടിസ്ഥാനത്തില്‍ ആണ് ഇങ്ങനെ ഒരു നുണ എഴുതിയിരിക്കുന്നത് ? ഒരിക്കലും ബാങ്കിന്റെ കാര്യങ്ങള്‍ കസ്റ്റമര്‍ ഡീറ്റെയില്‍സ് ഞാന്‍ നിലവില്‍ ആ സ്ഥാപനത്തില്‍ ജോലി ചെയ്യുന്നില്ലേ പോലും പുറത്ത് പറായാന്‍ പാടുള്ളതല്ല പക്ഷെ നുണകള്‍ കാണുമ്പോള്‍ പറഞ്ഞു പോകുന്നു അങ്ങനെ കരുതിയാല്‍ മതി !

കൊലപാതക പ്രതിയെ പല തരത്തില്‍ ന്യായീകരിക്കുന്നത് കണ്ടിട്ടുണ്ട് ഇത്തരം ഒരു വെളുപ്പിക്കല്‍ ആദ്യമായി കാണുകയാണ് എല്ലാവര്ക്കും ഉളുപ്പ് വേണമെന്ന് ഞാന്‍ വാശിപിടിക്കുന്നില്ല പക്ഷെ നമുക്ക് ഉളുപ്പ് ഇല്ലെന്ന് നാട്ടുകാരെ അറിയിക്കരുത് !

എന്നാല്‍ കുറ്റപത്രങ്ങളുടെ പേരില്‍ അടിയന്തരപ്രമേയം പരിഗണിക്കുന്ന പതിവില്ലെന്ന് സ്പീക്കര്‍ വ്യക്തമാക്കി. വര്‍ഷങ്ങള്‍ക്ക് മുമ്പുള്ള സംഭവത്തില്‍ ചര്‍ച്ച വേണ്ട. അടിയന്തരപ്രമേയ നോട്ടീസില്‍ കേസിന് സര്‍ക്കാരുമായുള്ള ബന്ധം പറയുന്നില്ല. പല നീതിപീഠങ്ങള്‍ക്ക് മുന്നിലും കുറ്റപത്രങ്ങളുണ്ട്. അതിന്റെ പേരില്‍ അടിയന്തരപ്രമേയം കൊണ്ടുവരുകയോ പരിഗണിക്കുകയോ ചെയ്യുന്ന കീഴ് വഴക്കമില്ല എന്നും സ്പീക്കര്‍ പറഞ്ഞു.

ഇതോടെ സഭയില്‍ ബഹളമായി. കൊലക്കുറ്റം ചുമത്തപ്പെട്ട ഒരു എംഎല്‍എ സഭയിലുണ്ടെന്ന് ടി വി രാജേഷ് എംഎല്‍എയെ ചൂണ്ടി പ്രതിപക്ഷനേതാവ് രമേശ് ചെന്നിത്തല പറഞ്ഞു. ആറ് പ്രാവശ്യം മുന്‍പ്രതിപക്ഷം കോടതി നടപടികള്‍ അടിയന്തരമായി കൊണ്ടു വന്നിട്ടുണ്ട്. അപ്പോഴും അടിയന്തരപ്രമേയം പരിഗണിച്ചിട്ടുണ്ടെന്നും ചെന്നിത്തല വ്യക്തമാക്കി.

എന്നാല്‍ അടിയന്തരപ്രമേയത്തിന് അനുമതിയില്ലെന്ന നിലപാടില്‍ സ്പീക്കര്‍ ഉറച്ചു നില്‍ക്കുകയാണ്. തുടര്‍ന്ന് പ്രതിഷേധവുമായി സഭാ കവാടത്തില്‍ കുത്തിയിരിക്കുകയാണ് പ്രതിപക്ഷാംഗങ്ങള്‍.

കുറ്റപത്രത്തിന് പിന്നില്‍ സി.ബി.ഐയുടെ രാഷ്ട്രീയ താല്‍പര്യമെന്ന പാര്‍ട്ടി സെക്രട്ടറിയുടെ മുന്‍കൂട്ടി തയ്യാറാക്കിയ പ്രസ്താവന ചവറ്റുകൊട്ടയില്‍ തള്ളേണ്ടതാണ്. വിഷയത്തില്‍ പാര്‍ട്ടിക്ക് പങ്കുണ്ടെന്ന് സി.ബി.ഐ പറയുന്നതിന് മുമ്പ് എ.എന്‍ ഷംസീര്‍ എംഎല്‍എ പരസ്യമായി ഒരു മലയാളം ചാനലില്‍ പറഞത് പൊതുസമൂഹം മറന്നിട്ടില്ല. ചാനലിലെ പ്രസ്താവനയുടെ അടിസ്ഥാനത്തില്‍ എ.എന്‍ ഷംസീര്‍ എംഎല്‍എയെക്കൂടി പ്രതിചേര്‍ക്കണമെന്ന് നേരത്തെ സി.ബി.ഐ മുമ്പാകെ എം.എസ്.എഫ് ആവശ്യപ്പെട്ടിരുന്നു.
സി ബി ഐ കുറ്റ പത്രം നീതിയിലേക്കുള്ള ശുഭ പ്രതീക്ഷയാണെന്നും എം.എസ്.എഫ് അഭിപ്രായപ്പെട്ടു

2013 ലെ കോഴിക്കോട്ടെ യൂത്ത് ലീഗിന്റെ ഐഡിയല്‍ യൂത്ത്‌കോര്‍ സമ്മേളനത്തില്‍ ആയിരകണക്കായ മുസ്ലിം ലീഗ് പ്രവര്‍ത്തകരെ സാക്ഷിയാക്കി അന്ന് ഞാന്‍ പറഞ്ഞിരുന്നു. നിയമത്തിന്റെ വഴിയിലൂടെ കൃത്യമായി സഞ്ചരിച്ച് പി ജയരാജനെന്ന കുറ്റവാളിക്ക് അര്‍ഹമായ ശിക്ഷ വാങ്ങി നല്‍കുമെന്ന്. കണ്ണൂരിലെ സ്ഥിരമായ രാഷ്ട്രീയ കൊലപാതകങ്ങളില്‍ നടക്കുന്നത് പോലെ സാക്ഷികളെ ഭീഷണിപ്പെടുത്തിയും സ്വാധീനിച്ചും ഈ കേസ്സിനെയും അട്ടിമറിക്കാന്‍ ശ്രമം നടന്ന വൈകാരികമായ ഒരു ഘട്ടത്തിലായിരുന്നു ആ സമ്മേളനം .
ആ പ്രതിസന്ധികളെയെല്ലാം അതിജീവിച്ച് മുസ്ലിം ലീഗ് പാര്‍ട്ടിയുടേയും നേതാക്കളുടെയും ആശിര്‍വ്വാദത്തോടെ നിയമത്തിന്റെ വഴിയിലൂടെ സസൂക്ഷ്മം പോരാടാന്‍ സാധിച്ചുവെന്നതാണ് ഇപ്പോള്‍ ജയരാജനും രാജേഷിനുമെതിരെ ഷുക്കൂര്‍ വധക്കേസ്സില്‍ ഗൂഡാലോചന കുറ്റം ചുമത്തി സിബിഐ സമര്‍പ്പിച്ച കുറ്റപത്രത്തിന്റെ പിന്നാമ്പുറം.

നിരന്തരം കണ്ണൂരില്‍ നടക്കുന്ന രാഷ്ട്രീയ കൊലപാതകങ്ങള്‍ക്ക് അന്ത്യം കുറിക്കണമെങ്കില്‍ കൊന്നവരെ മാത്രമല്ല, കൊല്ലിച്ചവരെയും ആസൂത്രകരെയും നിയമത്തിന്റെ മുമ്പില്‍ കൊണ്ടുവരിക എന്നതായിരുന്നു ഈ പോരാട്ടത്തിന്റെ അടിസ്ഥാനപരമായ ലക്ഷ്യം.ഒരു ഷുക്കൂറിന് വേണ്ടിയല്ല, വരാനിരിക്കുന്ന നമ്മുടെ നൂറ് കണക്കിന് ഷുക്കൂറുമാര്‍ക്ക് വേണ്ടിയുള്ള പോരാട്ടമായിരുന്നു അത്. പല ഘട്ടങ്ങളിലായി കണ്ണൂരിന്റെ മണ്ണില്‍ നടന്ന അറുംകൊലകളില്‍സത്യസന്ധമായ അന്വേഷണം നടന്നിരുന്നുവെങ്കില്‍ അവസാനം ഷുഐബിനെ പോലെയുള്ള ഒരു ചെറുപ്പക്കാരന് അവിടെ ജീവന്‍ നഷ്ടമാകില്ലായിരുന്നു. പക്ഷേ അത് സംഭവിച്ചില്ല. ആ ഒരു പോരാട്ടമാണ് നമ്മളേറ്റെടുത്തത്. ഇത് പ്രിയപ്പെട്ട ഷുക്കൂറിനെ പോലെ, അവന്റെ ഉമ്മയെപോലെ, കണ്ണുനീര്‍ വറ്റിയ അവന്റെ കുടുംബത്തെ പോലെ അനേകം ഉമ്മമാര്‍ക്കും സഹോദരിമാര്‍ക്കും അവരുടെ കുടുംബങ്ങള്‍ക്കും വേണ്ടിയുള്ള പോരാട്ടം കൂടിയാണ്. അതിതിന്റെ പൂര്‍ണ്ണതയില്‍ പര്യവസാനിക്കുന്ന ഘട്ടത്തില്‍ മാത്രമേ നമുക്ക് പിന്‍ വാങ്ങാന്‍ സാധിക്കുകയുള്ളൂ.

ഈ പോരാട്ടം മുസ്ലിം ലീഗ് പാര്‍ട്ടി ഏല്‍പ്പിച്ചത് ഞാനുള്‍പ്പെടെയുളള, അഡ്വ: ലത്തീഫും പി കെ സുബൈറും ഷുക്കൂറിന്റെ സഹോദരന്‍ ദാവൂദുമടങ്ങുന്ന സംഘത്തെയായിരുന്നു.നിയമത്തിന്റെ വഴിയിലൂടെ അക്ഷീണം നാം നടത്തിയ ആ പോരാട്ടത്തിന്റെ റിസള്‍ട്ട് അനുകൂലമാവുന്നത് ഈ ആയുസ്സിലെ ഏറ്റവും വലിയ സന്തോഷമാണ് നല്‍കുന്നത്. തെരുവുകളില്‍ ബഹളം വെച്ച് ആളുകളെ വൈകാരികമായി ഇളക്കിവിടുകയല്ല. ഈ രാജ്യത്തിന്റെ നിയമ വ്യവസ്ഥയില്‍ വിശ്വാസമര്‍പ്പിച്ചു കൊണ്ട് നേരായ മാര്‍ഗത്തില്‍ നടത്തിയിട്ടുള്ള നിയമ പോരാട്ടമാണിത്.വൈകാരികതയുടെ മാര്‍ഗ്ഗമല്ല ക്ഷമയുടെയും സത്യത്തിന്റെയും വഴികളാണ് പ്രതിസന്ധി ഘട്ടങ്ങളില്‍ നമ്മെ നയിക്കേണ്ടത്. ആ അര്‍ത്ഥത്തില്‍ രാജ്യത്തിന്റെ നിയമ വ്യവസ്ഥയെ സമീപിച്ചുവെന്നതാണ് ഷുക്കൂര്‍ വധക്കേസ്സില്‍ ഇപ്പോള്‍ വന്നിരിക്കുന്ന ഈ വഴിത്തിരിവ്. ഇതിന് വേണ്ടി മുന്നില്‍ നിന്ന് പ്രവര്‍ത്തിച്ച അഡ്വ: ലത്തീഫ്, പി കെ സുബൈര്‍ ദാവൂദ് എന്നിവരുള്‍പ്പെടെയുള്ളവര്‍ക്ക് പ്രത്യേകം നന്ദി അറിയിക്കുന്നു. സര്‍വ്വശക്തനായ അള്ളാഹുവിന്റെ സഹായം എന്നും നമുക്കൊപ്പമുണ്ടാവട്ടെ..

കേസിലെ ക്രിമിനല്‍ ഗൂഡാലോചനയെ കുറിച്ച് അന്വേഷിച്ചില്ലെന്ന് ഷുക്കൂറിന്റെ മാതാവ് നേരത്തെ ആരോപിച്ചിരുന്നു. കേസിലെ മുഴുവന്‍ പ്രതികളും പി ജയരാജന്‍, ടിവി രാജേഷ് എം.എല്‍.എ എന്നിവര്‍ നേതൃത്വം നല്‍കുന്ന രാഷ്ട്രീയ പാര്‍ട്ടിയിലെ അംഗങ്ങളാണെന്ന് അന്വേഷണത്തില്‍ തെളിഞ്ഞതായും തല്‍സ്ഥിതി റിപ്പോര്‍ട്ടിലുണ്ട്. ജയരായനും രാജേഷിനുമെതിരെ ശക്തമായ അന്വേഷണം നടന്നില്ലെന്നും ഇരുവര്‍ക്കുമെതിരെ വേണ്ടത്ര തെളിവുകള്‍ കേസ് ആദ്യം അന്വേഷിച്ച കേരള പൊലീസ് ശേഖരിച്ചില്ലെന്നും ഷുക്കൂറിന്റെ മാതാവ് പരാതിപ്പെട്ടിരുന്നു. ഇരുവര്‍ക്കുമെതിരായ അന്വേഷണം ദുര്‍ബലപ്പെടുത്തിയോ എന്നതിനെ കുറിച്ച് അന്വേഷണം പുരോഗമിക്കുന്നതായി സി.ബി.ഐ സുപ്രീം കോടതിയില്‍ സമര്‍പ്പിച്ച അന്വേഷണ പുരോഗതി റിപ്പോര്‍ട്ടില്‍ പറയുന്നുണ്ട്. പ്രതികള്‍ക്കെതിരെ ശക്തവും നിഷ്പക്ഷവുമായ തെളിവുകള്‍ ശേഖരിക്കാനുള്ള നടപടികള്‍ പുരോഗമിക്കുകയാണ്. അന്വേഷണത്തില്‍ പരിഗണിക്കാത്ത ഏതെങ്കിലും തെളിവുകള്‍ കേരള പൊലീസിന്റെ പക്കല്‍ ഉണ്ടോ എന്ന കാര്യവും സി.ബി.ഐ അന്വേഷിക്കുന്നതായും തല്‍സ്ഥിതി റിപ്പോര്‍ട്ടില്‍ വ്യക്തമാക്കിയിട്ടുണ്ട്.

2012 ഫെബ്രുവരി 20നാണ് സി.പി.എം ശക്തി കേന്ദ്രമായ കീഴറ വള്ളുവന്‍ കടവില്‍ വെച്ച് അരിയില്‍ അബ്ദുല്‍ ഷുക്കൂറിനെ കൊലപ്പെടുത്തിയത്. സി.പി.എം പ്രവര്‍ത്തകര്‍ മണിക്കൂറുകളോളം തടഞ്ഞു വെച്ച് വിചാരണ നടത്തിയ ശേഷം കൊലപ്പെടുത്തിയെന്നാണ് കേസ്.

കണ്ണൂര്‍ മട്ടന്നൂരില്‍ യൂത്ത് കോണ്‍ഗ്രസ് പ്രവര്‍ത്തകന്‍ ശുഹൈബ് വെട്ടേറ്റു മരിച്ച സംഭവത്തെക്കുറിച്ചുള്ള ചാനല്‍ ചര്‍ച്ചയ്ക്കിടെയാണ് ഷുക്കൂര്‍ വധത്തില്‍ ബന്ധം ഷംസീര്‍ വെളിപ്പെടുത്തിയത്.

കോണ്‍ഗ്രസോ, ഒരു മുസ്ലീം സഹോദരനോ ആണോ നിങ്ങളുടെ ശത്രു എന്ന പരിശോധന നടത്തുകയും അവിടെ തെറ്റുകള്‍ ഉണ്ടായിട്ടുണ്ടെങ്കില്‍ അതേറ്റു പറയുകയും, തെറ്റുകള്‍ ഉണ്ടായിട്ടുണ്ടെങ്കില്‍ അതേറ്റു പറയുകയും കുറ്റക്കാരെ ശിക്ഷിച്ചുവെന്ന് ഉറപ്പുവരുത്തി പൊതു സമൂഹത്തെ അറിയിക്കാനുള്ള ബാധ്യത സി.പി.എമ്മിന് ഇല്ലേ എന്ന ചോദ്യത്തിനാണ് ഷംസീര്‍ വിവാദ വെളിപ്പെടുത്തല്‍ നടത്തിയത്.

ഷുക്കൂര്‍ കേസില്‍ ബന്ധമില്ലെന്ന് തങ്ങള്‍ ഇതുവരെ പറഞ്ഞിട്ടില്ല. അതൊരു പ്ലാന്‍ഡ് മര്‍ഡര്‍ ഒന്നുമല്ല, അതങ്ങ് സംഭവിച്ചു പോയതാണ്. ഒരു മാസ് സൈക്കോളജിയാണ്. ജനക്കൂട്ടം അക്രമിച്ച സംഭവമാണ്. ഞങ്ങളത് ന്യായീകരിക്കാന്‍ വന്നിട്ടില്ല. ആ സംഭവം ഇല്ലാന്നും പറഞ്ഞിട്ടില്ല. ഞങ്ങളുടെ പാര്‍ട്ടിക്ക് ബന്ധം ഇല്ലെന്നും പറഞ്ഞിട്ടില്ല… എന്നിങ്ങനെ ആയിരുന്നു എ.എന്‍ ഷംസീര്‍ എം.എല്‍.എയുടെ വാക്കുകള്‍. കണ്ണൂരിലെ കോണ്‍ഗ്രസ് നേതാവ് കെ. സുധാകരനും ചര്‍ച്ചയില്‍ ഷംസീറിന് ഒപ്പമുണ്ടായിരുന്നു.

ഷുക്കൂര്‍ വധക്കേസിനെ സംബന്ധിച്ചുണ്ടായ വെളിപ്പെടുത്തലില്‍ ഷംസീറിനെ കസ്റ്റഡിയിലെടുത്ത് ചോദ്യം ചെയ്യണമെന്ന് നേരത്തെ യൂത്ത് ലീഗ് സംസ്ഥാന ജനറല്‍ സെക്രട്ടറി പി. കെ ഫിറോസ് ആവശ്യപ്പെട്ടിരുന്നു. 2012 ഫെബ്രുവരി 20 നാണ് എം. എസ്. എഫ് പ്രവര്‍ത്തകര്‍ ഷുക്കൂര്‍ കൊല്ലപ്പെട്ടത്.