അപകടത്തിൽ മരിച്ച തമിഴ്നാട് സ്വദേശി തങ്കരാജിന്റെ മൃതദേഹം പോസ്റ്റ്മോർട്ടത്തിന് ശേഷം ബന്ധുക്കൾക്ക് വിട്ടുനൽകി. ലോട്ടറി തൊഴിലാളിയായ തങ്കരാജ് (60) അപകടത്തെ തുടർന്ന് ഇന്നലെ വൈകീട്ടാണ് മരിച്ചത്. ക്രിസ്മസ് ഈവിൽ നടന്ന അപകടത്തിന്റെ ദൃശ്യങ്ങൾ സാമൂഹ്യ മാധ്യമങ്ങളിൽ വ്യാപകമായി പ്രചരിച്ചിരുന്നു.

ഡിസംബർ 24-ന് വൈകീട്ട് നാട്ടകം ഗവ. കോളജിന് സമീപത്താണ് സംഭവം. കോട്ടയം ഭാഗത്തുനിന്ന് അമിതവേഗതയിൽ എത്തിയ കാർ നിയന്ത്രണം വിട്ട് ആദ്യം മറ്റു വാഹനങ്ങളിൽ ഇടിച്ച ശേഷം വഴിയാത്രക്കാരനായ തങ്കരാജിനെ ഇടിക്കുകയായിരുന്നു.