sidney – Chandrika Daily https://www.chandrikadaily.com Wed, 19 Nov 2025 10:32:39 +0000 en-US hourly 1 https://wordpress.org/?v=5.8.12 https://www.chandrikadaily.com/wp-content/uploads/2020/08/chandrika-fav.jpeg sidney – Chandrika Daily https://www.chandrikadaily.com 32 32 എട്ടുമാസം ഗര്‍ഭിണിയെ ബിഎംഡബ്ല്യു കാറിടിച്ചു; സിഡ്‌നിയില്‍ ഇന്ത്യന്‍ യുവതിക്ക് ദാരുണാന്ത്യം https://www.chandrikadaily.com/8-months-pregnant-woman-hit-by-bmw-tragic-end-for-young-indian-woman-in-sydney.html https://www.chandrikadaily.com/8-months-pregnant-woman-hit-by-bmw-tragic-end-for-young-indian-woman-in-sydney.html#respond Wed, 19 Nov 2025 10:32:39 +0000 https://www.chandrikadaily.com/?p=364357 സിഡ്‌നി: നടക്കാനിറങ്ങിയ എട്ടുമാസം ഗര്‍ഭിണിയെ ബിഎംഡബ്ല്യു കാര്‍ ഇടിച്ചതിനെ തുടര്‍ന്ന് ആസ്‌ട്രേലിയയിലെ സിഡ്‌നിയില്‍ ഇന്ത്യന്‍ സ്വദേശിനി സമന്‍വിത ധരേശ്വര്‍ (33) ദാരുണാന്ത്യം ചെയ്തു. ഭര്‍ത്താവിനും മൂന്ന് വയസ്സുള്ള മകനുമൊപ്പം നടക്കാനിറങ്ങിയിരിക്കുകയായിരുന്നപ്പോള്‍ വെള്ളിയാഴ്ച രാത്രി 8 മണിയോടെ ഹോണ്‍സ്ബിയിലെ ജോര്‍ജ് സ്ട്രീറ്റില്‍ നടന്ന അപകടത്തിലാണ് യുവതി മരിച്ചത്. നടപ്പാത മുറിച്ചു കടക്കാനിരിക്കെ വഴിയിലൂടെയെത്തിയ കിയ കാര്‍ വേഗം കുറച്ച് നിര്‍ത്തി. എന്നാല്‍ പിന്നില്‍ നിന്ന് അമിതവേഗത്തില്‍ എത്തിയ ബിഎംഡബ്ല്യു കാര്‍ കിയയെ ഇടിക്കുകയായിരുന്നു. ഈ ഇടിയുടെ ആഘാതത്തില്‍ രണ്ടും കാറുകളും നിയന്ത്രണം വിട്ട് സമന്വിതയെ ഇടിച്ചു വീഴ്ത്തി. ഗുരുതരമായി പരിക്കേറ്റ യുവതിയെ ഉടന്‍ വെസ്റ്റ്മീഡ് ആശുപത്രിയില്‍ പ്രവേശിപ്പിച്ചെങ്കിലും യുവതിയേയും ഗര്‍ഭസ്ഥ ശിശുവിനെയും രക്ഷിക്കാനായില്ലെന്ന് പൊലീസ് അറിയിച്ചു. 19 വയസുകാരനാണ് ആഡംബര ബിഎംഡബ്ല്യു കാര്‍ ഓടിച്ചിരുന്നതെന്ന് റിപ്പോര്‍ട്ടുകള്‍ സൂചിപ്പിക്കുന്നു. കിയ കാര്‍ ഡ്രൈവര്‍ക്ക് പരിക്കുകളൊന്നുമില്ലെന്നാണ് പൊലിസ് വ്യക്തമാക്കുന്നത്. അപകടത്തില്‍ സമന്‍ വിതയുടെ ഭര്‍ത്താവിനും കുട്ടിക്കും പരിക്കേറ്റിട്ടില്ല. യൂണിഫോം ടെസ്റ്റ് അനലിസ്റ്റായി ജോലി ചെയ്തുവരികയായിരുന്നു സമന്‍വിത ധരേശ്വര്‍. സംഭവത്തിനു പിന്നാലെ ഓടി മറഞ്ഞ ബിഎംഡബ്ല്യു കാര്‍ ഡ്രൈവറെ പിന്നീട് വഹ്രൂംഗയിലെ വീട്ടില്‍ നിന്നാണ് പൊലീസ് അറസ്റ്റ് ചെയ്തത്. മരണത്തിന് കാരണമാകുന്ന അപകടകരമായ ഡ്രൈവിംഗ്, അശ്രദ്ധമായ വാഹനമോടിക്കല്‍, ഗര്‍ഭസ്ഥ ശിശുവിന്റെ മരണം തുടങ്ങി നിരവധി കുറ്റങ്ങളാണ് ഇയാള്‍ക്കെതിരെ ചുമത്തപ്പെട്ടത്. ഡ്രൈവറെ കോടതിയില്‍ ഹാജരാക്കിയപ്പോള്‍ മജിസ്‌ട്രേറ്റ് ജാമ്യം നിഷേധിച്ചു. ഗര്‍ഭസ്ഥ ശിശുവിന്റെ മരണത്തിനുള്ള കുറ്റത്തിന് മൂന്നു വര്‍ഷം വരെ അധിക തടവ് ശിക്ഷ ലഭിക്കാമെന്നും നിയമം വ്യക്തമാക്കുന്നു

]]> https://www.chandrikadaily.com/8-months-pregnant-woman-hit-by-bmw-tragic-end-for-young-indian-woman-in-sydney.html/feed 0 മക്കളെ കൊന്നതിന് 20 വര്‍ഷം ജയിലില്‍ കിടന്ന സ്ത്രീക്ക് മാപ്പ് https://www.chandrikadaily.com/woman-jailed-for-20-years-for-killing-children-pardoned.html https://www.chandrikadaily.com/woman-jailed-for-20-years-for-killing-children-pardoned.html#respond Tue, 06 Jun 2023 12:42:32 +0000 https://www.chandrikadaily.com/?p=257927 സിഡ്‌നി: നാല് കുട്ടികളുടെ മരണവുമായി ബന്ധപ്പെട്ട് 20 വര്‍ഷമായി ജയിലില്‍ കഴിയുന്ന ഓസ്‌ട്രേലിയക്കാരിയെ വെറുതെവിട്ട് ന്യൂ സൗത്ത് വെയില്‍സ് സ്‌റ്റേറ്റ്. കാത്‌ലീന്‍ മേഗന്‍ ഫോള്‍ബിഗ് എന്ന 55കാരിയെയാണ് പൊതുമാപ്പ് നല്‍കി വിട്ടയച്ചത്. 2003ല്‍ തന്റെ മൂന്ന് കുട്ടികളെ കൊലപ്പെടുത്തിയെന്നും നാലാമത്തെ കുട്ടിയെ നരഹത്യ നടത്തിയെന്നുമായിരുന്നു കേസ്.

എന്നാല്‍ കുട്ടികള്‍ മരിച്ചത് സ്വാഭാവിക കാരണങ്ങളാലായിരുന്നുവെന്നും താന്‍ നിരപരാധിയാണെന്നും ഫോള്‍ബിഗ് വാദിച്ചിരുന്നു. 2019ല്‍ നടത്തിയ അന്വേഷണത്തില്‍ ഫോള്‍ബിഗ് കുറ്റക്കാരിയാണെന്ന് കണ്ടെത്തിയെങ്കിലും 2022ല്‍ മുന്‍ ചീഫ് ജസ്റ്റിസ് തോമസ് ബാതര്‍സ്റ്റിന്റെ നേതൃത്വത്തില്‍ നടന്ന അന്വേഷണത്തില്‍ ശിക്ഷിവിധി പുന:പരിശോധിക്കണമെന്ന് നിര്‍ദ്ദേശിക്കുകയും ചെയ്തു. മൂന്ന് കുട്ടികള്‍ മരിച്ചത് ജനിതക പ്രശ്‌നങ്ങളെത്തുടര്‍ന്നാണ് പുതിയ കണ്ടെത്തല്‍. ഫോള്‍ബിഗിന്റെ കുട്ടികളില്‍ ആരും ഇരുപത് മാസത്തിലേറെ ജീവിച്ചിട്ടില്ല. മാപ്പ് ലഭിച്ചതുകൊണ്ട് ഫോള്‍ബിഗ് ജയില്‍ മോചിതയാകുമെങ്കിലും ശിക്ഷാവിധി റദ്ദാക്കിയിട്ടില്ല.

]]> https://www.chandrikadaily.com/woman-jailed-for-20-years-for-killing-children-pardoned.html/feed 0