എട്ടുതവണ ഇത് തുടര്‍ന്നു. ലഷ്‌കര്‍ ഇ ത്വയ്ബ, ഐസിസ് തുടങ്ങിയവയുമായി സിമിക്ക് ബന്ധമുണ്ടെന്നും കേന്ദ്രത്തിന്‍രെ കത്തില്‍ പറയുന്നു. ശരീഅത്ത് നിയമം നടപ്പാക്കാനും ഇസ്‌ലാമിക വിപ്ലവം സ്ഥാപിക്കാനുമാണ് ശ്രമം. വിഗ്രഹാരാധന പാപമായാണ് സംഘടന കാണുന്നത്. നിരോധനത്തിന് ശേഷവും ഗൂഢമായി സംഘടന പ്രവര്‍ത്തിക്കുന്നുണ്ട്. പാക്കിസ്താന്‍, അഫ്ഗാനിസ്ഥാന്‍, സഈദി, ബംഗ്ലാദേശ്,നേപ്പാള്‍ എന്നീ രാജ്യങ്ങളില്‍നിന്ന് സംഘടനക്ക് സഹായം ലഭിക്കുന്നുണ്ടെന്നും കത്തില്‍ കുറ്റപ്പെടുത്തുന്നു. മൂന്ന ്ഡസന്‍ സംഘടനകള്‍ സിമിക്ക് കീഴിലുണ്ട്.

കേരളത്തിലും ആന്ധ്രപ്രദേശ്, ബീഹാര്‍, ഗുജറാത്ത്, കര്‍ണാടക, ഉത്തര്‍പ്രദേശ്, ഡല്‍ഹി, പശ്ചിമബംഗാള്‍, മഹാരാഷ്ട്ര, തമിഴ് നാട്, രാജ്‌സഥാന്‍ എന്നിവിടങ്ങളില്‍ സിമിക്ക് പ്രവര്‍ത്തനമുണ്ടെന്ന് സത്യവാങ് മൂലത്തില്‍ പറയുന്നു. ഖലീഫ ഭരണം സ്ഥാപിക്കലാണ് അവരുടെ ലക്ഷ്യം. ഇന്ത്യന്‍ ദേശീയതയെ ഇവര്‍ അംഗീകരിക്കുന്നില്ല. അടുത്ത മാസം കേസ് വീണ്ടും പരിഗണിക്കും.

അതേസമയം, 2047ല്‍ ഇന്ത്യയില്‍ ഇസ്‌ലാമികരാഷ്ട്രം സ്ഥാപിക്കാന്‍ പോപ്പുലര്‍ ഫ്രണ്ട് ഓഫ് ഇന്ത്യ പദ്ധതിയിട്ടതായും ഇവരുടെ ചാവേര്‍പടയാണ് കര്‍ണാടകയില്‍ പ്രവീണ്‍ നെട്ടാരു എന്ന ആര്‍.എസ്.എസ്സുകാരനെ കൊന്നതെന്നും കൊലപാതകക്കേസിന്റെ കുറ്റപത്രത്തില്‍ എന്‍.ഐ.എ കുറ്റപ്പെടുത്തി.

പാനായിക്കുളം സിമി ക്യാമ്പ് കേസില്‍ എന്‍.ഐ.എ കോടതി ശിക്ഷിച്ച അഞ്ചു പ്രതികളെയും ഹൈക്കോടതി വെറുതെ വിട്ടിരുന്നു. വിചാരണക്കോടതി വെറുതെ വിട്ട എട്ട് പേര്‍ക്കെതിരെ എന്‍.ഐ.എ നല്‍കിയ അപ്പീലും കോടതി തള്ളിയിരുന്നു. തെളിവുകളുടെ അപര്യാപ്തത ചൂണ്ടിക്കാട്ടിയാണ് കോടതി നടപടിയെടുത്തത്. പാനായിക്കുളം ക്യാമ്പ് സിമിയാണ് നടത്തിയതെന്ന് തെളിയിക്കാനായില്ലെന്നും ഹൈക്കോടതി വ്യക്തമാക്കിയിരുന്നു.

കേസില്‍ പ്രതികളായ ഷാദുലി, അബ്ദുല്‍ റാസിഖ് അന്‍സാര്‍ നദ്വി, നിസാമുദ്ദീന്‍, ഷമ്മാസ് എന്നിവരെയാണ് എന്‍.ഐ.എ കോടതി ശിക്ഷിച്ചത്. ഷാദുലി, അബ്ദുല്‍ റാസിഖ് എന്നിവരെ 14 വര്‍ഷം തടവിനും അന്‍സാര്‍ നദ്വി, നിസാമുദ്ദീന്‍, ഷമ്മാസ് എന്നിവരെ 12 വര്‍ഷം തടവിനുമാണ് ശിക്ഷിച്ചത്.

സംഭവത്തില്‍ ജുഡീഷ്യല്‍ അന്വേഷണം പ്രഖ്യാപിച്ച സാഹചര്യത്തിലാണ് പാരിതോഷികം നല്‍കുന്നത് നീട്ടിവെച്ചത്. അന്വേഷണം കഴിഞ്ഞ ശേഷം മാത്രമേ ഇതു നല്‍കൂ എന്ന് സര്‍ക്കാര്‍ വൃത്തങ്ങള്‍ വ്യക്തമാക്കി. ‘ഏറ്റുമുട്ടലില്‍’ പങ്കെടുത്ത ഓരോ പൊലീസുകാരനും രണ്ട് ലക്ഷം രൂപ നല്‍കുമെന്നാണ് സര്‍ക്കാര്‍ അറിയിച്ചിരുന്നത്. സംഭവം നടന്നതിന് പിറ്റേന്ന്, സംസ്ഥാനപ്പിറവി ആഘോഷങ്ങള്‍ക്കിടെയായിരുന്നു മുഖ്യമന്ത്രി ശിവ്‌രാജ് സിങ് ചൗഹാന്റെ പ്രഖ്യാപനം. പാരിതോഷിക പ്രഖ്യാപനത്തിനെതിരെ നിരവധി മനുഷ്യാവകാശ സംഘടനകള്‍ രംഗത്തുവന്നിരുന്നു.

അന്വേഷണം കഴിയും വരെയെങ്കിലും സര്‍ക്കാര്‍ കാത്തുനില്‍ക്കണമെന്നായിരുന്നു ഭോപ്പാല്‍ വാതക ദുരന്ത ഇരകള്‍ക്ക് വേണ്ടി പ്രവര്‍ത്തിക്കുന്ന സന്നദ്ധ പ്രവര്‍ത്തകന്‍ അബ്ദുല്‍ ജബ്ബാറിന്റെ പ്രതികരണം. ഏറ്റുമുട്ടലില്‍ ദുരൂഹത നിലനില്‍ക്കുന്ന സാഹചര്യത്തില്‍ പാരിതോഷികം പ്രഖ്യാപിച്ചതിലെ അസാംഗത്യം ട്രാന്‍സ്പാരന്‍സി ഇന്റര്‍നാഷണലിലെ അജയ്ദുബെയും പങ്കുവെച്ചിരുന്നു.

ജയില്‍ച്ചാട്ടവും പിന്നീട് അവരെ വെടിവെച്ചു കൊന്നതും റിട്ടയേഡ് ജസ്റ്റിസ് എസ്.കെ പാണ്ഡെയാണ് അന്വേഷിക്കുന്നത്. വിവിധ കോണുകളില്‍ നിന്നുയര്‍ന്ന സമ്മര്‍ദത്തെ തുടര്‍ന്നാണ് സര്‍ക്കാര്‍ നടപടി.

രക്ഷപ്പെട്ടോടുന്ന എട്ടുപേരെയും കൊലപ്പെടുത്താനാണ് ബോസിന്റെ നിര്‍ദേശമെന്നും അങ്ങോട്ട് അദ്ദേഹം എത്തിക്കൊണ്ടിരിക്കുകയാണെന്നും ഓഡിയോ സന്ദേശം പറയുന്നു.

ജയില്‍ ചാടിയവരെയെല്ലാം കൊന്നൊടുക്കിയ ശേഷം ‘ ഗെയിം ഇവിടെ അവസാനിച്ചിരിക്കുന്നു, എട്ടു പേരെയും കൊന്നൊടുക്കിയിരിക്കുന്നു’ എന്ന് ഉച്ചത്തിലുള്ള ആഹ്ലാദ പ്രകടനവും ഓഡിയോയിലുണ്ട്.

ഒന്നര മണിക്കൂറോളം ഏറ്റുമുട്ടല്‍ നീണ്ടുവെന്നായിരുന്നു പൊലീസ് ഭാഷ്യം. എന്നാല്‍ പുറത്തായ ഓഡിയോ ഏറ്റുമുട്ടല്‍ 10 മിനിറ്റിനകം അവസാനിച്ചുവെന്ന സൂചനയാണ് നല്‍കുന്നത്. മൂന്നു പൊലീസുകാരെ മൂര്‍ച്ചയേറിയ കത്തികൊണ്ട് ഇവര്‍ ആക്രമിച്ചതായും പൊലീസ് അറിയിച്ചിരുന്നു.
ജയില്‍ കോണ്‍സ്റ്റബിളിനെ കൊലപ്പെടുത്തിയ ശേഷം 32 അടിയുള്ള ചുറ്റുമതില്‍ ബെഡ്ഷീറ്റുപയോഗിച്ച് ചാടിക്കടന്നാണ് ഇവര്‍ രക്ഷപ്പെട്ടതെന്നാണ് പൊലീസ് ഭാഷ്യം. മണിക്കൂറുകള്‍ക്ക് ശേഷം ജയിലില്‍ നിന്നും 12 കിലോമീറ്റര്‍ അകലെ അചാര്‍പുരയില്‍ വെച്ച് ഇവരെ പൊലീസ് വെടിവെച്ചു കൊല്ലുകയായിരുന്നു.

വിചാരണ തടവുകാരില്‍ ഒരാള്‍ ജീവനോടെയുണ്ടെന്ന് പൊലീസ് സംഘത്തിലൊരാള്‍ പറയുമ്പോള്‍ എസ്.ടി.എഫിലൊരാള്‍ വെടിയുതിര്‍ക്കുന്ന സംഭവങ്ങള്‍ അടങ്ങിയ വീഡിയോയാണ് പുറത്തായത്. എന്നാല്‍ ഇതിനകം വിവാദത്തിലായ ഏറ്റുമുട്ടലിനെതിരെ കൂടുതല്‍ തെളിവുകളാണ് മൂന്നാമത്തെ വീഡിയോയിലൂടെ സംഭാഷണങ്ങളായി പുറത്തുവന്നത്.

വെടിവെപ്പിനെ തുടര്‍ന്ന് കൂട്ടത്തില്‍ ഒരാള്‍ ഉന്നയിക്കുന്ന സംശയമാണ് സംഭാഷണമായി പുറത്തായത്. ഇതിന്റെയെല്ലാം വീഡിയോ ആരെങ്കിലും പകര്‍ത്തുന്നുണ്ടോ എന്നായിരുന്നു ആയാളുടെ ചോദ്യം. ഭായ് ഉടന്‍ തന്നെ വീഡിയോ ചിത്രീകരണം നിര്‍ത്തിവയ്ക്കു എന്ന് മറ്റൊരാള്‍ പറയുന്നതും കേള്‍ക്കാം. വെടിവെച്ച് കൊല്ലൂ എന്നും നെഞ്ചത്ത് തന്നെ വെടിവെക്കു എന്നും ഹിന്ദിയില്‍ പറയുന്നത് വ്യക്തമായി കേള്‍ക്കാം.

ഗ്രാമത്തിലെ ഒറ്റപ്പെട്ട സ്ഥലത്തെ പാറക്കെട്ടുകള്‍ക്ക് മുകളില്‍ വെച്ചാണ് തടവു ചാടിയ എട്ടു സിമി പ്രവര്‍ത്തകരെയും വെടിവെച്ചു കൊന്നത്. ഇതില്‍ ഒരു സിമി പ്രവര്‍ത്തകനെ പൊലീസ് ഓഫീസര്‍ വെടിവെക്കുന്ന ദൃശ്യങ്ങള്‍ നേരത്തെ പുറത്തായിരുന്നു. ആ ദൃശ്യം മൂന്നാമത്തെ വീഡിയോയിലും കാണാം.

നിലത്ത് കമിഴ്ന്ന് കിടക്കുന്ന സിമി പ്രവര്‍ത്തകനെയാണ് പൊലീസുകാരന്‍ വെടിവെക്കുന്നത്.

ഭോപ്പാലില്‍ നടന്നത് വ്യാജ ഏറ്റുമുട്ടലായിരുന്നെന്ന ആക്ഷേപം ഉയരുന്നതിനിടെയാണ് മൂന്നാമത്തെ വീഡിയോ പുറത്തു വന്നത്.

ഞായര്‍ പുലര്‍ച്ചെ മൂന്ന്് മണിയോടെയാണ് ഭോപ്പാല്‍ സെന്‍ട്രല്‍ ജയിലില്‍ നിന്നും സിമി പ്രവര്‍ത്തകര്‍ തടവ് ചാടിയത്. തുടര്‍ന്ന് ഇവരെ പിന്തുടരുകയായിരുന്നുവെന്നാണ് പൊലീസ് ഭാഷ്യം.

ചോദ്യങ്ങള്‍

ജയില്‍ചാടിയ മൂന്നു പേര്‍ 2013ല്‍ കന്ദ്വ ജയില്‍ ചാടിയവരാണ്. സ്വാഭാവികമായും ഇവര്‍ കര്‍ശന നിരീക്ഷണത്തിന് വിധേയരാകേണ്ടവരാണ്. ജയില്‍ച്ചാട്ട റെക്കോര്‍ഡുള്ള തടവു പുള്ളികള്‍ക്ക് വീണ്ടുമെങ്ങനെ ജയില്‍ ചാടാനായി?

ജയിലിലെ നിരീക്ഷണ ക്യാമറകള്‍ പ്രവര്‍ത്തിച്ചിരുന്നോ? ഉണ്ടായിരുന്നെങ്കില്‍ എന്തു കൊണ്ട് ഇവര്‍ ജയില്‍ ചാടുമ്പോള്‍ അലാറം മുഴക്കിയില്ല?

എല്ലാ സെന്‍ട്രല്‍ ജയിലിലും മതിലിനു മുകളില്‍ പ്രവര്‍ത്തനക്ഷമമായ വൈദ്യുതക്കമ്പിയുണ്ട്. 20 അടിയുള്ള മതില്‍ ചാടാന്‍ ബെഡ്ഷീറ്റുകളാണ് തടവുപുള്ളികള്‍ ഉപയോഗിച്ചിട്ടുള്ളത്. വൈദ്യുതിക്കമ്പി പ്രവര്‍ത്തിച്ചിരുന്നില്ലേ? ഇല്ലെങ്കില്‍ അകത്തു നിന്ന് ആരാണ് അതു സ്വിച്ച് ഓഫ് ആക്കിയത്.

എല്ലാ സെന്‍ട്രല്‍ ജയിലുകളിലെയും നിരീക്ഷണ ടവറുകളില്‍ സായുധ പൊലീസിനെയാണ് വിന്യസിച്ചിട്ടുുള്ളത്. ജയില്‍ ജീവനക്കാരെയല്ല. ഒരു നിരീക്ഷണ ടവറിനും ജയില്‍ച്ചാട്ടം കണ്ടുപിടിക്കാന്‍ കഴിയാതിരുന്നതെങ്ങനെ? എട്ടു പേര്‍ ജയില്‍ ചാടാന്‍ കുറച്ചധികം സമയമെടുക്കുമെന്നതും ശ്രദ്ധേയം.

മൂര്‍ച്ചയുള്ള വസ്തു കൊണ്ടാണ് ജയിലിലെ സുരക്ഷാ ഉദ്യോഗസ്ഥനെ സംഘം കൊലപ്പെടുത്തിയത്. ഇത് ഇവര്‍ക്ക് എവിടെ നിന്ന് ലഭിച്ചു.
എട്ടുപേരും ഒരേ സമയത്ത് ഒരേ സ്ഥലത്തു വെച്ച് എങ്ങനെ കൊല്ലപ്പെട്ടു. തടവു ചാടുമ്പോള്‍ ആദ്യമായി ചെയ്യുന്നത് ഒറ്റ തിരിഞ്ഞ് രക്ഷപ്പെടുക എന്ന തന്ത്രമാകുമ്പോള്‍ ഈ ചോദ്യത്തിന് പ്രസക്തിയേറെ.

പൊലീസുകാരനെ കൊല്ലാന്‍ ഉപയോഗിച്ച കത്തിയില്‍ ചോരക്കറയോ പാടോ ഇല്ലാത്തതും ദുരൂഹം. പ്ലാസ്റ്റിക് ഉറയില്‍ പൊതിഞ്ഞ നിലയിലാണ് കത്തി പ്രദര്‍ശിപ്പിക്കപ്പെട്ടത്. ആയുധവുമായി ബന്ധപ്പെട്ട് ഫോറന്‍സിക് പ്രോട്ടോകോളുകള്‍ നടന്നിട്ടുണ്ടോ എന്നതില്‍ അജ്ഞത.
പൊലീസിന്റെയും സംസ്ഥാന ആഭ്യന്തര വകുപ്പിന്റെയും വിശദീകരണങ്ങളില്‍ പ്രകടമായ വൈരുധ്യം.

തടവു പുള്ളികളുടെ പക്കല്‍ സ്പൂണ്‍, പ്ലേറ്റ് എന്നിവ കൊണ്ട് താത്കാലികമായി ഉണ്ടാക്കിയ ആയുധങ്ങളാണ് ഉണ്ടായിരുന്നത് എന്ന് സംഭവ ശേഷം ആഭ്യന്തര മന്ത്രി ഭൂപേന്ദ്രസിങ്. പിന്നെ എന്തിന് അവരെ ജീവനോടെ പിടിക്കാതെ വെടിവെച്ചു കൊന്നു?

ജയില്‍ ചാടിയവര്‍ പൊലീസിനു നേരെ തോക്കു കൊണ്ട് നിറയൊഴിച്ചെന്ന് ഡി.ഐ.ജി രമണ്‍സിങ്. മൊഴികളുടെ വൈരുധ്യം വിരല്‍ചൂണ്ടുന്നത് വ്യാജ ഏറ്റുമുട്ടലിലേക്ക്.
പൊലീസ് ഭാഷ്യം ശരിയാണെങ്കില്‍ തടവുപുള്ളികള്‍ക്ക് പുറത്തു നിന്ന് സഹായം ലഭിച്ചിട്ടുണ്ട്. അല്ലെങ്കില്‍ ഇവര്‍ക്ക് ചുരുങ്ങിയ സമയത്തിനുള്ളില്‍ ആയുധങ്ങള്‍ ലഭിക്കില്ല.

അതീവ സുരക്ഷയുള്ള ജയിലില്‍ നിന്ന് തടവു ചാടിയതെങ്ങനെ, സംഭവം നടന്ന് മണിക്കൂറുകള്‍ക്കുള്ളില്‍ അവര്‍ കൊല്ലപ്പെട്ടതെങ്ങനെ? എന്നതു കൂടി അറിയേണ്ടതുണ്ടെന്ന് മധ്യപ്രദേശില്‍ നിന്നുള്ള കോണ്‍ഗ്രസ് എം.പി കൂടിയായ കമല്‍നാഥ് കൂട്ടിച്ചേര്‍ത്തു. കൂടുതല്‍ വിവരം ലഭിച്ച ശേഷം പ്രതികരിക്കാമെന്നായിരുന്നു മറ്റൊരു പാര്‍ട്ടി നേതാവ് മനീഷ് തിവാരിയുടെ പ്രതികരണം.

അവര്‍ ജയില്‍ ചാടിയതാണോ അതോ മുന്‍കൂട്ടി തയാറാക്കിയ പദ്ധതി പ്രകാരം അവരെ പോകാന്‍ അനുവദിച്ചതാണോ എന്നായിരുന്നു കോണ്‍ഗ്രസ് ജനറല്‍ സെക്രട്ടറി ദിഗ്‌വിജയ്‌സിങിന്റെ ചോദ്യം. ഏറ്റുമുട്ടല്‍ രാഷ്ട്രീയമാണ് നടക്കുന്നതെന്നും അദ്ദേഹം ട്വിറ്ററില്‍ ആരോപിച്ചു. ജയില്‍ ചാടിയ എല്ലാവരും ഒരേ സ്ഥലത്തു വെച്ച് കൊല്ലപ്പെട്ടത് എങ്ങനെയാണ് എന്നായിരുന്നു ആം ആദ്മി പാര്‍ട്ടി എം.എല്‍.എ അല്‍ക ലാംബയുടെ ചോദ്യം.
സംഭവത്തില്‍ അതീവ ദുരൂഹതയുണ്ടെന്ന് സി.പി.എം പോളിറ്റ് ബ്യൂറോ അംഗം വൃന്ദ കാരാട്ട് പറഞ്ഞു. പൊലീസും സംസ്ഥാന സര്‍ക്കാറും നല്‍കുന്ന മൊഴികളില്‍ വൈരുധ്യമുണ്ടെന്നും അവര്‍ ചൂണ്ടിക്കാട്ടി.

അതേസമയം, കോണ്‍ഗ്രസ് തീവ്രവാദികള്‍ക്കു വേണ്ടി യുദ്ധം ചെയ്യുകയാണ് എന്നായിരുന്നു ബി.ജെ.പി വക്താവ് ജി.വി.എല്‍ നരസിംഹറാവുവിന്റെ പ്രതികരണം. ഇത്തരം വ്യക്തികള്‍ക്ക് വേണ്ടി കോണ്‍ഗ്രസ് എന്തിനു വേണ്ടിയാണ് സംസാരിക്കുന്നത് എന്നതറിയില്ല. ഏറ്റുമുട്ടലിനെ രാഷ്ട്രീയവല്‍ക്കരിക്കുന്നത് ശരിയല്ല. കോണ്‍ഗ്രസ് എല്ലാ കാലത്തും അതു ചെയ്തിട്ടുണ്ട്- അദ്ദേഹം കുറ്റപ്പെടുത്തി.

സംഭവത്തില്‍ ദുരൂഹതയുണ്ടെന്ന് കൊല്ലപ്പെട്ട മുഹമ്മദ് ഖാലിദ് അഹമ്മദിന്റെ അഭിഭാഷകന്‍ തഹവ്വുര്‍ ഖാനും പറഞ്ഞു. സിമി ക്യാമ്പ് കേസിന്റെ നിലയനുസരിച്ച് ഖാലിദിന് അനുകൂല വിധി ലഭിക്കുമെന്ന് വ്യക്തമായിരുന്നു. വിചാരണ അന്തിമഘട്ടത്തിലെത്തിയിരിക്കെ തടവു ചാടില്ലെന്നും തഹവ്വുര്‍ ഖാന്‍ പറഞ്ഞു.ജയിലില്‍നിന്ന് രക്ഷപ്പെടേണ്ട ഒരു സാഹചര്യവും ഖാലിദിന് ഉണ്ടായിരുന്നില്ല. സംഭവത്തില്‍ കുടുംബവുമായി ആലോചിച്ച് നിഷ്പക്ഷ അന്വേഷണത്തിന് നടപടി സ്വീകരിക്കുമെന്നും അഭിഭാഷകന്‍ പറഞ്ഞു.

രക്ഷപ്പെടാനുള്ള ശ്രമത്തിനിടെ ഒരു ജയില്‍ ഉദ്യോഗസ്ഥനെ കൊലപ്പെടുത്തുകയും മറ്റു രണ്ട് പേര്‍ക്ക് പരിക്കേല്‍പ്പിക്കുകയും ചെയ്തു. മണിക്കൂറുകള്‍ക്കകം പൊലീസുമായുണ്ടായ ഏറ്റുമുട്ടലില്‍ ഇവര്‍ കൊല്ലപ്പെടുകയും ചെയ്തു. വെടിവെപ്പിനു മുമ്പ് ഒരു കുന്നിന്മേല്‍ പൊലീസുമായി സംസാരിക്കാന്‍ നില്‍ക്കുന്നുവെന്ന വിഡിയോ പുറത്തുവന്നിട്ടുണ്ട്. എന്നാല്‍ വിഡിയോ ഇതുവരെ സ്ഥിരീകരിക്കപ്പെട്ടിട്ടില്ല.

ഏറ്റുമുട്ടലില്‍ രാജ്യവ്യാപകമായി മാധ്യമപ്രവര്‍ത്തകരും പ്രതിപക്ഷ കക്ഷികളും സംശയമുന്നയിക്കുകയുമാണ്. ഇതുമായി ബന്ധപ്പെട്ട് ദ ക്വിന്റ് ഡോട്ട് കോം ഉയര്‍ത്തിയ ചില സംശങ്ങയങ്ങളിതാ:

1. കൊല്ലപ്പെട്ട അംജദ്ഖാന്‍, സാക്കിര്‍ഖാന്‍, മുഹമ്മദ് സലീഖ്, മെഹ്ബൂബ് ഖാന്‍ എന്നിവര്‍ ഇതിനു മുമ്പ് 2011ല്‍ ഖന്ത്വാര ജയിലില്‍ നിന്നും രക്ഷപ്പെടാന്‍ ശ്രമിച്ചിരുന്നു. എന്നിട്ടും ഇവരെ എന്ത്‌കൊണ്ട് ഒരേ സെല്ലില്‍ തന്നെ പാര്‍പ്പിച്ചു?

2. ജയിലിലെ ബ്ലോക്ക് ബിയില്‍ പാര്‍പ്പിച്ചിരുന്ന ഇവര്‍ ജയില്‍ ബാരക്ക് തകര്‍ത്ത് ഹെഡ് കോണ്‍സ്റ്റബിള്‍ രമേശ് ശങ്കറിനെ കൊലപ്പെടുത്തിയാണ് രക്ഷപ്പെട്ടത്. ഇതിനു ശേഷം അവര്‍ ബെഡ്ഷീറ്റുകള്‍ ഉപയോഗിച്ചാണത്രെ ജയില്‍ ചാടിയത്. ഇതിനു മാത്രം ബെഡ്ഷീറ്റുകള്‍ അവര്‍ക്ക് എവിടെ നിന്നു ലഭിച്ചു?

3. രക്ഷപ്പെട്ട് 90 മിനിറ്റ് കഴിഞ്ഞാണ് അധികൃതര്‍ തടവുചാട്ടം പൊലീസിനെ അറിയിച്ചത്. വന്‍ സുരക്ഷാ സന്നാഹമുള്ള ജയിലില്‍ എന്ത്‌കൊണ്ട് പൊലീസിനെ അറിയിക്കാന്‍ ഇത്രയും വൈകി?

4. രമേശ് ശങ്കറിനെ കൊലപ്പെടുത്തിയത് ഗ്ലാസും മൂര്‍ച്ചയുള്ള സ്പൂണുകളും ഉപയോഗിച്ചാണ്. ജയിലില്‍ ഇവ ലഭിച്ചു?

5. രാവിലെ 10 മണിയോടെയാണ് ഇവര്‍ കൊല്ലപ്പെട്ടതായുള്ള റിപ്പോര്‍ട്ടുകള്‍ പുറത്തുവന്നത്. ഇവര്‍ ഏറ്റുമുട്ടലിലാണ് കൊല്ലപ്പെട്ടതെന്നാണ് പൊലീസ് ഉദ്യോഗസ്ഥര്‍ വ്യക്തമാക്കിയത്. ഇവരുടെ പക്കല്‍ ആയുധങ്ങളുണ്ടായിരുന്നതായി മുഖ്യമന്ത്രി ശിവരാജ് സിങ് ചൗഹാനും വ്യക്തമാക്കി. അങ്ങനെയാണെങ്കില്‍ ഇവര്‍ക്ക് ഇത്രപെട്ടെന്ന് എങ്ങനെ ആയുധങ്ങള്‍ ലഭിച്ചു. ഇവര്‍ നിരായുധരായിരുന്നുവെന്ന ആഭ്യന്തര മന്ത്രി ഭൂപേന്ദ്രസിങിന്റെ പ്രസ്താവനയാണ് അതിലേറെ കൗതുകകരം.

6. വിചാരണാ തടവുകാരായ ഇവരെ എന്ത് കൊണ്ട് ചാനലുകള്‍ ഭീകരവാദികളെന്നോ ഭീകരരെന്ന് സംശയിക്കുന്നവരെന്നോ നിരന്തരം പ്രചരിപ്പിക്കുന്നത്.

7. പൊലീസ് പ്രത്യാക്രമണത്തില്‍ ഇവരെ കൊലപ്പെടുത്തിയതിനു ശേഷം പോസ്റ്റ്‌മോര്‍ട്ടം നടത്തിയതായി ഇതുവരെ റിപ്പോര്‍ട്ടുകളൊന്നും പുറത്തുവന്നിട്ടില്ല. വെടിവെപ്പില്‍ രണ്ട് പേരെ വെടിവെച്ച ശേഷം മറ്റുള്ളവര്‍ക്ക് കീഴടങ്ങാന്‍ അവസരം നല്‍കിയിരുന്നോ?

8. ജയില്‍ യൂണിഫോമിലായിരുന്ന ഇവര്‍ക്കെങ്ങനെ കളര്‍ വസ്ത്രങ്ങള്‍ ലഭിച്ചു?

9. തടവു ചാടിയവരായിട്ടും ഗ്രാമീണര്‍ ഇവരെക്കുറിച്ച് വിവരങ്ങള്‍ നല്‍കിയ ശേഷവും എന്ത്‌കൊണ്ട് രക്ഷപ്പെടാന്‍ ശ്രമിച്ചില്ല.

10. ഇവരെ വെടിവെച്ച് വീഴ്ത്തിയത് ക്ലോസ് റേഞ്ചില്‍ നിന്നോ, മുന്നില്‍ നിന്നോ അതോ പിന്നില്‍ നിന്നാണോ വീഴ്ത്തിയത്?

11. തടവു രക്ഷപ്പെട്ട ഇവര്‍ എന്ത്‌കൊണ്ട് ഒരേസ്ഥലത്തേക്ക് തന്നെ രക്ഷപ്പെടാന്‍ ശ്രമിച്ചു?

‘കോടതിയില്‍ വിചാരണ പൂര്‍ത്തിയാവാനിരിക്കുകയായിരുന്നു. 18ഓളം സാക്ഷികളുടെ വിചാരണയേ പൂര്‍ത്തിയാവാനുണ്ടായിരുന്നുള്ളൂ. അവര്‍ക്കെതിരെ വ്യക്തമായ ഒരു തെളിവും ഉണ്ടായിരുന്നില്ലെന്ന് അവരുടെ അഭിഭാഷകനെന്ന നിലയില്‍ ഒരു കാര്യം ഉറപ്പു പറയാനാവും. ആഴ്ചകള്‍ക്കുള്ളില്‍ അന്തിമ വിധി പ്രതീക്ഷിച്ചിരിക്കെ അവര്‍ പിന്നീടെന്തിന് ജയില്‍ ചാടണം – തഹാവൂര്‍ഖാന്‍ ചോദിക്കുന്നു.

‘ ജുഡീഷ്യറിയില്‍ പൂര്‍ണ വിശ്വാസമുണ്ടായിരുന്നു അവര്‍ക്ക്. ജയില്‍ചാടിയ വാര്‍ത്ത കേട്ടപ്പോള്‍ ഒരിക്കലുമത് ഉള്‍ക്കൊള്ളാനായില്ല. ഇന്ത്യയിലെ ഏറ്റവും സുരക്ഷിതമായ, ഏഴുനില സെക്യൂരിറ്റിയുള്ള ഭോപ്പാല്‍ ജയിലില്‍ നിന്ന് എങ്ങനെ രക്ഷപ്പെടാനാകും’- ഉന്നത അന്വേഷണം നടത്തി സത്യാവസ്ഥ പുറത്തുകൊണ്ടുവരണമെന്നും അഭിഭാഷകന്‍ പറഞ്ഞു.