പോസ്റ്റിന്റെ പൂര്‍ണ്ണരൂപം:

സെല്‍ഫി എടുത്ത ആരാധകനില്‍ നിന്നും മൊബൈല്‍ ഫോണ്‍ പിടിച്ചുവാങ്ങി ഫോട്ടോ ഡിലീറ്റ് ചെയ്ത യേശുദാസ് വിവാദത്തില്‍ പെട്ടിരിക്കുന്ന സാഹചര്യത്തില്‍ യേശുദാസിനോടൊപ്പം ചിത്രം എടുത്തിട്ടുള്ള ഒരാളെന്ന നിലയില്‍ ഞാന്‍ എന്റെ അനുഭവം പങ്കുവെക്കാം.

ഒരു വര്‍ഷം മുന്‍പ് ദുബായ് വിമാനത്താവളത്തില്‍ വെച്ചാണ് ഞാന്‍ യേശുദാസിനെ കണ്ടു മുട്ടിയത്. യാത്ര സുഖമായിരുന്നോ എന്ന് ചോദിച്ചതിനു ശേഷം കൂടെ നിന്ന് ഫോട്ടോ എടുക്കാനുള്ള എന്റെ ആഗ്രഹം ഞാന്‍ പ്രകടിപ്പിച്ചു . എത്ര ചിത്രങ്ങള്‍ വേണമെങ്കിലും എടുത്തോ പക്ഷേ സെല്‍ഫി വേണ്ട എന്ന് യേശുദാസ് പറഞ്ഞു. അതിന്റെ കാരണം തിരക്കിയ എന്നോട് യേശുദാസ് ഇങ്ങനെയാണ് പറഞ്ഞത് :

” മനുഷ്യര്‍ സമൂഹ ജീവികളാണ്. നമുക്ക് നമ്മുടെ സഹജീവികളുടെ സഹായവും സഹകരണവും ഇല്ലാതെ ജീവിക്കാന്‍ സാധിക്കില്ല . ഇന്നത്തെ തലമുറ അതിനൊന്നും ശ്രമിക്കാതെ ഓരോ തുരുത്തുകളായി ജീവിക്കുകയാണ് . ഒരു ഫോട്ടോ എടുക്കാന്‍ പോലും അവര്‍ ആരുടേയും സഹായം തേടാറില്ല. അതുകൊണ്ട് തന്നെ സെല്‍ഫി എടുക്കുന്നത് എനിക്ക് ഒട്ടും ഇഷ്ടമല്ല .”

വിമാനത്താവളത്തില്‍ അധികം തിരക്കുണ്ടായിരുന്നില്ല . അതുകൊണ്ട് കുറച്ചു നേരം കാത്തു നിന്നതിന് ശേഷമാണ് ഫോട്ടോ എടുക്കാന്‍ ഒരാളെ കിട്ടിയത് . യേശുദാസ് തന്നെയാണ് ആളോട് ഒരു ഫോട്ടോ എടുക്കാന്‍ സഹായിക്കണമെന്ന് പറഞ്ഞത് .

ഫോട്ടോ എടുത്തതിനു ശേഷം കാല്‍ നൂറ്റാണ്ട് മുന്‍പ് ഞാന്‍ കോളേജില്‍ പഠിക്കുമ്പോള്‍ ദാസേട്ടന്റെ തോളില്‍ കൈ ഇട്ടെടുത്ത ചിത്രം കാണിച്ചപ്പോള്‍ ദാസേട്ടന്‍ ചിരിച്ചു .

പ്രശസ്തരോ അപ്രശസ്തരോ ആരായാലും ശരി , കൂടെ നിന്ന് ഒരു ചിത്രം എടുക്കണമെങ്കില്‍ അനുവാദം ചോദിക്കണം എന്നാണ് എന്റെ പക്ഷം .

സംവിധായകന്‍മാരായ കമലും ലിജോ ജോസ് പെല്ലിശ്ശേരിയും സനല്‍കുമാര്‍ ശശിധരനും വിമര്‍ശനവുമായി രംഗത്തെത്തി. മാതൃകയാവേണ്ടവരാണ് യേശുദാസും ജയരാജെന്നും കമല്‍ കുറ്റപ്പെടുത്തി. ഭരണകൂടത്തിന്റെ ജീര്‍ണ്ണതകളെ എതിര്‍ക്കാതെ അനീതിയെ നേരിട്ട സഹപ്രവര്‍ത്തകരെ ചതിക്കുന്ന രീതിയാണ് ജയരാജിന്റെയും യേശുദാസിന്റെയും നടപടിയെന്ന് സനല്‍കുമാര്‍ ശശിധരന്‍ പറഞ്ഞു. ഈ നടപടിയില്‍ രണ്ടുപേരോടും തനിക്ക് സഹതാപമാണ് തോന്നുന്നതെന്നും അദ്ദേഹം കൂട്ടിച്ചേര്‍ത്തു.

യേശുദാസിനേയും ജയരാജിനേയും ഓര്‍ത്ത് ലജ്ജിക്കുന്നുവെന്ന് സംവിധായകന്‍ സിബി മലയിലും പറഞ്ഞിരുന്നു. അവാര്‍ഡ് നിരസിച്ചവര്‍ക്ക് പിന്തുണയുണ്ടെന്നും അദ്ദേഹം വ്യക്തമാക്കി. അതേസമയം, ജോയ്മാത്യുവും നടന്‍ ഹരീഷ് പേരടിയും യേശുദാസിനും ജയരാജിനും പിന്തുണയുമായെത്തി. അവാര്‍ഡ് വാങ്ങിയതില്‍ തെറ്റില്ലെന്നാണ് ഇവരുടെ വാദം. പുരസ്‌കാരം വിതരണം ചെയ്ത കേന്ദ്രമന്ത്രി സ്മൃതി ഇറാനിയെ രൂക്ഷമായി വിമര്‍ശിച്ച് സംവിധായകന്‍ മേജര്‍രവിയും രംഗത്തെത്തി. അവരുടെ ധാര്‍ഷ്ട്യമാണ് സംഭവത്തിനു പിന്നിലെന്ന് മേജര്‍ രവി തുറന്നടിച്ചു.

ഇന്നലെ നടന്ന ചടങ്ങില്‍ നിന്ന് ഫഹദ് ഫാസില്‍, പാര്‍വ്വതി, ദിലീഷ് പോത്തന്‍, അനീസ് കെ മാപ്പിള തുടങ്ങി 66 താരങ്ങള്‍ വിട്ടുനിന്നു. മലയാളത്തില്‍ നിന്നും യേശുദാസ്, സംവിധായകന്‍ ജയരാജ് എന്നിവര്‍ മാത്രമാണ് അവാര്‍ഡ് സ്വീകരിച്ചത്.

സ്ത്രീകള്‍ അവര്‍ക്കായി ഒരു ഇരിപ്പിടം കണ്ടെത്തുന്ന കാലത്താണ് യേശുദാസിനെപ്പോലെയൊരു മഹാനായ വ്യക്തിയില്‍ നിന്ന് ഇത്തരമൊരു പരാമര്‍ശമുണ്ടാകുന്നത്. ഉള്ളിന്റെയുള്ളില്‍ ഒരു മൂല്യബോധം വേണം. ഞാന്‍ ജീവിക്കുന്ന സമൂഹം, എന്താണ് അതിന്റെ പ്രശ്‌നങ്ങള്‍ എന്നെല്ലാം അറിഞ്ഞിരിക്കണം. തന്നെ സംബന്ധിച്ച് ഇതൊരു അടിസ്ഥാന മൂല്യമാണ്. മലയാളിയെന്ന നിലക്ക് വായ് തുറക്കുമ്പോള്‍ ഈ മൂല്യം എന്റെയുള്ളില്‍ പ്രവര്‍ത്തിക്കും. അത്തരത്തിലൊരു മൂല്യഘടന യേശുദാസിന്റെ ഉള്ളില്‍ ഇല്ലായിരിക്കാം. അദ്ദേഹത്തിന്റെ ഉള്ളില്‍ രാഗവും സംഗീതവും അതിന്റെ വാക്കുകളുമൊക്കെയുള്ളൂ. അങ്ങനെയുള്ള ഒരാള്‍ ആലോചിക്കാതെ പറയുന്നതാണിത്. പക്ഷേ അതിന്റെ പ്രഹരശേഷി ഭയങ്കരമാണെന്നും അദ്ദേഹം കൂട്ടിച്ചേര്‍ത്തു.

ദേഹത്ത് തൊട്ടുരുമ്മി നിന്ന് സെല്‍ഫിയെടുക്കുന്നത് വിലക്കിയെന്നായിരുന്നു യേശുദാസിന്റെ പരാമര്‍ശം. എണ്‍പതുകള്‍ക്കു ശേഷമുള്ള പെണ്‍കുട്ടികളാണ് സെല്‍ഫിയെടുക്കാന്‍ അനുവാദം ചോദിച്ച് വരാറുള്ളതെന്നും പണ്ടുള്ളവര്‍ അങ്ങനെയായിരുന്നില്ലെന്നും അദ്ദേഹം കുറ്റപ്പെടുത്തിയിരുന്നു. ഫോട്ടോ എടുക്കുന്നതില്‍ തെറ്റില്ല. എന്നാല്‍ തൊട്ടുരുമ്മിയെടുക്കുന്നത് വേണ്ടെന്നും യേശുദാസ് പറഞ്ഞിരുന്നു. പരാമര്‍ശം വിവാദമാവുകയായിരുന്നു. നേരത്തെ പെണ്‍കുട്ടികള്‍ ജീന്‍സ് ധരിക്കുന്നതിനെ വിമര്‍ശിച്ചും യേശുദാസ് രംഗത്തെത്തിയിട്ടുണ്ട്.