തുല്യമായ സാമൂഹ്യ നീതി ഇപ്പോഴും കേരളത്തിലുണ്ടായിട്ടില്ലെന്ന് സ്വാമി സച്ചിദാനന്ദ ; 169-ാം ശ്രീനാരായണഗുരു ജയന്തി ആഘോഷങ്ങൾക്ക് തുടക്കമായി

webdesk15 — Thu, 31 Aug 2023 10:00:44 +0000

തുല്യമായ സാമൂഹ്യ നീതി ഇപ്പോഴും കേരളത്തിലുണ്ടായിട്ടില്ലെന്നും സെക്രട്ടേറിയറ്റ് തമ്പുരാൻ കോട്ടയാണെന്നും 169-ാം ശ്രീനാരായണഗുരു ജയന്തി ആഘോഷങ്ങൾക്ക് തുടക്കം കുറിച്ച് ശിവഗിരിമഠത്തിൽ നടന്ന ചടങ്ങിൽ ട്രസ്റ്റ് പ്രസിഡന്റ് സ്വാമി സച്ചിദാനന്ദ പറഞ്ഞു.ക്ഷേത്രങ്ങളിൽ പൂജ നടത്താനും ക്ഷേത്രത്തിന്റെ അധികാരവും എല്ലാവർക്കും ഒരുപോലെ ലഭിക്കണം.പ്രധാന ക്ഷേത്രങ്ങളിലെ പൂജാരിമാരെ നിയമിക്കുമ്പോൾ എൽഡിഎഫും യുഡിഎഫും ഒരുപോലെ ബ്രാഹ്മണർ മതിയെന്ന് സർക്കുലർ നൽകും.ഗുരുദേവൻ ഇച്ഛിച്ചതും മോഹിച്ചതും ക്ഷേത്രത്തിൽ പോയി പ്രാർത്ഥിക്കാനല്ല, ക്ഷേത്രത്തിനകത്ത് കയറി പൂജ നടത്താനും ക്ഷേത്രത്തെ ഭരിക്കാനുമുള്ള അധികാരം നേടിയെടുക്കാനുമാണ്.ഗുരു നിത്യ ചൈതന്യ യതി സെക്രട്ടേറിയറ്റിനെ കുറിച്ച് പറഞ്ഞത് തമ്പുരാൻ കോട്ടയെന്നാണ്. അതിനിപ്പോഴും മാറ്റമൊന്നും വന്നിട്ടില്ലെന്നും അദ്ദേഹം പറഞ്ഞു.

വൈക്കം സത്യഗ്രഹത്തിൽ ശ്രീനാരായണഗുരുവിനും, ടി.കെ. മാധവനുമുള്ള പങ്ക് അംഗീകരിക്കാൻ ചില ചരിത്രകാരൻമാർക്ക് വൈമനസ്യമെന്ന് സച്ചിദാനന്ദസ്വാമികൾ

webdesk15 — Sun, 02 Apr 2023 01:47:25 +0000

വൈക്കം സത്യഗ്രഹത്തിന് കാരണക്കാരായ ശ്രീനാരായണ ഗുരുദേവനെയും ടി. കെ. മാധവനെയും സങ്കുചിതമായതലത്തിൽ വിലയിരുത്താനാണ് ഇപ്പോഴും ചില ചരിത്രകാരന്മാർക്ക് താല്പര്യമെന്ന്.ശിവഗിരിമഠം അധ്യക്ഷൻ സച്ചിദാനന്ദ സ്വാമികൾ പറഞ്ഞു.. പത്രാധിപർ ടി. കെ. നാരായണൻ ഫൗണ്ടേഷന്റെ ഉദ്ഘാടനം കൊല്ലം പ്രസ്ക്ലബ്ബിൽ നിർവഹിക്കുകയായിരുന്നു അദ്ദേഹം. വൈക്കം സത്യഗ്രഹം സംബന്ധിച്ച് ഗവൺമെന്റ് നൽകിയ പത്രപരസ്യത്തിലെ ചിത്രങ്ങൾ പരിശോധിച്ചാൽ ചരിത്രത്തെ ഏത് ഗതിയിലാണ് വളച്ചൊടിക്കുന്നതെന്ന് ചിന്തിക്കേണ്ടി വരുമെന്നും അദ്ദേഹം പറഞ്ഞു. സ്കൂൾ – കോളേജ് തലങ്ങളിലെ പാഠപുസ്തകങ്ങളിൽ ടി. കെ. മാധവന്റെ പേര് തന്നെയില്ലെന്നും അദ്ദേഹം ചൂണ്ടിക്കാട്ടി.

sivagirimat – Chandrika Daily