sk yadav – Chandrika Daily

വിദ്വേഷ പ്രസംഗം: ജസ്റ്റിസ് എസ്.കെ യാദവിനെതിരെ രാഷ്ട്രപതിക്ക് പരാതി നല്‍കി മുസ്‌ലിം ലീഗ് എം.പിമാര്‍

webdesk13 — Tue, 10 Dec 2024 05:52:02 +0000

അലഹാബാദ് ഹൈക്കോടതി ജഡ്ജി ജസ്റ്റിസ് എസ്.കെ യാദവിന്റെ വിദ്വേഷ പ്രസംഗത്തിനെതിരെ മുസ്ലിം ലീഗ് എം.പിമാർ രാഷ്ട്രപതിക്ക് പരാതി നൽകി. ഹൈക്കോടതി ലൈബ്രറി ഹാളിലാണ് ജഡ്ജി വിദ്വേഷ പ്രസംഗം നടത്തിയത്. ഭൂരിപക്ഷത്തിന്റെ ആഗ്രഹപ്രകാരം ഇന്ത്യ ഭരിക്കപ്പെടുമെന്നാണ് അദ്ദേഹം പ്രസംഗിച്ചത്.

നേരത്തെ പശുവിനെ ദേശീയ മൃഗമാക്കണമെന്നും ഇദ്ദേഹം ആവശ്യപ്പെട്ടിരുന്നു. ജഡ്ജി നടത്തിയത് ഭരണഘടനാ ലംഘനമാണെന്നും സുപ്രിംകോടതി സ്വമേധയാ കേസെടുക്കണമെന്നും മുസ്ലിംലീഗ് എം.പിമാർ ആവശ്യപ്പെട്ടു.

ബാബരി വിധി പറഞ്ഞ ജഡ്ജിക്ക് സുരക്ഷ നീട്ടി നല്‍കാനാവില്ലെന്ന് സുപ്രിം കോടതി

Test User — Mon, 02 Nov 2020 08:53:55 +0000

ന്യൂഡല്‍ഹി: ബാബരി മസ്ജിദ് തകര്‍ത്ത കേസില്‍ വിധി പറഞ്ഞ വിചാരണക്കോടതി ജഡ്ജി സുരേന്ദ്ര കുമാര്‍ യാദവിന്റെ
സുരക്ഷ നീട്ടി നല്‍കാനാകില്ലെന്ന് സുപ്രിം കോടതി. സുരക്ഷാ തുടരേണ്ടത് അത്യാവശ്യമാണ് എന്ന് തോന്നുന്നില്ല എന്നാണ് കോടതി വ്യക്തമാക്കിയത്. കേസിന്റെ വൈകാരിക സ്വഭാവം കണക്കിലെടുത്ത് സുരക്ഷ നല്‍കുന്നത് നീട്ടണം എന്നാണ് ജസ്റ്റിസ് യാദവ് ആവശ്യപ്പെട്ടിരുന്നത്.

28 വര്‍ഷം പഴക്കമുള്ള കേസില്‍ എല്ലാ പ്രതികളെയും കുറ്റവിമുക്തരാക്കിയ വിധിയാണ് യാദവ് പുറപ്പെടുവിച്ചിരുന്നത്. 2019ല്‍ വിരമിക്കേണ്ടിയിരുന്ന ഇദ്ദേഹത്തിന് കേസിന്റെ പ്രത്യേക സ്വഭാവം കണക്കിലെടുത്ത് കോടതി കാലാവധി നീട്ടി നല്‍കുകയായിരുന്നു.

Also Read: ആരാണ് ജസ്റ്റിസ് എസ്‌കെ യാദവ് ? ബാബരി കേസില്‍ വിധി പറയുന്ന ജഡ്ജിയെ അറിയാം

എസ്‌കെ യാദവിന്റെ വിധിക്കെതിരെ വ്യാപക വിമര്‍ശനമാണ് ഉണ്ടായിരുന്നത്. ബാബരി മസ്ജിദ് സ്വയം തകര്‍ന്നതാണ് എന്ന തരത്തിലുള്ള കമന്റുകള്‍ ഇദ്ദേഹത്തിന്റെ വിധിയെ പരാമര്‍ശിച്ച് സാമൂഹിക മാധ്യമങ്ങളില്‍ വൈറലായിരുന്നു.

ആരാണ് ജസ്റ്റിസ് എസ്‌കെ യാദവ് ? ബാബരി കേസില്‍ വിധി പറയുന്ന ജഡ്ജിയെ അറിയാം

Test User — Wed, 30 Sep 2020 05:53:41 +0000

ലഖ്‌നൗ: എല്ലാ കണ്ണുകളും ജസ്റ്റിസ് എസ് കെ യാദവിലേക്കാണ്. 28 വര്‍ഷമായി ഇഴഞ്ഞു നീങ്ങുന്ന ബാബരി ധ്വംസനക്കേസില്‍ ചരിത്രപരമായ വിധി പ്രസ്താവം നടത്തുന്ന ജസ്റ്റിസ് സുരേന്ദ്ര കുമാര്‍ യാദവിലേക്ക്. കുറച്ചു ദിവസമായി തന്റെ ചേംബറിലേക്ക് ജഡ്ജ് സന്ദര്‍ശകരെ അനുവദിക്കാറില്ല. അവസാന ഘട്ട ഒരുക്കളില്‍ ജീവനക്കാരുമായി കഴിഞ്ഞ ദിവസം അദ്ദേഹം ചേംബറില്‍ വച്ചു തന്നെ ചര്‍ച്ചകള്‍ നടത്തിയിരുന്നു.

കേസിലെ വിചാരണ അവസാനിപ്പിക്കുന്നതിനായി ജസ്റ്റിസ് യാദവിന് മൂന്നു തവണയാണ് എക്സ്റ്റന്‍ഷന്‍ നല്‍കിയിരുന്നത്. സുപ്രിംകോടതി വിധി പ്രകാരമായിരുന്നു നടപടി. കേസില്‍ പ്രതിദിന വിചാരണ വേണം. ജഡ്ജിയെ സ്ഥലം മാറ്റരുത് എന്നായിരുന്നു 2017ലെ സുപ്രിം കോടതി വിധി.

2019ലാണ് ജസ്റ്റിസ് യാദവ് റിട്ടയര്‍ ചെയ്യേണ്ടിയിരുന്നത്. 351 സാക്ഷികളെയാണ് ജഡ്ജിക്കു മുമ്പില്‍ സിബിഐ വിസ്തരിച്ചത്. കേസില്‍ 32 പ്രതികളാണ് ഉള്ളത്. ഇതില്‍ 26 മാത്രമേ വിധി പ്രസ്താവം കേള്‍ക്കാനായി കോടതിയിലെത്തൂ.