പഠിക്കാന്‍ മിഠുക്കനുമായ വിദ്യാര്‍ത്ഥി ഓണ്‍ലൈന്‍ ക്ലാസില്‍ പങ്കെടുക്കാന്‍ മൊബൈല്‍ ഫോണ്‍ ഇല്ലാതായതോടെയാണ് പിടിച്ചുപറി സംഘത്തിനൊപ്പം ചേര്‍ന്നത്. ബിസ്‌കറ്റ് ഷോപ്പിലെ ജീവനക്കാരനാണ് 13കാരന്റെ അച്ഛന്‍. അമ്മ വീട്ടുജോലിക്കാരിയാണ്. കോവിഡ് പശ്ചാത്തലത്തില്‍ ക്ലാസുകള്‍ ഓണ്‍ലൈനാക്കിയതോടെ മൊബൈല്‍ പഠിക്കാന്‍ ഫോണ്‍ അനിവാര്യമാവുകയായിരുന്നു. എന്നാല്‍ പണമില്ലാത്തത് കാരണം 13കാരന് മൊബൈല്‍ ഫോണ്‍ വാങ്ങി നല്‍കാന്‍ മാതാപിതാക്കള്‍ക്ക് സാധിച്ചിരുന്നില്ല.

ഓണ്‍ലൈന്‍ ക്ലാസില്‍ പങ്കെടുക്കാന്‍ കഴിയാത്ത വിഷമത്തില്‍ വെറുതെ ഇരിക്കുന്ന കുട്ടിയെ അയല്‍പക്കത്തെ പിടിച്ചുപറി സംഘം സമീപിക്കുകയായിരുന്നു. സംഘത്തില്‍ ചേരുകയാണെങ്കില്‍ ഒരു മൊബൈല്‍ ഫോണ്‍ നല്‍കാമെന്ന് വാഗ്ദാനം 13കാരനെ പ്രലോഭിപ്പിക്കുകയും ചെയ്തു. കൂട്ടിയെ മുന്നില്‍ നിര്‍ത്തി പിടിച്ചുപറി നടത്താനായിരുന്നു ക്രിമിനല്‍ സംഘത്തിന്റെ പദ്ധതി. ഇനി പിടിയിലായാല്‍ തന്നെ കുട്ടിയുടെ പേരു പറഞ്ഞ് രക്ഷപ്പെടാമെന്നും പ്രതികള്‍ കരുതിയിരുന്നു. എന്നാല്‍ സംഭവത്തിന്റെ സത്യാവസ്ഥ അറിഞ്ഞതോടെ 13കാരന് പൊലീസുകാര്‍ ഒരു സ്്മാര്‍ട്ട്‌ഫോണ്‍ തന്നെ സമ്മാനമായി നല്‍കിയിരിക്കുകയാണ്.

സംഘത്തില്‍ ചേര്‍ന്നാല്‍ മൊബൈല്‍ ഫോണ്‍ തരാമെന്ന വാഗ്ദാനം നല്‍കിയാണ് കുട്ടിയെ കുറ്റകൃത്യത്തില്‍ പങ്കാളിയാക്കിയതെന്ന് പൊലീസ് പറയുന്നു. സംഭവം കുടുംബത്തെ അറിയിച്ചതായും കുട്ടിയെ കാര്യങ്ങള്‍ പറഞ്ഞ് മനസ്സിലാക്കിയതായും പൊലീസ് അറിയിച്ചു.

നിരവധി സവിശേഷതകളുമായി ഗൂഗിള്‍ ആന്‍ഡ്രോയിഡ് 11 ലഭിച്ചുതുടങ്ങി. സ്വകാര്യതയ്ക്ക് കൂടുതല്‍ പരിഗണന നല്‍കുന്നതാണ് പുതിയ പതിപ്പ്. ഓപ്പറേറ്റിംഗ് സിസ്റ്റത്തിലേക്കുള്ള പുതിയ അപ്ഡേറ്റ് ഗൂഗിള്‍ പിക്‌സല്‍ ശ്രേണിയിലാണ് കിട്ടിത്തുടങ്ങിയത്. പിന്നാലെ വണ്‍പ്ലസ്, ഷവോമി, ഓപ്പോ തുടങ്ങിയ ഫ്ളാഗ്ഷിപ്പ് ഫോണുകളില്‍ ലഭിക്കും. മറ്റ് നിര്‍മ്മാതാക്കളും ഉടന്‍ പുതിയ സംവിധാനത്തിലേക്ക് മാറും. ഉപഭോക്താക്കളുടെ സ്വകാര്യത സംരക്ഷണത്തിനുള്ള പുതിയ ടൂളുകള്‍ കൂടുതല്‍ സുരക്ഷ ഉറപ്പ് നല്‍കുന്നു. ആപ്പിളില്‍ മാത്രമുണ്ടായിരുന്ന സുരക്ഷാ സംവിധാനങ്ങള്‍ ആന്‍ഡ്രോയിഡിലും ലഭ്യമാവുന്നു എന്നതാണ് പ്രത്യേകത. രഹസ്യആപ്പുകളെ തടയാനുള്ള പുതിയ സംവിധാനമാണ് ഇതില്‍ പ്രധാനം. സംഭാഷണം,കണ്ടന്റ്ക്യാപ്ച്ചര്‍, പ്രഡിക്റ്റീവ് ടൂള്‍, ഏസസ്ബിലിറ്റി,ഡ്രൈവ് കണ്‍ട്രോള്‍, സ്വകാര്യതയും സുരക്ഷയും എന്നീവിഭാഗങ്ങളിലാണ് അപ്ഡേഷന്‍.

– അനുമതി ഓരോ തവണയും
വാട്സ്ആപ്പ് ഉള്‍പ്പെടെയുള്ളവ ഉപയോഗിച്ച് ഫോട്ടോ, വീഡിയോ എടുക്കുന്നതിനും അയക്കുന്നതിനും ഇനി ഓരോ തവണയും അനുമതി നല്‍കേണ്ടിവരും. നിലവില്‍ ഇന്‍സ്റ്റാള്‍ ചെയ്യുമ്പോള്‍ മാത്രമാണ് അനുമതി ആവശ്യം. ഫോണിനകത്ത് പ്രവര്‍ത്തിക്കുന്ന രഹസ്യആപ്പ് പ്രവര്‍ത്തനം ഇതു വഴി തടയാനാവും. തേഡ്പാര്‍ട്ടി ആപ്പുവഴി ലൊക്കേഷന്‍ ചോരുന്നതും തടയാന്‍ സഹായിക്കും

– സ്മാര്‍ട്ട് ഡിവൈസ് കണ്‍ട്രോള്‍
മൊബൈല്‍ ഉപയോഗിച്ച് ടിവി, എസി,കാര്‍ ഉള്‍പ്പെടെ നിയന്ത്രിക്കുന്നത് നിലവില്‍ തേഡ്പാര്‍ട്ടി ആപ്പുകള്‍ വഴിയാണ്. പുതിയ വേര്‍ഷനില്‍ ഇതിനുള്ള സൗകര്യം ആന്‍ഡ്രോയിഡ് തന്നെ നല്‍കുന്നുണ്ട്. ഇതിനായി പവര്‍ ബട്ടണ്‍ അമര്‍ത്തി പിടിച്ചാല്‍ തെളിയുമെന്നാണ് ഗൂഗിള്‍ നല്‍കുന്ന ഉറപ്പ്.

-സംഭാഷണ നോട്ടിഫിക്കഷന്‍
കമ്മ്യൂണിക്കേഷന്‍ നോട്ടിഫിക്കേഷന്‍ വന്നാല്‍ വായിച്ചില്ലെങ്കില്‍ പിന്നീട് ലഭിക്കാന്‍ പ്രയാസമാണ്. പുതിയ വേര്‍ഷനില്‍ കോര്‍ണവര്‍സേഷന്‍ നോട്ടിഫിക്കന്‍ എന്ന സംവിധാനം വഴി ഇവ വീണ്ടും ലഭിക്കും. നോട്ടിഫിക്കേഷന്‍ സ്വിപ്പ് ചെയ്തു കളഞ്ഞാലും ഇത് നോട്ടിഫിക്കേഷന്‍ ഹിസ്റ്ററിയില്‍ ലഭ്യമാവും.

-ചാറ്റ് ബബിള്‍സ്
നിലവില്‍ ഫേസ്ബുക്ക് മെസെഞ്ചറില്‍ മാത്രം ലഭ്യമായ സൗകര്യമാണിത്. ഇനി ചാറ്റിലും ബബിള്‍സ് ലഭിക്കും. ഫോണ്‍ ഉപയോഗിക്കുമ്പോള്‍ ലഭിക്കുന്ന സന്ദേശത്തിന്റെ സൂചന സ്‌ക്രീനില്‍ ലഭിക്കുന്നു. ആവശ്യാനുസരണം സ്‌ക്രീനില്‍ നീക്കാന്‍ കഴിയുന്നതാണ്.

സ്‌ക്രീന്‍ റെക്കോര്‍ഡിംഗ്
-നിലവില്‍ തേഡ്പാര്‍ട്ടിയുടെ സേവനത്തിലുടെ ലഭ്യമായിരുന്ന സക്രീന്‍ റെക്കോഡിംഗ് ഇനി ആന്‍ഡ്രോയിഡ് ഫോണുകളില്‍ ലഭിക്കും. ഇത് എത്രത്തോളം കാര്യക്ഷമമായിരിക്കുമെന്ന് കാത്തിരുന്നു കാണണം.

ബിസിനസ് ആവശ്യാര്‍ത്ഥം മെക്‌സിക്കോയിലേക്ക് പുറപ്പെട്ട മെങ് വാന്‍സു യാത്രാമധ്യേ കാനഡയിലെ വാന്‍കുവറില്‍ ഇറങ്ങുകയായിരുന്നു. വിമാനത്താവളത്തില്‍ അടുത്ത വിമാനത്തിന് കാത്തിരിക്കുമ്പോഴാണ് കാനേഡയന്‍ സംഘമെത്തി അവരെ അറസ്റ്റ് ചെയ്തത്. അമേരിക്കയുടെ അറസ്റ്റ് വാറന്റ് കാട്ടിക്കൊടുക്കുകയും ചെയ്തു. അമേരിക്കക്ക് കൈമാറുന്നതിനെതിരെ കാനഡയില്‍ നിയമപോരാട്ടം നടത്തുകയാണ് അവരിപ്പോള്‍. അമേരിക്കയുടെ ഉപരോധങ്ങള്‍ ലംഘിച്ച് ഇറാനുമായി വ്യാപാര പ്രവര്‍ത്തനങ്ങള്‍ നടത്തിയെന്നാണ് മെങിനെതിരെ യു.എസ് ഉന്നയിക്കുന്ന ആരോപണം. അതൊരു കാരണം മാത്രമാണ്. അതിലുപരി യു.എസും ചൈനയും തമ്മിലുള്ള വ്യാപാര യുദ്ധമാണ് അറസ്റ്റിലേക്ക് നയിച്ചതെന്ന് വിലയിരുത്തപ്പെടുന്നു.

BREAKING: It has been just revealed why @realDonaldTrump hated a private company from China so much that it went so far by announcing a national emergency. Look at the logo of Huawei. It has cut APPLE into pieces… pic.twitter.com/KOXstlAsja

— Lijian Zhao 赵立坚 (@zlj517) May 20, 2019

സമീപ കാലത്ത് അമേരിക്കയിലെ ആപ്പിളിനെ കടത്തിവെട്ടിയാണ് വോവെയ് സ്മാര്‍ട്‌ഫോണ്‍ നിര്‍മാണ മേഖലയില്‍ രണ്ടാം സ്ഥാനത്തെത്തിയത്. ദക്ഷിണ കൊറിയയുടെ സാംസങ്ങിനെ കടത്തിവെട്ടി ഒന്നാം സ്ഥാനത്ത് എത്താനും വോവെയ് ശ്രമിച്ചുകൊണ്ടിരിക്കുകയാണ്.
“ആപ്പിളിനെ വെട്ടിനുറുക്കുന്നതാണ് വോവെയ്യുടെ ലോഗോ എന്നതാണ് അമേരിക്കയെ ചൊടിപ്പിക്കുന്നത്” എന്ന ട്രോളും ഇപ്പോള്‍ സോഷ്യല്‍ മീഡിയയില്‍ വൈറലാണ്.
കമ്പനിയുടെ സ്ഥാപകനായ റെന്‍ സെങ്‌ഫെയുടെ മകളായ മെങാണ് വോവെയ്‌യുടെ വികസന പ്രവര്‍ത്തനങ്ങള്‍ക്ക് മേല്‍നോട്ടം വഹിക്കുന്നത്. അത്തരമൊരു ഘട്ടത്തില്‍ വാവെയ് കമ്പനിയെ പിടിച്ചുകെട്ടാന്‍ ഭാവിയില്‍ മേധാവിയാകാന്‍ സാധ്യതയുള്ള മെങിനെ അറസ്റ്റ് ചെയ്യുകയായിരുന്നു അമേരിക്കയുടെ മുന്നിലുള്ള വഴി.

ഇറാനെതിരെയുള്ള അമേരിക്കന്‍ ഉപരോധങ്ങള്‍ മറികടന്ന് യു.എസ് ടെലികോം ഉല്‍പന്ന ഘടകങ്ങള്‍ ഇറാന് വിറ്റുവെന്നാണ് മെങിനെതിരെ അമേരിക്ക ചുമത്തിയിരിക്കുന്ന കേസ്. ഇറാനെതിരെയുള്ള ഉപരോധത്തിന്റെ പേരില്‍ ഒരു വിദേശ കമ്പനി മേധാവിയെ യു.എസ് അറസ്റ്റ് ചെയ്യുന്നത് ആദ്യമാണ്. അതിവേഗം മുന്നേറിക്കൊണ്ടിരിക്കുന്ന വാവെയ് കമ്പനിയെ തടഞ്ഞുനിര്‍ത്താന്‍ ഇറാനെതിരെയുള്ള ഉപരോധം മറയാക്കിയെന്ന് മാത്രം. ചൈനീസ് ഭരണകൂടത്തിന്റെ ചാരപ്രവര്‍ത്തനങ്ങള്‍ക്ക് വോവെയ് ഒത്താശ ചെയ്തുകൊടുക്കുന്നുവന്ന് അമേരിക്ക പാശ്ചാത്യ രാജ്യങ്ങളില്‍ സജീവമായി പ്രചരിപ്പിക്കുന്നുമുണ്ട്. വോവെയ് വില്‍ക്കുന്ന ഉപകരണങ്ങളിലെല്ലാം രഹസ്യനിരീക്ഷണത്തിനുള്ള സംവിധങ്ങള്‍ ഉണ്ടെന്നാണ് യു.എസ് ആരോപിക്കുന്നത്. മെങിന്റെ അറസ്റ്റിന് പ്രതികാരമായി കാനഡയുടെ ചില പ്രമുഖരെ ചൈനയും കസ്റ്റഡിയിലെടുത്തിട്ടുണ്ട്. മുന്‍ പ്രസിഡന്റ് ബറാക് ഒബാമയുടെ കാലത്ത് നല്‍കിയ ഉപരോധ ഇളവിന്റെ അടിസ്ഥാനത്തിലാണ് മെങിന്റെ കമ്പനി ഇറാനുമായി വ്യാപാരം നടത്തിയത്. എന്നിട്ടും അതിന്റെ പേരില്‍ അവരെ അറസ്റ്റ് ചെയ്തതും വാവെയ്‌യെ കരിമ്പട്ടിക്കയില്‍ പെടുത്തിയതും രാഷ്ട്രീയത്തിനപ്പുറം സാമ്പത്തിക താല്‍പര്യങ്ങള്‍ സംരക്ഷിക്കാന്‍ കൂടിയാണ്.

സൂറിച്ച്: സ്മാര്‍ട്ട്‌ഫോണുകളുടെ ഉപയോഗം കൗമാരക്കാരില്‍ ഓര്‍മശക്തി കുറക്കുമെന്ന് പഠനറിപ്പോര്‍ട്ട്. കൗമാരക്കാരില്‍ സ്മാര്‍ട്ട്‌ഫോണുകളുടെ ഉപയോഗം സാരമായി ബാധിക്കുമെന്ന് സ്വിറ്റ്‌സര്‍ലാന്‍ഡില്‍ നടത്തിയ പഠനം വ്യക്തമാക്കുന്നു. റേഡിയോ ഫ്രീക്വന്‍സി ഇലക്ട്രോ മാഗ്നറ്റിക് ഫീല്‍ഡ്‌സ് എന്ന റേഡിയോ തരംഗം കൗമാരക്കാരിലെ ഫിഗുറല്‍ ഓര്‍മശക്തിയെ നശിപ്പിക്കും. വലതു ചെവിയില്‍ ഫോണ്‍ ഉപയോഗിക്കുന്നവരിലാണ് ഈ പ്രശ്‌നം ഏറെയും കണ്ടുവരുന്നത്. വലതു മസ്തിഷ്‌കത്തിലെ അര്‍ധഗോളത്തിലാണ് ഫിഗുറല്‍ മെമ്മറി സ്ഥിതിചെയ്യുന്നത്.

20 കേന്ദ്ര സര്‍വകലാശാലകളിലാണ് പഠനം നടത്തിയത്. 200 വിദ്യാര്‍ത്ഥികളുമായി അഭിമുഖം നടത്തി. വിദ്യാര്‍ത്ഥികളുടെ ആരോഗ്യം, പഠനം എന്നിവയെ പ്രതികൂലമായി ബാധിക്കുന്ന പ്രവര്‍ത്തനമാണിതെന്ന് പഠനം പറയുന്നു.സാമൂഹിക മാധ്യമങ്ങളുടെ ഉപയോഗം, ഗൂഗിള്‍ തിരയലുകള്‍, സിനിമ കാണുന്നത് പോലെയുള്ള വിനോദപരിപാടികള്‍ തുടങ്ങിയ മറ്റ് ആവശ്യങ്ങള്‍ക്ക് വേണ്ടിയാണ് കൂടുതല്‍പേരും സ്മാര്‍ട്ട്‌ഫോണുകള്‍ ഉപയോഗിക്കുന്നത്. 26 ശതമാനം പേര്‍ മാത്രമാണ് സംസാരിക്കാന്‍ വേണ്ടി മൊബൈല്‍ ഫോണ്‍ ഉപയോഗിക്കുന്നതെന്ന് പ്രൊജക്ട് ഡയറക്ടര്‍ സൈദ് മുഹമ്മദ് നവേദ് ഖാന്‍ പറഞ്ഞു.

വിദ്യാര്‍ത്ഥികളില്‍ 14 ശതമാനം പേര്‍ ദിവസം മൂന്നു മണിക്കൂറോ അതില്‍ കൂടുതലോ സ്മാര്‍ട്ട്‌ഫോണുകള്‍ ഉപയോഗിക്കുന്നവരാണ്. 63 ശതമാനം പേര്‍ ദിവസവും നാല് മുതല്‍ ഏഴ് മണിക്കൂര്‍ വരെ ഉപയോഗിക്കുന്നു. 23 ശതമാനം വിദ്യാര്‍ത്ഥികള്‍ ഒരു ദിവസം എട്ട് മണിക്കൂറിലധികം സ്മാര്‍ട്ട് ഫോണ്‍ ഉപയോഗിക്കുന്നുണ്ടെന്നത് ഞെട്ടിക്കുന്ന അറിവാണെന്ന് ഖാന്‍ കൂട്ടിച്ചേര്‍ത്തു.

എണ്‍പതു ശതമാനം വിദ്യാര്‍ത്ഥികള്‍ക്ക് മൊബൈല്‍ ഫോണ്‍ സ്വന്തമായുണ്ട്. അവരില്‍ മിക്കവര്‍ക്കും സ്മാര്‍ട്ട് ഫോണുകള്‍, ആപ്ലിക്കേഷനുകള്‍, ഫീച്ചറുകള്‍ തുടങ്ങിയവ എളുപ്പത്തില്‍ ഉപയോഗിക്കാനുള്ള അറിവും സൗകര്യവുമുള്ളവരാണ്. കോളജ് വിദ്യാര്‍ത്ഥികള്‍ക്കിടയില്‍ സ്മാര്‍ട്ട്‌ഫോണ്‍ ആശ്രിതത്വത്തിന്റെയും ആസക്തിയുടെയും വിവിധ വശങ്ങള്‍ മനസിലാക്കുന്നതിനായിരുന്നു പഠനം.

Plastic/PVC #Aadhaar Smart Card is not usable. Aadhaar letter/its cutaway portion/downloaded versions on ordinary paper/mAadhaar are valid & people shouldn't yearn for so-called Aadhaar smart card as it may make them fall to ploys of unscrupulous elements: UIDAI pic.twitter.com/ZVMrvhqaKB

— ANI (@ANI) February 6, 2018

ആധാര്‍ കാര്‍ഡ് സ്മാര്‍ട്ട് ആക്കുന്നതു വഴി അതിലെ ഏറ്റവും പ്രധാനപ്പെട്ട ഭാഗമായ ക്യുആര്‍ കോഡ് പ്രവര്‍ത്തനരഹിതമാകാന്‍ സാധ്യതയുണ്ട്. ഇതിലെ വിവരം ചോരാനും ഇടയാകും. ആധാര്‍ കാര്‍ഡ് നഷ്ടപെടുകയാണെങ്കില്‍ വെബ് സൈറ്റില്‍ നിന്നു വീണ്ടും അതു ഡൗണ്‍ ലോഡ് ചെയ്‌തെടുക്കാം. ബ്ലാക്ക്് ആന്റ് വൈറ്റ് പ്രിന്റ് ഔട്ട് ആധാര്‍ ആയി എവിടെയും അംഗീകരിക്കും.
ചില സ്ഥലങ്ങളില്‍ 50 രൂപ മുതല്‍ 300 രൂപ വരെ വാങ്ങി പലരും ആധാര്‍ കാര്‍ഡ് സ്മാര്‍ട്ട് ആക്കി നല്‍കുന്നുണ്ട്. തട്ടിപ്പ് സംഘമാണ് ഇതിനു പിന്നില്‍. ഇത് കുറ്റകരമാണ്. ആധാര്‍ കാര്‍ഡ് പ്ലാസ്റ്റിക്, പി.വി.സി ലാമിനേഷന്‍ നടത്തുന്നവര്‍ക്കെതിരെ ഇന്ത്യന്‍ ശിക്ഷാ നിയമ പ്രകാരവും 2006ലെ ആധാര്‍ ആക്റ്റ് പ്രകാരവും നടപടിയെടുക്കുമെന്നും അധികൃതര്‍ മുന്നറിയിപ്പ് നല്‍കി.

5.2 ഇഞ്ച് ഫുള്‍-എച്ച്ഡി (1080ഃ 1920 പിക്സല്‍)എല്‍ടിപിഎസ് ഐപിഎസ് ഡിസ്പ്ലെയാണ് എക്‌സ് ഫോറില്‍ ഘടിപ്പിച്ചിരിക്കുന്നത്. ഗൊറില്ല ഗ്ലാസ്സ് പ്രൊട്ടക്ഷന്‍, ഫിംഗര്‍പ്രിന്റ് സ്‌കാനര്‍ .യുഎസ്ബി ടൈപ്-സി പോര്‍ട്ടും 3.5 എംഎം ഓഡിയോ ജാക്ക് തുടങ്ങിയവ എക്‌സ് ഫോറിന്റെ മറ്റു സവിശേഷതകളാണ്.

ക്യാമറയാണ് എക്സ്ഫോറിന്റെ മറ്റൊരു പ്രധാന ആകര്‍ഷണം 16 പിക്സല്‍ ഫ്രന്റ് ക്യാമറയും ഡ്യുവല്‍ റിയര്‍ ക്യാമറയും അടങ്ങുന്ന ഫോണില്‍, 12 മെഗാപിക്സല്‍ ഡ്യുവല്‍ ഓട്ടോഫോക്കസ് സെന്‍സര്‍, എഫ്/2.0 അടങ്ങുന്ന ഒന്നും എട്ടു മെഗാ പിക്സല്‍ അള്‍ട്ര വൈഡ് 120 ഡിഗ്രി ആങ്കിള്‍ സെന്‍സെര്‍ അടങ്ങുന്ന മറ്റൊരു ക്യാമറയുമാണ് ഫോണിന്റെ പിന്‍ഭാഗത്ത് ഘടിപ്പിച്ചിരിക്കുന്നത്.അള്‍ട്ര വൈഡ് ആംഗിള്‍ ഷോട്ട്, പ്രൊഫഷണല്‍ മോഡ്, ഡെപ്ത് ഡിറ്റക്ഷന്‍, ഡെപ്ത് ഇഫക്ട്, സെലക്ടീവ് ഫോക്കസ് , സെലക്ടീവ് ബ്ലാക് & വൈറ്റ് , ഫ്‌ളാഷ് സപ്പോര്‍ട്ട്, എഫ്/2.0 അപ്പേര്‍ച്ചര്‍, 1-മൈക്രോണ്‍ പിക്‌സല്‍,ലോലെറ്റ് മോഡ്, സെല്‍ഫി പനോരമ, ഫെയ്സ് ഫില്‍റ്റര്‍, ബ്യൂട്ടിഫിക്കേഷന്‍ മോഡ് തുടങ്ങിയവ അടങ്ങിയ ക്യാമറ പ്രൊഫഷണലുകളേയും സെല്‍ഫി പ്രമികളേയും പൂര്‍ണ്ണ സംതൃപ്തിപ്പെടുത്താന്‍ കഴിവുള്ളതാണ്.

ഈയിടെ പുറത്തിറങ്ങിയ ക്വാള്‍കോം സ്‌നാപ്ഡ്രാഗണ്‍ 660 പ്രോസസറില്‍ നാലു ജിബി റാമും 64 ജിബി ഇന്റേണല്‍ മെമ്മറിയുമാണ് മോട്ടോ നല്‍കുന്നത്. രണ്ടു ടിബിയാണ് എക്‌സ്റ്റേണല്‍ മെമ്മറി കപാസിറ്റി.  വിലകുറഞ്ഞ മധ്യനിര ഫോണുകളുടെ കൂട്ടത്തിലേക്ക് മത്സരത്തിനായി എത്തുന്ന മോട്ടോ എക്‌സ്4 ഇന്ത്യന്‍ വിപണി കീഴടക്കുമെന്ന പ്രതീക്ഷയിലാണ് മോട്ടോ വക്താക്കള്‍.