‘ജീവിതത്തിൽ ജയവും തോൽവിയും ഉണ്ടാകും. ശ്രീമതി സ്മൃതി ഇറാനി​ക്കോ മറ്റേതെങ്കിലും നേതാക്കൾക്കേ എതിരെ അപകീർത്തികരമായ വാക്കുകൾ ഉപയോഗിക്കുന്നതിൽ നിന്നും മോശമായി പെരുമാറുന്നതിൽ നിന്നും വിട്ടുനിൽക്കാൻ ഞാൻ എല്ലാവരോടും അഭ്യർഥിക്കുന്നു. ആളുകളെ അപമാനിക്കുകയും അധിക്ഷേപിക്കുകയും ചെയ്യുന്നത് ബലഹീനതയുടെ ലക്ഷണമാണ്, ശക്തിയല്ല’ -എന്നിങ്ങനെയായിരുന്നു രാഹുലിന്റെ പോസ്റ്റ്.

2019ലെ ലോക്സഭ തെരഞ്ഞെടുപ്പിൽ രാഹുൽ ഗാന്ധിയെ അമേത്തിയിൽ പരാജയപ്പെടുത്തിയതോടെ ബി.ജെ.പിയിലെ ഗ്ലാമർ താരമായിരുന്നു സ്മൃതി. അമേഠിയിൽ വീണ്ടും മത്സരിക്കാൻ അവർ രാഹുലിനെ വെല്ലുവിളിക്കുകയും ചെയ്തിരുന്നു.

എന്നാൽ, ഇത്തവണ അമേത്തിയിൽ കോൺഗ്രസിന്റെ കിഷോരി ലാൽ ശർമയോട് ഒന്നര ലക്ഷത്തിലധികം വോട്ടിന് തോൽവി ഏറ്റുവാങ്ങിയതോടെ കഴിഞ്ഞ ദിവസം ഔദ്യോഗിക ബംഗ്ലാവ് ഒഴിയേണ്ടിവന്നിരുന്നു. തോറ്റെങ്കിലും സ്മൃതിയെ രാജ്യസഭ വഴി മന്ത്രിസഭയിൽ എടുത്തേക്കുമെന്ന പ്രതീക്ഷയും ഫലം കണ്ടില്ല. തങ്ങളുടെ പ്രധാന വനിതാ മുഖമായി ബി.ജെ.പി ഉയർത്തിക്കാട്ടുന്ന സ്മൃതിയെ നരേന്ദ്ര മോദിയുടെ മൂന്നാം മന്ത്രിസഭയിൽ ഉൾപ്പെടുത്തിയിരുന്നില്ല.

അമേത്തിയിൽ തോറ്റതിന് പിന്നാലെ സ്മൃതി ഇറാനിക്കെതിരെ രൂക്ഷമായ സൈബർ ആക്രമണമാണ്  ഉണ്ടായിരുന്നത്. ഇത് തുടരുന്ന പശ്ചാത്തലത്തിലാണ് രാഹുലിന്റെ പോസ്റ്റ്.

वाराणसी में कांग्रेस कार्यकर्ताओं ने विरोध के बल पर भाजपा की केंद्रीय मंत्री @smritiirani को बता दिया कि बेटियों की सुरक्षा से न तो खिलवाड़ बर्दाश्त किया जाएगा और न ही लीपापोती।#SatyagrahaForOurDaughters pic.twitter.com/NKZpezYky7

— Delhi Youth Congress (@DelhiPYC) October 3, 2020

അതേസമയം, കൂട്ടബലാത്സംഗത്തിനൊടുവില്‍ ക്രൂരമായി കൊലചെയ്യപ്പെട്ട പെണ്‍കുട്ടിയുടെ കുടുംബത്തെ കാണാന്‍ കോണ്‍ഗ്രസ് നേതാക്കളായ രാഹുല്‍ ഗാന്ധിയും പ്രിയങ്ക ഗാന്ധിയും ഇന്ന് വീണ്ടും ഹാത്രരസിലേക്ക് പുറപ്പെട്ടു. യുപി സര്‍ക്കാര്‍ പെണ്‍കുട്ടിയുടെ മൃതദേഹത്തോടും കുടുംബത്തോടും കടുത്ത അനീതിയാണ് കാണിക്കുന്നതെന്നും അവര്‍ക്ക് നീതിവേണമെന്ന് ആവശ്യപ്പെട്ടാണ് രാഹുല്‍ ഗാന്ധിയുടെ നേതൃത്വത്തില്‍ കോണ്‍ഗ്രസ് എംപിമാര്‍ ഹാത്രസിലേക്ക് പോകുന്നതെന്ന് കോണ്‍ഗ്രസ് വ്യക്തമാക്കി.

പ്രിയങ്ക ഗാന്ധിയ്‌ക്കൊപ്പം ഡല്‍ഹിയില്‍ നിന്നും രാഹുല്‍ ഗാന്ധി ഹാത്രസിലേക്ക് പുറപ്പെട്ടു. പ്രിയങ്ക െ്രെഡവറായ കാറിലാണ് രാഹുല്‍ പുറപ്പെട്ടത്. മറ്റു കോണ്‍ഗ്രസ് എംപിമാര്‍ ഇവരെ അനുഗമിക്കുന്നുണ്ട്. ഇന്ന് ഉച്ചയ്ക്ക് പുറപ്പെട്ട കോണ്‍ഗ്രസ് നേതാക്കള്‍ പെണ്‍കുട്ടിയുടെ വീട്ടില്‍ എപ്പോള്‍ എത്തുമെന്ന് വ്യക്തമല്ല.

https://twitter.com/srivatsayb/status/1311144139526873088

യുപിഎ ഭരണകാലത്ത് നടന്ന നിര്‍ഭയ കേസില്‍ സ്മൃതി ഇറാനി കോണ്‍ഗ്രസ് സര്‍ക്കാരിനെ വിമര്‍ശിച്ചുനടത്തിയ പ്രസ്താവനയുടെ വിഡിയോ പങ്കുവെച്ചാണ് കോണ്‍ഗ്രസിന്റെ വിമര്‍ശനം. എന്റെ രക്തം തിളക്കുന്നു എന്ന് ആക്രോശിച്ച് തെരുവില്‍ പ്രകടനം നടത്തിയ സ്മൃതിയുടെ വിഡിയോയാണ് യൂത്ത് കോണ്‍ഗ്രസ് ദേശീയ പ്രസിഡന്റെ ബി.വി ശ്രീനിവാസ് പുറത്തുവിട്ടിരിക്കുന്നത്. സ്മൃതി ഇറാനി ഇന്ത്യയുടെ വനിത ശിശുക്ഷേമ വകുപ്പ് മന്ത്രിയായി തുടരുന്നത് നാണക്കേടാണെന്നും യൂത്ത് കോണ്‍ഗ്രസ് നേതാവ് കുറിച്ചു.

ഉത്തര്‍പ്രദേശിലെ ഹാത്രാസില്‍ കൂട്ട ബലാത്സംഗത്തിന് ഇരയായി കൊല്ലപ്പെ്്ട്ട ദളിത് പെണ്‍കുട്ടിയുടെ മൃതദേഹം യോഗി പൊലീസ് നിര്‍ബന്ധിച്ച് സംസ്‌ക്കരിച്ചത് വലിയ വിവാദങ്ങള്‍ക്ക് കാരണമായിരിക്കുകയാണ്. അര്‍ദ്ധരാത്രിയില്‍ പൊലീസ് മൃതദേഹം ബലമായി പിടിച്ചെടുത്തതായും സംസ്‌ക്കാരത്തിനായി കൊണ്ടുപോയതായും കുടുംബം ആരോപിച്ചു. 19 കാരിയെ കൂട്ടബലാത്സംഗം ചെയ്ത് കൊലപ്പടുത്തി സംഭവത്തില്‍ പ്രതിഷേധം വ്യാപകമാകുന്നതിനിടെയാണ് പൊലീസിന്റെ നടപടി.

സംഭവത്തില്‍ യുപി പൊലീസിനും യോഗി സര്‍ക്കാറിനുമെതിരെ രാഹുല്‍ ഗാന്ധിയും പ്രിയങ്കഗാന്ധിയും രംഗത്തെത്തിയിരുന്നു. ഉത്തര്‍ പ്രദേശ് സര്‍ക്കാര്‍ ഭരണത്തില്‍ നീതി ഒട്ടുമില്ല, അനീതിയുടെ ആധിപത്യമാണ്. യോഗി ആദിത്യനാഥ് രാജിവെക്കണമെന്നും പ്രിയങ്കഗാന്ധി ആവശ്യപ്പെട്ടു.

പഞ്ചായത്ത് തിരഞ്ഞെടുപ്പുമായി ബന്ധപ്പെട്ടുണ്ടായ സീറ്റ് തര്‍ക്കമാണ് കൊലപാതകത്തില്‍ കലാശിച്ചതെന്ന് സംസ്ഥാന പൊലീസ് മേധാവി ഒ പി സിങ് വ്യക്തമാക്കി. കഴിഞ്ഞ പഞ്ചായത്ത് തെരഞ്ഞെടുപ്പില്‍ മത്സരിക്കാന്‍ പ്രതികളില്‍ ഒരാള്‍ക്ക് താല്‍പര്യമുണ്ടായിരുന്നു. എന്നാല്‍ സുരേന്ദ്ര സിങ് ഇതിനെ എതിര്‍ത്തു. ഇതാണ് ശത്രുതക്ക് കാരണം. ഇതേ തുടര്‍ന്ന് ഇവര്‍ കൊലപാതകത്തിന് ആസൂത്രണം ചെയ്യുകയും തെരഞ്ഞെടുപ്പിന് പിന്നാലെ കൃത്യം നടപ്പാക്കുകയുമായിരുന്നു.

അമേത്തിയില്‍ സ്മൃതി ഇറാനിയുടെ തെരഞ്ഞെടുപ്പ് പ്രചരണത്തിന് നേതൃത്വം കൊടുത്തിരുന്നവരില്‍ പ്രധാനിയായിരുന്നു കൊല്ലപ്പെട്ട സുരേന്ദ്ര സിങ്. സുരേന്ദ്ര സിങ്ങിന്റെ കൊലപാതകത്തിന് പിന്നില്‍ കോണ്‍ഗ്രസുകാരാണെന്ന് സ്മൃതി ഇറാനി ആരോപിച്ചിരുന്നു. കോണ്‍ഗ്രസിന്റെ സിറ്റിങ് മണ്ഡലമായ അമേത്തിയില്‍ ബിജെപിക്ക് മേല്‍ക്കൈ ഉണ്ടാക്കിയതില്‍ മുഖ്യപങ്ക് വഹിച്ചയാളായതിനാലാണ് സുരേന്ദ്ര സിങ്ങിനെ കൊലപ്പെടുത്തിയതെന്നും സ്മൃതി ഇറാനി ആരോപിച്ചിരുന്നു. ഞായറാഴ്ച പുലര്‍ച്ചെ മൂന്നുമണിയോടെ വീട്ടില്‍ വെച്ചായിരുന്നു സുരേന്ദ്ര സിങ്ങിന് വെടിയേറ്റത്. ആസ്പത്രിയിലെത്തിച്ചെങ്കിലും രക്ഷിക്കാനായില്ല.

അമേഠി: സ്മൃതി ഇറാനിയുടെ അമേഠിയിലെ ലോക്‌സഭാ തെരഞ്ഞെടുപ്പ് പ്രചാരണത്തിനു ചുക്കാന്‍ പിടിച്ച പ്രാദേശിക ബി.ജെ.പി നേതാവ് വെടിയേറ്റു മരിച്ചു. ബരോളിയ ഗ്രാമത്തിലെ മുന്‍ തലവന്‍ കൂടിയായ സുരേന്ദ്ര സിങ് (50) ആണ് മരിച്ചത്.

ഇന്നലെ രാത്രി 11.30ഓടെ ബൈക്കിലെത്തിയ സംഘം സുരേന്ദ്ര സിങ്ങിന്റെ വീടിനു മുന്നിലെത്തി അദ്ദേഹത്തിനു നേരെ വെടിവക്കുകയായിരുന്നു. മുഖത്ത് ഗുരുതരമായി പരിക്കേറ്റ സുരേന്ദ്ര സിങ്ങിനെ ആശുപത്രിയിലെത്തിച്ചെങ്കിലും മരണപ്പെടുകയായിരുന്നു. സംഭവത്തില്‍ കേസെടുത്ത് അന്വേഷണം നടത്തുമെന്ന് എ.എസ്.പി ദയാറാം അറിയിച്ചു.

ഭോപ്പാല്‍: മധ്യപ്രദേശില്‍ തെരഞ്ഞെടുപ്പ് റാലിക്കിടെ കേന്ദ്ര മന്ത്രി സ്മൃതി ഇറാനിക്കു കണക്കിനു കൊടുത്ത് പൊതുജനം. മധ്യപ്രദേശിലെ ഭോപ്പാലിനു സമീപം അശോക് നഗറില്‍ തെരഞ്ഞെടുപ്പ് റാലിയില്‍ പ്രസംഗിക്കുന്നതിനിടെ നിങ്ങളില്‍ ആര്‍ക്കെങ്കിലും വായ്പാ ഇളവ് കിട്ടിയോ എന്നു ചോദിക്കുകയായിരുന്നു അവര്‍. കിട്ടി എന്ന് കൂടി നിന്നവര്‍ ഏകസ്വരത്തോടെ മറുപടി പറഞ്ഞതോടെ സ്മൃതി ഇറാനി ഇളിഭ്യയായി. ഇതോടെ അല്‍പസമയത്തേക്ക് ഒന്നും പറയാനാവാതെ സ്മൃതി ഇറാനിക്ക് പ്രസംഗം നിര്‍ത്തി വെക്കേണ്ടി വന്നു. സോഷ്യല്‍ മീഡിയയില്‍ ഇതിനകം തന്നെ തരംഗമായിരിക്കുകയാണ് ഈ വീഡിയോ.

മധ്യപ്രദേശില്‍ അധികാരത്തിലേറിയാല്‍ കര്‍ഷകരുടെ കടങ്ങള്‍ എഴുതിത്തള്ളുമെന്ന് കോണ്‍ഗ്രസ് പ്രഖ്യാപിച്ചിരുന്നു. അധികാരത്തില്‍ എത്തിയതോടെ ഇതു ഫലപ്രദമായി കോണ്‍ഗ്രസ് നടപ്പാക്കി വരികയാണ്. ഇപ്പോഴും ശേഷിച്ച കുറച്ചു പേരുടെ കടങ്ങള്‍ എഴുതി തള്ളിക്കൊണ്ടിരിക്കുന്ന നടപടി തുടര്‍ന്നു കൊണ്ടിരിക്കുന്നു. എന്നാല്‍ കോണ്‍ഗ്രസ് കാര്‍ഷിക കടം എഴുതിത്തള്ളിയിട്ടില്ലെന്ന വാദം ഉന്നയിക്കുകയാണ് ബി.ജെ.പി. ഈ ആരോപണത്തിന് മധ്യപ്രദേശിലെ ജനങ്ങള്‍ തന്നെ സ്മൃതി ഇറാനിക്ക് കനത്ത മറുപടി കൊടുത്തതോടെ ബി.ജെ.പി കടുത്ത പ്രതിരോധത്തിലായിരിക്കുകയാണ് ഇപ്പോള്‍.

നേരത്തെ മുന്‍ മുഖ്യമന്ത്രി ശിവരാജ് സിങ് ചൗ ഹാനും ഇതേ ആരോപണം കോണ്‍ഗ്രസിനെതിരെ ഉന്നയിച്ചിരുന്നു. കര്‍ഷകര്‍ക്ക് വായ്പാ ഇളവ് അനുവദിച്ചില്ലെന്ന ആരോപണം ഉന്നയിച്ച ശിവരാജ് സിങ് ചൗഹാനെതിരെ, മുതിര്‍ന്ന കോണ്‍ഗ്രസ് നേതാവ് സുരേഷ് പച്ചോരി കെട്ടുകണക്കിന് രേഖകളുമായി അദ്ദേഹത്തിന്റെ വീട്ടു പടിക്കല്‍ ചെന്നാണ് മറുപടി നല്‍കിയത്.

‘ഞാനും ഒരു അമ്മയാണ്. ഞാനെന്തെങ്കിലും തെറ്റായി കുട്ടികളെ പഠിപ്പിക്കില്ല. കുട്ടികളെ വളര്‍ത്താനാണ് ഞാനെന്റെ ജീവിതം ചെലവഴിച്ചതു തന്നെ. അതുകൊണ്ടാണ് രാഷ്ട്രീയത്തിലേക്ക് വരാന്‍ പോലും തയാറാവാതിരുന്നത്. അങ്ങനെയുള്ള ഞാന്‍ കുട്ടികളെ തെറ്റായ എന്തെങ്കിലും പഠിപ്പിക്കുമെന്ന് നിങ്ങള്‍ വിചാരിക്കുന്നുണ്ടോ? പ്രിയങ്ക ഗാന്ധി ചോദിച്ചു.

പ്രിയങ്ക ഗാന്ധിയെ കണ്ടപ്പോള്‍ പ്രധാനമന്ത്രി നരേന്ദ്ര മോദിക്കെതിരെ മുദ്രാവാക്യം വിളിക്കുന്ന കുട്ടികളുടെ വിഡിയോ കഴിഞ്ഞ ദിവസം വൈറലായിരുന്നു. ഇതാണ് ബി.ജെ.പിയെ ചൊടിപ്പിച്ചതും സ്മൃതി ഇറാനി പ്രിയങ്ക ഗാന്ധിക്കെതിരെ രംഗത്തു വരാനുള്ള കാരണവും. എന്നാല്‍ റോഡില്‍ മോദിക്കെതിരെ ‘ചൗക്കിദാര്‍ ചോര്‍ ഹേ’ എന്ന് ആവേശത്തോടെ മുദ്രാവാക്യം വിളിക്കുന്ന കുട്ടികളെ കണ്ട് കാറില്‍ നിന്നിറങ്ങി അങ്ങനെയുള്ള മുദ്രാവാക്യങ്ങള്‍ വിളിക്കരുതെന്ന് വിലക്കുകയായിരുന്നു പ്രിയങ്ക ഗാന്ധി. തുടര്‍ന്ന് കുട്ടികള്‍ രാഹുല്‍ ഗാന്ധി സിന്ദാബാദ് എന്നു വിളിക്കുകയായിരുന്നു. പ്രചരിച്ച വീഡിയോയിലെ ഈ ഭാഗം കാണാതെ വിമര്‍ശിക്കരുതെന്നും വീഡിയോ പൂര്‍ണമായി കാണുന്നതോടെ ഈ തെറ്റിദ്ധാരണ മാറുമെന്നും പ്രിയങ്ക ഗാന്ധി പ്രതികരിച്ചു.