വനംവകുപ്പ് ജീവനക്കാരും താല്‍ക്കാലിക വാച്ചര്‍മാരുമായി ജില്ലയില്‍ പാമ്പു പിടിത്തത്തില്‍ ശാസ്ത്രീയ പരിശീലനം നേടിയ 21 പേരാണു നിലവിലുള്ളത്. സാമൂഹിക വനവല്‍ക്കരണ വിഭാഗമാണ് പാമ്പുപിടിത്തം പരിശീലിപ്പിക്കാന്‍ അപേക്ഷ ക്ഷണിച്ചത്. 24 അപേക്ഷകരുണ്ട്.

നവംബര്‍ 11 മുതല്‍ കാസര്‍കോട് വിദ്യാനഗര്‍ ഉദയഗിരിയിലെ വനശ്രീ കോംപ്ലക്‌സില്‍ ഇവര്‍ക്കു പരിശീലനം നല്‍കും. സാമൂഹിക വനവല്‍ക്കരണ വിഭാഗം അസി. ഫോറസ്റ്റ് കണ്‍സര്‍വേറ്റര്‍ അജിത്.കെ.രാമനാണ് പരിശീലന ചുമതല. പരിശീലനം പൂര്‍ത്തിയാക്കുന്നവര്‍ക്ക് സര്‍ട്ടിഫിക്കറ്റും രജിസ്‌ട്രേഷന്‍ കോഡും നല്‍കും.

ഞാന്‍ പിന്‍മാറുന്നു എന്ന വാര്‍ത്ത പുറത്ത് വന്നതിന് ശേഷം നിരവധി ആളുകള്‍ വിളിച്ചിരുന്നു. എല്ലാരുടെയും അഭിപ്രായം പിന്‍മാറരുതെന്നാണ്. സാധാരണക്കാരുടെ അല്ലെങ്കില്‍ തന്നെ സ്‌നേഹിക്കുന്നവരുടെ അഭിപ്രായത്തെ മാനിച്ചാണ് ഈ രംഗത്ത് തുടരുന്നതെന്നും വാവാ സുരേഷ് പറഞ്ഞു.