അഴിമതി മൂലമല്ല സൈന്യത്തില്‍ നിന്ന് പിരിച്ചുവിട്ടതെന്ന സര്‍ട്ടിഫിക്കറ്റ് ഹാജരാക്കാത്തതിനാലാണ് തെരഞ്ഞെടുപ്പ് കമ്മീഷന്‍ പത്രിക തള്ളിയിരുന്നത്. എന്നാല്‍ ജോലിയില്‍ നിന്ന് പിരിച്ചുവിട്ടു കൊണ്ടുള്ള ഉത്തരവ് നല്‍കിയിരുന്നെന്നും തേജ് ബഹാദൂര്‍ പറയുന്നുണ്ട്.

മോദിക്കെതിരെ സമാജ് വാദി പാര്‍ട്ടിയുടെ സ്ഥാനാര്‍ത്ഥിയായി മത്സരിക്കാനാണ് തേജ് ബഹാദൂര്‍ പത്രിക നല്‍കിയിരുന്നത്. പത്രികയിലെ പൊരുത്തക്കേടുകള്‍ ചൂണ്ടിക്കാട്ടിയാണ് കമ്മീഷന്‍ പത്രിക തള്ളിയത്. ആദ്യം സ്വതന്ത്ര സ്ഥാനാര്‍ത്ഥിയായാണ് പത്രിക നല്‍കിയത്. പിന്നീട് എസ്പി-ബിഎസ്പി-ആര്‍എല്‍ഡി സഖ്യ സ്ഥാനാര്‍ത്ഥിയായി പുതിയ പത്രിക നല്‍കുകയായിരുന്നു. എന്നാല്‍ മോദിക്കെതിരെ മത്സരിക്കാന്‍ കഴിയാതെ തള്ളപ്പെടുകയായിരുന്നു.

മാധ്യമങ്ങളിലൂടെ വാര്‍ത്തകള്‍ പ്രചരിക്കുമ്പോള്‍ ജവാന്‍മാരുടെ മാത്രമല്ല കരസേനയുടേയും ആത്മവീര്യം അത് ചോര്‍ത്തിക്കളയും. ഇത് ശിക്ഷാര്‍ഹമായ നടപടിയാണ്. ഇങ്ങനെ പ്രചരിപ്പിക്കുന്നവര്‍ക്കെതിരെ നടപടിയെടുക്കുമെന്നും റാവത്ത് വ്യക്തമാക്കി. ചടങ്ങില്‍ പാക്കിസ്താന് മുന്നറിയിപ്പ് നല്‍കിയും ബിപിന്‍ റാവത്ത് സംസാരിച്ചു. സമാധാനമാണ് ആഗ്രഹിക്കുന്നതെങ്കിലും പ്രകോപനങ്ങള്‍ക്ക് ശക്തമായ തിരിച്ചടിയുണ്ടാകുമെന്ന് അദ്ദേഹം പറഞ്ഞു.

ആവശ്യമായ ഭക്ഷണം കിട്ടുന്നില്ലെന്ന പരാതിയുമായി നേരത്തെ തേജ് ബഹദൂര്‍ യാദവ് എന്ന സൈനികന്‍ രംഗത്തുവന്നിരുന്നു. ഫേസ്ബുക്കില്‍ ഭക്ഷണത്തിന്റെ വീഡിയോ സഹിതമായിരുന്നു സൈനികന്റെ പോസ്റ്റ്. എന്നാല്‍ സംഭവം മാധ്യമങ്ങള്‍ ഏറ്റെടുക്കുകയും ചര്‍ച്ചയാവുകയും ചെയ്തു. പിന്നീട് മറ്റു സൈനികരും സമാനരീതിയില്‍ പരാതി ഉന്നയിക്കുകയായിരുന്നു. ഈ സാഹചര്യത്തിലാണ് സൈന്യത്തിന് മുന്നറിയിപ്പ് നല്‍കി ബിപിന്‍ റാവത്ത് രംഗത്തെത്തിയിരിക്കുന്നത്.

സൈനികര്‍ ജോലിയുമായി ബന്ധപ്പെട്ട പരാതികള്‍ പരാതിപ്പെട്ടികളില്‍ നിക്ഷേപിക്കുക. അല്ലാതെ സാമൂഹിക മാധ്യമങ്ങളിലൂടെ പ്രചരിപ്പിക്കരുത്. എല്ലാ ജവാന്മാരുടെയും കാര്യം ഞങ്ങള്‍ ശ്രദ്ധിക്കും. സൈന്യത്തിലെ പ്രശ്‌നങ്ങളെ സംബന്ധിച്ച് മാധ്യമങ്ങളോ പൊതുജനമോ ജവാന്മാരോ അറിയിക്കുകയാണെങ്കില്‍ അവരെ സംബന്ധിച്ച് രഹസ്യാത്മകകത പുലര്‍ത്തുകയും ചെയ്യും.സൈനികരുടെ പ്രശ്‌നങ്ങളില്‍ നടപടി സ്വീകരിക്കുമെന്നും അദ്ദേഹം വ്യക്തമാക്കി. ആവശ്യമെങ്കില്‍ പാകിസ്താനില്‍ വീണ്ടും ആക്രമണം നടത്തുമെന്നും അദ്ദേഹം ആവര്‍ത്തിച്ചു.

കിട്ടുന്ന ഭക്ഷണം പോരെന്ന് കാണിച്ച് കഴിഞ്ഞ ദിവസം രണ്ടു ജവാന്‍മാര്‍ രംഗത്തെത്തിയിരുന്നു. സോഷ്യല്‍മീഡിയയിലൂടെ ഭക്ഷണത്തിന്റെ വീഡിയോ ഷെയര്‍ ചെയ്തിരുന്നു. ഇതിനെതിരെയാണ് ഇപ്പോള്‍ കരസേനാ മേധാവി പ്രതികരിച്ചിരിക്കുന്നത്.

‘എല്ലാവര്‍ക്കും എന്റെ നമസ്‌കാരം. എനിക്ക് നിങ്ങളോട് ചില കാര്യങ്ങള്‍ പറയാനുണ്ട്. തിങ്കളാഴ്ച വൈകുന്നേരം മുതല്‍ എന്റെ ഭര്‍ത്താവിനെക്കുറിച്ച് യാതൊരു വിവരവും ലഭ്യമല്ല. അദ്ദേഹം എവിടെയാണെന്നു പോലും ഞങ്ങള്‍ക്ക് അറിയില്ല. അദ്ദേഹത്തിന്റെ സ്ഥിതി എന്താണെന്നും.ഭര്‍ത്താവിന് യാതൊരു തരത്തിലുള്ള മാനസിക പ്രശ്‌നവുമില്ലെന്നും ഫേസ്ബുക്കില്‍ പോസ്റ്റു ചെയ്ത വീഡിയോയില്‍ അവര്‍ പറയുന്നു. തന്റെ ഭര്‍ത്താവ് പറഞ്ഞതെല്ലാം ശരിയാണ്. സത്യവുമാണ്. മാനസികമായി പ്രശ്‌നമുണ്ടെങ്കില്‍ ഭര്‍ത്താവിനെ എന്തിനാണ് ബോര്‍ഡറില്‍ നിയമിച്ചതിനെന്നും’ ശര്‍മിള ചോദിക്കുന്നു.

കഴിഞ്ഞ ദിവസമാണ് അതിര്‍ത്തിയിലെ ജവാന്‍ അവര്‍ക്ക് ലഭിക്കുന്ന ഭക്ഷണത്തിന്റെ വീഡിയോ സഹിതം ഫേസ്ബുക്കില്‍ പോസ്റ്റ് ചെയ്തത്. 12മണിക്കൂര്‍ ജോലി ചെയ്യുന്ന ഒരു ജവാന് ഭക്ഷണം ഇതു മതിയാവില്ലെന്നായിരുന്നു തേജ് ബഹദൂര്‍ പറഞ്ഞത്. സര്‍ക്കാര്‍ ആവശ്യത്തിന് ഭക്ഷണം നല്‍കുന്നുണ്ടെങ്കിലും ഉദ്യോഗസ്ഥര്‍ തടയുകയാണെന്നായിരുന്നു തേജ് ഉയര്‍ത്തിയ ആരോപണം. എന്നാല്‍ തേജ് ബഹദൂര്‍ പറയുന്നത് അടിസ്ഥാനരഹിതമാണെന്നും തേജ് നാല് തവണ അച്ചടക്ക നടപടി നേരിട്ട ജവാനാണെന്നുമായിരുന്നു ഉയര്‍ന്നുവന്ന ആരോപണം. സംഭവം വിവാദമായതിനെ തുടര്‍ന്ന് ആഭ്യന്തര വകുപ്പ് അന്വേഷണത്തിന് ഉത്തരവിട്ടിരുന്നു.

WATCH VIDEO: 

https://www.youtube.com/watch?v=wpcGF0p_whc