സോളോയെ പരാജയപ്പെടുത്തരുതെന്ന് പറഞ്ഞ് ദുല്‍ഖറിന്റെ വികാരാധീനമായ ഫേസ്ബുക്ക് പോസ്റ്റിനു പിന്നാലെയാണ് നടി ട്വിറ്ററില്‍ കുറിപ്പെഴുതിയത്.

സോളോക്കു എല്ലാ പിന്തുണയും നല്‍കുമെന്നും ദുല്‍ഖറിന്റെ ഫേസ്ബുക്ക് പോസ്റ്റ് കാണുന്നത് വരെ സോളോ കാണണമെന്ന് കരുതിയിരുന്നില്ലെന്നും കസ്തൂരി ട്വിറ്ററില്‍ കുറിച്ചത്.

ദുല്‍ഖറിനായി കസ്തൂരി ട്വിറ്ററില്‍ കുറിച്ച കത്ത്

ദുല്‍ഖര്‍,

അടുത്ത കാലത്ത് പറവ എന്ന ചിത്രം കണ്ടിരുന്നു. ചുരുക്കം ചിലര്‍ മാത്രം സഞ്ചരിച്ച വഴികള്‍ തെരഞ്ഞെടുത്ത് ആ ചിത്രത്തോട് താങ്കള്‍ കാണിച്ച സന്നദ്ധത ഞാന്‍ ബഹുമാനിക്കുന്നു.

താങ്കളുടെ വികാരാധീനമായ ഫേസ്ബുക്ക് പോസ്റ്റ് കാണുന്നതുവരെ സോളോ കാണണമെന്ന് ഞാന്‍ കരുതിയിരുന്നില്ല. എന്നാല്‍ വീട്ടില്‍ തിരിച്ചെത്തിയാലുടന്‍ ഞാന്‍ ആദ്യം ചെയ്യുന്ന കാര്യം സോളോ കാണുക എന്നതായിരിക്കും.

നമ്മുടെ സര്‍ഗാത്മക കാഴ്ചപ്പാടുകള്‍ മറ്റൊരാള്‍ക്ക് വിവരിച്ച് കൊടുക്കുന്ന അവസ്ഥ അത്യന്തം സങ്കടകരമാണ്. വ്യത്യസ്തമായ കഥ നമ്മുടെ വിപണിയില്‍ വില്‍ക്കുന്നത് അത്യന്തം ദുഷ്‌കരമാണ്. എന്നാല്‍ ഇതൊന്നും നിങ്ങളുടെ കൂട്ടായ അധ്വാനത്തെ ഇല്ലാതാക്കുകയില്ല. പൊതുജനത്തിന്റെ സ്വീകാര്യതയല്ല. താങ്കള്‍ ചെയ്യുന്ന ജോലിയെ സ്‌നേഹിക്കുന്നു എന്നതാണ് പ്രധാന കാര്യം. ഈ കാരണങ്ങളാണ് താങ്കളുടെ ചിത്രത്തെ വിലമതിക്കുന്നതാക്കി മാറ്റുന്നത്. യാത്ര തുടരുക. ജനങ്ങള്‍ നിങ്ങള്‍ക്കു പിന്നാലെ വരും.

ജഡകെട്ടിയ പിറകോട്ട് പിന്നിയിട്ട നീണ്ട മുടിയുമായി ഹിപ്പി ഗെറ്റപ്പില്‍ ദുല്‍ഖര്‍

സൗബിന്‍ ഷഹീറിനൊപ്പം ദുല്‍ഖര്‍

ബോളിവുഡില്‍ ശ്രദ്ധേയനായ മലയാളി സംവിധായകന്‍ ബിജോയ് നമ്പ്യാര്‍ ആദ്യമായി മലയാളത്തില്‍ ഒരുക്കുന്ന ചിത്രമാണ് സോളോ. ദുല്‍ഖര്‍ സല്‍മാന്‍ നായകനാക്കി ഒരുങ്ങുന്ന ബഹുഭാഷാ സിനിമയുടെ ചിത്രീകരണത്തിന് കൊച്ചിയില്‍ തുടക്കമായി. മലയാളത്തിലും തമിഴിലുമായി ഒരുക്കുന്ന ചിത്രം ജൂണ്‍ 23 ന് റിലീസ് ചെയ്യുമെന്നാണ് റിപ്പോര്‍ട്ടുകള്‍.

ദുല്‍ഖര്‍ സല്‍മാന്‍, ബിജോയ് നമ്പ്യാര്‍

നേരത്തെ സൗബിന്‍ ഷഹീര്‍ ആദ്യമായി സംവിധാനം ചെയ്യുന്ന പറവക്കായി മീശ വടിച്ചു, താടി മാത്രം വെച്ച ദുല്‍ഖറിന്റെ ലുക്ക് ട്രെന്റായിരുന്നു. എന്നാല്‍ ബിജോയ് നമ്പ്യാരുടെ സോളോയിലെ ദുല്‍ഖറിന്റെ വേഷം മലയാളം ഇതേവരെ കാണാത്ത നായക ലുക്കാണ്. ജഡകെട്ടിയ പിറകോട്ട് പിന്നിയിട്ട നീണ്ട മുടിയുമായി നില്‍ക്കുന്ന ഡിക്യുവിന്റെ ചിത്രമാണ് പുറത്തായിരിക്കുന്നത്. സൗബിന്‍ ഷഹീറിനൊപ്പം ദുല്‍ഖര്‍ നില്‍ക്കുന്ന ഈ ചിത്രം സോഷ്യല്‍ മീഡിയയില്‍ വൈറലാവുകയാണ്.

അബാം മൂവീസ് ഇന്‍ അസോസിയേഷന്‍ വിത്ത് ഗേറ്റ് വേ ഫിലിംസിന്റെ ബാനറില്‍ എബ്രാഹാം മാത്യു നിര്‍മ്മിക്കുന്ന ത്രില്ലര്‍ മൂവിയായ സോളോ, അഞ്ച് നായികമാരാല്‍ കോര്‍ത്തിണക്കിയ അഞ്ച് ഹ്രസ്വ ചിത്രങ്ങളുടെ ആന്തോളജിയാണ്. ഇടക്കൊച്ചിയിലും ഫോര്‍ട്ട് കൊച്ചിയിലുമായി ചിത്രീകരണം ആരംഭിച്ച സിനിമ അതിരപ്പിള്ളി , മുംബൈ ,ലഡാക്ക് എന്നിവിടങ്ങളിലായി പൂര്‍ത്തിയാക്കും.

ദുല്‍ഖര്‍ സല്‍മാന്‍, ആന്‍ അഗസ്റ്റിന്‍

കബാലി ചിത്രത്തിലൂടെ ശ്രദ്ധേയായ ധന്‍ഷിക നായികയാകുന്ന ചിത്രത്തിന്റെ ക്യാമറ മധു നീലകണ്ഠനും നിര്‍മ്മാണ നിര്‍വ്വഹണം ഡിക്‌സണ്‍ പൊടുത്താസ്സും നിര്‍വ്വഹിക്കും. ആര്‍തി വെങ്കിടേഷ്, ആന്‍ അഗസ്റ്റിന്‍, ശ്രുതി ഹരിഹരന്‍, സായി തമന്‍കര്‍ എന്നിവരാണ് മറ്റ് നായികമാര്‍.