ലോക്സഭയിൽ രാഹുൽ ഗാന്ധിക്കെതിരായ സോറോസ് ആരോപണത്തിൽ ബിജെപി ഉദ്ധരിച്ചത് മീഡിയപാർട്ട് റിപ്പോർട്ടാണ്. ഫ്രഞ്ച് പ്രസിദ്ധീകരണമായ മീഡിയാപാർട്ട് പുറത്തുവിട്ട റിപ്പോർട്ടിന്‍റെ ഉള്ളടക്കമെന്ന നിലയിലായിരുന്നു ആരോപണങ്ങൾ. ഒരിക്കലും പ്രസിദ്ധീകരിക്കാത്ത വാർത്തകൾ പ്രചരിപ്പിക്കാൻ മീഡിയപാർട്ടിന്‍റെ ലേഖനം ബിജെപി തെറ്റായി ഉപയോഗിച്ചുവെന്ന് ഡയറക്‌ടർ കാരിൻ ഫ്യൂട്ടോ പറഞ്ഞു.

സോണിയ ഗാന്ധിക്ക് ജോർജ് സോറോസ് ഫൗണ്ടേഷൻ ഫണ്ട് നൽകുന്ന ഗ്രൂപ്പുമായി ബന്ധമുണ്ടെന്നായിരുന്നു ബിജെപിയുടെ ആരോപണം. എന്നാല്‍ ആരോപണം വ്യാജമെന്ന് പറഞ്ഞ് മുന്നോട്ട് വന്നിരിക്കുകയാണ് വാർത്താ ഏജൻസിയായ മീഡിയപാർട്ട്.

വനിതാ സംവരണ ബില്ല് രാജീവ് ഗാന്ധിയുടെ സ്വപ്നമായിരുന്നു. ബില്ല് നടപ്പാക്കുമ്പോള്‍ ഒബിസി,എസ്‌സി,എസ്ടി വിഭാഗങ്ങള്‍ക്ക് പ്രത്യേക സംവരണം ഏര്‍പ്പെടുത്താനും വനിതാ സംവരണം കോണ്‍ഗ്രസ് പിന്തുണക്കുന്നതായും സോണിയ ഗാന്ധി പാര്‍ലമെന്റില്‍ പറഞ്ഞു.

ബില്ല് നടപ്പാക്കുന്നതിലെ കാലതാമസം സ്ത്രീകളോടുള്ള അനീതിയാണ്. എത്രയും വേഗം ഇത് നടപ്പാക്കാനുള്ള കാര്യങ്ങള്‍ സര്‍ക്കാര്‍ നിക്കണം. ഇന്ത്യയിലെ സ്ത്രീകള്‍ എത്രകാലം ബില്ലിനായി കാത്തിരിക്കണമെന്നും സോണിയ ഗാന്ധി ചോദിച്ചു.