സ്പീക്കർ എ.എൻ.ഷംസീർ ഘാനയിലേക്ക്; യാത്രയ്ക്ക് 13 ലക്ഷം രൂപ അനുവദിച്ച് ധനവകുപ്പ്

webdesk15 — Tue, 26 Sep 2023 06:19:44 +0000

സ്പീക്കർ എ.എൻ.ഷംസീർ ഘാന സന്ദർശിക്കുന്നു.ഘാനയിൽ നടക്കുന്ന 66–ാം കോമൺവെൽത്ത് പാർലമെന്ററി കോൺഫറൻസിൽ പങ്കെടുക്കാനാണ് ഷംസീറിന്റെ യാത്ര. സെപ്റ്റംബർ 30 മുതൽ ഒക്ടോബർ 6 വരെയാണ് സന്ദർശനം.യാത്രയുടെ ചെലവിനായി 13 ലക്ഷം ധനവകുപ്പ് അനുവദിച്ചു.ട്രഷറി നിയന്ത്രണത്തിൽ ഇളവ് വരുത്തിയാണ് തുക അനുവദിച്ചത്.നിയമസഭാ സെക്രട്ടറിയും സ്പീക്കറെ അനുഗമിക്കുന്നുണ്ടെന്നു നിയമസഭാ അധികൃതർ വ്യക്തമാക്കി.

ഒരു മതവിശ്വാസത്തേയും വ്രണപ്പെടുത്തിയിട്ടില്ല ; വിദ്വേഷ പ്രചരണത്തെ വിശ്വാസി സമൂഹം തള്ളുമെന്നും സ്‌പീക്കർ എ.എൻ. ഷംസീർ

webdesk15 — Wed, 02 Aug 2023 11:13:21 +0000

വിവാദമായ തന്റെ പ്രസ്താവനയില്‍ നിലപാട് വ്യക്തമാക്കി സ്പീക്കർ എ എന്‍ ഷംസീര്‍. ഒരു മതവിശ്വാസത്തേയും വ്രണപ്പെടുത്തിയിട്ടില്ലെന്നും വിദ്വേഷ പ്രചരണത്തെ വിശ്വാസി സമൂഹം തള്ളുമെന്നും അദ്ദേഹം പറഞ്ഞു. മതവിശ്വാസിയെ വേദനിപ്പിക്കാൻ ഒന്നും പറഞ്ഞിട്ടില്ല.എല്ലാ മതവിശ്വാസങ്ങളെയും ബഹുമാനിക്കുന്ന ആളാണ്. ഒരു വിശ്വാസിയേയും വ്രണപ്പെടുത്താൻ ആഗ്രഹിച്ചിട്ടില്ല.ശാസ്ത്രബോധം വളർത്തണമെന്ന് പറയുന്നത് ഭരണഘടനപരമാണ്. അതെങ്ങനെ തെറ്റാകുമെന്നും സ്‌പീക്കർ ചോദിച്ചു.പ്രതിഷേധിക്കുന്നവർക്ക് പ്രതിഷേധിക്കാം.എൻഎസ്എസ് ജനറൽ സെക്രട്ടറിക്ക് വ്യക്തിപരമായി വിരോധം ഉണ്ടാവില്ല. തനിക്ക് അഭിപ്രായം പറയാനുള്ളത് പോലെ അദ്ദേഹത്തിനും അവകാശമുണ്ട്.

വിശ്വാസി സമൂഹത്തിന് താൻ എതിരല്ല. അദ്ദേഹം പറഞ്ഞു.
നിലപാട് തിരുത്തുമോയെന്ന ചോദ്യത്തിന് അങ്ങനെയെങ്കിൽ തിരുത്തേണ്ടത് ഭരണഘടനയല്ലേയെന്നും സ്പീക്കര്‍ ചോദിച്ചു.

speakeranshamseer – Chandrika Daily

സ്പീക്കർ എ.എൻ.ഷംസീർ ഘാനയിലേക്ക്; യാത്രയ്ക്ക് 13 ലക്ഷം രൂപ അനുവദിച്ച് ധനവകുപ്പ്