ഇന്നു രാവിലെ 9.30 മുതല്‍ 12.30 വരെ ലോഖണ്ഡ്‌വാല ഗ്രീന്‍ ഏക്കേഴ്‌സ് സമുച്ചയത്തിലെ സെലിബ്രേഷന്‍ സ്‌പോര്‍ട്‌സ് ക്ലബ് അങ്കണത്തില്‍ മൃതദേഹം പൊതുദര്‍ശനത്തിനു വയ്ക്കും. ഇവിടെ അനുശോചന സമ്മേളനവും നടത്തും. രണ്ടോടെ വിലാപയാത്ര ആരംഭിക്കും. സംസ്‌കാരം ഇന്നു വൈകിട്ട് 3.30നു ജുഹു പവന്‍ ഹന്‍സ് സമുച്ചയത്തിനു സമീപം വിലെ പാര്‍ലെ സേവാ സമാജ് ശ്മശാനത്തില്‍ നടക്കും.

ശ്രീദേവിയുടെ ഭര്‍ത്താവ് ബോണി കപൂറിന്റെ സഹോദരന്‍ അനില്‍ കപൂര്‍, ശ്രീദേവിയുടെ മക്കളായ ജാന്‍വി, ഖുഷി എന്നിവരാണു വിമാനത്താവളത്തിലെത്തി മൃതദേഹം ഏറ്റുവാങ്ങിയത്. മൃതദേഹം എത്തിക്കുന്നതു പ്രമാണിച്ച് വിമാനത്താവളത്തിലും പരിസരത്തും കനത്ത സുരക്ഷയാണ് ഒരുക്കിയിരുന്നത്. ദുബായിലുണ്ടായിരുന്ന ബോണി കപൂര്‍, മകന്‍ അര്‍ജുന്‍ കപൂര്‍, സഞ്ജയ് കപൂര്‍, റീന മാര്‍വ, സന്ദീപ് മാര്‍വ എന്നിവരുള്‍പ്പെടെ പത്തുപേര്‍ മുംബൈയിലേക്ക് മൃതദേഹത്തെ അനുഗമിച്ചിരുന്നു.

ഇതോടെ ശ്രീദേവിയുടെ മരണത്തിലെ അവ്യക്തതകള്‍ ഏറെയാവുകയാണ്. മരണവുമായി ബന്ധപ്പെട്ട് ദുബൈ പോലീസിന്റെ അന്വേഷണവും പരിശോധനയും തുടരുന്നു. ഭര്‍ത്താവ് ബോണി കപൂറിനെ ദുബൈ പൊലീസി വീണ്ടും ചോദ്യംചെയ്യുന്നതായാണ് വിവരം. ഇതിനിടെ സ്‌റ്റേഷനിലെത്തിയ ഇന്ത്യന്‍ കോണ്‍സുലേറ്റ് പ്രതിനിധികളെ ദുബൈ അധികൃതര്‍ തിരിച്ചയച്ചു.

നേരത്തെ യു.എ.ഇ ആരോഗ്യ മന്ത്രാലയം പുറത്തുവിട്ട മരണ സാക്ഷ്യപത്രത്തില്‍ ‘അപകട മുങ്ങിമരണ’മാണെന്ന് പറയുന്നത്. ശ്വാസകോശത്തില്‍ വെള്ളം കയറിയാണ് മരണം സംഭവിച്ചതെന്ന് ദുബൈ പൊലീസിന്റെ ഫോറന്‍സിക് റിപ്പോര്‍ട്ടിലും പറയുന്നു. നേരത്തേ, ഹൃദയ സ്തംഭനമാണ് മരണകാരണമായി കരുതിയിരുന്നത്.
മദ്യ ലഹരിയിലാണ് ശനിയാഴ്ച രാത്രി പതിനൊന്നിന് അപകടമുണ്ടായതെന്നാണ് കരുതുന്നത്. ഹോട്ടല്‍ മുറിയിലെ ബാത്ടബില്‍ വീണ് വെള്ളംകുടിച്ചാണ് ശ്രീദേവി മരിച്ചതെന്നാണ് ഔദ്യോഗിക റിപ്പോര്‍ട്ട്. നടിയുടെ രക്തത്തില്‍ മദ്യത്തിന്റെ അംശം കണ്ടെത്തുകയും ചെയ്തിട്ടുണ്ട്. ഫോറന്‍സിക് റിപ്പോര്‍ട്ട് പുറത്തുവന്നതിനു പിന്നാലെ കേസ് ദുബൈ പൊലീസ് ദുബൈ പബ്ലിക് പ്രോസിക്യൂഷന് കൈമാറിയിട്ടുണ്ട്. തൊട്ടുപിന്നാലെ നടിയുടെ ഭൗതിക ശരീരം കുടുംബത്തിന് കൈമാറാനും ഔദ്യോഗിക ഉത്തരവായി. കേസില്‍ വല്ല ക്രമക്കേടും ശ്രദ്ധയില്‍പ്പെട്ടാല്‍ പുനരന്വേഷണം കൈകൊള്ളാന്‍ പ്രോസിക്യൂട്ടര്‍മാര്‍ക്ക് അധികാരമുണ്ട്. അപകടത്തിലേക്ക് നയിച്ച സാഹചര്യങ്ങള്‍ കണ്ടെത്തുന്നതിനായി അന്വേഷണം തുടരുകയാണ്.

ദുബൈ, ജുമൈറ എമിറേറ്റ്‌സ് ടവേഴ്‌സ് ഹോട്ടല്‍ മുറിയിലെ കുളിമുറിയില്‍ ശ്രീദേവി കുഴഞ്ഞുവീണു മരിച്ചു എന്ന പ്രാഥമിക റിപ്പോര്‍ട്ടില്‍ ഹൃദയ സത്ംഭനമാണ് മരണകാരണമായി നിരീക്ഷിക്കപ്പെട്ടത്. മുമ്പൊരിക്കലും ഹൃദയാഘാതം സംഭവിച്ചിട്ടില്ലാത്ത നടിയുടെ മരണ കാര്യത്തില്‍ ബോളിവുഡ് സഹതാരങ്ങളില്‍ ചിലര്‍ അസ്വസ്ഥത പ്രകടിപ്പിക്കുകയും ചെയ്തിരുന്നു.
മരണത്തിലെ ദുരൂഹതകളെ സംബന്ധിച്ചുള്ള ചര്‍ച്ചകള്‍ ഞായറാഴ്ച മുതല്‍ ശക്തമായിരുന്നു. പൊലീസ് അന്വേഷണം നടക്കുന്നതിനാല്‍ ഹോട്ടല്‍ വൃത്തങ്ങളോ മറ്റോ കൂടുതല്‍ വിവരങ്ങള്‍ പുറത്തുവിടാന്‍ തയാറല്ലായിരുന്നു. പോസ്റ്റ്‌മോര്‍ട്ടം പൂര്‍ത്തിയാക്കി മരണ സര്‍ട്ടിഫിക്കേറ്റ് തയാറാക്കിയെങ്കിലും അന്വേഷണം അവസാനിച്ചിട്ടില്ല. നടിയുടെ മരണം ഹൃദയാഘാതമല്ലെന്നും മുങ്ങിമരണമായിരുന്നുവെന്നും സ്ഥിരീകരിച്ചതിനു പിന്നാലെ ഇതിലേക്ക് നയിച്ച സാഹചര്യങ്ങള്‍ കണ്ടെത്താനുള്ള ശ്രമത്തിലാണ് പ്രോസിക്യൂഷന്‍. സംഭവത്തിനു മുമ്പുള്ള മണിക്കൂറുകളില്‍ നടി എവിടെ, ആര്‍ക്കൊപ്പമാണ് ചെലവഴിച്ചതെന്നും മരണ സമയത്ത് ആരാണ് കൂടെയുണ്ടായിരുന്നതെന്നും അന്വേഷിക്കുന്നുണ്ട്. ഫോറന്‍സിക് റിപ്പോര്‍ട്ട് കുടുംബത്തിനും ഇന്ത്യന്‍ കോണ്‍സുലേറ്റിനും കൈമാറിയിട്ടുണ്ട്.

#Sridevi drowned in her bathtub following a cardiac arrest, the postmortem report has confirmed. Traces of alcohol were found in her blood, the report further adds, according to @khaleejtimes

— Rajiv K Mishra (@rajivjournalist) February 26, 2018

ദുബൈ ജുമൈറ ടവറിലെ ഹോട്ടല്‍ റൂമില്‍ ശനിയാഴ്ച രാത്രി 11 മണിയോടെയാണ് ശ്രീദേവിയുടെ മരണം. വെള്ളം നിറഞ്ഞ ബാത്ത് റൂമില്‍ കുഴഞ്ഞുവീണ നിലയില്‍ കാണപ്പെട്ട ഇവരെ റാഷിദ് ഹോസ്പിറ്റലിലെത്തിച്ചെങ്കിലും ജീവന്‍ രക്ഷിക്കാനായില്ല. ആസ്പത്രിയിലെത്തിക്കുമ്പോള്‍ ജീവനുണ്ടായിരുന്നില്ല എന്ന് ഇന്ത്യന്‍ കോണ്‍സുലേറ്റുമായി ബന്ധപ്പെട്ട കേന്ദ്രങ്ങള്‍ പറയുന്നു.

മൃതദേഹം ഇന്ത്യയിലേക്കെത്തിക്കുന്നതിനു വേണ്ടിയുള്ള കാര്യങ്ങള്‍ ബന്ധുക്കളും സാമൂഹ്യ പ്രവര്‍ത്തകരും ചേര്‍ന്ന് ചെയ്യുന്നുണ്ട്. പാസ്‌പോര്‍ട്ട് കാന്‍സല്‍ ചെയ്ത് മരണ സര്‍ട്ടിഫിക്കറ്റ് ലഭ്യമാക്കുന്നതോടെ മൃതദേഹം കുടുംബത്തിന് കൈമാറും.

മരണം സംബന്ധിച്ച് ബര്‍ ദുബായ് പൊലീസ് കേസ് രജിസ്റ്റ് ചെയ്തിട്ടുണ്ട്. എന്നാല്‍ കൂടുതല്‍ വിവരങ്ങളൊന്നും പുറത്ത് വിട്ടിട്ടില്ല. മൃതദേഹം ഇപ്പോള്‍ അല്‍ ഖ്വാസെയ്‌സ് മോര്‍ച്ചറിയില്‍ സൂക്ഷിച്ചിരിക്കുകയാണ്.ശ്രീദേവിയുടെ പോസ്റ്റ്‌മോര്‍ട്ടം നടപടികള്‍ പുരോഗമിക്കുകയാണ്.ശ്രീദേവിയുടെ മൃതദേഹം ഇന്ത്യയിലെത്തിക്കാന്‍ വൈകുമെന്നാണ് സൂചന. നാട്ടിലേക്ക് എത്തിക്കുന്നതിനുള്ള രേഖകള്‍ വൈകുന്നതാണ് കാരണം. ഇന്‍ക്വസ്റ്റ് നടപടികള്‍ പുരോഗമിക്കുകയാണ്. ഉച്ചയോടെ മുംബൈയിലെത്തിക്കുമെന്നായിരുന്നു നേരത്തെ റിപ്പോര്‍ട്ടുകളുണ്ടായിരുന്നത്. ഇന്നലെ രാത്രി പതിനൊന്നരയോടെ യു എ ഇയിലെ റാസല്‍ഖൈമയില്‍ വച്ചായിരുന്നു ശ്രീദേവിയുടെ മരണം. ഹൃദയാഘാതമായിരുന്നു മരണകാരണമെന്നാണ് ആദ്യം അറിയിച്ചിരുന്നത്.

നടനും ബന്ധുവുായ മോഹിത് മര്‍വയുടെ വിവാഹസത്കാര ചടങ്ങില്‍ പങ്കെടുക്കാനാണ് ശ്രീദേവി റാസല്‍ഖൈമയില്‍ എത്തിയത്. ഭര്‍ത്താവ് ബോണി കപൂറും ഇളയമകള്‍ ഖുഷിയും ശ്രീദേവിക്ക് ഒപ്പമുണ്ടായിരുന്നു. ബോണി കപൂറിന്റെ സഹോദരന്‍ സഞ്ജയ് കപൂര്‍ മരണവിവരം സ്ഥിരീകരിച്ചത്. ഹൃദയഘാതമാണ് നടിയുടെ മരണത്തിന് കാരണെന്നായിരുന്നു ഇന്ത്യന്‍ മാധ്യമങ്ങള്‍ റിപ്പോര്‍ട്ടു ചെയ്തത് . അതേസമയം, ശ്രീദേവിക്ക് ഇതുവരെ ഹൃദയസംബന്ധമായ ഒരു ബുദ്ധിമുട്ടും ഉണ്ടായിട്ടില്ലെന്ന് പറഞ്ഞ് ബോണി കപൂറിന്റെ സഹോദരന്‍ സഞ്ജയ് കപൂര്‍ രംഗത്തുവന്നു.

നാലാം വയസില്‍ ബാലതാരമായി അഭിനയരംഗത്തേക്ക് വന്ന ശ്രീദേവി ഹിന്ദി, മലയാളം, തമിഴ്, തെലുങ്ക്, കന്നഡ ഭാഷകളിലായി നൂറോളം സിനിമകളില്‍ അഭിനയിച്ചിട്ടുണ്ട്.

മറ്റൊരു സിനിമയുമായി ബന്ധപ്പെട്ട് തിരക്കിലായ ശ്രീദേവി ബാഹുബലിയില്‍ നിന്ന് ഒഴിവായി. എന്നാല്‍ താരം പിന്മാറിയതു സംബന്ധിച്ച് നിരവധി അഭ്യൂഹങ്ങള്‍ ഉയര്‍ന്നു.

ശിവകാമിയെ ശ്രീദേവി ഒഴിവാക്കിയതു സംബന്ധിച്ച് സംവിധായകന്‍ എസ്.എസ് രാജമൗലി നടത്തിയ പരാമര്‍ശവുമായി വിവാദമായിരുന്നു. എന്നാല്‍ ഇപ്പോള്‍ തന്റെ പരാമര്‍ശത്തില്‍ ശ്രീദേവിയോട് ക്ഷമാപണം നടത്തിയിരിക്കുകയാണ് രാജമൗലി.

ശ്രീദേവിയുടെ നിബന്ധനകള്‍ അംഗീകരിക്കാന്‍ കഴിയാതെ വന്നപ്പോള്‍ അവരെ ഒഴിവാക്കുകയായിരുന്നുവെന്നാണ് രാജമൗലി നേരത്തെ വെളിപ്പെടുത്തിയിരുന്നത്. അത് അനുഗ്രമായി തോന്നുന്നുവെന്നും രാജമൗലി പ്രതികരിച്ചിരുന്നു.

ഇതേക്കുറിച്ച് ശ്രീദേവി ആദ്യം പ്രതികരിച്ചിരുന്നില്ല. എന്നാല്‍ തന്റെ പുതിയ ചിത്രത്തിന്റെ പ്രചാരണവുമായി ബന്ധപ്പെട്ട അഭിമുഖത്തില്‍ ശ്രീദേവി മറുപടി നല്‍കിയതോടെയാണ് രാജമൗലി ക്ഷമാപണം നടത്തിയത്.

ശ്രീദേവിയുടെ വാക്കുകള്‍:

‘ശിവകാമിയാവാന്‍ ഞാന്‍ പത്തു കോടി ചോദിച്ചു, ഹോട്ടലിന്റെ ഒരു നില മുഴുവനായും എനിക്ക് വിട്ടുതരണമെന്ന് ആവശ്യപ്പെട്ടു, സിനിമയിലെ ഷെയറും 10 വിമാന ടിക്കറ്റുകളും ചോദിച്ചു. ഇതല്ലേ എന്നെക്കുറിച്ചുള്ള ആരോപണം? 50 വര്‍ഷമായി സിനിമയില്‍ വിവിധ ഭാഷകളിലായി 300ലധികം സിനിമകളില്‍ അഭിനയിച്ച ഞാന്‍ ഇത്തരം ആവശ്യങ്ങള്‍ ഉന്നയിക്കുമെന്ന് തോന്നുന്നുണ്ടോ? എന്നോട് സംസാരിച്ചത് നിര്‍മാതാവാണ്. നിര്‍മാതാവ് രാജമൗലിയെ തെറ്റിദ്ധരിപ്പിച്ചതായിരിക്കാം. താന്‍ ഇത്രയും ആവശ്യങ്ങളൊന്നും ഉന്നയിച്ചിട്ടില്ല. മറ്റൊരു സിനിമയുടെ തിരക്കിലായതിനാലാണ് ബാഹുബലി ഒഴിവാക്കിയത്. രാജമൗലിയുടെ വാക്കുകള്‍ ഏറെ വേദനിപ്പിച്ചു’.

ശ്രീദേവിയുടെ പ്രതികരണം വന്നതോടെ ക്ഷമാപണവുമായി രാജമൗലിയും രംഗത്തുവരികയായിരുന്നു. ‘ജനങ്ങള്‍ക്ക് ആരുടെ വാക്കുകള്‍ വേണമെങ്കിലും വിശ്വസിക്കാം. ഞാന്‍ അത്തരത്തില്‍ ശ്രീദേവിയെക്കുറിച്ച് പൊതുസ്ഥലത്ത് പറയാന്‍ പാടില്ലായിരുന്നു. ശ്രീദേവിജിയോട് ഏറെ ബഹുമാനമുണ്ട്. മുംബൈ കീഴടക്കിയ തെന്നിന്ത്യന്‍ താരങ്ങളുടെ പ്രതീകമാണവര്‍. എന്റെ വാക്കുകളില്‍ ഞാന്‍ അവരോട് ക്ഷമാപണം നടത്തുന്നു. പുതിയ ചിത്രം വലിയ വിജയമായി തീരട്ടെ’-രാജമൗലി പറഞ്ഞു.