ചിത്രത്തില്‍ രുദ്ര എന്ന കഥാപാത്രമായി മഹേഷ് ബാബു എത്തുന്നു. മഹേഷ് ബാബു, പ്രിയങ്ക ചോപ്ര, പൃഥ്വിരാജ് സുകുമാരന്‍ എന്നിവര്‍ കേന്ദ്ര കഥാപാത്രങ്ങളായി എത്തുന്ന ചിത്രം ശ്രീ ദുര്ഗ ആര്‍ട്‌സ്, ഷോവിങ് ബിസിനസ് ബാനറുകളില്‍ കെ. എല്‍. നാരായണ, എസ്.എസ്. കര്‍ത്തികേയ എന്നിവര്‍ നിര്‍മ്മിക്കുന്നു.

കീരവാണിയാണ് സംഗീതം ഒരുക്കുന്നത്. പുറത്തിറങ്ങിയ മണിക്കൂറുകള്‍ക്കുള്ളില്‍ തന്നെ 5 മില്യണിലധികം കാഴ്ചകളുമായി ട്രെയിലര്‍ ലോകവ്യാപകമായി ട്രെന്‍ഡിങ് പട്ടികയില്‍ മുന്നിലാണ്. 130ണ്മ100 അടി വലുപ്പത്തിലുള്ള പ്രത്യേക സ്‌ക്രീനില്‍ പ്രേക്ഷകര്‍ക്ക് മുന്നില്‍ ട്രെയിലര്‍ പ്രദര്‍ശിപ്പിച്ചു.

ട്രെയിലര്‍ സി.ഇ. 512-ലെ വാരണാസിയുടെ ദൃശ്യങ്ങളോടെ തുടങ്ങുന്നു. തുടര്‍ന്ന് 2027ല്‍ ഭൂമിയിലേക്ക് വരുന്നു എന്നു കാണിക്കുന്ന ‘ശാംഭവി’ എന്ന ഛിന്നഗ്രഹം, അന്റാര്‍ട്ടിക്കയിലെ റോസ് ഐസ് ഷെല്‍ഫ്, ആഫ്രിക്കയിലെ അംബോസെലി വനം, ബി.സി.ഇ 7200-ലെ ലങ്കാനഗരം, വാരണാസിയിലെ മണികര്‍ണികാ ഘട്ട് തുടങ്ങിയ ഭീമാകാര ദൃശ്യവിശേഷങ്ങള്‍ അതിശയത്തോടെ അവതരിപ്പിക്കുന്നു.

കയ്യില്‍ ത്രിശൂലം പിടിച്ച് കാളയുടെ പുറത്ത് സവാരിയുമായി എത്തുന്ന രുദ്രയായി മഹേഷ് ബാബുവിന്റെ എന്‍ട്രിയാണ് ട്രെയിലറിന്റെ ഹൈലൈറ്റ്. അതേപോലെ, വേദിയിലേക്കും മഹേഷ് ബാബു കാളപ്പുറത്ത് സവാരിയായി എത്തിയപ്പോള്‍ 60,000-ത്തിലധികം പ്രേക്ഷകര്‍ കൈയ്യടി മുഴക്കി വരവേറ്റു.

ഐമാക്‌സ് ഫോര്‍മാറ്റിലാണ് ഈ ചിത്രം ഒരുക്കുന്നത്. അതിനാല്‍ തന്നെ തിയേറ്ററുകളില്‍ അത്ഭുതകരമായ കാഴ്ചാനുഭവം സമ്മാനിക്കുമെന്നുറപ്പ്. ബാഹുബലി, ഞഞഞ എന്നിവയുടെ സംവിധായകന്‍ രാജമൗലിയുടെ ഈ ബ്രഹ്‌മാണ്ഡ പ്രോജക്റ്റ് 2027-ല്‍ തിയേറ്ററുകളിലേക്ക് എത്തും.

ബാഹുബലി സിനിമയിലെ ഓരോ കഥാപാത്രങ്ങളും പ്രത്യേകം ശ്രദ്ധിക്കപ്പെട്ടിരുന്നു. രമ്യാകൃഷ്ണന്‍ ചെയ്ത രാജമാത ശിവകാമിയുടെ വേഷത്തിന് ആദ്യം പരിഗണിച്ചിരുന്നത് ശ്രീദേവിയെ ആയിരുന്നുവെന്നും എന്നാല്‍ ഡിമാന്റുകള്‍ അംഗീകരിക്കാന്‍ കഴിയാത്തതിനാല്‍ ഒഴിവാക്കുകയുമായിരുന്നുവെന്ന് സംവിധായകന്‍ ഒരു അഭിമുഖത്തില്‍ പറഞ്ഞിരുന്നു. ഒഴിവായത് തന്റെ ഭാഗ്യമാണെന്ന് കൂടി പറഞ്ഞ രാജമൗലി ഇതിന് പ്രതികരണവുമായി ശ്രീദേവി എത്തിയതിനെതുടര്‍ന്ന് ഖേദം പ്രകടിപ്പിക്കുകയും ചെയ്തു. തര്‍ക്കം പരസ്യമായതിനുശേഷം ഇരുവരും പുതിയ ചിത്രത്തില്‍ ഒന്നിക്കുന്നുവെന്നതാണ് പുതിയ വാര്‍ത്ത.

ചിത്രം ഇറങ്ങിയ വേളയില്‍തന്നെ മൂന്നാം ഭാഗമുണ്ടോയെന്ന ചോദ്യം ഉയര്‍ന്നിരുന്നു. ശക്തമായ കഥയുണ്ടായാല്‍ ബാഹുബലിക്ക് തുടര്‍ച്ചയുണ്ടാകുമെന്ന് രാജമൗലി പറഞ്ഞു. ചിത്രത്തിന് വിപണി സാധ്യതയുണ്ട്. എന്നാല്‍ വിപണി സാധ്യതക്ക് വേണ്ടി മാത്രം ചിത്രമൊരുക്കുന്നത് ആത്മാര്‍ത്ഥതയില്ലാത്തതാണ്. എന്നാല്‍ മുമ്പുള്ളപോലെ തന്റെ പിതാവ് ശക്തമായ ഒരു കഥയുമായി രംഗത്തെത്തിയാല്‍ അതും സിനിമയാകുമെന്നാണ് ഉറപ്പെന്ന് രാജമൗലി പറഞ്ഞു.

ശക്തമായ ഒരു കഥയുണ്ടാവുക-അതു മാത്രമാണ് മൂന്നാം ഭാഗത്തിനുള്ള ഒരേയൊരു കണ്ടീഷന്‍. രാജമൗലിയുടെ പിതാവ് വിജയേന്ദര്‍ പ്രസാദ് ആണ് ബാഹുബലിയുടെ കഥാകാരന്‍. ഇന്ത്യന്‍ സിനിമയുടെ ചരിത്രത്തില്‍ 1000കോടി നേടുന്ന ആദ്യസിനിമയാണ് ബാഹുബലി 2. അഞ്ചുവര്‍ഷത്തെ കഠിനപ്രയത്‌നമാണ് ബാഹൂബലി2.