ഇതുമായി ബന്ധപ്പെട്ട വിഷയത്തില്‍ ദീര്‍ഘനേരം ചര്‍ച്ച നടന്നെങ്കിലും ബി.സി.സി.ഐ ഇതുവരെ അന്തിമ നിലപാട് വ്യക്തമാക്കിയിട്ടില്ല. സ്റ്റാര്‍ ഇന്ത്യയുമായി ഏര്‍പ്പെട്ട നിലവിലെ കരാര്‍ ഈ മാര്‍ച്ചില്‍ അവസാനിക്കാനിരിക്കെയാണ് പുതിയ റിപ്പോര്‍ട്ടുകള്‍ പുറത്തുവരുന്നത്.

അടുത്ത അഞ്ച് വര്‍ഷത്തേക്കുള്ള സംപ്രേഷണാവകാശത്തിനുള്ള ടെന്‍ഡര്‍ ബി.സി.സി.ഐ ഉടനെ ക്ഷണിക്കുമെന്നും റപ്പോര്‍ട്ടുണ്ട്. അതേസമയം ഐ.പി.എല്‍ മത്സരങ്ങളുടെ അടുത്ത അഞ്ചു വര്‍ഷത്തേക്കുള്ള സംപ്രേഷണവകാശം കൂടി സ്റ്റാര്‍ സ്‌പോര്‍ട്‌സ് സ്വന്തമാക്കിയിട്ടുണ്ടെന്നാണ് വിവരം. 2023-2027 കാലയളവിലേക്കുള്ള സംപ്രേഷണവകാശം 48390 കോടി രൂപക്കാണ് സ്റ്റാര്‍ ഇന്ത്യ സ്വന്തമാക്കിയത്.

കഴിഞ്ഞ സീസണെക്കാള്‍ 62% കൂടുതലാണ് പുതിയ നിരക്ക്. 2012-2018 കാലയളവില്‍ 3851 കോടി രൂപക്കായിരുന്നു സ്റ്റാര്‍ ഇന്ത്യ സംപ്രേഷണാവകാശം സ്വന്തമാക്കിയത്. ഏകദിന, ടെസ്റ്റ് മത്സരങ്ങളുടെ സംപ്രേഷണാവകാശം കൂടി സ്വന്തമാക്കിയതോടെ ഇന്ത്യന്‍ ക്രിക്കറ്റ് സംപ്രേഷണത്തിന്റെ കുത്തക സ്റ്റാര്‍ ടി.വിക്കായി. കഴിഞ്ഞ സെപ്റ്റംബറില്‍ ഐ.പി.എല്‍ മത്സരങ്ങളുടെ സംപ്രേഷണാവകാശവും സ്റ്റാര്‍ ടി.വി സ്വന്തമാക്കിയിരുന്നു.