സീനിയര്‍ പെണ്‍ ജാവലിനില്‍ സ്വര്‍ണ പ്രതീക്ഷയുണ്ടായിരുന്ന എയ്ഞ്ചലീന്‍ ടോമിന്‍ പരിക്കിനെ തുടര്‍ന്ന് രണ്ടാം സ്ഥാനത്തേക്ക് വീണത് അവര്‍ക്ക് തിരിച്ചടിയായി. സ്‌കൂള്‍ വിഭാഗം കിരീടപ്പോരിനായി നിലവിലെ ചാമ്പ്യന്മാരായ മലപ്പുറം കടകശേരി ഐഡിയല്‍ ഇംഗ്ലീഷ് എച്ച്.എസ്എസും, മുന്‍ ചാമ്പ്യന്‍മാരായ കോതമംഗലം മാര്‍ബേസിലും ഇഞ്ചോടിഞ്ച് പോരാണ്. 43 പോയിന്റുള്ള ഐഡിയലിന് പിന്നില്‍ അഞ്ച് പോയിന്റ് വ്യത്യാസത്തിലാണ് മാര്‍ബേസില്‍ നില്‍ക്കുന്നത്. ഐഡിയലിന് നാലും, മാര്‍ബേസിലിന് ആറും സ്വര്‍ണമുണ്ട്. പാലക്കാട് കല്ലടി എച്ച്.എസ് കുമരംപുത്തൂരാണ് 29 പോയിന്റുമായി മൂന്നാം സ്ഥാനത്ത് .കോഴിക്കോട് പൂവമ്പായി എ.എം.എച്ച്.എസ്.എസ് 24, പാലക്കാട് പറളി എച്ച്.എസ് 22, മലപ്പുറം ആലത്തിയൂര്‍ കെ.എച്ച്.എം.എച്ച്.എസ് 22, കാസര്‍ക്കോട് കുട്ടമത്ത് ജി.എച്ച്.എസ്.എസ് 19, മലപ്പുറം കാവനൂര്‍ സി.എച്ച് മുഹമ്മദ്‌കോയ മെമ്മോറിയല്‍ എച്ച്എസ്എസ് 17, കോതമംഗലം കീരംപാറ സെന്റ് സ്്റ്റീഫന്‍സ് എച്ച്എസ്എസ് 16, പാലക്കാട് ചിറ്റൂര്‍ ജിഎച്ച്എസ്എസ് 14 സ്‌കൂളുകളാണ് നാലു മുതല്‍ പത്തുവരെ സ്ഥാനങ്ങളില്‍. മീറ്റിന്റെ മൂന്നാം ദിനം ജൂനിയര്‍ ആണ്‍വിഭാഗം ഹര്‍ഡില്‍സില്‍ പാലക്കാട് വടവന്നൂര്‍ വി.എം.എച്ച്.എസ്.എസിന്റെ കെ.കിരണ്‍ 13.84 സെക്കന്‍ഡ് ഫിനിഷിങില്‍ പുതിയ റെക്കോഡ് സ്ഥാപിച്ചു. മറ്റു ഇനങ്ങളില്‍ കാര്യമായ പ്രകടനങ്ങളുണ്ടായില്ല. ആറു താരങ്ങള്‍ കൂടി ഇന്നലെ ഡബിള്‍ തികച്ചു. സീനിയര്‍ ആണ്‍കുട്ടികളുടെ ലോങ്ജമ്പിനിടെ വയനാടിന്റെ മുഹമ്മദ് സിനാന് കഴുത്തിന് ഗുരുതരമായി പരിക്കേറ്റത് സങ്കടക്കാഴ്ച്ചയായി. ഇന്ന് 25 ഇനങ്ങളിലാണ് ഫൈനല്‍. വൈകിട്ട് നാലിന് സീനിയര്‍ ആണ്‍കുട്ടികളുടെ 4400 റിലേയാണ് അവസാന ഇനം.

എട്ട് വലിയ ട്രോഫികളുള്‍പ്പെടെ ആകെ 52 ട്രോഫികളാണ് വിജയികള്‍ക്കായി ട്രോഫി കമ്മിറ്റി ഒരുക്കിയിട്ടുള്ളത്. സ്പോണ്‍സര്‍ഷിപ്പ് വഴിയും അല്ലാതെയും രണ്ട് ലക്ഷത്തോളം രൂപയാണ് ഇതിന് വിനിയോഗിച്ചത്. വ്യക്തിഗത ചാമ്പ്യന്‍മാര്‍ക്കായി 20 ട്രോഫികളുമുണ്ട്. കലാ-കായിക മത്സരങ്ങള്‍ക്ക് സ്ഥിരം ട്രോഫി ഒരുക്കുന്ന മറ്റം സ്വദേശിയും റിട്ട. അധ്യാപകനുമായ തോമസിന്റെ തൃശ്ശൂര്‍ ട്രോഫീസില്‍ നിന്നാണ് ട്രോഫി തയ്യാറാക്കിയത്. സംസ്ഥാന സ്‌കൂള്‍ കായികമേളയിലെ ചരിത്രത്തില്‍ ആദ്യമായാണ് ഇത്രയും വലിയ ട്രോഫി നല്‍കുന്നതെന്ന് കമ്മിറ്റി കണ്‍വീനര്‍ എം എ ജാബിര്‍ പറഞ്ഞു.

സംഘാടക സമിതി ചെയര്‍മാന്‍ എ സി മൊയ്തീന്‍ എംഎല്‍എയുടെ നിര്‍ദ്ദേശപ്രകാരം കൂടുതല്‍ നിലവാരമുള്ള ട്രോഫികളാണ് ഈ വര്‍ഷം തയ്യാറാക്കിയിട്ടുള്ളത്. ജില്ലാ പഞ്ചായത്ത് അംഗം പത്മം വേണുഗോപാലാണ് ട്രോഫി കമ്മിറ്റി ചെയര്‍പേഴ്സണ്‍. തൃശ്ശൂര്‍ റേഞ്ച് ഡിഐജി അജിത ബീഗം, സിറ്റി പോലീസ് കമ്മീഷണര്‍ അങ്കിത് അശോകന്‍ എന്നിവരുടെ നേതൃത്വത്തിലുള്ള സംഘം ട്രോഫി പവലിയന്‍ സന്ദര്‍ശിച്ചു.

അന്നേ വരെ എതിരാളികളില്ലാതെ മുന്നേറിയിരുന്ന എറണാകുളം ആ വീഴ്ചയിലൊന്ന് പതറി. പിറ്റേ വര്‍ഷം കിരീട വഴിയിലേക്ക് തിരിച്ചു വരാന്‍ എറണാകുളത്തിനായി. സ്വന്തം തട്ടകത്തില്‍ നടന്ന മീറ്റില്‍ ഇഞ്ചോടിഞ്ച് പോരിനൊടുവില്‍ കിരീടം വീണ്ടെടുത്ത ടീം 2014ല്‍ തിരുവനന്തപുരം മീറ്റില്‍ മത്സരമില്ലാതെ തന്നെ ചാമ്പ്യന്‍പട്ടം നിലനിര്‍ത്തി. കൊച്ചിയും തിരുവനന്തപുരവും വിട്ട് മീറ്റിന് കോഴിക്കോട് പുതിയ വേദിയൊരുങ്ങിയപ്പോളും ഹാട്രിക് നേട്ടത്തോടെ കിരീടം എറണാകുളത്തിന്റെ കയ്യില്‍ ഭദ്രമായി. 2016ല്‍ എട്ടുപോയിന്റുകളുടെ വ്യത്യാസത്തില്‍ പാലക്കാട് കിരീടം തിരിച്ചുപിടിച്ചു. 2017, 2018 വര്‍ഷങ്ങളില്‍ വന്‍ ലീഡിനായിരുന്നു എറണാകുളത്തിന്റെ പട്ടാഭിഷേകം. 2019ല്‍ കണ്ണൂര്‍ മീറ്റില്‍ പാലക്കാട് വീണ്ടും ഡ്രൈവിങ് സീറ്റിലെത്തി. കോവിഡിനെ തുടര്‍ന്നുണ്ടായ രണ്ടു വര്‍ഷത്തെ ഇടവേളക്ക് ശേഷം തിരുവനന്തപുരത്ത് നടന്ന മീറ്റിലും പാലക്കാട് വന്‍ പോയിന്റ് വ്യത്യാസത്തില്‍ നേട്ടം ആവര്‍ത്തിച്ചു.

അതേസമയം നാലുദിവസം വീറും വാശിയും നിറച്ച് തൃശൂര്‍ കുന്നംകുളത്തെ പുത്തന്‍ സിന്തറ്റിക് ട്രാക്കില്‍ പുതിയ ദൂരവും വേഗവും ഉയരവും തേടിയെത്തുന്നത് 2762 കൗമാര കായിക പ്രതിഭകള്‍. രാവിലെ ഏഴിന് ജൂനിയര്‍ പെണ്‍കുട്ടികളുടെ 3000 മീറ്റര്‍ മത്സരത്തോടെയാണ് ട്രാക്കുണര്‍ന്നത്. വെള്ളിയാഴ്ച്ച വൈകിട്ട് സീനിയര്‍ ആണ്‍കുട്ടികളുടെ 4-400 റിലോ മത്സരത്തോടെ ട്രാക്കിറക്കം. പകലും രാത്രിയുമായാണ് ഇത്തവണയും മത്സരങ്ങള്‍. രജിസ്ട്രേഷന്‍ ഇന്നലെ പൂര്‍ത്തിയായി. 400 മീറ്ററില്‍ ഉള്‍പ്പെടെ ആദ്യദിനം 21 ഇനങ്ങളില്‍ ഫൈനല്‍. വൈകിട്ട് 3.30ന് നടക്കുന്ന ചടങ്ങില്‍ മന്ത്രി വി.ശിവന്‍കുട്ടി മേള ഉദ്ഘാടനം ചെയ്യും. 6 വിഭാഗങ്ങളിലായി 98 ഇനങ്ങളിലാണ് മത്സരം. രാവിലെ 6.30 മുതല്‍ വൈകിട്ട് 8.30 വരെ മത്സരങ്ങള്‍ നടക്കും. പാലക്കാടാണ് നിലവിലെ ചാമ്പ്യന്‍മാര്‍. മലപ്പുറം കടകശേരി ഐഡിയല്‍ ഇംഗ്ലീഷ് എച്ച്എസ്എസാണ് സ്‌കൂള്‍ വിഭാഗം ജേതാക്കള്‍.

മുന്നിലെത്താന്‍ മലപ്പുറം

ചരിത്രത്തില്‍ ആദ്യമായി പാലക്കാടിന് പിറകില്‍ കോഴിക്കോടിനെയും എറണാകുളത്തെയും മറികടന്ന് രണ്ടാം സ്ഥാനം നേടിയ മലപ്പുറവും ഇത്തവണ കിരീടത്തില്‍ കണ്ണുനട്ടാണ് എത്തുന്നത്. 13 സ്വര്‍ണമുള്‍പ്പെടെ 149 പോയിന്റുകളോടെയായിരുന്നു നേട്ടം. ചാമ്പ്യന്‍ സ്‌കൂളായ കടകശേരി ഐഡിയല്‍ ഇംഗീഷ് ഹയര്‍ സെക്കണ്ടറി സ്‌കൂള്‍ ആയിരുന്നു മലപ്പുറത്തിന്റെ വിജയത്തില്‍ നിര്‍ണായക പങ്കുവഹിച്ചത്. ആലത്തിയൂര്‍ കെഎച്ച്എംഎച്ച്എസും, തിരുനാവായ നാവാമുകുന്ദ എച്ച്എസ്എസും ചേരുമ്പോള്‍ മലപ്പുറം കൂടുതല്‍ കരുത്തരാവും. മലപ്പുറത്തിന് പിന്നില്‍ 122 പോയിന്റോടെ മൂന്നാം സ്ഥാനക്കാരായ കോഴിക്കോടും ഇത്തവണ മാറ്റം പ്രതീക്ഷിക്കുന്നുണ്ട്. വര്‍ഷങ്ങളായി മൂന്നാം സ്ഥാനത്താണ് കോഴിക്കോടിന്റെ ഫിനിഷിങ്. മലബാര്‍ സ്പോര്‍ട്സ് അക്കാദമിയുടെ കരുത്തിലെത്തുന്ന പുല്ലുരംപാറ സെന്റ് ജോസഫ് സ്‌കൂളിനൊപ്പം, കുളത്തുവയല്‍ സെന്റ് ജോര്‍ജ് എച്ച്എസ്എസ്, പൂവമ്പായി എഎംഎച്ച്എസ് സ്‌കൂളുകളിലെ താരങ്ങളിലാണ് കോഴിക്കോടിന്റെ വലിയ പ്രതീക്ഷ.

തിരിച്ചുവരവിന് മുന്‍ ചാമ്പ്യന്‍മാര്‍

വര്‍ഷങ്ങളായി ചാമ്പ്യന്‍പട്ടം കയ്യടക്കിയ എറണാകുളം കഴിഞ്ഞ മീറ്റില്‍ കോട്ടയത്തിനും പിന്നില്‍ അഞ്ചാം സ്ഥാനത്താണ് ഫിനിഷ് ചെയ്തത്. മാര്‍ബേസിലിന്റെ പതനമാണ് എറണാകുളത്തിന് തിരിച്ചടിയായത്. ഇത്തവണ മാര്‍ബേസില്‍ കരുത്ത് വീണ്ടെടുത്താല്‍ എറണാകുളവും മുന്നേറും. കോതമംഗലത്തെ തന്നെ കീരംപാറ സെന്റ് സ്റ്റീഫന്‍സ് എച്ച്എസ്എസ്, മാതിരപ്പിള്ളി ജിവിഎച്ച്എസ്എസ്, എറണാകുളം ഗവ.ഗേള്‍സ് സ്‌കൂളുകള്‍ മികച്ച താരങ്ങളെയാണ് ഇത്തവണ ഇറക്കുന്നത്. 2019ല്‍ 21 സ്വര്‍ണമുള്‍പ്പെടെ 157 പോയിന്റുകള്‍ നേടിയ എറണാകുളത്തിന് പോയവര്‍ഷം ലഭിച്ചത് 11 സ്വര്‍ണവും 81 പോയിന്റും മാത്രം. കഴിഞ്ഞ വര്‍ഷം 89 പോയിന്റുമായി രണ്ടു സ്ഥാനം മെച്ചപ്പെടുത്തി നാലാമതെത്തിയ കോട്ടയത്തിന് പൂഞ്ഞാര്‍ എസ്എംവി ഹയര്‍സെക്കണ്ടറി സ്‌കൂളാണ് കരുത്ത്. 2022ല്‍ ആറാം സ്ഥാനത്തായിരുന്ന ആതിഥേയരായ തൃശൂര്‍, മികച്ച തയ്യാറെടുപ്പുകളോടെയാണ് സ്വന്തം തട്ടകത്തിലിറങ്ങുന്നത്. കഴിഞ്ഞ വര്‍ഷത്തെ മറ്റു ജില്ലകളുടെ പോയിന്റ് നേട്ടം ഇങ്ങനെ: തിരുവനന്തപുരം 61, കാസര്‍ഗോഡ് 45, ആലപ്പുഴ 25, കണ്ണൂര്‍ 18, കൊല്ലം 9, ഇടുക്കി 8, വയനാട് 5, പത്തനംതിട്ട 1.

തൃശൂര്‍: ഒന്നരപതിറ്റാണ്ടിന്റെ ഇടവേളക്ക് ശേഷം തൃശൂര്‍ വേദിയൊരുക്കുന്ന 65ാമത് സംസ്ഥാന സ്‌കൂള്‍ കായികമേളക്ക് ഇന്ന് കൊടിയേറ്റം. നാലുദിവസം വീറും വാശിയും നിറച്ച് തൃശൂര്‍ കുന്നംകുളത്തെ പുത്തന്‍ സിന്തറ്റിക് ട്രാക്കില്‍ പുതിയ ദൂരവും വേഗവും ഉയരവും തേടിയെത്തുന്നത് 2762 കൗമാര കായിക പ്രതിഭകൾ. രാവിലെ ഏഴിന് ജൂനിയര്‍ പെണ്‍കുട്ടികളുടെ 3000 മീറ്റര്‍ മത്സരത്തോടെ ട്രാക്കുണരും. വെള്ളിയാഴ്ച്ച വൈകിട്ട് സീനിയര്‍ ആണ്‍കുട്ടികളുടെ 4-400 റിലോ മത്സരത്തോടെ ട്രാക്കിറക്കം. പകലും രാത്രിയുമായാണ് ഇത്തവണയും മത്സരങ്ങള്‍. രജിസ്‌ട്രേഷന്‍ ഇന്നലെ പൂര്‍ത്തിയായി. 400 മീറ്ററില്‍ ഉള്‍പ്പെടെ ആദ്യദിനം 21 ഇനങ്ങളില്‍ ഫൈനല്‍. വൈകിട്ട് 3.30ന് നടക്കുന്ന ചടങ്ങില്‍ മന്ത്രി വി.ശിവന്‍കുട്ടി മേള ഉദ്ഘാടനം ചെയ്യും. 6 വിഭാഗങ്ങളിലായി 98 ഇനങ്ങളിലാണ് മത്സരം. രാവിലെ 6.30 മുതല്‍ വൈകിട്ട് 8.30 വരെ മത്സരങ്ങള്‍ നടക്കും. പാലക്കാടാണ് നിലവിലെ ചാമ്പ്യന്‍മാര്‍. മലപ്പുറം കടകശേരി ഐഡിയല്‍ ഇംഗ്ലീഷ് എച്ച്എസ്എസാണ് സ്‌കൂള്‍ വിഭാഗം ജേതാക്കള്‍.

പതിവില്ലാതെ ഇത്തവണ സംസ്ഥാന മീറ്റ് നേരത്തെ നടത്തുന്നത് ജില്ലാ മേളകളെ കാര്യമായി ബാധിച്ചിരുന്നു. സാധാരണ ഡിസംബര്‍ ആദ്യവാരമാണ് സംസ്ഥാന മീറ്റ് നടക്കാറ്. എന്നാല്‍ ഇത്തവണ നേരത്തേയാക്കിയതിനാല്‍ ഉപജില്ലാ മേളകളും, ജില്ലാ മേളകളും തിരക്കിട്ട് തീര്‍ക്കാന്‍ സംഘാടകര്‍ നിര്‍ബന്ധിതരായി. എറണാകുളം, കോഴിക്കോട്, ഇടുക്കി, ആലപ്പുഴ, കാസര്‍ഗോഡ് ജില്ലകളിലെല്ലാം കഴിഞ്ഞ ദിവസമാണ് ജില്ലാമീറ്റ് സമാപിച്ചത്. അതിനിടയിൽ സംസ്ഥാന ജൂനിയർ മീറ്റും നടന്നു. ഒന്ന് വിശ്രമിക്കാന്‍ പോലും സമയമില്ലാതെയാണ് വിജയികള്‍ തൃശൂരിലേക്ക് വണ്ടി കയറിയത്. മികച്ച താരങ്ങള്‍ എത്താറുള്ള എറണാകുളത്ത് പല മത്സരങ്ങള്‍ക്കും ഹീറ്റ്‌സ് പോലും നടത്താത്തെ ടൈം ട്രയല്‍സ് നടത്തിയാണ് ജേതാക്കളെ നിശ്ചയിച്ചത്. നവംബറിലെ ദേശീയ ഗെയിംസും ദേശീയ സ്‌കൂള്‍ ഗെയിംസുമാണ് മീറ്റ് നേരത്തെ നടത്തുന്നതിന് വിദ്യാഭ്യാസ വകുപ്പിന്റെ വിശദീകരണം. ഇക്കാരണത്താല്‍ നൂറിലേറെ താരങ്ങള്‍ക്ക് വാറംഗലില്‍ നടക്കുന്ന സൗത്ത് സോണ്‍ മീറ്റ് നഷ്ടമാവുകയും ചെയ്തു. അത്‌ലറ്റിക് ഫെഡറേഷന്‍ ജനുവരില്‍ നിശ്ചയിച്ച മീറ്റാണ് വിദ്യാഭ്യാസ വകുപ്പിന്റെ ദുര്‍വാശി കാരണം കുട്ടികള്‍ക്ക് നഷ്ടമായത്. ഗ്രേസ് മാര്‍ക്ക് ഉള്‍പ്പെടെ ലഭിക്കുന്നതിനാല്‍ സൗത്ത് സോണ്‍ മീറ്റ് ഒഴിവാക്കി പലരും സ്‌കൂള്‍ മീറ്റില്‍ പങ്കെടുക്കാന്‍ തീരുമാനിക്കുകയായിരുന്നു.

അതേസമയം സൗത്ത് സോണ്‍ മീറ്റില്‍ പങ്കെടുക്കുന്നവര്‍ക്ക് സംസ്ഥാന സ്‌കൂള്‍ മീറ്റില്‍ പങ്കെടുക്കാനുള്ള അവസരവും നഷ്ടമാവും. കേന്ദ്ര കാലാവസ്ഥാവകുപ്പ് ഇന്നും നാളെയും തൃശൂരില്‍ യെല്ലോ അലേര്‍ട്ട് പ്രഖ്യാപിച്ചിട്ടുണ്ട്. ഒറ്റപ്പെട്ട ശക്തമായ മഴക്കുള്ള സാധ്യതയാണ് പ്രവചിക്കപ്പെട്ടിരിക്കുന്നതെങ്കിലും, ശക്തമായ മഴ പെയ്താല്‍ മത്സരങ്ങളുടെ നടത്തിപ്പും അവതാളത്തിലാവും.