കഴിഞ്ഞ ദിവസമാണ് വിവാദസംഭവമുണ്ടായത്. പത്തനംതിട്ട കോട്ടാങ്ങൽ സ്വദേശിനി ലക്ഷ്മിക്കുട്ടിയായിരുന്നു പരാതിക്കാരി. മദ്യപിച്ച് അയൽവാസി മർദിച്ച സംഭവത്തിലാണ് ലക്ഷ്മിക്കുട്ടി പരാതി നൽകിയത്. പൊലീസിൽ പരാതി നൽകിയിട്ടും നടപടിയുണ്ടായില്ല. തുടർന്നാണ് വനിതാ കമ്മിഷനിൽ പരാതി നൽകിയത്. ഹിയറിംഗിന് ലക്ഷ്മിക്കുട്ടി നേരിട്ട് ഹാജരാകണമെന്ന് വനിതാ കമ്മിഷൻ ആവശ്യപ്പെട്ടിരുന്നു. ഇതേപ്പറ്റി ചോദിക്കാൻ വിളിച്ചപ്പോഴായിരുന്നു ലക്ഷ്മിക്കുട്ടിയുടെ ബന്ധുവിനോട് വനിതാ കമ്മിഷൻ കയർത്തത്. പരാതിക്കാരി ആരായാലും വിളിക്കുന്നിടത്ത് ഹിയറിംഗിന് ഹാജരാകണമെന്ന് പറഞ്ഞതായും ബന്ധു പറഞ്ഞിരുന്നു.

അടൂരിലാണ് ഹിയറിങ്ങിന് വരാൻ പറഞ്ഞിരുന്നത്. എന്നാൽ കോട്ടാങ്കൽ സ്വദേശിയായ ലക്ഷ്മിക്കുട്ടിക്ക് അൻപത് കിലോമീറ്റർ അകലെയുള്ള അടൂരിലേക്ക് ഹിയറിംഗിന് എത്തുക ബുദ്ധിമുട്ടായിരുന്നു. ഈ സാഹചര്യത്തിൽ ലക്ഷ്മിക്കുട്ടിയമ്മയുടെ ചെറുമകൻ വനിതാ കമ്മീഷൻ വെബ്‌സൈറ്റിൽ നിന്നും കോണ്ടാക്ട് നമ്പർ എടുത്തു അതിൽ വിളിച്ചു.

വനിതാ കമ്മീഷൻ അധ്യക്ഷയായ എംസി ജോസഫൈനാണ് ഈ കോൾ എടുത്തത്. അവരോട് കാര്യങ്ങൾ വിശദീകരിച്ച ചെറുമകൻ ഇത്രയും പ്രായമായ മുത്തശ്ശിയുമായി ഇത്ര ദൂരം സഞ്ചരിക്കാനാവില്ലെന്നും അതിനാൽ ഹിയറിംഗിന്റെ സ്ഥലം മാറ്റി തരാനാവുമോ എന്നും ചോദിച്ചു. ഇതോടെയാണ് വനിതാ കമ്മീഷൻ അധ്യക്ഷ പരാതിക്കാരോട് പൊട്ടിത്തെറിച്ചത്.

വിവാദമായ ഫോൺ സംഭാഷണത്തിന്റെ ശബ്ദരേഖ

ജോസഫൈൻ: ആരാണ് പരാതിക്കാരി

പരാതിക്കാരിയുടെ ബന്ധു: എന്റെ വല്ല്യമ്മയാണ് പരാതിക്കാരി, ലക്ഷമിക്കുട്ടിയെന്നാണ് പേര്, 89 വയസ്സുണ്ട്.

ജോസഫൈൻ: അപ്പോ പിന്നെ എന്തിനാ പരാതി കൊടുത്തത്, അത് പൊലീസ് സ്റ്റേഷനിൽ പരാതി കൊടുത്താൽ മതിയായിരുന്നല്ലോ ?89 വയസ്സുള്ള അമ്മയെ കൊണ്ട് വനിതാ കമ്മീഷനിൽ പരാതി കൊടുത്ത നിങ്ങളെ എന്താണ് പറയേണ്ടത്, 89 വയസ്സുള്ള തള്ളയെ കൊണ്ടു പരാതി കൊടുപ്പിക്കാൻ ആരു പറഞ്ഞു ഇതിലൊക്കെ ആരെയെങ്കിലും ബന്ധപ്പെടുത്തേടേഡോ

പരാതിക്കാരിയുടെ ബന്ധു: അപ്പോൾ ഇതു വനിതാ കമ്മീഷനിൽ അല്ലേ പരാതി കൊടുക്കേണ്ടത്

ജോസഫൈൻ: 89 വയസ്സുള്ള തള്ളയെ എന്നാ പിന്നെ വനിതാ കമ്മീഷനിൽ എത്തിക്ക്, വനിതാ കമ്മീഷനിൽ പരാതി കൊടുത്താൽ വിളിപ്പിക്കും, അപ്പോൾ എത്തണം. സുഖമില്ലാത്ത ഇത്രയും വയസ്സുള്ള അമ്മയെ കൊണ്ടു പരാതി കൊടുത്താൽ ആളെ ശിക്ഷിക്കാൻ പറ്റോ ഇല്ലലോ, കമ്മീഷൻ രണ്ടു കൂട്ടരേയും വിളിപ്പിക്കും, കാര്യങ്ങൾ ചോദിപ്പിക്കും. അപ്പോ ഇത്രയും പ്രായമുള്ളൊരു അമ്മയ്ക്ക് വനിതാ കമ്മീഷൻ ഓഫീസിൽ വിളിപ്പിച്ചാൽ വരാൻ പറ്റുമോ ഇല്ലയോ എന്നൊക്കെ നോക്കട്ടെ

പരാതിക്കാരിയുടെ ബന്ധു: തിരുവല്ലയായിരുന്നേൽ വരാമായിരുന്നു, ഇതിപ്പോ അടൂരല്ലേ ഒരുപാട് ദൂരമുണ്ട്

ജോസഫൈൻ: അതൊക്കെ നിങ്ങള് തീരുമാനിച്ചോ, വരണോ വേണ്ടയോ എന്നൊക്കെ.

തുടര്‍ന്ന് കമ്മീഷന്‍ നല്‍കിയ നിര്‍ദേശങ്ങള്‍ അംഗീകരിക്കാതെ എതിര്‍ കക്ഷികള്‍ മടങ്ങിയതോടെ കോടതിയില്‍ കേസ് നിലവിലുള്ളതിനാല്‍ നിയമപരമായി മുന്നോട്ട് പോവുന്നതിന് കമ്മീഷന്‍ പരാതിക്കാരിയോട് നിര്‍ദേശിച്ചു. ഗെയില്‍ പാചക വാതക പൈപ്പ് ലൈന്‍ സ്ഥാപിക്കുന്നതിന് ഏറ്റെടുത്ത ഭൂമി സത്യം മറച്ചു വില്‍പ്പന നടത്തിയതായി കാണിച്ച് സ്ഥലം വാങ്ങിയ അധ്യാപിക നല്‍കിയ പരാതിയില്‍ നിയമ നടപടിക്കും കമ്മീഷന്‍ നിര്‍ദേശം നല്‍കി. തിരുവങ്ങൂര്‍ സ്‌കൂളില്‍ നൈറ്റ്ക്ലാസ് കഴിഞ്ഞ് മടങ്ങിയ വിദ്യാര്‍ത്ഥികളെ യാത്രാ നിരക്കിന്റെ പേരില്‍ ബസ് ജീവനക്കാര്‍ ബസില്‍ പൂട്ടിയിടുകയും സ്‌കൂളിനെതിരെയും അധ്യാപകര്‍ക്കെതിരെയും ഫേസ് ബുക്ക് പേജ് വഴി അപമാനകരമായ വാര്‍ത്തകള്‍ പ്രചരിപ്പിക്കുകയാണെന്നും കാണിച്ച് സ്‌കൂള്‍ അധികൃതര്‍ നല്‍കിയ പരാതിയില്‍ പോലീസിനും സൈബര്‍ പോലിസിനും പരാതി നല്‍കാന്‍ സ്‌കൂള്‍ അധികൃതര്‍ക്കും തുടര്‍ നടപടികളെടുക്കാന്‍ പൊലീസിനും കമ്മീഷന്‍ നിര്‍ദേശം നല്‍കി.

ഫാമിലി വെല്‍ഫെയര്‍ ആന്റ് ട്രെയിനിംഗ് സെന്ററില്‍ സ്വീപ്പര്‍ ആയി ജോലി ചെയ്ത് വിരമിച്ച തനിക്ക് റിട്ടയേഡ് ആനുകൂല്യം നല്‍കിയില്ലെന്ന് കാണിച്ച് ലഭിച്ച പരാതിയില്‍ തെളിവുകള്‍ പരാതിക്കാരിക്ക് എതിരാണെന്നും ഡി.എം.ഒയുടെ റിപ്പോര്‍ട്ട് കൂടി ലഭിച്ച ശേഷം നടപടിയുണ്ടാകുമെന്നും കമ്മീഷന്‍ അറിയിച്ചു. സ്ത്രീകളെ ഉപയോഗിച്ച് സ്ഥാപനത്തില്‍ നിയമവിരുദ്ധ പ്രവര്‍ത്തനങ്ങള്‍ നടത്തിയ സ്ഥാപന ഉടമയ്‌ക്കെതിരെ കേസെടുത്തതായും കമ്മീഷന്‍ അറിയിച്ചു. അനധികൃതമായി പ്രവര്‍ത്തിച്ച സ്ഥാപനത്തിനെതിരെ 5000 രൂപ പിഴയിട്ട കോര്‍പ്പറേഷന്‍ ഉദ്യോഗസ്ഥര്‍ക്കെതിരെ കൈക്കൂലി അരോപണവുമായാണ് പരാതിക്കാരെത്തിയിരുന്നത്. കലക്‌ട്രേറ്റ് കോണ്‍ഫറന്‍സ് ഹാളില്‍ രണ്ട് ദിവസങ്ങളിലായി നടക്കുന്ന മെഗാ അദാലത്തില്‍ അദ്യ ദിനം 45 പരാതികള്‍ പരിഗണിച്ചതില്‍ 20 എണ്ണത്തില്‍ തീര്‍പ്പായി. 10 കേസുകളില്‍ പോലീസിന്റെ റിപ്പോര്‍ട്ട് തേടി. 15 പരാതികള്‍ അടുത്ത അദാലത്തിലേക്ക് മാറ്റി. കമ്മീഷന്‍ അംഗങ്ങളായ അഡ്വ എം.എസ് താര, പി.എം രാധ എന്നിവരും പരാതി പരിഗണിച്ചു.

കേസ് അന്വേഷിക്കുന്നതില്‍ സര്‍ക്കാരിന് താല്‍പ്പര്യക്കുറവ് കാണുന്നുണ്ട്. അന്വേഷണം മന:പൂര്‍വ്വം വൈകിപ്പിക്കുകയാണ്. കേസുമായി ബന്ധപ്പെട്ട അന്വേഷണ വിവരങ്ങള്‍ ചോദിച്ചിട്ടും മുഖ്യമന്ത്രി മറുപടി നല്‍കിയില്ലെന്നും വനിതാ കമ്മീഷന്‍ പറഞ്ഞു. എന്നാല്‍ അന്വേഷണം നീളുന്നതില്‍ മുഖ്യമന്ത്രിയോടും ഡി.ജി.പിയോടും വിശദീകരണം ആവശ്യപ്പെടുമെന്നും വനിതാ കമ്മീഷന്‍ അധ്യക്ഷ വ്യക്തമാക്കി. നേരത്തേയും കേസില്‍ വനിതാ കമ്മീഷന്റെ ഇടപെടലുകള്‍ നടന്നിട്ടുണ്ട്. നടിക്ക് വേണ്ട സുരക്ഷ ഒരുക്കണമെന്ന് ആവശ്യപ്പെടുകയും കേസിന്റെ റിപ്പോര്‍ട്ട് നല്‍കണമെന്നും ആവശ്യപ്പെട്ടിരുന്നു.

വനിതാകമ്മീഷനെന്നു കേട്ടാല്‍ ഭയങ്കര പേടിയാണെന്നും അല്‍പ്പം ഉള്ളി കിട്ടിയാല്‍ കരയാമായിരുന്നു പൂഞ്ഞാര്‍ എം.എല്‍.എയുടെ പ്രതികരണം. “നോട്ടിസ് അയച്ചാല്‍ സൗകര്യം ഉള്ളപ്പോള്‍ ഹാജരാകും. തൂക്കിക്കൊല്ലാന്‍ വിധിക്കാനൊന്നും കമ്മീഷന് സാധിക്കില്ല”, പി.സി പറഞ്ഞു.

അന്വേഷണത്തിലൊന്നും പേടിക്കുന്ന ആളല്ല താന്‍. വനിതാ കമ്മീഷന്‍ വനിതകളുടെ കാര്യമാണ് നോക്കേണ്ടതെന്നും നല്ല കാര്യങ്ങളൊക്കെ ചെയ്തിട്ട് വന്നാല്‍ താനും ഒപ്പം കൂടാമെന്നും പി.സി പറഞ്ഞു.

ആദ്യം മട്ടന്നൂര് പട്ടികജാതിയില്‍പ്പെട്ട സ്ത്രീയെ മര്‍ദിച്ച മന്ത്രിയുടെ ഭര്‍ത്താവിനെതിരെ അവര്‍ കേസെടുക്കട്ടെ. അതുകഴിഞ്ഞ് കോട്ടയത്തെ ആസ്പത്രിയില്‍ സമരം ചെയ്യുന്ന നഴ്‌സുമാര്‍ക്കു മുന്നില്‍ പാന്റിന്റെ സിബ്ബൂരി അപമാനിച്ച മാനേജ്‌മെന്റിന്റെ പിണിയാള്‍ക്കെതിരെ കേസെടുക്കണം. അങ്ങനെ നല്ല കാര്യങ്ങളൊക്കെ ചെയ്തിട്ട് ഇങ്ങോട്ട് വന്നാല്‍ താനും കൂടാമെന്നുമായിരുന്നു പി.സി ജോര്‍ജിന്റെ പ്രതികരണം. അല്ലാതെ തന്റെ മൂക്കു ചെത്താന്‍ ആരും ഇങ്ങോട്ടു പോരേണ്ടെന്നും പി.സി കൂട്ടിച്ചേര്‍ത്തു.

വിയു കുര്യാക്കോസിനാണ് കേസിന്റെ അന്വേഷണ ചുമതല. നടിയെക്കുറിച്ച് പരാമര്‍ശം നടത്തിയവര്‍ക്ക് ആദ്യം നോട്ടീസ് അയക്കുമെന്നും അതിന് ശേഷമായിരിക്കും തുടര്‍നടിപടികളെടുക്കുകയെന്നുമാണ് വിവരം. വനിതാ കമ്മീഷന്‍ അധ്യക്ഷ എം.സി ജോസഫൈനെ നേരിട്ടെത്തിയാണ് ഇവര്‍ പരാതി നല്‍കിയത്.

ആക്രമിക്കപ്പെട്ട നടിയെ നുണപരിശോധനക്ക് വിധേയമാക്കണമെന്നായിരുന്നു സലീംകുമാറിന്റെ പരാമര്‍ശം. ഇരയുടെ പേര് വെളിപ്പെടുത്തി അജു വര്‍ഗ്ഗീസ് എത്തിയപ്പോള്‍ പള്‍സര്‍ സുനി നടിയുടെ സുഹൃത്താണെന്നായിരുന്നു ദിലീപിന്റെ പരാമര്‍ശം. എന്നാല്‍ ഇത് വിവാദമായതിനെ തുടര്‍ന്ന് താരങ്ങളെല്ലാം മാപ്പു പറഞ്ഞ് രംഗത്തെത്തിയിരുന്നു.

നടിയെ ആക്രമിക്കുന്നതിന് തുല്യമാണ് പരാമര്‍ശമെന്ന് അവര്‍ പറഞ്ഞു. നടിയും അക്രമിയും കൂട്ടുകാരാണെന്നുള്ള ദിലീപിന്റെ പരാമര്‍ശത്തിനു പിന്നില്‍ നിഗൂഢതയുണ്ട്. അത് അപലപനീയമാണ്. സത്യസന്ധയും സാമൂഹികധാരണയും ഇല്ലാതെ ഇത്തരത്തില്‍ പ്രസ്താവനകള്‍ നടത്തുന്നത് തെറ്റാണ്. എന്തറിഞ്ഞാണ് ദിലീപും സലീംകുമാറും ഇങ്ങനെ പ്രതികരിക്കുന്നതെന്ന് മനസ്സിലാവുന്നില്ലെന്നും അവര്‍ പറഞ്ഞു.

എങ്ങനെയാണ് അവര്‍ക്ക് നീതി കിട്ടുന്നത്. ആരൊക്കെയാണ് പ്രതിസ്ഥാനത്ത് നിര്‍ത്തേണ്ടത്. സ്ത്രീകളുടെ ഭൂതകാലം അന്വേഷിക്കുന്നത് പോലും തെറ്റാണ്. ഇരയോടൊപ്പം നില്‍ക്കുക എന്നതാണ് ചെയ്യേണ്ടത്. ഇരയുടെ പേര് വെളിപ്പെടുത്തുന്നത് അങ്ങേയറ്റം തെറ്റാണ്. പേര് വെളിപ്പെടുത്തി മുന്നോട്ട് വന്നിരിക്കുന്നത് നടിപടിയെടുക്കേണ്ട കാര്യമാണ്. വേണ്ടി വന്നാല്‍ വിഷയത്തില്‍ നിയമനടപടി സ്വീകരിക്കും. വേണ്ടി വന്നാല്‍ എന്നല്ല, എടുക്കുന്നതായിരിക്കും. അത് സുപ്രീംകോടതിയുടെ ഗൈഡ്‌ലൈനാണെന്നും ജോസഫൈന്‍ പറഞ്ഞു. കേസില്‍ നീതികിട്ടുംവരെ നടി ഉറച്ചുനില്‍ക്കണം. സ്വമേധയാ കേസെടുക്കേണ്ടി വന്നാല്‍ എടുക്കും. കേസില്‍ നിയമോപദേശം തേടി ഇടപെടുകയാണ് ചെയ്യാനുള്ളത്. നടി തന്നെ മുന്നോട്ട് വന്നതുകൊണ്ടാണ് വിഷയത്തില്‍ ഇടപെടാതിരുന്നത്. സിനിമയിലെ വനിതാ കൂട്ടായ്മ അമ്മ സംഘടനക്കു മുന്നില്‍ ഓച്ഛാനിച്ച് നില്‍ക്കുന്നത് അവസാനിപ്പിക്കണം. നടിക്ക് പൂര്‍ണ്ണ പിന്തുണ നല്‍കാന്‍ സിനിമയിലെ വനിതാ സംഘടന മുന്നിട്ടുവരണമെന്നും അവര്‍ കൂട്ടിച്ചേര്‍ത്തു.

പള്‍സര്‍ സുനിയുടെ കത്ത് പുറത്തുവന്ന സാഹചര്യത്തിലായിരുന്നു ദിലീപിന്റെ പരാമര്‍ശം ഉണ്ടായത്. ആക്രമിക്കപ്പെട്ട നടിയും പള്‍സര്‍ സുനിയും കൂട്ടുകാരാണെന്നും കൂട്ടുകാരെ തെരഞ്ഞെടുക്കുമ്പോള്‍ ശ്രദ്ധിക്കണമെന്നുമായിരുന്നു ദിലീപിന്റെ പരാമര്‍ശം. ഇതിനെതിരെ വിമര്‍ശനങ്ങള്‍ ഉണ്ടായെങ്കിലും സംസ്ഥാന വനിതാ കമ്മീഷന്‍ ഇന്നാണ് വിമര്‍ശനവുമായെത്തിയത്.