അതേസമയം പേവിഷ ബാധയുള്ള നായകളെ തുറന്നുവിടരുതെന്നും വിധിയില്‍ പറയുന്നു. പൊതു ഇടങ്ങളില്‍ നായകള്‍ക്ക് ഭക്ഷണം നല്‍കരുതെന്നും മൃഗസ്നേഹികള്‍ക്ക് തദ്ദേശസ്വയംഭരണ സ്ഥാപനങ്ങളുടെ അനുമതിയോടെ ദത്തെടുക്കാമെന്നും ഇടക്കാല ഉത്തരവില്‍ പറയുന്നു.

എല്ലാ സംസ്ഥാനങ്ങളിലേയും കേന്ദ്രഭരണപ്രദേശങ്ങളിലേയും ചീഫ് സെക്രട്ടറിമാര്‍ക്ക് സുപ്രീംകോടതി നോട്ടീസ് അയച്ചു.

നായകളെ ഷെല്‍ട്ടര്‍ഹോമുകളിലേക്ക് മാറ്റണമെന്ന ജസ്റ്റിസ് പര്‍ദ്ദിവാലയുടെ ഉത്തരവ് നേരത്തെ പ്രതിഷേധത്തിന് ഇടയാക്കിയിരുന്നു. ജസ്റ്റിസ് പര്‍ദ്ദിവാലയുടെ ബെഞ്ചില്‍ നിന്നാണ് കേസ് മൂന്നംഗ ബെഞ്ചിലേക്ക് മാറ്റിയത്.

ഡല്‍ഹി ദേശീയ തലസ്ഥാന മേഖലയിലെ തെരുവുനായ്ക്കളെ ഷെല്‍ട്ടര്‍ ഹോമുകളിലേക്ക് മാറ്റാന്‍ ഓഗസ്റ്റ് 11ന് രണ്ടംഗ ബെഞ്ച് പുറപ്പെടുവിച്ച നിര്‍ദേശങ്ങള്‍ സ്റ്റേ ചെയ്യണമെന്ന ഹര്‍ജികളില്‍ സുപ്രീം കോടതി ഇന്ന് വിധി പറയും. ജസ്റ്റിസ് വിക്രംനാഥ്, ജസ്റ്റിസ് സന്ദീപ് മേത്ത, ജസ്റ്റിസ് എന്‍ വി അഞ്ജാരിയ എന്നിവരടങ്ങിയ മൂന്നംഗ ബെഞ്ചാണ് കേസ് പരിഗണിച്ചത്. ആഗസ്റ്റ് 13 ന് നാടകീയ സംഭവവികാസങ്ങളില്‍, തെരുവ് നായ്ക്കളെ സംബന്ധിച്ച സ്വമേധയാ കേസ്, ഓഗസ്റ്റ് 11 ന് നിര്‍ദ്ദേശങ്ങള്‍ ജസ്റ്റിസ് ജെ ബി പര്‍ദിവാല, ജസ്റ്റിസ് ആര്‍ മഹാദേവന്‍ എന്നിവരടങ്ങുന്ന രണ്ടംഗ ബെഞ്ച് പാസാക്കി, ചീഫ് ജസ്റ്റിസിന് മുമ്പാകെ ചില അഭിഭാഷകര്‍ മുന്‍ ഉത്തരവുകള്‍ പുറപ്പെടുവിച്ച മറ്റ് ബെഞ്ചുകള്‍ക്ക് വിരുദ്ധമാണെന്ന് പരാമര്‍ശിച്ചതിനെത്തുടര്‍ന്ന് ഈ മൂന്നംഗ ബെഞ്ചിലേക്ക് മാറ്റി.

ഓഗസ്റ്റ് 14 ന്, മൂന്നംഗ ബെഞ്ച് വിഷയം കേള്‍ക്കുകയും ഓഗസ്റ്റ് 11 ലെ നിര്‍ദ്ദേശങ്ങള്‍ സ്റ്റേ ചെയ്യണമോ എന്നതിനെക്കുറിച്ചുള്ള ഉത്തരവ് മാറ്റിവെക്കുകയും ചെയ്തു. ജൂലൈ 28-ന്, ടൈംസ് ഓഫ് ഇന്ത്യയുടെ ഇന്നത്തെ ഡല്‍ഹി എഡിഷനില്‍ പ്രസിദ്ധീകരിച്ച ‘വഴിതെറ്റിയ നഗരവും കുട്ടികളുടെ വിലയും’ എന്ന തലക്കെട്ടിലുള്ള ഒരു വാര്‍ത്തയെ രണ്ട് ജഡ്ജിമാരും സ്വമേധയാ സ്വീകരിച്ചു. മുതിര്‍ന്ന അഭിഭാഷകനും അമിക്കസുമായ ഗൗരവ് അഗര്‍വാളിന്റെ നിര്‍ദ്ദേശപ്രകാരം, ആഗസ്റ്റ് 11-ന്, ദേശീയ തലസ്ഥാന പ്രദേശമായ ഡല്‍ഹിയില്‍ നിന്ന് എല്ലാ തെരുവ് നായ്ക്കളെയും നായ്ക്കളുടെ അഭയകേന്ദ്രങ്ങളിലേക്ക്/പൗണ്ടുകളിലേക്ക് മാറ്റുന്നതിനുള്ള നിര്‍ദ്ദേശങ്ങള്‍ അത് പാസാക്കി.

ഇതിനിടെ കണ്ണൂർ മുഴപ്പിലങ്ങാട് തെരുവുനായ വിഷയത്തിൽ ഭരണാധികാരികളുടെ അലംഭാവം അവസാനിപ്പിക്കണമെന്നാവശ്യപ്പെട്ട് യു.ഡി.എഫ് ഇന്ന് മുഴപ്പിലങ്ങാട് ഗ്രാമപഞ്ചായത്ത് ഓഫീസ് ഉപരോധിച്ചു.യൂത്ത് കോൺഗ്രസ് സംസ്ഥാന വൈസ് പ്രസിഡൻ്റ് റിജിൽ മാക്കുറ്റി ഉദ്ഘൊടനം ചെയ്തു

സംസ്ഥാന ആരോഗ്യവകുപ്പിന് കീഴിലെ മെഡിക്കല്‍ സര്‍വീസസ് കോര്‍പറേഷന്‍ വിലകൊടുത്ത് വാങ്ങിയ ആന്റിറാബീസ് വാക്‌സിനാണ് നിലവാരമില്ലാത്തതുകാരണം മരണംവിതച്ചത്. ഇതുസംബന്ധിച്ച റിപ്പോര്‍ട്ടുകളെതുടര്‍ന്ന് ഇവയുടെ ഉപയോഗം സര്‍ക്കാര്‍ നിരോധിക്കുകയും പുതുതായി ഗുണനിലവാരമുള്ള വാക്‌സിനുകള്‍ എത്തിക്കുകയും ചെയ്തിരുന്നു. കുത്തിവെപ്പെടുത്തിട്ടും കോഴിക്കോട് പേരാമ്പ്രയില്‍ കഴിഞ്ഞദിവസം വീട്ടമ്മ മരണപ്പെടുകയുണ്ടായി. ഇവര്‍ കോഴിക്കോട് മെഡിക്കല്‍കോളജ് ആശുപത്രിയില്‍നിന്ന് നാല് ഡോസ് വാക്‌സിന്‍ എടുത്തിരുന്നതാണ്. പാലക്കാട്ട് കോളജ് വിദ്യാര്‍ഥിയായ 19കാരിക്ക് കുത്തിവെപ്പെടുത്തെങ്കിലും ഒരുമാസം കഴിഞ്ഞ് ജൂണില്‍ പേവിഷബാധകാണുകയും പെട്ടെന്ന് മരണപ്പെടുകയുമായിരുന്നു. ഈ വര്‍ഷം ഇതുവരെ രണ്ടു പേരും കഴിഞ്ഞ വര്‍ഷം 11 പേരും 2020ല്‍ അഞ്ചു പേരുമാണ് പേവിഷ ബാധയില്‍ സംസ്ഥാനത്ത് മരണമടഞ്ഞതെന്നാണ് ഔദ്യോഗിക കണക്ക്.

തെരുവുനായ്ക്കളുടെ ആധിക്യവും വ്യാപനവും കണക്കിലെടുത്ത് അവയുടെ നിയന്ത്രണ മാര്‍ഗങ്ങള്‍ തദ്ദേശസ്ഥാപനങ്ങളെ ഏല്‍പിച്ചിട്ടുണ്ടെങ്കിലും പലയിടത്തും പേരിനുമാത്രമാണ് എബിസി (അനിമല്‍ബെര്‍ത് കണ്‍ട്രോള്‍) പദ്ധതി നടപ്പാക്കുന്നത്. മുമ്പ് ഇവയെ പിടികൂടി കൊല്ലുകയായിരുന്നുവെങ്കില്‍ മൃഗ പ്രേമികളുടെ സമ്മര്‍ദത്താല്‍ വന്ധ്യംകരണ പദ്ധതിയായി ഒതുക്കുകയായിരുന്നു. കണക്കുകള്‍ പെരുപ്പിച്ചുകാട്ടി പല തദ്ദേശ സ്ഥാപനങ്ങളും ഫണ്ട് വെട്ടിച്ചതായും വെളിപ്പെടുകയുണ്ടായി. അവിദഗ്ധരെന്ന കാരണത്താല്‍ കുടുംബശ്രീയെ ഇതില്‍നിന്ന് കോടതിയിടപെട്ട് ഒഴിവാക്കുകയുംചെയ്തു. തെരുവില്‍ പെറ്റുപെരുകുന്ന നായ്ക്കളോടൊപ്പം വളര്‍ത്തുനായ്ക്കള്‍ക്ക് സമയാസമയം കുത്തിവെപ്പെടുക്കാത്തതും പേ ലക്ഷണം കണ്ടാല്‍ പുറത്തേക്ക് തുറന്നുവിടുകയുംചെയ്യുന്ന രീതി ഇന്നും നമുക്കിടയിലുണ്ട്. സ്‌കൂള്‍-കോളജ് വിദ്യാര്‍ഥികളും വീട്ടമ്മമാരുമാണ് അധികവും ഇവയുടെ ഇരയാകുന്നത്. ഇവരെ കാര്യമായ പ്രതിരോധമില്ലാതെ ആക്രമിക്കാനാകുമെന്നതാണ് കാരണം. മാലിന്യങ്ങള്‍ തെരുവില്‍ വലിച്ചെറിയുന്നവരോടൊപ്പം ഇതിനെയെല്ലാം നിയന്ത്രിക്കാന്‍ ഉത്തരവാദിത്തപ്പെട്ട ഭരണ സംവിധാനങ്ങളുമാണ് ഇതിനെല്ലാം കാരണക്കാര്‍. ഇനിയൊരു മരണവും പേ വിഷംമൂലം ഉണ്ടാകാതിരിക്കാനുള്ള ജാഗ്രതയാണ് സമൂഹം സര്‍ക്കാരില്‍നിന്ന് പ്രതീക്ഷിക്കുന്നത്. എല്ലാ സര്‍ക്കാര്‍ ആശുപത്രികളിലും വേണ്ടത്ര, ഗുണനിലവാരമുള്ള വാക്‌സിന്‍ എത്തിക്കാന്‍ അധികൃതര്‍ ശ്രദ്ധിക്കണം. ജനങ്ങളുടെ ജീവനും ആരോഗ്യവുമായി ബന്ധപ്പെട്ട് ഭാരിച്ച ഉത്തരവാദിത്തമുള്ള ആരോഗ്യവകുപ്പിന്റെ അധികൃതരുടെ ഭാഗത്തുനിന്ന് കോവിഡ് കാലത്ത് ഉപകരണങ്ങള്‍ വാങ്ങിയതുമായി ബന്ധപ്പെട്ട തട്ടിപ്പും അഴിമതിയും പേ വിഷ മരുന്നിന്റെ കാര്യത്തിലുമുണ്ടായെന്നാണ് ഈ മരണങ്ങള്‍ വ്യക്തമാക്കുന്നത്. ഒന്നര നൂറ്റാണ്ടുമുമ്പ് ലൂയിപാസ്ചര്‍ വികസിപ്പിച്ചെടുത്ത പേ വിഷ വാക്‌സിന്‍കൊണ്ട് ലോകം ഇന്നോളം അഹങ്കരിക്കുമ്പോഴാണ് അതേ വാക്‌സിന്‍ കാരണം സാക്ഷര കേരളത്തില്‍ മനുഷ്യര്‍ മരണം വരിക്കേണ്ടിവരുന്നതെന്നത് ചുരുക്കിപ്പറഞ്ഞാല്‍ അധികാരികളുടെ ഭാഗത്തുനിന്നുള്ള നിരുത്തരവാദിത്തവും വഷളത്തരവുമാണ്. പേ ബാധിച്ചത് യഥാര്‍ഥത്തില്‍ പട്ടികള്‍ക്കോ ആരോഗ്യവകുപ്പിനോ എന്നാണിപ്പോള്‍ സന്ദേഹിക്കേണ്ടിവന്നിരിക്കുന്നത്.