മലപ്പുറം: കശ്മീരിനും മണിപ്പൂരിനും ഫലസ്തീനും സ്വാതന്ത്ര്യം അനുവദിക്കുക എന്ന് എഴുതിയ പോസ്റ്ററുകള്‍ കോളജില്‍ പ്രദര്‍ശിപ്പിച്ചതിന് രാജ്യദ്രോഹക്കുറ്റം ചുമത്തി അറസ്റ്റു ചെയ്ത മലപ്പുറം ഗവ.കോളജിലെ വിദ്യാര്‍ഥികള്‍ക്ക് ഉപാധികളോടെ ജാമ്യം.ജില്ലക്കപ്പുറം കടക്കരുത്, പാസ്‌പോര്‍ട്ട് പൊലീസ് സ്റ്റേഷനില്‍ ഹാജരാക്കണം, ദിവസവും പൊലീസ് സ്റ്റേഷനില്‍ റിപ്പോര്‍ട്ട് ചെയ്യണം തുടങ്ങിയ നിബന്ധനകളാണ് ജാമ്യവ്യവസ്ഥ.

രണ്ടാം വര്‍ഷ ബി.കോം വിദ്യാര്‍ഥികളായ റിന്‍ഷാദ്, ഫാരിസ് എന്നിവര്‍ക്കാണ് മലപ്പുറം ജുഡീഷ്യല്‍ ഫസ്റ്റ് ക്ലാസ് മജിസ്‌ട്രേറ്റ് കോടതി ഉപാധികളോടെ ജാമ്യം അനുവദിച്ചത്. ഇരുവര്‍ക്കുമെതിരെ രാജ്യദ്രോഹക്കുറ്റം ചുമത്തി 124 എ വകുപ്പു പ്രകാരം കേസ് രജിസ്റ്റര്‍ ചെയ്തിരുന്നു.

റാഡിക്കല്‍ സ്റ്റുഡന്റ്‌സ് ഫോറം എന്ന സംഘടനയുടെ പേരില്‍ ക്യാമ്പസില്‍ പോസ്റ്റര്‍ പതിപ്പിച്ചതിന് പ്രിന്‍സിപ്പല്‍ മാമ നല്‍കിയ പരാതിയിലാണ്
പൊലീസ് കേസെടുത്തത്.

കഴിഞ്ഞ ബുധനഴ്ചയാണ് കോളജില്‍ സംഘടനയുടെ പേരില്‍ വിദ്യാര്‍ഥികള്‍ പോസ്റ്റര്‍ പതിച്ചത്. ഈ സംഘടനക്ക് കോളജില്‍ പ്രവര്‍ത്തനാനുമതി നല്‍കിയിട്ടില്ലെന്ന് പ്രിന്‍സിപ്പല്‍ പറയുന്നു.

വിജയ ആഹ്ലാദത്തിന്റെ ഭാഗമായി എം.എസ്.എഫ്-കെ.എസ്.യു നേതാക്കള്‍ നേതൃത്വം പ്രവര്‍ത്തകര്‍ വിദ്യാനഗര്‍ മുതല്‍ നായന്മാര്‍മൂല വരെ പ്രകടനം നടത്തി.അനുമോദന യോഗം യൂത്ത് ലീഗ് ജില്ലാ പ്രസിഡന്റ് ജില്ലാ പ്രസിഡന്റ് അഷ്‌റഫ് എടനീര്‍ ഉദ്ഘാടനം ചെയ്തു. ഹാഷിം ബംബ്രാണി അദ്ധ്യക്ഷത വഹിച്ചു, നോയല്‍ ടോമിന്‍ ജോസഫ്, ആബിദ് ആറങ്ങാടി, ഹമീദ് സി.ഐ.എ, പ്രദീപ് കുമാര്‍, ഖാദര്‍ പാലോത്ത്, നാസര്‍ നായന്മാറമൂല, മമ്മു ചാല, കുഞ്ഞി വിദ്യാനഗര്‍ തുടങ്ങിയവര്‍ സംസാരിച്ചു.

കോഴിക്കോട്: ലോ കോളജ് വിദ്യാര്‍ത്ഥിയെ സംഘടിതമായി എത്തിയ എസ്.എഫ്.ഐക്കാരുടെ മര്‍ദ്ദനത്തില്‍ ഗുരുതര പരിക്കേറ്റ കെ.എസ്.യു പ്രവര്‍ത്തകനെ അര്‍ധബോധാവസ്ഥയില്‍ കോഴിക്കോട് മെഡിക്കല്‍ കോളജില്‍ പ്രവേശിപ്പിച്ചു. കൊയിലാണ്ടി സ്വദേശിയായ കോഴിക്കോട് ലോ കോളജ് അവസാന വര്‍ഷ വിദ്യാര്‍ത്ഥി ഋത്വിക് അശോകി(23)നാണ് സഹപാഠികളായ എസ്.എഫ്.ഐ പ്രവര്‍ത്തകരായ വിദ്യാര്‍ത്ഥികളുടെ ക്രൂര മര്‍ദ്ദനമേറ്റത്.

ക്ലാസ്സ് മുറിയില്‍ ഒറ്റക്കിരിക്കുകയായിരുന്ന ഋത്വിക് അശോകിനെ സംഘടിച്ചെത്തിയ എസ്.എഫ്.ഐ പ്രവര്‍ത്തകര്‍ വാതില്‍ അടച്ച് കുറ്റിയിട്ടതിന് ശേഷം പട്ടിക കൊണ്ട് പൊതിരെ അടിക്കുകയായിരുന്നെന്ന് സഹപാഠികള്‍ പറഞ്ഞു. തലക്കും ശരീരത്തിലാകെയും ഗുരുതര പരിക്കേറ്റ വിദ്യാര്‍ത്ഥി അര്‍ദ്ധബോധാവസ്ഥയിലാണുള്ളത്. എസ്.എഫ്.ഐ ടൗണ്‍ ഏരിയാ സെക്രട്ടറി അബ്ദുല്‍ റാഷിദ്, എസ്.എഫ്.ഐ ലോ കോളേജ് യൂണിറ്റ് സെക്ടറി ആസാദ് ഷാ എന്നിവര്‍ക്കെതിരെ ചേവായൂര്‍ പൊലീസ് വധശ്രമത്തിന് കേസ്സെടുത്തു. അന്വേഷണ വിധേയമായി അഞ്ച് എസ്.എഫ്.ഐ പ്രവര്‍ത്തകരെ ലോകോളേജ് അധികൃതര്‍ സസ്‌പെന്‍ഡ് ചെയ്തു.

രാഷ്ട്രീയ പ്രവര്‍ത്തനത്തിന്റെ പേരില്‍ ക്യാമ്പസുകളിലെ അക്രമം അവസാനിപ്പിക്കുന്നതിനുള്ള മാര്‍ഗങ്ങളും നിയമ നിര്‍മാണത്തില്‍ ഉണ്ടാകണമെന്ന ആവശ്യവും പൊതുവിഭാഗത്തില്‍ ശക്തമാണ്. 18 വയസിന് മുകളില്‍ വോട്ടവകാശമുള്ളവര്‍ക്ക് സംഘടനാ സ്വാതന്ത്ര്യത്തിന് അവകാശമുണ്ടെന്ന ഭരണഘടനാ തത്വത്തിന്റെ അടിസ്ഥാനത്തിലാണ് ആലോചനയെന്ന് നിയമ വകുപ്പ് അധികൃതര്‍ പറയുന്നു. ജനുവരിയില്‍ ചേരുന്ന നിയമസഭാ സമ്മേളനത്തില്‍ നിയമ നിര്‍മാണം കൊണ്ടുവരാനാണ് ആലോചന. നിയമ നിര്‍മാണം കൊണ്ടു വരണമെന്ന് കഴിഞ്ഞ ദിവസം സ്പീക്കര്‍ പി. ശ്രീരാമകൃഷ്ണനും അഭിപ്രായം ഉന്നയിച്ചിരുന്നു. സ്പീക്കറുടെ കൂടി അഭിപ്രായത്തിന്റെ അടിസ്ഥാനത്തിലാണ് സര്‍ക്കാര്‍ ഇക്കാര്യം പരിഗണിക്കുന്നത്.

ഇതിനിടെ, ഹൈക്കോടതി ഡിവിഷന്‍ ബെഞ്ചിന്റെ വിധിക്കെതിരേ അപ്പീല്‍ നല്‍കുന്ന കാര്യവും സര്‍ക്കാര്‍ പരിഗണനയിലാണ്. സുപ്രീംകോടതിയില്‍ അപ്പീല്‍ നല്‍കുന്നതിനുള്ള നിയമോപദേശമാണ് ലഭിച്ചിട്ടുള്ളത്. അരാഷ്ട്രീയ ക്യാമ്പസുകളില്‍ ലഹരി മാഫിയയും വര്‍ഗീയ സംഘങ്ങളും ക്രിമിനലുകളും താവളമാക്കുമെന്നാണ് സി.പി.എമ്മും കോണ്‍ഗ്രസും ഉള്‍പ്പെടെ ഭൂരിഭാഗം രാഷ്ട്രീയ കക്ഷികളുടെയും അഭിപ്രായം. കെ.പി.സി.സി രാഷ്ട്രീയ കാര്യസമിതിയോഗവും ഹൈക്കോടതി വിധിയില്‍ ആശങ്ക രേഖപ്പെടുത്തിയിരുന്നു. അരാഷ്ട്രീയ ക്യാമ്പസുകളില്‍ വര്‍ഗീയ ശക്തികള്‍ അടക്കം പിടിമുറുക്കുന്നതിലെ അപകടം കോടതിയെ ധരിപ്പിക്കാന്‍ സര്‍ക്കാര്‍ തയാറാകണമെന്നായിരുന്നു കെ.പി.സി.സിയുടെ ആവശ്യം.

കോഴിക്കോട്: ഉന്നതപഠനം വരെ സ്‌കോളര്‍ഷിപ്പ് ലഭിക്കാന്‍ അവസരമൊരുക്കുന്ന പരീക്ഷ എഴുതാനാവാതെ ഹൈസ്‌കൂള്‍ വിദ്യാര്‍ത്ഥികള്‍ ആശങ്കയില്‍. എട്ടാം തരത്തില്‍ പഠിക്കുന്ന മിടുക്കരായ കുട്ടികള്‍ക്കുള്ള നാഷണല്‍ മീന്‍സ് കം മെരിറ്റ് സ്‌കോളര്‍ഷിപ്പ് (എന്‍.എം.എം.എസ്) പരീക്ഷ എഴുതാനുള്ള അവസരമാണ് വരുമാനസര്‍ട്ടിഫിക്കറ്റിന്റെ പേരില്‍ നഷ്ടമാവുന്നത്.
രക്ഷിതാക്കളുടെ വരുമാനം 1.5 ലക്ഷത്തിനു താഴെയുള്ള വിദ്യാര്‍ത്ഥികള്‍ക്കാണ് പരീക്ഷ എഴുതാന്‍ അവസരം. അതിനാല്‍തന്നെ അപേക്ഷയോടൊപ്പം രക്ഷിതാവിന്റെ വരുമാന സര്‍ട്ടിഫിക്കറ്റ് നിര്‍ബന്ധമാണ്. അതും എന്‍.എം.എം.എസ് പരീക്ഷക്ക് എന്ന പേരില്‍ വാങ്ങിയത് തന്നെ വേണം.
സര്‍ട്ടിഫിക്കറ്റ് നല്‍കേണ്ട വില്ലേജ് ഓഫിസില്‍ ഇപ്പോള്‍ ഭൂരേഖ കമ്പ്യൂട്ടര്‍വല്‍ക്കരണത്തിന്റെയും ഭൂനികുതി അടക്കുന്നതിന്റെയും തിരക്കാണ്. ഇതിനായി നൂറുകണക്കിനാളുകള്‍ രാവിലെ തന്നെ തമ്പടിക്കുന്നതിനാല്‍ വില്ലേജ് ഓഫിസറടക്കമുള്ള ജീവനക്കാര്‍ ഇതിന്റെ തിരക്കിലാണ്. അതിനാല്‍ മറ്റൊരു അപേക്ഷയും ഇവര്‍ പരിഗണിക്കുന്നില്ല. വരുമാനത്തിനായി ഓണ്‍ലൈന്‍ ആയാണ് അപേക്ഷ നല്‍കേണ്ടത്. എന്നാല്‍ അതിന് മറുപടി നല്‍കേണ്ടത് വില്ലേജ് ഓഫിസില്‍ നിന്നാണ്. മറ്റു അപേക്ഷകള്‍ പരിഗണിക്കുന്നത് നിര്‍ത്തിവച്ചതിനാല്‍ ഒരാഴ്ച മുമ്പ് അപേക്ഷ നല്‍കിയവര്‍ക്കും സര്‍ട്ടിഫിക്കറ്റ് കിട്ടിയിട്ടില്ല. നേരത്തെ നല്‍കിയ അപേക്ഷകള്‍ ഓണം മുതലുള്ള തുടര്‍ച്ചയായ അവധി കാരണം തീരുമാനമായിട്ടുമില്ല. പലയിടത്തും വില്ലേജ് ഓഫിസര്‍ ഇല്ലെന്നതും സര്‍ട്ടിഫിക്കറ്റ് ഇഷ്യു ചെയ്യുന്നതിന് തടസമായിട്ടുണ്ട്. അക്ഷയ കേന്ദ്രം വഴി അപേക്ഷ നല്‍കി കാത്തിരിക്കുന്നവര്‍ക്ക് എന്ന് സര്‍ട്ടിഫിക്കറ്റ് കിട്ടുമെന്ന ധാരണയുമില്ല.
പരീക്ഷക്ക് അപേക്ഷിക്കേണ്ട അവസാന ദിനം ഇന്നാണ്. സര്‍ട്ടിഫിക്കറ്റ് കിട്ടാത്തതിനാല്‍ ആയിരക്കണക്കിനു കുട്ടികള്‍ക്ക് പരീക്ഷക്ക് അപേക്ഷിക്കാനാവില്ല. നേരത്തെ മതിയായ അപേക്ഷകരില്ലാത്തതിനാല്‍ അപേക്ഷിക്കാനുള്ള അവസരം കഴിഞ്ഞ മാസം 30ല്‍ നിന്ന് ഈ മാസം 15 വരെ നീട്ടിയിരുന്നു. ഓഫിസുകള്‍ക്ക് നീണ്ട അവധിയായതിനാല്‍ നേരത്തെ അപേക്ഷിച്ചിട്ടും യഥാസമയം സര്‍ട്ടിഫിക്കറ്റ് ലഭിക്കാനായില്ല. ഒരിക്കല്‍ കൂടി അപേക്ഷാ സമയം നീട്ടണമെന്ന ആവശ്യമാണ് രക്ഷിതാക്കള്‍ ഉന്നയിക്കുന്നത്. വരുമാന പരിധിക്ക് പുതുക്കിയ റേഷന്‍ കാര്‍ഡ് മതിയെന്നിരിക്കെ അനാവശ്യ നിബന്ധനയാണ് ഇപ്പോള്‍ സാധാരണക്കാരുടെ കുട്ടികളുടെ അവസരം നഷ്ടമാക്കുന്നത്.
ഏഴാം തരത്തില്‍ 55 ശതമാനത്തിലധികം മാര്‍ക്ക് വാങ്ങി എട്ടാംതരത്തിലെത്തിയവര്‍ക്കാണ് പരീക്ഷയിലൂടെ സ്‌കോളര്‍ഷിപ്പ് ലഭിക്കുക. സാമ്പത്തികമായി പിന്നാക്കം നില്‍ക്കുന്നവര്‍ക്ക് ഇത് ഏറെ ആശ്വാസമാണ്. ഹൈസ്‌കൂള്‍, ഹയര്‍ സെക്കണ്ടറി പഠനത്തിനു പുറമെ ഉന്നത പഠനത്തിനും ഈ സ്‌കോളര്‍ഷിപ്പിന്റെ സഹായം ലഭിക്കും. കേന്ദ്ര സര്‍ക്കാറിന്റെ പദ്ധതിയുടെ നടത്തിപ്പ് സംസ്ഥാന വിദ്യാഭ്യാസ ഗവേഷണ പരിശീലന സമിതിക്കാണ്. നവമ്പര്‍ അഞ്ചിനാണ് പരീക്ഷ.

കോളജുകളില്‍ വിദ്യാര്‍ഥി സംഘടനായ സ്വാതന്ത്രം നിഷേധിക്കപ്പെടുന്നതായും ഇതാണ് പ്രതിസന്ധികള്‍ രൂക്ഷമാകാന്‍ കാരണമാകുന്നതെന്നും വിദ്യാര്‍ഥി സംഘടനകള്‍ കമ്മീഷനെ അറിയിച്ചു. ഡ്രസ് കോഡ്, ഇന്റേണല്‍ മാര്‍ക്ക് തുടങ്ങിയ വിഷയങ്ങള്‍ ചൂണ്ടികാട്ടി വിദ്യാര്‍ഥികളെ കോളജ് മാനേജ്‌മെന്റുകള്‍ ഭീഷണിപ്പെടുത്തുന്നുണ്ട്. സംസ്ഥാനത്തെ ഭൂരിഭാഗം കോളജുകളിലും വിദ്യാര്‍ഥികള്‍ക്ക് സംഘടനാ സ്വാതന്ത്ര്യം നിഷേധിക്കപ്പെടുന്നു. വിദ്യാര്‍ഥികളുടെ ആവശ്യങ്ങള്‍ അറിയുന്നതിനും അവകാശങ്ങള്‍ സംരക്ഷിക്കുന്നതിനും സ്വാശ്രയ കോളജുകളില്‍ സംഘടനാ രാഷ്ട്രീയം ആവശ്യമാണെന്നും വിവിധ വിദ്യാര്‍ഥി സംഘടനകളെ പ്രതിനിധീകരിച്ചെത്തിയവര്‍ പറഞ്ഞു.
അതേസമയം വിദ്യാര്‍ഥികളുടെ പ്രശ്‌നങ്ങള്‍ അവര്‍ നേരിട്ടെത്തി അറിയിച്ച് പരാതി എഴുതി നല്‍കണമെന്നും കോളജുകളില്‍ നിന്ന് പഠനം പൂര്‍ത്തിയാക്കി പുറത്തു പോയവര്‍ക്കും കമ്മീഷനില്‍ പരാതി നല്‍കാമെന്നും ജസ്റ്റീസ് കെ.കെ. ദിനേശന്‍ പറഞ്ഞു. പരാതികള്‍ പരിശോധിച്ച ശേഷം വിവിധ കോളജ് മാനേജുമെന്റുകളുടെ വിശദീകരണം ആരായും അതിനുശേഷം കമ്മീഷന്‍ സര്‍ക്കാരിലേക്ക് നിര്‍ദ്ദേശം സമര്‍പ്പിക്കാമെന്നും അദ്ദേഹം പറഞ്ഞു. സംഘടനാ പ്രതിനിധികളോട് ഏത് തരത്തിലുള്ള സംഘടനാ രാഷ്ട്രീയമാണ് ആഗ്രഹിക്കുന്നതെന്ന കമ്മീഷന്റെ ചോദ്യത്തിന് രാഷ്ട്രീയ സംഘനകളുടെ പ്രത്യയശാസ്ത്രം അനുസരിച്ചുള്ള വിദ്യാര്‍ഥി സംഘടനകളാണ് തങ്ങള്‍ക്ക് ആവശ്യമെന്നും മാനേജ്‌മെന്റുകളുടെ ഇഛക്ക് അനുസരിച്ച് പ്രവര്‍ത്തിക്കുന്ന കളിപ്പാവകളാകുന്ന സംഘടനകളോട് താത്പര്യമില്ലെന്നും സംഘടനാ ഭാരവാഹികള്‍ അറിയിച്ചു.