സംഭവം നടക്കുമ്പോള്‍ അവരുടെ മകള്‍ വീട്ടില്‍ ഉണ്ടായിരുന്നില്ല. എന്നാല്‍ അവരുടെ മകനെ മുറിയില്‍ അക്രമികള്‍ പൂട്ടിയിടുകയായിരുന്നു. പൊലീസും ഫോറന്‍സിക് സംഘവും പരിശോധന നടത്തി. ഗ്യാസ് കട്ടര്‍ ഉപയോഗിച്ചാണ് പൂട്ട് തകര്‍ത്ത് മകനെ രക്ഷിച്ചത്. ആക്രമണകാരികളുടെ കയ്യില്‍ വടിയും കത്തിയുമുണ്ടായിരുന്നു. സിസിടിവി ദൃശ്യങ്ങള്‍ പൊലീസ് പരിശോധിക്കുന്നുണ്ട്. ഫോറന്‍സിക് റിപ്പോര്‍ട്ടുകള്‍ക്ക് ശേഷമാവും കൂടുതല്‍ വിവരങ്ങള്‍ പുറത്തുവിടുക.

ഇന്നലെ കാലത്താണ് രക്ഷിതാക്കള്‍ കുട്ടിയെ കിടപ്പുമുറിയിലെ ഫാനില്‍ തൂങ്ങിമരിച്ച നിലയില്‍ കണ്ടെത്തിയത്. ഉടന്‍ ആസ്പത്രിയില്‍ എത്തിച്ചെങ്കിലും ഡോക്ടര്‍മാര്‍ മരണം സ്ഥിരീകരിച്ചതായി മയൂര്‍ വിഹാര്‍ പൊലീസ് അറിയിച്ചു.മാതാപിതാക്കളുടെ പരാതിയുടെ അടിസ്ഥാനത്തില്‍ കേസ് രജിസ്റ്റര്‍ ചെയ്ത പൊലീസ്, സ്‌കൂളിന്റെ പ്രിന്‍സിപ്പലിനേയും രണ്ട് അധ്യാപകരേയും അറസ്റ്റു ചെയ്തു.

അധ്യാപകര്‍ക്കെതിരെ ഐ.പി.സി 306, 506, 354 വകുപ്പുകള്‍ പ്രകാരം പോക്‌സോ നിയമപ്രകാരവുമാണ് കേസെടുത്തിരിക്കുന്നത്. പ്രിന്‍സിപ്പലിനെതിരെ ആത്മഹത്യാ പ്രേരണാ കുറ്റമാണ് ചുമത്തിയിരിക്കുന്നത്. പരീക്ഷയില്‍ തോല്‍പ്പിക്കുമെന്ന് അധ്യാപകര്‍ ഭീഷണിപ്പെടുത്തിയാണ് പെണ്‍കുട്ടിയെ ലൈംഗീകമായി ചൂഷണം ചെയ്തതെന്ന് രക്ഷിതാക്കള്‍ പൊലീസില്‍ നല്‍കിയ പരാതിയില്‍ പറയുന്നു.

പാനൂര്‍: കണ്ണൂരില്‍ വിദ്യാര്‍ത്ഥിനിയെ പീഡിപ്പിച്ച കേസില്‍ വിവാഹത്തിന് തൊട്ടുമുമ്പ് വരന്‍ പോക്‌സോ കേസില്‍ അറസ്റ്റില്‍. കണ്ണൂര്‍ പാനൂരിലാണ് സംഭവം. കോടതിയില്‍ ഹാജരാക്കിയെ വരനെ റിമാന്‍ഡ് ചെയ്തു.

പതിനേഴു വയസുകാരിയായ പ്ലസ് ടു വിദ്യാര്‍ഥിനിയെ നഗ്‌നചിത്രം കാട്ടി പീഡിപ്പിച്ചുവെന്നാണ് കേസ്. കഴിഞ്ഞദിവസമാണ് കൊളവല്ലൂര്‍ പൊലീസിന് പെണ്‍കുട്ടിയുടെ പരാതി ലഭിച്ചത്. തുടര്‍ന്ന് നടത്തിയ അന്വേഷണത്തിനു പിന്നാലെ ബുധനാഴ്ച യുവാവിനെ അറസ്റ്റു ചെയ്യുകയായിരുന്നു. പ്രദേശവാസിയായ യുവതിയുമായി യുവാവിന്റെ വിവാഹം ഇന്ന് നടക്കേണ്ടിയിരുന്നതാണ്. ഇതോടെ വിവാഹം മുടങ്ങി.

കൊല്‍ക്കത്ത : ബംഗാളില്‍ രണ്ടാംക്ലാസുകാരിയെ കഴിഞ്ഞ ഒരു വര്‍ഷമായി ലൈംഗികമായി പീഡിപ്പിച്ച ഡാന്‍സ് അധ്യാപകനെതിരെയും കുട്ടികളുടെ സംരക്ഷണത്തില്‍ അനാസ്ഥ കാണിച്ച സ്‌കൂളിനെതിരേയും രക്ഷിതാക്കളുടെ നേതൃത്വത്തില്‍ സ്‌കൂള്‍ പരിസരത്ത് സംഘടപ്പിച്ച പ്രതിഷേധം നിയന്ത്രിക്കാനെത്തിയ പൊലീസിന് പരുക്ക്. നിരവധി മാതാപിതാക്കള്‍ പങ്കെടുത്ത പ്രതിഷേധത്തില്‍ ജനകൂട്ടത്തെ നിയന്ത്രിക്കാന്‍ സ്‌കൂള്‍ അധികൃതര്‍ക്ക് കഴിയാതെ വന്നതോടെയാണ് പൊലീസിന്റെ സഹായം തേടിയത്.

സ്‌കുളിനെതിരേയും സ്‌കൂളിലെ പ്രധാന അധ്യാപകനെതിരേയും വേണ്ട നടപടി കൈക്കൊള്ളമെന്നാവിശ്യപ്പെട്ട് നടത്തിയ പ്രതിഷേധത്തില്‍ നിരവധി മാതാപിതാക്കളാണ് പങ്കെടുത്തത്. കഴിഞ്ഞ ഒരു വര്‍ഷത്തോളമായി ലൈംഗിമായി ഡാന്‍സ് അധ്യാപകന്‍ പീഡിപ്പിച്ച വിവരം കഴിഞ്ഞ ദിവസമാണ് വിദ്യാര്‍ത്ഥി മാതാപിതാക്കളോട് പറഞ്ഞത്. വിവരം വീട്ടില്‍ പറഞ്ഞാല്‍ ജീവനോടെ കത്തിക്കുമെന്ന ഭീഷണിയാണ് കുട്ടിയെ അധ്യാപകനെതിരെ പരാതിപ്പെടാന്‍ വൈകിപ്പിച്ചത്. വിവരം അറിഞ്ഞയുടന്‍ അധ്യാപകനെതിരെ വേണ്ട നടപടികള്‍ സ്വീകരിക്കണമെന്നാശ്യപ്പെട്ട് സ്‌കൂള്‍ മാനേജ്‌മെന്റിനെ സമീപിച്ചെങ്കിലും സംഭവം ഒതുക്കി തീര്‍ക്കാനായിരുന്നു അധികൃതരുടെ നീക്കം. ഇതോടെയാണ് മാതാപിതാക്കളുടെ നേതൃത്വത്തില്‍ സ്‌കൂളിന് പുറത്ത് പ്രതിഷേധം സംഘടിപ്പിക്കാന്‍ തീരുമാനിച്ചത്.
.

പ്രതിഷേധത്തെ തുടര്‍ന്ന് കുറ്റാരോപിതനായ അധ്യാപകനെ പൊലീസ് അറസ്റ്റു ചെയ്തു. കഴിഞ്ഞ വര്‍ഷവും സമാനമായ സംഭവങ്ങള്‍ സംസ്ഥാനത്തെ പല സ്‌കൂളിലും നടന്ന സാഹചര്യത്തില്‍, സ്‌കൂളില്‍ വേണ്ടത്ര ക്യാമറകള്‍ സ്ഥാപിക്കാത്ത മാനേജ്‌മെന്റിന്റെ ഭാഗത്തു നിന്ന് വലിയ അനാസ്ഥായാണ് ഉണ്ടായതെന്നും പ്രധാന അധ്യാപനെതിരേയും മാനേജ്‌മെന്റിനേതിരേയും കേസെടുക്കണമെന്ന് മാതാപിതാക്കള്‍ ആവശ്യപ്പെട്ടു. ഇവര്‍ക്കെതിരെ വേണ്ട നടപടികള്‍ സ്വീകരിച്ചില്ലെങ്കില്‍ വരും ദിവസങ്ങളില്‍ പ്രതിഷേധം ശക്തമാക്കുമെന്നും മാതാപിതാക്കള്‍ അറിയിച്ചു.