സിംഗപ്പൂരിലെ ഹോട്ടലില്‍ സിദ്ധാര്‍ത്ഥ ശര്‍മയുടെ പെരുമാറ്റത്തില്‍ തനിക്ക് സംശയം തോന്നിയെന്നും, അപകടത്തിനു മുന്‍പ് ആഘോഷം നടത്തുന്നതിന് നിയന്ത്രണം പ്രതികള്‍ ബലമായി ഏറ്റുവാങ്ങിയെന്നും ശേഖര്‍ ജ്യോതി പറഞ്ഞു. സുബീന്‍ വെള്ളത്തില്‍ മുങ്ങുന്ന സമയത്ത്, ഗായകന്‍ നീന്തല്‍ അറിയാമെന്ന് പറഞ്ഞ് ഇവര്‍ സഹായം നല്‍കിയില്ലെന്ന് സഹഗായകന്‍ വ്യക്തമാക്കി.

പൊലീസ് ചോദ്യം ചെയ്യലില്‍ തന്നെ ഈ വിവരം ശേഖര്‍ ജ്യോതി ഉന്നയിച്ചിരുന്നു. സുബീന്റെ കുടുംബം കേസുമായി ബന്ധപ്പെട്ട് ഇവന്റ് മാനേജര്‍ ശ്യാംകാനു മഹന്തക്കെതിരെ അന്വേഷണം ആവശ്യപ്പെട്ടിരുന്നു. നിലവില്‍ നാലു പേര്‍ അറസ്റ്റിലായിട്ടുണ്ട്.

സിംഗപ്പൂരിലെ സ്‌കൂബ ഡൈവിങ്ങിനിടെ 19ന് സംഭവിച്ച അപകടത്തിലാണ് സുബീന്‍ മരിച്ചത്. 3 ദിവസങ്ങളിലായി ലക്ഷക്കണക്കിന് ആരാധകര്‍ അദ്ദേഹത്തിന് അന്ത്യാഞ്ജലി അര്‍പ്പിക്കുകയും വിലാപയാത്രകളിലും പങ്കെടുത്തിരുന്നു.

സിംഗപ്പൂരിലെ സ്‌കൂബ ഡൈവിംഗിനിടെയാണ് ഗായകന്‍ മരിച്ചത്. മരണകാരണം ഇപ്പോഴും വ്യക്തമായിട്ടില്ല. അറസ്റ്റിലായ ഇവരുടെ സാന്നിധ്യം മരണ സമയത്ത് ഉണ്ടായിരുന്നുവെന്നും, തെളിവുകള്‍ ലഭിച്ചതിനാല്‍ വിശദമായി ചോദ്യം ചെയ്യുമെന്ന് അന്വേഷണം സംഘത്തിലെ ഉദ്യോഗസ്ഥര്‍ അറിയിച്ചു.

മുന്‍പ് അറസ്റ്റിലായ സിംഗപ്പൂരിലെ പരിപാടി സംഘാടകനും സുബീന്റെ മാനേജറിനും കൊലക്കുറ്റം, നരഹത്യ, ക്രിമിനല്‍ ഗൂഢാലോചന, അശ്രദ്ധ മൂലം മരണത്തിന് കാരണമാകല്‍ തുടങ്ങിയ കുറ്റങ്ങള്‍ ചുമത്തിയിട്ടുണ്ട്.