സുഡാന്‍ സര്‍ക്കാരിന്റെ റിപ്പോര്‍ട്ടുകള്‍ പ്രകാരം, 2000ഓളം പേര്‍ കൊല്ലപ്പെട്ടതായും, 60,000 പേര്‍ കാണാതായതായും വിവരങ്ങള്‍ ലഭിച്ചിട്ടുണ്ട്. എന്നാല്‍, യഥാര്‍ത്ഥ മരണസംഖ്യ ഇതിലും കൂടുതലാണെന്ന് ദൃക്‌സാക്ഷികള്‍ പറയുന്നു.

അന്താരാഷ്ട്ര ഏജന്‍സികള്‍ വ്യക്തമാക്കുന്നത് അനുസരിച്ച്, രണ്ട് ലക്ഷം പേരെ ആര്‍.എസ്.എഫ് തടവിലിട്ടിരിക്കുകയാണ്.
കൂട്ടക്കൊലകള്‍, ബലാത്സംഗം, മര്‍ദനം, പണം ആവശ്യപ്പെട്ട് തട്ടിക്കൊണ്ടുപോകല്‍ എന്നിവ വ്യാപകമാണെന്ന് രക്ഷപ്പെട്ടവര്‍ വെളിപ്പെടുത്തി.

ഒക്ടോബര്‍ 26ന് എല്‍ ഫാഷറിലെ നിയന്ത്രണം പിടിച്ചെടുത്ത ശേഷം, 70,000ഓളം പേര്‍ രക്ഷപ്പെടാന്‍ ശ്രമിച്ചെങ്കിലും, അതില്‍ 10,000 പേര്‍ മാത്രമാണ് സുരക്ഷിത കേന്ദ്രങ്ങളിലെത്തിയത്.

അന്താരാഷ്ട്ര പട്ടിണി നിരീക്ഷണ ഏജന്‍സിയായ ഇന്റഗ്രേറ്റഡ് ഫുഡ് സെക്യൂരിറ്റി ഫേസ് ക്ലാസിഫിക്കേഷന്‍ അനുസരിച്ച്, എല്‍ ഫാഷറില്‍ പട്ടിണി സ്ഥിരീകരിച്ചിരിക്കുകയാണ്.

ഒരു കാലത്ത് സര്‍ക്കാര്‍ സേനയുടെ പിന്തുണയ്ക്കായി രൂപീകരിച്ചിരുന്ന ആര്‍.എസ്.എഫ്, പിന്നീട് സര്‍ക്കാരിനെതിരായ യുദ്ധത്തിലേക്ക് തിരിഞ്ഞു. കഴിഞ്ഞ രണ്ട് വര്‍ഷമായി നീളുന്ന ആഭ്യന്തര യുദ്ധത്തില്‍ 40,000ല്‍പ്പരം പേര്‍ കൊല്ലപ്പെടുകയും, ഒരു കോടിയിലധികം പേര്‍ ഭവനരഹിതരാവുകയും ചെയ്തതായി ഐക്യരാഷ്ട്ര സഭ റിപ്പോര്‍ട്ട് ചെയ്യുന്നു.

ഇപ്പോള്‍ ആര്‍.എസ്.എഫ് വടക്കന്‍ കൊര്‍ദോഫാന്‍ സംസ്ഥാനത്തിലെ തലസ്ഥാനമായ എല്‍ ഒബെയ്ദ് പിടിച്ചെടുക്കുമെന്ന ഭീഷണി മുഴക്കിയിരിക്കുകയാണ്.

അല്‍ ഫാഷിര്‍ നഗരത്തില്‍ മാത്രം ഒരു ലക്ഷത്തിലധികം സിവിലിയന്മാര്‍ ഇപ്പോഴും കുടുങ്ങിക്കിടക്കുന്നതായി റിപ്പോര്‍ട്ടുകള്‍ സൂചിപ്പിക്കുന്നു. വാര്‍ത്താവിനിമയ സംവിധാനങ്ങള്‍ വിച്ഛേദിച്ചതിനാല്‍ പ്രദേശത്തുനിന്ന് വിശ്വാസ്യതയുള്ള വിവരങ്ങള്‍ പുറത്തു വരുന്നില്ല. 62,000-ലധികം ആളുകള്‍ പ്രദേശം വിടാന്‍ ശ്രമിച്ചെങ്കിലും ഭൂരിഭാഗം പേരും വഴിയില്‍ കുടുങ്ങിയിരിക്കുകയാണ്.

സുരക്ഷാ പ്രശ്‌നങ്ങളെ തുടര്‍ന്ന് നിരവധി സന്നദ്ധ സംഘടനകള്‍ പ്രവര്‍ത്തനം നിര്‍ത്തി. സമീപ പട്ടണങ്ങളായ തവില എന്നിവിടങ്ങളിലേക്ക് രക്ഷപ്പെടാന്‍ ശ്രമിക്കുന്നവരെ ലക്ഷ്യമിട്ട് കൊള്ളസംഘങ്ങള്‍ ആക്രമണങ്ങള്‍ നടത്തുന്നതായും റിപ്പോര്‍ട്ടുകളുണ്ട്.

2023 മുതല്‍ തുടരുന്ന ഈ ആഭ്യന്തര യുദ്ധം സുഡാനീസ് ആര്‍മ്ഡ് ഫോഴ്സസും , റാപ്പിഡ് സപ്പോര്‍ട്ട് ഫോഴ്സസും തമ്മിലുള്ള അധികാരപോരാട്ടമാണ്. സുഡാനീസ് സൈന്യത്തിന്റെ പ്രധാനകേന്ദ്രമായിരുന്ന അല്‍ ഫാഷിര്‍ ആര്‍എസ്എഫ് പിടിച്ചെടുത്തതോടെ സംഘര്‍ഷം കൂടുതല്‍ രൂക്ഷമായിട്ടുണ്ട്.

അഞ്ച് കോടി ജനങ്ങളുള്ള ആഫ്രിക്കന്‍ രാജ്യം, ദാരിദ്ര്യവും രാഷ്ട്രീയ അസ്ഥിരതയും കൊണ്ട് വിറങ്ങലിച്ചിരിക്കുന്ന സുഡാന്‍, ഇപ്പോള്‍ അതിന്റെ ഏറ്റവും ദുഷ്‌കരമായ മനുഷ്യാവകാശ പ്രതിസന്ധി നേരിടുകയാണ്.

നഗരത്തില്‍ ഒരുലക്ഷത്തിലധികം പേര്‍ മരണഭീതിയില്‍ കഴിയുകയാണ്. അല്‍ ഫാഷിറില്‍ നിന്നൊഴിഞ്ഞ് രക്ഷപ്പെട്ടവര്‍ തങ്ങള്‍ നേരിട്ട ക്രൂരതകളെക്കുറിച്ച് ലോകത്തോട് വിവരിച്ചു. നൂറുകണക്കിന് പുരുഷന്മാരെ കൂട്ടക്കൊല ചെയ്തതായും അവര്‍ പറഞ്ഞു.

നാലു ദിവസത്തിനിടെ ഏകദേശം 2,000 പേരെ കൊന്നൊടുക്കിയതായി റിപ്പോര്‍ട്ടുകള്‍ വ്യക്തമാക്കുന്നു. അല്‍ ഫാഷിര്‍ നഗരത്തിലേക്കുള്ള ആശയവിനിമയ സംവിധാനം വിച്ഛേദിച്ചിരിക്കുകയാണെന്നും സമീപ പട്ടണമായ തവിലയിലേക്ക് രക്ഷപ്പെട്ടവരാണ് കൂട്ടക്കൊലകളെക്കുറിച്ച് വെളിപ്പെടുത്തിയതെന്നും വ്യക്തമാകുന്നു.

സുഡാനിലെ ആഭ്യന്തര യുദ്ധം 2023-ല്‍ ആരംഭിച്ചതിനു ശേഷം, രാജ്യത്തെ ഒന്നര കോടിയിലധികം പേര്‍ അഭയാര്‍ത്ഥികളായി പലായനം ചെയ്തിട്ടുണ്ട്.

അഞ്ച് കോടി ജനങ്ങളുള്ള ആഫ്രിക്കന്‍ രാജ്യമായ സുഡാനില്‍ അധികാരം പിടിക്കാനായി സുഡാന്‍ സായുധ സേന യുറാപ്പിഡ് സപ്പോര്‍ട്ട് ഫോഴ്സ് ഉം തമ്മിലാണ് പോരാട്ടം. അല്‍ ഫാഷിര്‍ നഗരം സുഡാന്‍ സായുധ സേനയുടെ ശക്തികേന്ദ്രമായിരുന്നുവെങ്കിലും, ആര്‍എസ്എഫ് നഗരത്തെ പിടിച്ചെടുത്തതോടെ ആയിരങ്ങള്‍ കൊല്ലപ്പെട്ടതായി റിപ്പോര്‍ട്ടുകള്‍ പറയുന്നു.

മനുഷ്യാവകാശ സംഘടനകള്‍ അന്താരാഷ്ട്ര സമൂഹത്തിന്റെ മൗനത്തെ കടുത്ത വിമര്‍ശനവിധേയമാക്കി.

‘ലോക രാഷ്ട്രങ്ങള്‍ ഇടപെടാതെ ഇരിക്കുന്നത് മനുഷ്യാവകാശങ്ങള്‍ക്കുള്ള വലിയ അപമാനമാണ്,” മനുഷ്യാവകാശ പ്രവര്‍ത്തകര്‍ പ്രതികരിച്ചു.

റാപ്പിഡ് സപ്പോര്‍ട്ട് ഫോഴ്‌സ് ദര്‍ഫാര്‍ ആക്രമണത്തിനിടെ എല്‍ ഫാഷറിലെ ഒരു ആശുപത്രിയില്‍ 450 പേരെ കൊലപ്പെടുത്തിയതായി റിപ്പോര്‍ട്ടുകള്‍ പറയുന്നു. വംശീയ കൂട്ടക്കൊലകളും ലൈംഗിക അതിക്രമങ്ങളും നടന്നതായും അന്താരാഷ്ട്ര മാധ്യമങ്ങള്‍ റിപ്പോര്‍ട്ട് ചെയ്യുന്നു.

സുഡാന്‍ സൈന്യമായ സുഡാന്‍ ആംഡ് ഫോഴ്സസ് സുരക്ഷിതമായ ഇടങ്ങളിലേക്ക് പിന്മാറിയതായി സൈനിക മേധാവി അബ്ദുള്‍ ഫത്താ അല്‍ ബുര്‍ഹാന്‍ അറിയിച്ചു. സുഡാന്‍ ആംഡ് ഫോഴ്സും റാപ്പിഡ് സപ്പോര്‍ട്ട് ഫോഴ്‌സ് ദര്‍ഫാറും തമ്മിലുള്ള സംഘര്‍ഷം ആരംഭിച്ചതിന് ശേഷം ഇതുവരെ 40,000ത്തിലധികം പേര്‍ കൊല്ലപ്പെട്ടതായി ഐക്യരാഷ്ട്രസഭ കണക്കുകള്‍ പുറത്ത് വിട്ടിട്ടുണ്ട്.

യുദ്ധവും അക്രമവും മൂലം 1.4 കോടി പേര്‍ സ്വന്തം വീടുകള്‍ വിട്ട് പലായനം ചെയ്തതായി യുഎന്‍ വ്യക്തമാക്കി. നൂറുകണക്കിന് സാധാരണക്കാരെ വെടിവെച്ച് കൊന്ന ദൃശ്യങ്ങള്‍ സാമൂഹ്യമാധ്യമങ്ങളിലൂടെ പുറത്ത് വന്നതോടെയാണ് അന്താരാഷ്ട്ര സമൂഹം ശക്തമായ പ്രതികരണം അറിയിച്ചത്.

”സുഡാനിലെ അവസ്ഥ അതിഭീകരവും മനുഷ്യാവകാശ ലംഘനങ്ങളുടെ പരമാവധിയും ആണെന്ന്” ഐക്യരാഷ്ട്രസഭയുടെ പ്രതിനിധി അറിയിച്ചു. എല്‍ ഫാഷറിലെ നിയന്ത്രണം റാപ്പിഡ് സപ്പോര്‍ട്ട് ഫോഴ്‌സ് ദര്‍ഫാര്‍ ഏറ്റെടുത്തതോടെ ദര്‍ഫാറിലെ മനുഷ്യാവകാശ പ്രതിസന്ധി കൂടുതല്‍ രൂക്ഷമായിരിക്കുകയാണ്.

ആശുപത്രിയിലെത്തിയവർ ആദ്യം ഡോക്ടർമാരെയും നഴ്സുമാരെയും തട്ടിക്കൊണ്ടുപോയി. പിന്നീടു മടങ്ങിയെത്തി മറ്റു ജീവനക്കാരെയും രോഗികളെയും കൂട്ടിരിപ്പുകാരെയും വെ‌ടിവച്ചു കൊന്നു. മൂന്നാം തവണയും വന്ന് ബാക്കിയുള്ളവരെക്കൂടി കൊന്നു. സുഡാൻ തലസ്ഥാനമായ ഖാർത്തൂമിൽനിന്ന് 800 കിലോമീറ്റർ അകലെയുള്ള എൽ ഫാഷർ ഭാഗികമായി മരുഭൂമിയാണ്. യുഎൻ കണക്കനുസരിച്ച് ആഭ്യന്തരയുദ്ധത്തിൽ 40,000നു മുകളിലാണ് മരണസംഖ്യ.

സുഡാൻ സൈന്യവും വിമത സേനയായ റാപ്പിഡ് സപ്പോർട്ട് ഫോഴ്സുമായാണ് ഏറ്റുമുട്ടൽ. ഒരു വർഷമായി ഏറ്റുമുട്ടൽ തുടരുകയാണെങ്കിലും എൽ ഷാഫർ നഗരം ദിവസങ്ങൾക്കു മുൻപ് വിമതർ പിടിച്ചതോടെയാണ് കൂട്ടക്കൊല ആരംഭിച്ചത്. ന്യൂനപക്ഷ വിഭാഗങ്ങളെയും, തങ്ങളെ എതിർക്കുന്നവരെയുമാണ് റാപ്പിഡ് സപ്പോർട് ഫോഴ്സ് അതിക്രൂരമായി കൊല ചെയ്യുന്നത്. രണ്ടു ദിവസങ്ങൾക്കുള്ളിൽ 2,000 പേരെങ്കിലും കൊല്ലപ്പെട്ടതായാണ് റിപ്പോർട്ടുകൾ.

സുഡാന്‍ സൈന്യവും ആര്‍എസ്എഫും തമ്മിലുള്ള ഏറ്റുമുട്ടല്‍ ഒരു വര്‍ഷമായി തുടരുകയാണ്. എല്‍ ഷാഫിര്‍ നഗരം വിമതര്‍ പിടിച്ചെടുത്തതോടെ കൂട്ടക്കൊലകള്‍ ശക്തമായി തുടങ്ങിയതായി റിപ്പോര്‍ട്ടുകള്‍ പറയുന്നു. ന്യൂനപക്ഷ വിഭാഗങ്ങളെയും സര്‍ക്കാരിനെ അനുകൂലിക്കുന്നവരെയും ലക്ഷ്യമിട്ടാണ് ആക്രമണം നടന്നത്.

രണ്ട് ദിവസത്തിനിടെ മാത്രം 2,000 പേരോളം കൊല്ലപ്പെട്ടതായി പ്രാഥമിക റിപ്പോര്‍ട്ടുകള്‍ സൂചിപ്പിക്കുന്നു. രാജ്യത്ത് അതീവ ഗുരുതരമായ മനുഷ്യാവകാശ പ്രതിസന്ധി നിലനില്‍ക്കുന്നതായി ഐക്യരാഷ്ട്ര സഭ മുന്നറിയിപ്പ് നല്‍കി.

സുഡാനില്‍ ഇപ്പോള്‍ 90 ശതമാനം സുഡാനി അറബ് വംശജരും, 5 ശതമാനം ക്രിസ്ത്യാനികളും, 5 ശതമാനം ഗോത്രവിഭാഗക്കാരുമാണ്. പട്ടാളഭരണാധികാരി ജനറല്‍ അബ്ദല്‍ ഫത്താ അല്‍ ബുര്‍ഹാനാണ് സര്‍ക്കാര്‍ സൈന്യത്തെ നയിക്കുന്നത്. ജനറല്‍ മുഹമ്മദ് ഹംദാന്‍ ഡഗാലോയുടെ നേതൃത്വത്തിലുള്ള ആര്‍എസ്എഫ് സേനയുമായി അധികാര വടംവലി 2019-ല്‍ മുന്‍ ഏകാധിപതി ഒമര്‍ അല്‍ ബഷീറിനെ പുറത്താക്കിയതിന് ശേഷമാണ് ആരംഭിച്ചത്.

സുഡാനീസ് സൈന്യത്തിനും സഖ്യകക്ഷികള്‍ക്കുമെതിരെ നീണ്ടുനില്‍ക്കുന്ന ആഭ്യന്തരയുദ്ധത്തില്‍ ഏര്‍പ്പെട്ട ആര്‍.എസ്.എഫിന് ഇപ്പോള്‍ എല്‍ ഫാഷറിന്റെ നിയന്ത്രണം ലഭിച്ചതായി റിപ്പോര്‍ട്ടുകള്‍. രാജ്യത്തിന്റെ പടിഞ്ഞാറന്‍ മേഖലയായ ദാര്‍ഫുറിലെ സൈന്യത്തിന്റെ അവസാന ശക്തികേന്ദ്രമായ ഈ നഗരം 18 മാസമായി ആര്‍.എസ്.എഫ് ഉപരോധിച്ചിരിക്കുകയായിരുന്നു.

അര്‍ധസൈന്യത്തെ പിന്തുണക്കുന്ന പ്രാദേശിക മിലിഷ്യയായ പോപ്പുലര്‍ റെസിസ്റ്റന്‍സ് പ്രസ്താവനയില്‍ പറഞ്ഞു: ”എല്‍ ഫാഷറിലെ കൂലിപ്പടയാളികളുടെയും മിലിഷ്യകളുടെയും പിടിയില്‍നിന്ന് നഗരം പൂര്‍ണ്ണമായി നിയന്ത്രണത്തിലാക്കി.”

അതേസമയം, ആര്‍.എസ്.എഫുകാര്‍ നഗരത്തിലേക്ക് കടന്നുകയറി സാധാരണക്കാര്‍ക്ക് രക്ഷപ്പെടാനുള്ള വഴികള്‍ അടച്ചുപൂട്ടുന്നുവെന്ന റിപ്പോര്‍ട്ടുകളില്‍ യു.എന്‍ ഹ്യുമാനിറ്റേറിയന്‍ മേധാവി ടോം ഫെലച്ചര്‍ കടുത്ത ആശങ്ക പ്രകടിപ്പിച്ചു. അടിയന്തര വെടിനിര്‍ത്തലും മനുഷ്യാവകാശ സഹായത്തിനുള്ള വഴികളും ആവശ്യപ്പെട്ടുകൊണ്ട് അദ്ദേഹം പ്രതികരിച്ചു. എന്നാല്‍ സാധാരണക്കാര്‍ക്ക് സുരക്ഷിതമായ പാതകളും ആവശ്യമായ സംരക്ഷണവും ഉറപ്പാക്കുമെന്നും ആര്‍.എസ്.എഫ് പ്രതികരിച്ചു.

ഇതിനിടെ, എല്‍ ഫാഷറിലെ സുഡാനീസ് പത്രപ്രവര്‍ത്തകന്‍ മുഅമ്മര്‍ ഇബ്രാഹിമിനെ ആര്‍.എസ്.എഫ് കസ്റ്റഡിയിലെടുത്തതായും റിപ്പോര്‍ട്ടുകളുണ്ട്. ദാര്‍ഫുറിന്റെ നിയന്ത്രണം പിടിച്ചെടുത്തതായി ആര്‍.എസ്.എഫ് അവകാശപ്പെട്ടതിനു പിന്നാലെയാണ് ഇദ്ദേഹത്തെ പിടികൂടിയതെന്ന വിവരമാണ് പുറത്തുവന്നത്.

ആഭ്യന്തരയുദ്ധത്തിന്റെ പശ്ചാത്തലം
2023 ഏപ്രിലില്‍ ഖാര്‍ത്തൂമില്‍ സുഡാന്‍ സൈന്യവും ആര്‍.എസ്.എഫും തമ്മിലുള്ള അധികാര പോരാട്ടം തുറന്ന യുദ്ധത്തിലേക്ക് മാറി. ആഭ്യന്തരയുദ്ധം രാജ്യമെമ്പാടും വ്യാപിച്ചതോടെ 1.3 കോടി പേര്‍ കുടിയിറക്കപ്പെടുകയും 5.1 കോടി ജനങ്ങളില്‍ പകുതിയോളം പേര്‍ക്ക് ഭക്ഷ്യസഹായം ആവശ്യമാകുകയും ചെയ്തു.

2025 മാര്‍ച്ചില്‍ സുഡാന്‍ സൈന്യം തലസ്ഥാനമായ ഖാര്‍ത്തൂം തിരിച്ചുപിടിച്ചെങ്കിലും പടിഞ്ഞാറന്‍ മേഖലകളില്‍ പോരാട്ടം തുടരുകയാണ്. ദാര്‍ഫുറിലെ എല്‍ ഫാഷര്‍ 2024 മെയ് മാസത്തില്‍ ആര്‍.എസ്.എഫ് ഉപരോധിച്ചുകഴിഞ്ഞു. അതിനുശേഷം പട്ടിണി, രോഗങ്ങള്‍, ലൈംഗിക പീഡനങ്ങള്‍ എന്നിവ വ്യാപകമായി. മലേറിയ, മീസില്‍സ്, വില്ലന്‍ ചുമ തുടങ്ങിയ രോഗങ്ങള്‍ പടര്‍ന്നതോടെ അനേകം കുട്ടികളും സ്ത്രീകളും മരണമടഞ്ഞു.

സുഡാനിലെ ഈ ദുരവസ്ഥ തുടരുന്നതിനിടെ അന്താരാഷ്ട്ര സമൂഹം അടിയന്തര ഇടപെടലിനും മനുഷ്യാവകാശ സംരക്ഷണത്തിനും ആഹ്വാനം ചെയ്യുന്നു.

വാര്‍ത്താ ഏജന്‍സികള്‍ പറയുന്നതനുസരിച്ച്, സുഡാന്‍ ലിബറേഷന്‍ മൂവ്മെന്റ്/ആര്‍മി (എസ്എല്‍എം/എ) തിങ്കളാഴ്ച വൈകി ഡാര്‍ഫറിലെ മാരാ മലനിരകളിലെ ദുരന്തം റിപ്പോര്‍ട്ട് ചെയ്തു.

ജബല്‍ മാറയുടെ സ്വയംഭരണാധികാരമുള്ള ഒരു ഭാഗം ദീര്‍ഘകാലം നിയന്ത്രിക്കുകയും ഭരിക്കുകയും ചെയ്ത SLM/A, പുരുഷന്മാരും സ്ത്രീകളും കുട്ടികളും ഉള്‍പ്പെടെ ഇരകളുടെ മൃതദേഹങ്ങള്‍ ശേഖരിക്കാന്‍ സഹായിക്കാന്‍ ഐക്യരാഷ്ട്രസഭയോടും അന്താരാഷ്ട്ര സഹായ ഏജന്‍സികളോടും അഭ്യര്‍ത്ഥിച്ചു.

സുഡാനിലെ ആഭ്യന്തരയുദ്ധത്തിലെ പ്രധാന ശത്രുക്കളായ സുഡാനീസ് സൈന്യവും അര്‍ദ്ധസൈനിക ദ്രുത സപ്പോര്‍ട്ട് ഫോഴ്‌സും തമ്മിലുള്ള പോരാട്ടത്തില്‍ SLM/A നിഷ്പക്ഷത പാലിച്ചു.
ഭക്ഷണം, പാര്‍പ്പിടം, വൈദ്യസഹായം എന്നിവ അപര്യാപ്തമാണെങ്കിലും ലക്ഷക്കണക്കിന് ആളുകള്‍ മഴക്കെടുതിയില്‍ അകപ്പെട്ടെങ്കിലും അല്‍-ഫാഷിറിലെയും സമീപ പ്രദേശങ്ങളിലെയും നിവാസികള്‍ ജബല്‍ മാരയില്‍ അഭയം തേടി. ഡാര്‍ഫറിന്റെ മറ്റ് ഭാഗങ്ങള്‍ പോലെ കോളറ പൊട്ടിപ്പുറപ്പെട്ടതിന്റെ ആഘാതത്തിലാണ് മിക്കവരും.
രണ്ട് വര്‍ഷത്തെ ആഭ്യന്തരയുദ്ധം സുഡാനിലെ ജനസംഖ്യയുടെ പകുതിയിലധികവും പ്രതിസന്ധി ഘട്ടങ്ങളെ അഭിമുഖീകരിക്കുകയും ദശലക്ഷക്കണക്കിന് ആളുകളെ അവരുടെ വീടുകളില്‍ നിന്ന് പുറത്താക്കുകയും ചെയ്തു.

സുഡാനിലെ സൈന്യത്തിന്റെ നിയന്ത്രണത്തിലുള്ള സര്‍ക്കാര്‍ അനുശോചനവും സഹായിക്കാനുള്ള സന്നദ്ധതയും അറിയിച്ചു.

ദക്ഷിണ സുഡാനിലെ അന്താരാഷ്ട്ര വിമാനത്താവളത്തിലേക്ക് പോകുന്നതിന് പറക്കുന്നതിനിടെയാണ് വിമാനം തകര്‍ന്നത്. വിമാനത്താവളത്തില്‍ നിന്ന് 500 മീറ്റര്‍ അകലെയാണ് വിമാനം തകര്‍ന്നത്. വിമാനാപകടത്തില്‍പ്പെട്ടവര്‍ ജിപിഒസിയിലെ ജീവനക്കാരാണ്. 16 ദക്ഷിണ സുഡാനികളും രണ്ട് ചൈനീസ് പൗരന്മാരും 1 ഇന്ത്യക്കാരനുമായിരുന്നു ഉണ്ടായിരുന്നത്.

അതേസമയം അപകടകാരണം വ്യക്തമല്ല. തെക്കന്‍ സുഡാന്‍ സ്വദേശിയായ എന്‍ജിനിയര്‍ രക്ഷപ്പെട്ടു. ഇയാളെ ബെന്ടിയുവിലെ സ്വകാര്യ ആശുപത്രിയില്‍ പ്രവേശിപ്പിച്ചിരിക്കുകയാണ്.

ജോലി സ്ഥലത്ത് 28 ദിവസത്തെ തുടര്‍ച്ചയായ ഷിഫ്റ്റ് അവസാനിച്ച ശേഷം അവധിക്കു പോവുകയായിരുന്ന ജീവനക്കാരാണ് അപകടത്തില്‍പ്പെട്ടത്.

180 യാത്രക്കാരുമായി പത്താമത്തെ വിമാനം ശനിയാഴ്ച അബുദാബിയിലെത്തി. 26 രാജ്യങ്ങളില്‍നിന്നുള്ളവരെയാണ് ഇന്നലെ തിരികെയെത്തിച്ചത്. ഏപ്രി്ല്‍ 29നാണ് ആദ്യവിമാനത്തില്‍ യാത്രക്കാരെ യുഎഇ ഇവിടെയെത്തിച്ചത്. ഇതുവരെ 997 പേര്‍ക്ക് യാത്രാ സൗകര്യം ഏര്‍പ്പെടുത്തി യുഎഇയില്‍ എത്തിച്ചതായി ഔദ്യോഗിക വൃത്തങ്ങള്‍ അറിയിച്ചു.

പ്രായം ചെന്നവര്‍, രോഗികള്‍, കുട്ടികള്‍, സ്ത്രീകള്‍ എന്നിവര്‍ക്ക് പ്രഥമ പരിഗണന നല്‍കിയാണ് യുഎഇയിലേക്ക എത്തിച്ചുകൊണ്ടിരിക്കുന്നത്.
അതിനിടെ 10 വിമാനങ്ങളിലും കപ്പലിലുമായി 1353 ടണ്‍ ഭക്ഷ്യവസ്തുക്കള്‍, മരുന്നുകള്‍ എന്നിവ യുഎഇ സുഡാനില്‍ എത്തിച്ചിട്ടുണ്ട്.

യുഎഇയുടെ ആഗോള മാനുഷിക-കാരുണ്യ പ്രവര്‍ത്തനങ്ങളുടെ തുടര്‍ച്ചയെന്നോണം നടത്തിക്കൊണ്ടിരിക്കുന്ന പ്രവര്‍ത്തനങ്ങളെ അന്താരാഷ്ട്ര സമൂഹം ഏറെ മതിപ്പോടെയാണ് നോക്കിക്കാണുന്നത്. ദുരിതമനുഭവിക്കുന്ന സുഡാനിലെ ജനതക്കുവേണ്ടി ഇനിയും സഹായങ്ങള്‍ എത്തിക്കുമെന്ന് യുഎഇ വ്യക്തമാക്കി