മാധ്യമങ്ങള്‍ പാട്ടിലെ വരികള്‍ മലയാളം അധ്യാപകന്‍ വിശദീകരിക്കുന്നതുപോലെ കൃത്യമായി പരിശോധിച്ചിട്ടുണ്ടെന്നും, അതില്‍ എവിടെയാണ് അയ്യപ്പനെ നിന്ദിച്ചതോ മതവിദ്വേഷം സൃഷ്ടിക്കുന്ന പരാമര്‍ശങ്ങളോ ഉള്ളതെന്ന് അവര്‍ ചോദിച്ചിട്ടുണ്ടെന്നും സണ്ണി ജോസഫ് പറഞ്ഞു. എന്നാല്‍ ഇത് മനസ്സിലാക്കാന്‍ സര്‍ക്കാറിന് കഴിഞ്ഞില്ലെന്നും അദ്ദേഹം വിമര്‍ശിച്ചു. എങ്കിലും വൈകിയെങ്കിലും സര്‍ക്കാറിന് സദ്ബുദ്ധി ഉദിച്ചതില്‍ സന്തോഷമുണ്ടെന്നും കേസുമായി മുന്നോട്ടുപോകുന്നതിനെ സ്വാഗതം ചെയ്യുന്നതായും സണ്ണി ജോസഫ് വ്യക്തമാക്കി. കേരളത്തിലെ മുഴുവന്‍ കോണ്‍ഗ്രസ് ബൂത്ത് കമ്മിറ്റികളും ഈ ഗാനം ആലപിക്കുമെന്നും അദ്ദേഹം പ്രഖ്യാപിച്ചു.

‘പോറ്റിയേ കേറ്റിയേ’ എന്ന വിവാദ പാരഡി പാട്ടിനെതിരായ നടപടിക്കെതിരെ പ്രതിപക്ഷ നേതാവ് വി.ഡി. സതീശന്‍ സോഷ്യല്‍ മീഡിയ പ്ലാറ്റ്‌ഫോമായ ‘മെറ്റ’യ്ക്ക് കത്തയച്ചിരുന്നു. പാട്ട് നീക്കം ചെയ്യണമെന്ന് പൊലീസ് നല്‍കിയ നിര്‍ദേശത്തിനെതിരെയായിരുന്നു കത്ത്. കോടതിയുടെ നിര്‍ദേശം ഇല്ലാതെ ഈ ഗാനം നീക്കം ചെയ്യുന്നത് മൗലികാവകാശങ്ങളുടെ ലംഘനമാണെന്ന് അദ്ദേഹം കത്തില്‍ ചൂണ്ടിക്കാട്ടി.

നവമാധ്യമങ്ങളില്‍ നിന്ന് പാട്ട് നീക്കം ചെയ്യണമെന്ന് മെറ്റയ്ക്കും യൂട്യൂബിനും പൊലീസ് ആവശ്യപ്പെട്ടിരുന്നു. ഇതിനെതിരെയാണ് പ്രതിപക്ഷ നേതാവിന്റെ ഇടപെടല്‍. പരാതിക്കാരന്റെ മൊഴി സൈബര്‍ പൊലീസ് നാളെ രേഖപ്പെടുത്തും. അതേസമയം, പാട്ടിന്റെ അണിയറ പ്രവര്‍ത്തകര്‍ നിയമ നടപടികളുമായി മുന്നോട്ടുപോകാന്‍ തീരുമാനിച്ചതായും റിപ്പോര്‍ട്ടുണ്ട്.

പാലക്കാട് എംപി വികെ ശ്രീകണ്ഠന്‍ സ്വാഗതവും കെപിസിസി വര്‍ക്കിംഗ് പ്രസിഡന്റ് പിസി വിഷ്ണുനാഥ് എംഎല്‍എ ആമുഖപ്രസംഗവും നടത്തി. ടിപി ഷാജി നന്ദി പറഞ്ഞു. രാഷ്ട്രീയകാര്യ സമിതി അംഗം ചെറിയാന്‍ ഫിലിപ്പ്, കെപിസിസി വൈസ് പ്രസിഡന്റുമാരായ എം വിന്‍സന്റ് എംഎല്‍എ,ശരത്ചന്ദ്ര പ്രസാദ്, പാലോട് രവി, കെപിസിസി ജനറല്‍ സെക്രട്ടറിമാരായ എംഎ വാഹിദ്, മണക്കാട് സുരേഷ്, ആര്‍.ലക്ഷ് മി, ബിആര്‍എം ഷെഫീറ്,ഇബ്രാഹീംകുട്ടി കല്ലാര്‍,കെഎസ് ശബരീനാഥന്‍ തുടങ്ങിയവരും പങ്കെടുത്തു.

ഷാഫിയെ മര്‍ദ്ദിച്ച പോലീസുകാരെ കുറിച്ച് സിപിഎമ്മിന് കൃത്യമായി അറിയാം.അവരിലേക്ക് എത്താനുള്ള പോലീസിന്റെ കരങ്ങള്‍ ബന്ധിക്കപ്പെട്ടിരിക്കുന്നു. സത്യസന്ധമായ നിലപാടും നടപടിയും സ്വീകരിക്കുന്ന പോലീസ് ഉദ്യോഗസ്ഥരെ സിപിഎം ഭീഷണിപ്പെടുത്തുകയാണ്. ഷാഫി പറമ്പിലിനെ പോലീസ് അന്യായമായി മര്‍ദ്ദിക്കുന്ന ദൃശ്യങ്ങള്‍ പുറത്തുവന്നിരുന്നു. പോലീസിന്റെ ഭാഗത്ത് നിന്ന് തെറ്റായ നടപടിയുണ്ടായെന്ന് എസ് പിയും തുറന്ന് പറഞ്ഞിട്ടുണ്ട്. എന്നിട്ടും സത്യം പുറത്തുവരാതിരിക്കാനാണ് സിപിഎം ശ്രമിക്കുന്നത്.

എല്‍ഡിഎഫ് കണ്‍വീനര്‍ ടിപി രാമകൃഷ്ണന്‍ ഭരണത്തിന്റെ ദുസ്വാധീനം ഉപയോഗിച്ച് പോലീസ് ഉദ്യോഗസ്ഥരെ വിരട്ടുന്നു. ഷാഫി പറമ്പില്‍ എംപിക്കെതിരെ വധ ഭീഷണി മുഴക്കിയ ഇപി ജയരാജനെതിരെ കേസെടുക്കാന്‍ പോലീസ് തയ്യാറാകണം. ഷാഫി പറമ്പിലിനെ മര്‍ദ്ദിച്ച കുറ്റവാളികള്‍ക്കെതിരെ നടപടി സ്വീകരിക്കണം. അതിന് തയ്യാറായില്ലെങ്കില്‍ നിയമപരവും ജനകീയപരവുമായ പ്രതിഷേധം കോണ്‍ഗ്രസ് തുടര്‍ന്നും ഉയര്‍ത്തുമെന്നും സണ്ണി ജോസഫ് പറഞ്ഞു.

പള്ളുരുത്തി സെന്റ് റീത്താസ് സ്‌കൂളിലെ ഹിജാബ് വിവാദം ചര്‍ച്ചയിലൂടെ പരിഹരിച്ചതാണ്. പ്രശ്‌നം വഷളാക്കാനാണ് സര്‍ക്കാര്‍ ശ്രമിച്ചതെന്നും സണ്ണി ജോസഫ് പറഞ്ഞു.

പിഎം ശ്രീയില്‍ ചേരാനുള്ള സര്‍ക്കാരിന്റെ നയ വ്യതിയാനത്തിനെതിരായ നിലപാടില്‍ സിപിഐ ഉറച്ചുനില്‍ക്കുമോയെന്നാണ് അറിയേണ്ടത്. സിപിഐ മാധ്യമങ്ങളില്‍ മാത്രം നിലപാട് പ്രകടിപ്പിച്ചാല്‍ പോരാ. മന്ത്രിസഭയിലും എല്‍ഡിഎഫിലും ഉറച്ച നിലപാട് സ്വീകരിക്കണമെന്നും സണ്ണി ജോസഫ് പറഞ്ഞു.

വലിയ ജനാധിപത്യ പാര്‍ട്ടിയാണ് കോണ്‍ഗ്രസ്.പ്രശ്‌നങ്ങളെല്ലാം ചര്‍ച്ചയിലൂടെ പരിഹരിക്കും. മികച്ച ടീമാണ് കെപിസിസിക്കുള്ളത്. ഐക്യത്തോടെയാണ് മുന്നോട്ട് പോകുന്നത്. കോണ്‍ഗ്രസും യുഡിഎഫും ശബരിമലയിലെ സ്വര്‍ണ്ണ മോഷണം, വോട്ടര്‍പ്പട്ടികയിലെ ക്രമക്കേട് തുടങ്ങിയ സമകാലിക വിഷയങ്ങള്‍ ഏറ്റെടുത്ത് ശക്തമായ സമരമുഖത്താണ്. സംഘടനാ രംഗത്തും മികച്ച പ്രവര്‍ത്തനമാണ് നടക്കുന്നത്. കേന്ദ്ര-സംസ്ഥാന സര്‍ക്കാരുകളുടെ ജനദ്രോഹ ഭരണത്തിനെതിരെ ലഘുലേഖകള്‍ വിതരണം ചെയ്തും പ്രവര്‍ത്തനഫണ്ട് ശേഖരണത്തിനുമായും 25000 വാര്‍ഡ് കോണ്‍ഗ്രസ് കമ്മിറ്റികളുടെ നേതൃത്വത്തില്‍ ഭവനസന്ദര്‍ശനങ്ങള്‍ പൂര്‍ത്തിയാക്കിയെന്നും സണ്ണി ജോസഫ് പറഞ്ഞു.

”സര്‍ക്കാരിനും ദേവസ്വം ബോര്‍ഡിനും ന്യായീകരിച്ച് മാറിനില്‍ക്കാനാകില്ല. അയ്യപ്പ സംഗമം പ്രഹസനമെന്നു തെളിഞ്ഞു. സ്വര്‍ണം നഷ്ടപ്പെടാന്‍ ഇടയായ സാഹചര്യങ്ങള്‍ അന്വേഷിക്കണം. കോണ്‍ഗ്രസ് ജനങ്ങളെ അണിനിരത്തി ശക്തമായ പ്രതിഷേധം സംഘടിപ്പിക്കും. അഖിലേന്ത്യാ നേതാക്കളും സമരത്തില്‍ പങ്കെടുക്കും,” സണ്ണി ജോസഫ് പറഞ്ഞു.

അതേസമയം, ശബരിമല സ്വര്‍ണ്ണപ്പാളി വിവാദത്തില്‍ ദുരൂഹത വര്‍ധിച്ചിരിക്കുകയാണ്. സ്വര്‍ണ്ണവാതിലുകളും ദ്വാരപാലക ശില്‍പ്പത്തിലെ സ്വര്‍ണ്ണപ്പാളികളും വിവിധ ഇടങ്ങളില്‍ പ്രദര്‍ശിപ്പിച്ചതിന്റെ തെളിവുകള്‍ പുറത്തുവന്നു. ചെന്നൈയില്‍ നടന്ന പൂജയില്‍ നടന്‍ ജയറാമും വീരമണിയും പങ്കെടുത്തുവെന്ന വിവരവും പുറത്തുവന്നിട്ടുണ്ട്.

പോലീസ് അക്രമങ്ങള്‍ക്ക് പ്രോത്സാഹനം നല്‍കുന്നത് മുഖ്യമന്ത്രി തന്നെയാണ്. പയ്യന്നൂരില്‍ യൂത്ത് കോണ്‍ഗ്രസ് പ്രവര്‍ത്തകരെ ചെടിച്ചെട്ടിയും ഹെല്‍മെറ്റും കൊണ്ട് അടിച്ച് ഗുരുതരമായി പരിക്കേല്‍പ്പിച്ചപ്പോള്‍ അതിനെ രക്ഷാപ്രവര്‍ത്തനമെന്നല്ലെ മുഖ്യമന്ത്രി വിശേഷിപ്പിച്ചത്.
ആരോഗ്യ വകുപ്പും പ്രതിക്കൂട്ടിലാണ്. രോഗികളോട് നീതി പുലര്‍ത്താന്‍ കഴിയുന്നില്ലെന്നും ആരോഗ്യ വകുപ്പ് പ്രവര്‍ത്തനരഹിതമാണെന്നും തുറന്ന് പറഞ്ഞത് തിരുവനന്തപുരം മെഡിക്കല്‍ കോളേജിലെ ഡോ.ഹാരിസാണ്.

കോട്ടയത്ത് മെഡിക്കല്‍ കോളേജ് കെട്ടിടം തകര്‍ന്ന് വീണ് മകളുടെ ചികിത്സയ്‌ക്കെത്തിയ വീട്ടമ്മയാണ് മരിച്ചത്. അവരുടെ ജീവന്‍ രക്ഷപ്പെടുത്തേണ്ട സമയം നഷ്ടപ്പെടുത്തിയത് ഈ സര്‍ക്കാരിന്റെ രണ്ടു മന്ത്രിമാരാണ്. ചികിത്സാ പിഴവിന്റെ നീണ്ട നിരയാണ് ഇക്കാലയളവില്‍ പുറത്തുവന്നത്. പകര്‍ച്ച വ്യാധികള്‍ പടരുമ്പോഴും അതിനെ പ്രതിരോധിക്കാന്‍ സര്‍ക്കാരിന് കഴിയുന്നില്ല. വസ്തുതകള്‍ ഇതായിരിക്കെ സര്‍ക്കാര്‍ ജനദ്രോഹ നടപടികളെ അന്ധമായി ന്യായീകരിക്കുകയാണെന്നും അദ്ദേഹം വിമര്‍ശിച്ചു

എന്നാല്‍ ബീഹാറുമായി ബന്ധപ്പെട്ട ഒരു വിവാദ പോസ്റ്റ് ശ്രദ്ധയില്‍പ്പെട്ട ഉടന്‍ വി.ടി. ബല്‍റാമും പാര്‍ട്ടി നേതൃത്വവും അത് പാര്‍ട്ടി നിലപാടിന് വിരുദ്ധമാണെന്ന് വ്യക്തമാക്കുകയും പോസ്റ്റ് നീക്കം ചെയ്യാന്‍ നിര്‍ദ്ദേശിക്കുകയും ചെയ്തു. തുടര്‍ന്ന് അത് ഉടന്‍ നീക്കം ചെയ്യുകയുമായിരുന്നു.

ചില മാധ്യമങ്ങള്‍ വി.ടി. ബല്‍റാമാണ് ട്വീറ്റ് നടത്തിയതെന്ന തരത്തില്‍ പ്രചരിപ്പിക്കുന്നത് ദൗര്‍ഭാഗ്യകരമാണെന്നും സിപിഎം നേതാക്കളും ചില മാധ്യമങ്ങളും അദ്ദേഹത്തെ വിവാദത്തിലാക്കാന്‍ ശ്രമിക്കുന്നുവെന്നും സണ്ണി ജോസഫ് കുറ്റപ്പെടുത്തി. വിവാദ പോസ്റ്റിന്റെ പശ്ചാത്തലത്തില്‍ ബല്‍റാം രാജിവെച്ചിട്ടില്ലെന്നും പാര്‍ട്ടി അദ്ദേഹത്തിനെതിരെ നടപടി സ്വീകരിച്ചിട്ടില്ലെന്നും അദ്ദേഹം വ്യക്തമാക്കി. വൈസ് പ്രസിഡന്റും ഡിഎംസി ചെയര്‍മാനുമായ ബല്‍റാം ഇപ്പോഴും ചുമതലയില്‍ തുടരുകയാണെന്നും വരുന്ന പഞ്ചായത്ത്, നിയമസഭാ തെരഞ്ഞെടുപ്പുകള്‍ മുന്നില്‍ക്കണ്ട് സോഷ്യല്‍ മീഡിയ വിഭാഗം പുനഃസംഘടിപ്പിക്കാനുള്ള നടപടികള്‍ പരിഗണനയിലുണ്ടെന്നും അദ്ദേഹം കൂട്ടിച്ചേര്‍ത്തു.

ബീഹാറില്‍ ജനാധിപത്യ അട്ടിമറിക്കെതിരെ രാഹുല്‍ ഗാന്ധിയുടെ നേതൃത്വത്തിലുള്ള പോരാട്ടത്തിന് പിന്തുണ നല്‍കാതെ പിണറായി വിജയനും മന്ത്രിമാരും ബിജെപിയുടെ വിവാദങ്ങള്‍ പ്രചരിപ്പിക്കുന്നതു അപഹാസ്യമാണെന്നും, കോണ്‍ഗ്രസ് നേതാക്കളെ വിവാദങ്ങളില്‍പ്പെടുത്താനുള്ള സിപിഎമ്മിന്റെയും ചില മാധ്യമങ്ങളുടെയും നീക്കങ്ങള്‍ കെപിസിസി നിരസിക്കുന്നുവെന്നും സണ്ണി ജോസഫ് പറഞ്ഞു.

മുഖ്യമന്ത്രിയുടെ പ്രതികരണത്തിൽ നിന്നത് അന്നേ മനസ്സിലാക്കിയതാണ്. ഹാരിസ് വെളിപ്പെടുത്തിയ യാഥാർഥ്യങ്ങൾ അംഗീകരിച്ച് അത് പരിഹരിക്കുന്നതിന് പകരം അദ്ദേഹത്തെ ഭീഷണിപ്പെടുത്തി വരുതിയിൽ ആക്കാനാണ് ശ്രമിച്ചത്. അതിൽ അവർ പരാജയപ്പെട്ടതിനെ തുടർന്നാണ് ഇപ്പോൾ നടപടിയുമായി മുന്നോട്ടു പോകുന്നത്. അധികാര ദുർവിനിയോഗമാണിത്. സത്യം പറയുന്നവരെ ഭീഷണിപ്പെടുത്തുകയും പ്രതികാര നടപടിയെടുക്കുകയും ചെയ്യുന്ന പിണറായി സർക്കാറിന്റെ നയങ്ങൾ അപലപനീയമാണെന്നും സണ്ണി ജോസഫ് പറഞ്ഞു.

അടിസ്ഥാനരഹിതമായ കുറ്റങ്ങൾ ചുമത്തി ഒരാഴ്ചയായി നിരപരാധികളായ കന്യാസ്ത്രീകളെ ബി.ജെ.പി ഭരണകൂടം ജയിലിൽ അടച്ചിരിക്കുകയാണ്. പാവപ്പെട്ട ആളുകളെ സഹായിക്കാനും അവർക്ക് ജോലി നൽകാനും ശ്രമിച്ചതിന്റെ പേരിലാണ് സങ്കൽപ്പിക്കാൻ പോലും കഴിയാത്ത കുറ്റങ്ങൾ ചുമത്തി അവരെ അറസ്റ്റ് ചെയ്തത്. ആതുരസേവന രംഗത്തും ജീവകാരുണ്യ മേഖലയിലും അവർ നടത്തുന്ന ശ്രമങ്ങളെ മതപരിവർത്തനമെന്ന് ആരോപിക്കുന്നത് ബി.ജെ.പിയുടെ തെറ്റായ നടപടിയാണ്. എത്രയും വേഗം കന്യാസ്ത്രീകളെ മോചിപ്പിക്കാൻ നടപടി ഉണ്ടാകണം. ഈ വിഷയത്തിലുള്ള ബി.ജെ.പിയുടെ ഇരട്ടത്താപ്പ് ജനം വിലയിരുത്തുമെന്നും സണ്ണി ജോസഫ് പറഞ്ഞു.

സര്‍ക്കാര്‍ മെഡിക്കല്‍ കോളേജിലെ ശസ്ത്രക്രിയ ഉപകരണങ്ങളുടെയും മരുന്നിന്റെയും ക്ഷാമവും ഡോക്ടര്‍മാരുടെയും ജീവനക്കാരുടെയും അഭാവവും പരിഹരിക്കണമെന്നും ആരോഗ്യമേഖലയോടുള്ള സര്‍ക്കാരിന്റെ അവഗണനയും അനാസ്ഥയും അവസാനിപ്പിക്കണമെന്നും ആവശ്യപ്പെട്ട് കോണ്‍ഗ്രസ് പ്രക്ഷോഭ പരിപാടികള്‍ നടത്തുമെന്ന് കെപിസിസി പ്രസിഡന്റ് സണ്ണി ജോസഫ് അറിയിച്ചു.

ജൂലൈ ഒന്നിന് രാവിലെ 10ന് സംസ്ഥാനത്തെ എല്ലാ സര്‍ക്കാര്‍ മെഡിക്കല്‍ കോളേജുകള്‍ക്ക് മുന്നിലും ഡിസിസികളുടെ നേതൃത്വത്തില്‍ പ്രതിഷേധമാര്‍ച്ചും ധര്‍ണ്ണയും സംഘടിപ്പിക്കുമെന്നും സണ്ണി ജോസഫ് പറഞ്ഞു.

ആശ സമരം, മലയോര പ്രശ്‌നം എന്നിവ പരിഹരിക്കപ്പെടണം. ഗവര്‍ണര്‍ രാജ് ഭവനെ രാഷ്ട്രീയ വേദിയാക്കി മാറ്റുന്നു. യുഡിഎഫിന്റെ ജനകീയ അടിത്തറ വിപുലപ്പെടുത്തുന്ന നടപടികള്‍ തുടരുമെന്നും സണ്ണി ജോസഫ് പറഞ്ഞു.

ഒരു പാര്‍ട്ടിയുമായും ചര്‍ച്ച നടത്തിയിട്ടില്ല. ടീം വര്‍ക്കിന് കിട്ടിയ അംഗീകാരമാണ് നിലമ്പൂരിലേത്. പി വി അന്‍വര്‍ അടഞ്ഞ അദ്ധ്യായമാണെന്നും സണ്ണി ജോസഫ് പറഞ്ഞു.