രാജസ്ഥാനിനും മുംബൈക്കും മൂന്ന് പോയിന്റ് വീതമേയുള്ളൂ. അതിനാല്‍, സെമിഫൈനലിലേക്ക് കടക്കാന്‍ ബ്ലാസ്റ്റേഴ്‌സിന് സമനില മതി. എന്നാല്‍ തോല്‍വിയുണ്ടായാല്‍ പുറത്താകാനുള്ള സാധ്യത ഉയരും. നേര്‍ക്കുനേര്‍ ഫലമാണ് ആദ്യം പരിഗണിക്കുക; തുടര്‍ന്ന് ഗോള്‍ വ്യത്യാസവും അടിച്ച ഗോളുകളും നോക്കും.

രാത്രി 7.30നാണ് ബ്ലാസ്റ്റേഴ്‌സ് മുന്‍ ഐ.എസ്.എല്‍ ചാമ്പ്യന്മാരായ മുംബൈ സിറ്റി എഫ്.സി.യെ നേരിടുന്നത്. വൈകിട്ട് 4.30ന് രാജസ്ഥാന്‍സ്‌പോര്‍ട്ടിംഗ് ഡല്‍ഹി മത്സരം നടക്കും. അതില്‍ രാജസ്ഥാന്‍ ജയിച്ചാല്‍ ആറ് പോയിന്റ് നേടും. അങ്ങനെ മൂന്ന് ടീമുകളും തുല്യ പോയിന്റില്‍ അവസാനിച്ചാല്‍ നിലപാട് സങ്കീര്‍ണ്ണമാകും.

നേര്‍ക്കുനേര്‍ ഫലമനുസരിച്ച് മുംബൈയ്ക്ക് ബ്ലാസ്റ്റേഴ്‌സിനെതിരെ വിജയം ലഭിച്ചാല്‍ ആനുകൂല്യം അവര്‍ക്കായിരിക്കും. എന്നാല്‍, ബ്ലാസ്റ്റേഴ്‌സ് ഇതുവരെ നാല് ഗോള്‍ അടിച്ച് ഒന്ന് പോലും വഴങ്ങിയിട്ടില്ലെന്നതാണ് അവരുടെ കരുത്ത്.

സെമിയിലേക്ക് കടക്കാനുള്ള ആവേശകരമായ പോരാട്ടം കാണാനാണ് ഫുട്‌ബോള്‍ പ്രേമികള്‍ കാത്തിരിക്കുന്നത്.

മത്സരത്തിന്റെ 28-ആം മിനിറ്റില്‍ സ്പാനിഷ് താരം ആല്‍ബര്‍ട്ട് നേടിയ ഗോളിലൂടെ ഗോകുലം ലീഡ് നേടി. തുടക്കം മുതല്‍ ആക്രമണോത്സുകമായി കളിച്ച ഗോകുലത്തിന് ഈ ലീഡ് നിര്‍ണായകമായി. രണ്ടാം പകുതിയിലും ടീം അതേ വേഗത തുടര്‍ന്നു; 55-ആം മിനിറ്റില്‍ സാമുവേല്‍ കിന്‍ഷി ഗോള്‍ നേടി ലീഡ് ഇരട്ടിയാക്കി.

മുഹമ്മദന്‍സ് പ്രതിരോധത്തിലെ പിഴവുകള്‍ പ്രയോജനപ്പെടുത്തി 85-ആം മിനിറ്റില്‍ പകരക്കാരനായ സ്പാനിഷ് സ്ട്രൈക്കര്‍ ജുവാന്‍ കാര്‍ലോസ് മൂന്നാം ഗോള്‍ നേടി ടീമിന്റെ വിജയം ഉറപ്പാക്കി. എല്ലാ മേഖലകളിലും മികച്ച പ്രകടനമാണ് ഗോകുലം ഇന്ന് കാഴ്ചവെച്ചത്.

മത്സരശേഷം ഹെഡ് കോച്ച് ജോസ് ഹെവിയ പ്രതികരിച്ചു: ”മുന്‍ പരാജയങ്ങളില്‍ നിന്ന് ടീം പാഠം ഉള്‍ക്കൊണ്ടു. സൂപ്പര്‍ കപ്പില്‍ നിന്ന് പുറത്തായെങ്കിലും, 202627 ഐ ലീഗില്‍ കൂടുതല്‍ ഊര്‍ജ്ജത്തോടെ തിരിച്ചുവരും,” എന്നാണ് അദ്ദേഹത്തിന്റെ വാക്കുകള്‍.

മത്സരം സമനിലയായാലും സെമിഫൈനല്‍ സ്ഥാനം ഉറപ്പിക്കാം, എങ്കിലും മൂന്ന് പോയിന്റ് ലക്ഷ്യമിട്ട് ഗ്രൂപ്പ് ഘട്ടം മികച്ച രീതിയില്‍ പൂര്‍ത്തിയാക്കാനാണ് ബ്ലാസ്റ്റേഴ്‌സിന്റെ നീക്കം.

ഇതിനകം കളിച്ച രണ്ട് മത്സരങ്ങളില്‍ നിന്ന് ആറ് പോയിന്റ് നേടി ബ്ലാസ്റ്റേഴ്‌സ് ഗ്രൂപ്പില്‍ ഒന്നാമതുണ്ട്. കാറ്റലയുടെ പരിശീലന ശൈലിയുടെ പ്രതിഫലനമായി ടീമിന്റെ കളിയില്‍ നിയന്ത്രണവും ലക്ഷ്യബോധവും വ്യക്തമാണ്. സ്പാനിഷ് സ്ട്രൈക്കര്‍ കോള്‌ഡോ ഒബിയേറ്റ ആദ്യ രണ്ട് മത്സരങ്ങളില്‍ മൂന്ന് ഗോളുകള്‍ നേടി ഉജ്ജ്വല ഫോമിലാണ്. ഹുവാന്‍ റോഡ്രിഗസും ബികാഷ് യുമ്‌നവും അടങ്ങിയ പ്രതിരോധ നിര ഇതുവരെ ഒരു ഗോള്‍പോലും വഴങ്ങിയിട്ടില്ല.

നാല് ഗോളുകള്‍ നേടി, രണ്ട് ക്ലീന്‍ ഷീറ്റുകള്‍ സ്വന്തമാക്കിയ ബ്ലാസ്റ്റേഴ്‌സ് ഈ ടൂര്‍ണമെന്റിലെ മികച്ച ടീമുകളില്‍ ഒന്നായി വിലയിരുത്തപ്പെടുന്നു.

മറ്റുവശത്ത്, മുംബൈ സിറ്റി എഫ്.സി.യ്ക്കിത് ”ജയിക്കേണ്ടതേ ഉള്ളൂ” എന്ന അവസ്ഥയാണ്. കഴിഞ്ഞ മത്സരത്തില്‍ രാജസ്ഥാന്‍ യുണൈറ്റഡിനോട് തോറ്റതോടെ അവര്‍ മൂന്നു പോയിന്റുമായി രണ്ടാമതുണ്ട്. സെമിഫൈനല്‍ സാധ്യത നിലനിര്‍ത്താന്‍ ജയം അനിവാര്യമാണ്, അതും മികച്ച ഗോള്‍ മാര്‍ജിനോടെ. ജയത്തില്‍ കുറവൊന്നും മുംബൈയെ പുറത്താക്കും. അതിനാല്‍ പീറ്റര്‍ ക്രാറ്റ്കിയുടെ ടീം ശക്തമായ ആക്രമണത്തോടെയാകും കളത്തിലിറങ്ങുക.

ഇരു ടീമിനും നിര്‍ണായകമായ ഈ മത്സരം കടുത്ത പോരാട്ടമാകുമെന്ന് ഉറപ്പ്.
സെമിയിലേക്ക് കാല്‍വെയ്ക്കാനൊരുങ്ങുന്ന കേരള ബ്ലാസ്റ്റേഴ്‌സ്, മികച്ച പ്രകടനത്തോടെ ആത്മവിശ്വാസം ഇരട്ടിയാക്കാനാണ് ശ്രമിക്കുക.

മത്സരത്തിന്റെ ആദ്യ പകുതിയിലാണ് ബ്ലാസ്റ്റേഴ്സ് മൂന്ന് ഗോളുകളും നേടിയത്. 17-ആം, 22-ആം മിനിറ്റുകളില്‍ ഒബിയെറ്റയുടെ ഗോളുകളും, 34-ആം മിനിറ്റില്‍ കോറോ സിങ്ങിന്റെ ഗോളുമാണ് ടീമിന് വിജയം ഉറപ്പാക്കിയത്. രാജസ്ഥാന്‍ യുണൈറ്റഡ് എഫ്.സിക്കെതിരായ ആദ്യ മത്സരത്തിലും ഒബിയെറ്റ ഗോള്‍ നേടിയിരുന്നു.

മത്സരമൊട്ടാകെ ബ്ലാസ്റ്റേഴ്സ് പൂര്‍ണ്ണ ആധിപത്യം പുലര്‍ത്തി. ആദ്യ മത്സരത്തില്‍ രാജസ്ഥാനെ ഒരു ഗോളിന് തോല്‍പ്പിച്ച ബ്ലാസ്റ്റേഴ്സ്, ഈ വിജയത്തോടെ ആറു പോയിന്റുമായി ഗ്രൂപ്പ് പട്ടികയില്‍ ഒന്നാമതെത്തി. ഒരു ജയം നേടിയ മുംബൈ സിറ്റി എഫ്.സി മൂന്നു പോയിന്റുമായി രണ്ടാമതും.

രാത്രി രാജസ്ഥാനെ നേരിടുന്ന മുംബൈ വിജയം നേടി ആറു പോയിന്റ് സ്വന്തമാക്കിയാല്‍, ഗ്രൂപ്പിലെ അവസാന മത്സരം ബ്ലാസ്റ്റേഴ്സിനും മുംബൈക്കും ഒരുപോലെ നിര്‍ണായകമാകും. ജയിക്കുന്ന ടീം സെമിയില്‍ പ്രവേശിക്കും.

കോഴിക്കോട് കോര്‍പറേഷന്‍ ഇ.എം.എസ് സ്റ്റേഡിയത്തില്‍ രാത്രി ഏഴിനാണ് മത്സരം. ഇതുവരെ 5കളികളില്‍ ഏറ്റുമുട്ടിയപ്പോള്‍ ഇരു ടീമുകളും 2വീതം കളികള്‍ വീതം വിജയിച്ചു. ഒരു കളി സമനിലയില്‍ പിരിഞ്ഞു. അവസാനമായി ഏറ്റുമുട്ടിയ മത്സരത്തില്‍ ബെംഗളൂരുവിനായിരുന്നു ജയം. 2018ലെ സൂപ്പര്‍ കപ്പ്് ജേതാക്കളാണ് ടീം. എഫ്‌സി ഗോവയായിരുന്നു 2019ല്‍ വിന്നേഴ്‌സ്.

യോഗ്യത മത്സരത്തില്‍ മികച്ച പ്രകടനം കാഴ്ച്ചവെച്ച ഗോവന്‍ കരുത്തര്‍ ചര്‍ച്ചില്‍ ബ്രദേഴ്‌സും നല്ല ഫോമിലാണ്. മികച്ച മത്സരം തന്നെയായിരിക്കും മഞ്ചേരിയില്‍. രണ്ടാം മത്സരത്തില്‍ ഐ.എസ്.എല്‍ വമ്പന്മാരാണ് നേര്‍ക്കുനേര്‍. ആര ഡസനോളം മലാളി താരങ്ങളുമായി നോര്‍ത്ത്ഈസ്റ്റ് യുണൈറ്റഡ് ഇറങ്ങുമ്പോള്‍ ചെന്നൈയിന്‍ എഫ്.സിയാണ് എതിരാളികള്‍. അവസാന സീസണില്‍ പോയിന്റ് ടേബിളില്‍ ഏറ്റവും പിറകിലായിരുന്നു നോര്‍ത്ത്ഈസ്റ്റ്. എട്ടാം സ്ഥാനത്താണ് ചെ്‌ന്നൈ ഫിനിഷ് ചെയ്തത്.

കഴിഞ്ഞ മാസം ഗോവയില്‍ നടന്ന ഐഎസ്എല്‍ ഫൈനലില്‍ ബംഗളൂരു എഫ്.സിയോട് ആവേശകരമായ 2-2 സമനില വഴങ്ങിയതിന് ശേഷം പെനാല്‍റ്റിയിലാണ് എടികെ കിരീടമുറപ്പിച്ചത്. മൂന്നാഴ്ചത്തെ ഇടവേളയ്ക്ക് ശേഷം രണ്ടാംകിരീടം ലക്ഷ്യമിട്ടാണ് ബംഗാള്‍ക്ലബ് ഇറങ്ങുന്നത്. രാത്രി 8.30ന് നടക്കുന്ന രണ്ടാംമത്സരത്തില്‍ നിലവിലെ സൂപ്പര്‍കപ്പ് ചാമ്പ്യന്‍ എഫ്.സി ഗോവ ജംഷഡ്പൂര്‍ എഫ്.സിയെ നേരിടും.

തിങ്കളാഴ്ച മുതല്‍ മൂന്നുദിവസങ്ങളിലായി അഞ്ചു കളികളില്‍ ഒന്‍പത് ഐ-ലീഗ് ടീമുകളാണ് സൂപ്പര്‍ കപ്പിന്റെ ഫൈനല്‍ റൗണ്ടിലേക്ക് യോഗ്യതയ്ക്കായി പോരാടിയത്. ഇതില്‍നിന്ന് നാലു ടീമുകള്‍ ഫൈനല്‍ റൗണ്ടില്‍ ഇടം കണ്ടെത്തി.

ശ്രീനിധി ഡെക്കാന്‍ എഫ്.സി., ഗോകുലം കേരള എഫ്.സി., ഐസോള്‍ എഫ്.സി., ചര്‍ച്ചില്‍ ബ്രദേഴ്‌സ് എന്നീ ടീമുകളാണ് 10 ഐ-ലീഗ് ക്ലബ്ബുകള്‍ പങ്കെടുത്ത യോഗ്യതാ മത്സരത്തില്‍നിന്ന് സൂപ്പര്‍ കപ്പ് ഫൈനല്‍ റൗണ്ടിലേക്ക് യോഗ്യത നേടിയത്. ഈ നാല് ടീമുകളും പതിനൊന്ന് ഐ.എസ്.എല്‍. ടീമുകളും നിലവിലെ ഐ ലീഗ് ചാമ്പ്യന്മാായ റൗണ്ട് ഗ്ലാസ് പഞ്ചാബുമടക്കം പതിനാറ് ടീമുകളാണ് അവസാനവട്ട പോരാട്ടത്തില്‍ കൊമ്പുകോര്‍ക്കുക.

യോഗ്യതാ മത്സരങ്ങള്‍ മുഴുവന്‍ നടന്നത് പയ്യനാട് ഫുട്ബോള്‍ സ്റ്റേഡിയത്തിലായിരുന്നു. ശനിയാഴ്ച ആരംഭിക്കുന്ന സൂപ്പര്‍ കപ്പ് ഗ്രൂപ്പ് ഘട്ട മത്സരങ്ങള്‍ക്ക് പയ്യനാട് സ്റ്റേഡിയവും കോഴിക്കോട് കോര്‍പ്പറേഷന്‍ സ്റ്റേഡിയവും ആതിഥ്യമരുളും.

ശനിയാഴ്ച കോഴിക്കോട് കോര്‍പ്പറേഷന്‍ സ്റ്റേഡിയത്തിലാണ് സൂപ്പര്‍ കപ്പിന്റെ ആദ്യ കളി. രണ്ടു മത്സരങ്ങളാണ് ദിവസവും. വൈകീട്ട് അഞ്ചിനും രാത്രി എട്ടരയ്ക്കും. ആദ്യ കളി ബെംഗളൂരു എഫ്.സി.യും ശ്രീനിധി ഡെക്കാനും തമ്മിലാണ്. രണ്ടാമത്തെ പോരാട്ടത്തില്‍ കേരള ബ്ലാസ്റ്റേഴ്സും ഐ-ലീഗ് ചാമ്പ്യന്മാരായ റൗണ്ട് ഗ്ലാസ് പഞ്ചാബും ഏറ്റുമുട്ടും.