സെമിഫൈനൽ ലക്ഷ്യമിടുന്ന കണ്ണൂർ വാരിയേഴ്സിന് ഈ മത്സരം നിർണായകമാണ്. മറുവശത്ത്, ശക്തമായ ഫോമിലുള്ള തൃശൂർ മാജിക്, കഴിഞ്ഞ മത്സരത്തിൽ ഫോഴ്സ കൊച്ചിയെ എതിരില്ലാത്ത ഒരു ഗോളിന് പരാജയപ്പെടുത്തി സെമിയിൽ സ്ഥാനം ഉറപ്പിച്ച ആത്മവിശ്വാസത്തിലാണ് ഇറങ്ങുന്നത്.

ഒമ്പത് മത്സരങ്ങളിൽ നിന്ന് 17 പോയന്റുമായി തൃശൂർ നിലവിൽ രണ്ടാമതാണ്. ഇന്നത്തെ ജയത്തോടെ 20 പോയന്റുള്ള പട്ടികനേതാക്കളായ കാലിക്കറ്റ് എഫ്.സിക്ക് ഒപ്പമെത്താനാണ് ടീമിന്റെ ലക്ഷ്യം. 10 പോയന്റുമായി അഞ്ചാം സ്ഥാനത്തുള്ള കണ്ണൂർ വാരിയേഴ്സ്, കഴിഞ്ഞ മത്സരത്തിൽ കാലിക്കറ്റിനോട് 1-2 ന് തോറ്റതിന്റെ സമ്മർദവുമായാണ് ഇറങ്ങുന്നത്.

ലീഗിലെ ഏറ്റവും ശക്തമായ പ്രതിരോധനിരയെന്ന പരിഗണനയുള്ള തൃശൂരിന്റെ ഡിഫൻസ് ലൈൻ ആണ് കണ്ണൂർ വാരിയേഴ്സിന് ഏറ്റവും വലിയ വെല്ലുവിളി. ക്യാപ്റ്റൻ മെയിൽസൺ ആൽവസ് നയിക്കുന്ന തൃശൂർ ഡിഫൻസ് ഭേദിച്ച് മുന്നേറ്റം സൃഷ്ടിക്കാനാകുമോ എന്നതാണ് മത്സരത്തിന്റെ പ്രധാന ചോദ്യം.

ആദ്യ പകുതിയില്‍ ഖാലിദ് റോഷന്‍ നേടിയ ഗോളാണ് കൊമ്പന്‍സിന് മൂല്യമേകിയത്. അബ്ദുല്‍ ബാദിഷിന്റെ പാസ് പറ്റിച്ചെടുത്ത ഖാലിദ് മനോഹരമായ ഫിനിഷിംഗിലൂടെ ടീമിന് ലീഡ് സമ്മാനിച്ചു. പിന്നിട് പരിക്കേറ്റ് അദ്ദേഹം കളം വിട്ടു.

ഏഴ് മത്സരങ്ങളില്‍ 10 പോയിന്റുമായി തിരുവനന്തപുരം ലീഗില്‍ മൂന്നാം സ്ഥാനത്തെത്തി. തുടര്‍ച്ചയായി ഏഴ് തോല്‍വികള്‍ വഴങ്ങിയ ഫോഴ്‌സ് കൊച്ചി സെമിഫൈനല്‍ പ്രതീക്ഷകള്‍ നഷ്ടപ്പെടുത്തി പോയിന്റൊന്നുമില്ലാതെ ടേബിളിന്റെ അവസാന സ്ഥാനത്ത് തുടരുന്നു.

രണ്ടാം പകുതിയുടെ തുടക്കത്തില്‍ അമോസ് കിരിയയെ പിന്‍വലിച്ച കൊച്ചി മാര്‍ക്ക് വര്‍ഗാസിനെ കളത്തിലിറക്കി. അറുപത്തിയൊന്നാം മിനിറ്റില്‍ തിരുവനന്തപുരത്തിന്റെ പൗലോ വിക്റ്ററിന് ഗോളി മാത്രം മുന്നില്‍ നില്‍ക്കെ അവസരം ലഭിച്ചെങ്കിലും മുതലാക്കാനായില്ല. അറുപത്തിയാറാം മിനിറ്റില്‍ ബോക്‌സിന് പുറത്ത് പൗലോ വിക്റ്ററിനെ ഫൗള്‍ ചെയ്തു വീഴ്ത്തിയ കൊച്ചിയുടെ റിജോണ്‍ ജോസിന് റഫറി ചുവപ്പ് കാര്‍ഡ് നല്‍കി. റൊമാരിയോ ജെസുരാജിന് പകരം നിജോ ഗില്‍ബര്‍ട്ടിനെ കൊണ്ടുവന്ന കൊച്ചിയുടെ ഗോള്‍ശ്രമങ്ങള്‍ ഒന്നും ഫലം കാണാതെ പോയി. എണ്‍പതാം മിനിറ്റില്‍ തിരുവനന്തപുരത്തിന്റെ ശരീഫ് ഖാനും രണ്ടാം മഞ്ഞക്കാര്‍ഡിന് പിന്നാലെ ചുവപ്പുകാര്‍ഡ് വാങ്ങി കളം വിട്ടു.

അടുത്ത മത്സരം ചൊവ്വാഴ്ച (നവംബര്‍ 18) തൃശൂര്‍ കോര്‍പ്പറേഷന്‍ സ്റ്റേഡിയത്തില്‍ നടക്കും.

ടൂര്‍ണ്ണമെന്റിലെ ആദ്യ മൂന്ന് കളികളില്‍ രണ്ടാമത്തെ വിജയം നേടിയ കണ്‍ണ്ണൂര്‍ വെള്ളി യാഴ്ച മഹാരാജാസ് ഗ്രൗണ്ടില്‍ തങ്ങളുടെ ആധിപത്യം തുടര്‍ന്നു. മൂന്നു കളികളില്‍ രണ്ടു ജയം, ഒരു സമനില നേടി ഏഴ് പോയിന്റോടെ കണ്‍ണ്ണൂര്‍ ഒന്നാം സ്ഥാനത്താണ്. കൊച്ചിക്ക് ഇത് സീസണിലെ മൂന്നാമത്തെ തോല്‍വിയായി. നിലവില്‍ റണ്ണര്‍ അപായുള്ള അവരുടെ പോയിന്റ് ശൂന്യമാണ്, ഇത് അവസാന സ്ഥാനത്തെ ഉറപ്പാക്കുന്നു.

ക്ലബിന്റെ ആദ്യ പകുതിയിലും വലിയ അവസരങ്ങള്‍ സൃഷ്ടിക്കാനായിരുന്നില്ല. 17-ആം മിനിറ്റില്‍ ആദ്യ മികച്ച അവസരം ഉണ്ടായെങ്കിലും, കൊച്ചിയുടെ ഗോള്‍കീപ്പര്‍ മികച്ച പ്രതിരോധം കാട്ടി. രണ്ടാം പകുതിയില്‍ 66-ആം മിനിറ്റില്‍ വലയില്‍ എത്തിക്കാന്‍ സാധിച്ച അവസരവും വിജയിച്ചില്ല. അവസാനം 84-ആം മിനിറ്റില്‍ എ. ഗോംസ് നല്‍കിയ പന്ത് അ?്രിയാന്‍ സെര്‍ഡിനേറോ യഥാസ്ഥിതിയില്‍ ഗോള്‍ ആക്കി, കണ്‍ണ്ണൂര്‍ വാരിയേഴ്‌സ് ആദ്യ വിജയം നേടി.

പരിക്ക് കാരണം ആദ്യ രണ്ട് മത്സരങ്ങള്‍ വിട്ടുനിന്ന അഡ്രിയാന്‍ തിരിച്ചെത്തിയതോടെ കണ്ണൂരിന് കരുത്തേറി. അസിയര്‍ ഗോമസിന്റെ മനോഹരമായ പാസ് മുതലാക്കിയാണ് അഡ്രിയാന്‍ 84-ആം മിനിറ്റില്‍ ഗോളടിച്ചത്.

മൂന്ന് മത്സരങ്ങളില്‍ നിന്ന് രണ്ട് ജയവും ഒരു സമനിലയുമായാണ് കണ്ണൂര്‍ വാരിയേഴ്സ് ഏഴ് പോയിന്റ് നേടി ഒന്നാമതെത്തിയത്. ആറു പോയിന്റുമായി തൃശൂര്‍ രണ്ടാമതും, ഫോഴ്സ് കൊച്ചി പരാജയത്തോടെ പോയിന്റ് പട്ടികയില്‍ പിന്നോട്ടും നീങ്ങി.

മത്സരത്തിന്റെ തുടക്കത്തില്‍ ഇരുടീമുകളും നിരവധിയാവസരങ്ങള്‍ നഷ്ടപ്പെടുത്തി. കണ്ണൂരിന്റെ ഷിജിന്‍ ടി, ലവ്സാംബ, നിക്കോളാസ് എന്നിവരും ഫോഴ്സ് കൊച്ചിയുടെ ശ്രീരാഗ്, അഭിഷേക് ഹാള്‍ഡര്‍, അയാസോ എന്നിവരും ഗോള്‍വലയെ ലക്ഷ്യമാക്കി ശ്രമിച്ചെങ്കിലും വിജയം കൈവന്നില്ല.

മത്സരത്തിലെ മികച്ച താരം കണ്ണൂര്‍ ഗോള്‍കീപ്പര്‍ ഉബൈദ് സി.കെ. ആയിരുന്നു ഒന്നിലധികം നിര്‍ണായക സേവ്കളിലൂടെ ടീമിനെ രക്ഷിച്ച അദ്ദേഹം കണ്ണൂരിന്റെ വിജയം ഉറപ്പാക്കുന്നതില്‍ നിര്‍ണായകമായി.

അഡ്രിയാന്റെ ഈ ഗോളോടെ സൂപ്പര്‍ ലീഗ് കേരളയിലെ കണ്ണൂര്‍ വാരിയേഴ്സിന്റെ മുന്നേറ്റം ശക്തമായി, ആരാധകര്‍ക്ക് പ്രതീക്ഷയും ആവേശവും നിറഞ്ഞ തുടക്കമായി.

ആദ്യ റൗണ്ടില്‍ കൊച്ചി കാലിക്കറ്റിനെ 21ന് ജയിച്ചതിനുശേഷം, തിരുവനന്തപുരത്തിന്റെ ആദ്യ മത്സരം കണ്ണൂരിനെതിരെ 32 തോല്‍വിയായിരുന്നു.

നാളെ നടക്കുന്ന മത്സരത്തില്‍ കാലിക്കറ്റ് തൃശൂരിനെ നേരിടും, ഞായറാഴ്ച കണ്ണൂര്‍മലപ്പുറം മത്സരം നടക്കും.

മത്സരങ്ങള്‍ കോഴിക്കോട് കോര്‍പറേഷന്‍ സ്റ്റേഡിയത്തിലും മഞ്ചേരി പയ്യനാട് സ്റ്റേഡിയത്തിലും നടക്കും.

ഇന്ത്യയ്ക്ക് വേണ്ടി അണ്ടര്‍ 23 ടീമിലും ഇന്ത്യന്‍ സൂപ്പര്‍ ലീഗിലും ഐ ലീഗിലും തിളങ്ങിയ മലയാളികളും മറുനാടന്‍ താരങ്ങളും ഇത്തവണ കൊമ്പന്‍ നിരയ്ക്ക് കരുത്തായുണ്ട്. ടീമിന്റെ തന്ത്രങ്ങള്‍ മെനയുന്നത് ഐറിഷുകാരനായ മുഖ്യപരിശീലകന്‍ ജെയിംസ് മക്ലുണാണ്. കഴിഞ്ഞ സീസണില്‍ ടീമിന്റെ ചാലകശക്തിയായിരുന്ന ബ്രസീലിയന്‍ മധ്യനിരതാരം പാട്രിക് മൊത്തയാണ് ഇത്തവണയും ടീമിനെ നയിക്കുന്നത്. കഴിഞ്ഞ സീസണിലെ ടോപ് സ്‌കോറര്‍മാരിലൊരാളായ ബിസ്‌പോ, ദേശീയ ഗെയിംസില്‍ കേരളത്തിനായി വിജയഗോള്‍ നേടിയ മധ്യനിരയിലെ കരുത്തന്‍ ബിബിന്‍ ബോബന്‍, ഇന്ത്യന്‍ ദേശീയ ടീമില്‍ പരിചയസമ്പത്തുള്ള പ്രതിരോധതാരം സലാം രഞ്ജന്‍ സിംഗ് എന്നിവര്‍ പാട്രിക്കിന് പിന്തുണയേകും. ടീമിന്റെ മധ്യനിരയില്‍ കളി മെനയുന്നതില്‍ അബ്ദുള്‍ ബാദിഷ് സുപ്രധാന പങ്ക് പങ്കുവഹിക്കും. കോവളം എഫ്സിയില്‍ നിന്ന് ടീമിലെത്തിയ അക്ഷയ് പി എം ആണ് മധ്യനിരയിലെ മറ്റൊരു പ്രധാനി. റിയല്‍ കശ്മീര്‍, രാജസ്ഥാന്‍ യുണൈറ്റഡ് ടീമുകള്‍ക്കായി ഐ-ലീഗില്‍ തിളങ്ങിയ രാഘവ് ഗുപ്തയും ഇന്ത്യന്‍ അണ്ടര്‍-17 ടീമിലേക്ക് തിരഞ്ഞെടുക്കപ്പെട്ട യുവതാരം രോഹന്‍ സിംഗും മധ്യനിരയിലുണ്ടാകും.

ബ്രസീലിയന്‍ താരങ്ങളായ ലൂറി ഡി കാര്‍വാലോ ലിമ, ഫിലിപ്പെ അല്‍വസ് എന്നിവരുടെ വരവ് പ്രതിരോധനിരയ്ക്ക് അന്താരാഷ്ട്ര നിലവാരം നല്‍കുന്നു. ഇവര്‍ക്കൊപ്പം അഖില്‍ ജെ ചന്ദ്രന്‍, 2022-23 വര്‍ഷത്തെ കേരള ഫുട്‌ബോള്‍ അസോസിയേഷന്‍ റെ മികച്ച കളിക്കാരനായി തിരഞ്ഞെടുക്കപ്പെട്ട മനോജ് എം, ചെന്നൈയിന്‍ എഫ്സി, നെറോക്ക എഫ്‌സി തുടങ്ങിയ ക്ലബ്ബുകളില്‍ കളിച്ച മുഹമ്മദ് ഷെരീഫ് ഖാന്‍, ശ്രീനിധി ഡെക്കാണില്‍ നിന്ന് ഐ-ലീഗ് പരിചയവുമായി എത്തുന്ന മുഹമ്മദ് സനുത്ത്, കേരള താരങ്ങളായ ഷാനിദ് വാലന്‍, ഷിനു ആര്‍ എന്നിവരും ടീമിന്റെ പ്രതിരോധക്കോട്ടയ്ക്ക് കരുത്തു പകരും. ഐഎസ്എല്‍ ചാമ്പ്യന്‍ പട്ടം നേടിയ പരിചയസമ്പത്തുമായി എത്തുന്ന സലാം രഞ്ജന്‍ സിംഗ് പ്രതിരോധനിരയ്ക്ക് നേതൃത്വം നല്‍കും.

മുന്നേറ്റനിരയില്‍ ഓട്ടേമര്‍ ബിസ്‌പോയുടെ പരിചയസമ്പത്ത് ടീമിന് മുതല്‍ക്കൂട്ടാകും. ഈസ്റ്റ് ബംഗാള്‍, എഫ്സി കേരള തുടങ്ങിയ ക്ലബ്ബുകളില്‍ കളിച്ച 19-കാരന്‍ ഖാലിദ് റോഷന്‍, കോവളം എഫ്സിയില്‍ നിന്നും ടീമിനൊപ്പം ചേര്‍ന്ന മുഹമ്മദ് ഷാഫി, നിര്‍ണ്ണായക ഘട്ടങ്ങളില്‍ ഗോള്‍ നേടാന്‍ കഴിവുള്ള മുഹമ്മദ് അഷര്‍ എന്നിവര്‍ ആക്രമണത്തിന് മൂര്‍ച്ച കുട്ടും. ബ്രസിലില്‍ നിന്നും യൂറോപ്പില്‍ നിന്നും അനുഭവസമ്പത്തുമായി എത്തുന്ന പൗലോ വിക്ടര്‍ ലിമ സില്‍വയും റൊണാള്‍ഡ് മക്കലിസ്റ്റനും മുന്നേറ്റനിരയെ കൂടുതല്‍ അപകടകാരികളാക്കും. സന്തോഷ് ട്രോഫിയില്‍ കേരളത്തിനായി കളിച്ച ഷിഹാദ് നെല്ലിപ്പറമ്പന്‍, ഗോളടിക്കാന്‍ മിടുക്കനായ വിസ്‌നേഷ് ‘വിക്കി’ മരിയ എന്നിവരും ടീമിന്റെ ഭാഗമാണ്.മിന്നല്‍ വേഗത്തിലുള്ള റിഫ്‌ലെക്സുകള്‍ക്ക് പേരുകേട്ട ആര്യന്‍ സരോഹയാണ് പ്രധാന ഗോള്‍കീപ്പര്‍. ടീമിനെ വെള്ളയമ്പലം ഹോംബ്രിഡ്ജില്‍ നടന്ന പ്രൗഢഗംഭീരമായ ചടങ്ങില്‍ മുന്‍ഡിജിപി ജേക്കബ് പുന്നൂസ് കായികപ്രേമികള്‍ക്ക് പരിചയപ്പെടുത്തി. കൊമ്പന്‍സ് എഫ്സി സിഇഒ എന്‍ എസ് അഭയകുമാര്‍ സന്നിഹിതരായിരുന്നു.

പുതിയ രണ്ട് ടീമുകള്‍ക്കായി കാസര്‍കോട്, കോട്ടയം, വയനാട്, കൊല്ലം ജില്ലകളെയാണ് പരിഗണിക്കുന്നത്. ഇതു സംബന്ധിച്ച ചര്‍ച്ചകള്‍ ആരംഭിച്ചു. അടുത്തവര്‍ഷത്തേക്കുള്ള തയ്യാറെടുപ്പ് നേരത്തേ ആരംഭിക്കുമെന്ന് സൂപ്പര്‍ ലീഗ് ഡയറക്ടര്‍ ഫിറോസ് മീരാന്‍ പറഞ്ഞു. ജൂനിയര്‍ ടൂര്‍ണമെന്റുകള്‍ നടത്തി അതില്‍നിന്ന് ക്ലബ്ബുകളിലേക്ക് താരങ്ങളെ എത്തിക്കുമെന്നും അദ്ദേഹം അറിയിച്ചു.

കാലിക്കറ്റ് എഫ്‌സിയാണ് പ്രഥമ സൂപ്പര്‍ ലീഗ് കിരീടം സ്വന്തമാക്കിയത്. ഫൈനലില്‍ ഫോഴ്‌സ കൊച്ചിയെയാണ് കാലിക്കറ്റ് തകര്‍ത്തത്. കാലിക്കറ്റിന്റെ കെര്‍വെന്‍സ് ബെല്‍ഫോര്‍ട്ടാണ് ടൂര്‍ണമെന്റിലെ താരം. ഫോഴ്‌സ കൊച്ചിയുടെ ബ്രസീലിയന്‍ താരം ഡോറിയല്‍ട്ടനാണ് ഗോള്‍ഡന്‍ ബൂട്ട് ലഭിച്ചത്. ഭാവിവാഗ്ദാനമായി കാലിക്കറ്റിലെ മലയാളി താരം മുഹമ്മദ് അര്‍ഷഫിനെ തെരഞ്ഞെടുത്തു.

മഞ്ചേരി: സൂപ്പര്‍ ലീഗ് കേരളയിലെ മലപ്പുറം എഫ്.സിയും തൃശൂര്‍ മാജിക് എഫ്.സിയും തമ്മിലുള്ള മത്സരം ഗോള്‍ രഹിത സമനിലയില്‍ കലാശിച്ചു. മഞ്ചേരി പയ്യനാട് സ്റ്റേഡിയത്തില്‍ നടന്ന മത്സരത്തില്‍ മൂര്‍ച്ചയുള്ള അക്രമണം മെനയാന്‍ പോലും ഇരുടീമുകള്‍ക്കുമായില്ല. 89 മിനിറ്റില്‍ തൃശൂരിന്റെ സി.കെ വിനിതിന്റെ ഷോട്ട് മാത്രമാണ് ഗോളിയെ പരീക്ഷിച്ചത്. മലപ്പുറം തുടക്കം മുതല്‍ക്കുതന്നെ അക്രമിച്ചു കളിച്ചുവെങ്കിലും ഒരു ഷോട്ട് പോലും പോസ്റ്റിലേക്ക് പായിക്കാനായിരുന്നില്ല.

മത്സരം സമനിലയില്‍ പിരിഞ്ഞതോടെ ഇരുടീമുകളും പോയിന്റ് പട്ടികയില്‍ നിലവിലുള്ള സ്ഥാനത്ത് തന്നെ തുടരും. നാല് പോയിന്റോടെ മലപ്പുറം എഫ്.സി നാലാം സ്ഥാനം നിലനിര്‍ത്തി. ആദ്യപോയിന്റ് നേടിയ തൃശൂര്‍ ആറാം സ്ഥാനത്ത് തുടരുകയാണ്. വിജയം ലക്ഷ്യമിട്ടിറങ്ങിയ ഇരുടീമുകളും കാര്യമായ മാറ്റങ്ങളോടെയാണ് കളത്തിലിറങ്ങിയത്.

കോച്ച് ജിയോവാനി സ്‌കാനുവിന്റെ അസാന്നിധ്യമായിരുന്നു തൃശൂരിന്റെ ടീംലിസ്റ്റിലെ സുപ്രധാന മാറ്റം. പകരം ചുമതലയുണ്ടായിരുന്ന അസിസ്റ്റന്റ് കോച്ച് സതീവന്‍ ബാലന്‍ കഴിഞ്ഞ മത്സരങ്ങള്‍ കളിച്ച ആറ് താരങ്ങളെ മാറ്റി പരീക്ഷിച്ചു. രണ്ടുമാറ്റങ്ങളുമായാണ് മലപ്പുറം കളത്തിലിറങ്ങിയത്. എന്നാല്‍ ടീമിലെ മാറ്റത്തിന് മത്സരഫലത്തെ സ്വാധീനിക്കാനായില്ല.തൃശൂര്‍ മാജിക് എഫ്.സിയുടെ അടുത്ത മത്സരം 24ന് കോഴിക്കോടിനെതിരെ എവേ ഗ്രൗണ്ടിലാണ്. മലപ്പുറം എഫ.സി 25ന് കണ്ണൂര്‍ വാരിയേഴ്സിനെ സ്വന്തം തട്ടകത്തില്‍ നേരിടും.