ചന്ദ്രന്‍ ഭൂമിയോട് അടുത്തെത്തുമ്പോഴാണ് ഈ ദൃശ്യം രൂപപ്പെടുന്നത്. ഇത്തവണ ചന്ദ്രന്‍ ഭൂമിയില്‍ നിന്ന് വെറും 3,56,980 കിലോമീറ്റര്‍ മാത്രം അകലെയായിരിക്കും. 2025ലെ ഏറ്റവും അടുത്ത ദൂരം ഇതായിരിക്കും. ടെലിസ്‌കോപ്പ് പോലുള്ള ഉപകരണങ്ങളില്ലാതെ തന്നെ, തുറസ്സായ സ്ഥലങ്ങളില്‍ നിന്ന് സൂപ്പര്‍മൂണ്‍ മനോഹരമായി കാണാന്‍ സാധിക്കും. യുഎഇയിലുടനീളം ആകാശം തെളിഞ്ഞതിനാല്‍,ബീവര്‍ സൂപ്പര്‍മൂണിന്റെ അതുല്യ കാഴ്ച ഏറെ പേര്‍ ആസ്വദിക്കുമെന്നാണ് പ്രതീക്ഷ.

അത് കാണാൻ തന്നെ ഒരു മനോഹര കാഴ്ചയാണ്. എന്നാല്‍ ഇതാ ആകാശത്തെയും ആകാശക്കാഴ്ചകളെയും സ്നേഹിക്കുന്നവർക്ക് വലിയൊരു ആകാശ വിരുന്ന് തന്നെ ഒരുങ്ങാൻ പോകുകയാണ്. വേറെ ഒന്നുമില്ല, നമ്മുടെ സൂപ്പർമൂണ്‍ പ്രതിഭാസമാണ് നിങ്ങളെ കാത്ത് വരാൻ പോകുന്നത്. ഇന്ന് ഓഗസ്റ്റ് 19 രാത്രി ഏകദേശം 11.56 ന് സൂപ്പർ മൂണ്‍ ഉണ്ടാകും.

നാസയുടെ കണക്കനുസരിച്ച്‌, രണ്ടോ മൂന്നോ വർഷത്തിലൊരിക്കല്‍ ഇത് കാണപ്പെടും. 2020 ഒക്ടോബറിലും 2021 ഓഗസ്റ്റിലും അവസാന സീസണല്‍ ബ്ലൂ മൂണ്‍ ഉണ്ടായിരുന്നു, അടുത്ത സീസണല്‍ ബ്ലൂ മൂണ്‍ 2027 മെയ് മാസത്തില്‍ സംഭവിക്കും. ചന്ദ്രൻ ഭൂമിയെ ചുറ്റിപ്പറ്റിയുള്ള പ്രതിമാസ ഭ്രമണപഥം ഒരു പൂർണ്ണ വൃത്തമല്ല. ഓരോ മാസവും, ചന്ദ്രൻ ഭൂമിയോട് ഏറ്റവും അടുത്തുള്ള ഒരു സ്ഥലത്ത് എത്തുന്നു, ഇത് പെരിജീ എന്നറിയപ്പെടുന്നു. ഈ പെരിജിയോടൊപ്പം പൂർണ്ണചന്ദ്രനും ചേരുമ്ബോള്‍, അത് ഒരു സൂപ്പർമൂണ്‍ ആയി മാറും, ഇന്ന് രാത്രി ഇത് കാണാനാകും.

1979-ല്‍ ജ്യോതിശാസ്ത്രജ്ഞനായ റിച്ചാർഡ് നോലെയാണ് സൂപ്പർമൂണ്‍ എന്ന പദം ഉപയോഗിച്ചത്. ഈ വർഷത്തെ ഏറ്റവും തിളക്കമുള്ളതും വലുതുമായ പൂർണ ചന്ദ്രന്മാരാണ് ഫുള്‍ സൂപ്പർമൂണ്‍. സാധാരണ ചന്ദ്രനെക്കാള്‍ 30 ശതമാനം തെളിച്ചവും 14 ശതമാനം വലിപ്പവും കൂടുതലായി കാണപ്പെടുന്നു.

എന്താണ് ബ്ലൂമൂണ്‍ ?

ഒരു ബ്ലൂമൂണ്‍ യഥാർത്ഥത്തില്‍ ചന്ദ്രന്റെ നിറത്തെ സൂചിപ്പിക്കുന്നില്ല. നാല് പൗർണ്ണമികളുള്ള ഒരു സീസണിലെ മൂന്നാമത്തെ പൂർണചന്ദ്രനാണിത്. ബ്ലൂമൂണ്‍ എന്ന പേരില്‍ ചിത്രങ്ങളില്‍ കാണപ്പെടുന്നത് ഫില്‍റ്ററുകളുടെ വിദ്യയാണ്. പക്ഷേ ചന്ദ്രൻ നീലനിറമായ അവസരങ്ങളുണ്ട്. 1883ല്‍ ഒരു ഇന്തോനേഷ്യൻ അഗ്നിപർവ്വതം പൊട്ടിത്തെറിക്കുകയും അന്തരീക്ഷത്തിലേക്ക് 50 മൈല്‍ (80 കിലോമീറ്റർ) വരെ ഉയരത്തില്‍ ചാരം വ്യാപിക്കുകയും ചെയ്തു.

ചെറിയ ചാര കണങ്ങള്‍ – ഏകദേശം ഒരു മൈക്രോണ്‍ വലിപ്പമുള്ളവ ഒരു ഫില്‍ട്ടറായി പ്രവർത്തിച്ചു, ചുവന്ന വെളിച്ചം വിതറുകയും ചന്ദ്രനെ ഒരു പ്രത്യേക നീല-പച്ച നിറമാക്കുകയും ചെയ്തു.

മറ്റ് ചില അഗ്നിപർവ്വത സ്ഫോടനങ്ങളും 1983-ല്‍ മെക്സിക്കോയിലെ എല്‍ ചിച്ചോണ്‍ അഗ്നിപർവ്വതം പൊട്ടിത്തെറിച്ചതും 1980-ല്‍ സെൻ്റ് ഹെലൻസ് പർവതവും 1991-ല്‍ പിനാറ്റുബോ പർവതവും പൊട്ടിത്തെറിച്ചതും ഉള്‍പ്പെടെ നീല ചന്ദ്രന് കാരണമായത്രെ.