അലോട്‌മെന്റ് ലഭിച്ചവർ ടി.സി., സ്വഭാവസർട്ടിഫിക്കറ്റ്, യോഗ്യത തെളിയിക്കുന്ന അസൽ സർട്ടിഫിക്കറ്റുകൾ എന്നിവയുമായി രക്ഷിതാവിനൊപ്പം ബന്ധപ്പെട്ട സ്‌കൂളിൽ ഹാജരാകണം. രണ്ടുപേജുള്ള അലോട്‌മെന്റ് കത്തിന്റെ പ്രിന്റ് സ്‌കൂളിൽനിന്ന് പ്രവേശന സമയത്ത് നൽകും.

57,712 അപേക്ഷകളാണ് സപ്ലിമെന്ററി അലോട്‌മെന്റിനായി ലഭിച്ചത്. ഇവയിൽ 50 അപേക്ഷ നിരസിച്ചു. ബാക്കിയാണ് പരിഗണിച്ചത്. 52,555 സീറ്റാണുണ്ടായിരുന്നത്. പട്ടികജാതി വികസനവകുപ്പിന്റെ മേൽനോട്ടത്തിൽ സംസ്ഥാനത്തുള്ള 14 മോഡൽ റസിഡൻഷ്യൽ ഹയർസെക്കൻഡറി സ്‌കൂളുകളിലെ പ്രവേശനത്തിനുള്ള സപ്ലിമെന്ററി അലോട്‌മെന്റും പ്രസിദ്ധീകരിച്ചിട്ടുണ്ട്.