supplimentry allotment – Chandrika Daily

പ്ലസ് വണ്‍: മൂന്നാം സപ്ലിമെന്ററി അലോട്ട്‌മെന്റ് പ്രസിദ്ധീകരിച്ചു

webdesk14 — Mon, 07 Aug 2023 14:25:39 +0000

പ്ലസ് വണ്‍ മൂന്നാം സപ്ലിമെന്ററി അലോട്ട്‌മെന്റ് ഇന്ന് രാവിലെ 10 മുതല്‍ പ്രവേശനം നേടാനാകും വിധം പ്രവേശന വെബ്‌സൈറ്റില്‍ പ്രസിദ്ധീകരിച്ചു. നാളെ വൈകിട്ട് 4നകം പ്രവേശനം നേടണം. 25,735 സീറ്റുകളിലേക്ക് 11,849 അപേക്ഷകളാണ് ലഭിച്ചത്. 638 അപേക്ഷകള്‍ തള്ളിപ്പോയി. തുടര്‍ അലോട്ട്‌മെന്റ് വിവരങ്ങള്‍ 9ന് വെബ്‌സൈറ്റില്‍ പ്രസിദ്ധീകരിക്കും.

നിലവില്‍ പ്രവേശനം നേടിയവര്‍ക്ക് മറ്റു ജില്ലകളിലേക്ക് മാറ്റത്തിനുള്ള അലോട്ട്‌മെന്റാകും അടുത്തത്.തുടര്‍ന്ന് നാലാം സപ്ലിമെന്ററി അലോട്ട്‌മെന്റും ഉണ്ടാകും.

കേരളം പ്ലസ് വൺ പ്രവേശനം: മൂന്നാം സപ്ലിമെന്ററി അലോട്ട്മെന്റിന് ഇന്നു മുതൽ അപേക്ഷിക്കാം

webdesk14 — Thu, 03 Aug 2023 06:04:53 +0000

പ്‌ലസ് വണ്‍ മൂന്നാം സപ്ലിമെന്ററി അലോട്ട്‌മെന്റിന് അപേക്ഷ സ്വീകരിച്ചു തുടങ്ങി. ഇതുവരെ അലോട്ട്‌മെന്റ് ലഭിക്കാതിരുന്നവര്‍ക്കും ഇതുവരെയും അപേക്ഷ സമര്‍പ്പിക്കാത്തവര്‍ക്കും മുന്നാം സപ്ലിമെന്ററി അലോട്ട്‌മെന്റിന് അപേക്ഷിക്കാം.

സപ്ലിമെന്ററി അലോട്ട്‌മെന്റിനായുള്ള വേക്കന്‍സി ലിസ്റ്റിന് താഴെയുള്ള ലിങ്കില്‍ ക്ലിക്ക് ചെയ്യുക.

https://hscap.kerala.gov.in/vacancy.php?cmbdist=11

നിലവില്‍ ഏതെങ്കിലും ക്വാട്ടയില്‍ പ്രവേശനം നേടിക്കഴിഞ്ഞ വിദ്യാര്‍ഥികള്‍ക്കും അലോട്ട്‌മെന്റ് ലഭിച്ചിട്ട് പ്രവേശനത്തിന് ഹാജരാകാത്തവര്‍ക്കും മെറിറ്റ് ക്വാട്ടയില്‍ നിന്നും പ്രവേശനം ക്യാന്‍സല്‍ ചെയ്തവര്‍ക്കും ഏതെങ്കിലും ക്വാട്ടയില്‍ പ്രവേശനം നേടിയ ശേഷം വിടുതല്‍ സര്‍ട്ടിഫിക്കറ്റ് (റ്റി.സി) വാങ്ങിയവര്‍ക്കും ഈ ഘട്ടത്തില്‍ വീണ്ടും അപേക്ഷിക്കാന്‍ സാധിക്കില്ല.

തെറ്റായ വിവരങ്ങള്‍ അപേക്ഷയില്‍ ഉള്‍പ്പെട്ടതിനാല്‍ അലോട്ടമെന്റ് ലഭിച്ചിട്ടും പ്രവേശനം നിരാകരിക്കപ്പെട്ടവര്‍ക്കും സപ്ലിമെന്ററി അലോട്ട്‌മെന്റില്‍ പരിഗണിക്കുന്നതിനായി അപേക്ഷ പുതുക്കുന്നതിനുള്ള സൗകര്യം അനുവദിച്ചിട്ടുണ്ട്.

പ്ലസ് വണ്‍ ഒന്നാം സപ്ലിമെന്ററി അലോട്ട്‌മെന് പ്രസിദ്ധീകരിച്ചു

webdesk14 — Thu, 13 Jul 2023 06:25:31 +0000

പ്ലസ് വണ്‍ പ്രവേശനത്തിനുള്ള ഒന്നാം സപ്ലിമെന്ററി അലോട്‌മെന്റ് പ്രവേശനം ഇന്നും നാളെയും (ജൂലൈ 13,14) നടക്കും. ഇന്ന് രാവിലെ 10 മണി മുതല്‍ പ്രവേശനം ആരംഭിക്കും.

അലോട്ട്‌മെന്റ് പരിശോധിക്കാം

https://school.hscap.kerala.gov.in/index.php/candidate_login/

അലോട്ട്‌മെന്റ് ലഭിച്ചവര്‍ സൈറ്റില്‍ നിന്നും അലോട്ട്‌മെന്റ് ലെറ്റര്‍ പ്രിന്റെടുത്ത് ആവശ്യമായ രേഖകള്‍ സഹിതം അതത് സ്‌കൂളില്‍ എത്തി സ്ഥിര അഡ്മിഷന്‍ എടുക്കണം. അഡ്മിഷന് 14-ാം തിയ്യതി വരെ സമയം.

അഡ്മിഷന് ആവിശ്യമായ രേഖകള്‍

യോഗ്യത സര്‍ട്ടിഫിക്കറ്റ്/മാര്‍ക്ക് ലിസ്റ്റ്, അലോട്ട്മന്റ് ലെറ്റര്‍,ടി.സി,സ്വഭാവ സര്‍ട്ടിഫിക്കറ്റ്, മറ്റു ബോണസ് സര്‍ട്ടിഫികറ്റുകള്‍ (ഉണ്ടെങ്കില്‍ മാത്രം), ആധാര്‍, ജനന സര്‍ട്ടിഫിക്കറ്റ്, റേഷന്‍ കാര്‍ഡ്.

പ്ലസ് വണ്‍ സപ്ലിമെന്ററി അലോട്ട്‌മെന്റിന് ഇന്ന് മുതല്‍ അപേക്ഷിക്കാം; അവസാന തീയതി ജൂലൈ 10

webdesk14 — Sat, 08 Jul 2023 07:10:29 +0000

പ്ലസ് വണ്‍ പ്രവേശനത്തിനുള്ള സപ്ലിമെന്ററി അലോട്ട്മെന്റ് അപേക്ഷകള്‍ ഇന്ന് മുതല്‍ നല്‍കാം. രാവിലെ 10മണി മുതല്‍ ഓണ്‍ലൈനായി അപേക്ഷ സമര്‍പ്പിക്കാന്‍ കഴിയും. സപ്ലിമെന്ററി അലോട്ട്മെന്റിനായുള്ള സീറ്റുകളും മറ്റു വിവരങ്ങളും രാവിലെ ഒമ്പത് മണിക്ക് പൊതു വിദ്യാഭ്യാസ വകുപ്പിന്റെ വെബ്സൈറ്റില്‍ പ്രസിദ്ധീകരിക്കും.

ഇതുവരെ അപേക്ഷിച്ചിട്ടും അലോട്ട്മെന്റ് ലഭിക്കാതിരുന്നവര്‍ക്കും ഇതുവരെയും അപേക്ഷിക്കാന്‍ കഴിയാതിരുന്നവര്‍ക്കും സപ്ലിമെന്ററി അലോട്ട്മെന്റിനായി അപേക്ഷ നല്‍കാം. നിലവില്‍ ഏതെങ്കിലും ക്വാട്ടയില്‍ പ്രവേശനം നേടിക്കഴിഞ്ഞ വിദ്യാര്‍ഥികള്‍ക്കും മുഖ്യഘട്ടത്തില്‍ അലോട്ട്മെന്റ് ലഭിച്ചിട്ട് പ്രവേശനത്തിന് ഹാജരാകാത്തവര്‍ക്കും കഴിയില്ല.