ജസ്റ്റിസുമാരായ എസ്.വി ഭാട്ടിയും ഉജ്ജ്വല്‍ ഭുയാനും ഇന്ന് സത്യപ്രതിജ്ഞ ചെയ്യും

webdesk11 — Fri, 14 Jul 2023 03:04:09 +0000

ന്യൂഡല്‍ഹി: ജസ്റ്റിസുമാരായ എസ്.വി ഭാട്ടിയും ഉജ്ജ്വല്‍ ഭുയാനും ഇന്ന് സുപ്രീംകോടതി ജഡ്ജിമാരായി സത്യപ്രതിജ്ഞ ചെയ്യും. സുപ്രീംകോടതി ഓഡിറ്റോറിയത്തില്‍ രാവിലെ 10 മണിക്കാണ് സത്യപ്രതിജ്ഞ ചെയ്യുക. ചീഫ് ജസ്റ്റിസ് ഡി.വൈ ചന്ദ്രചൂഡ് സത്യവാചകം ചൊല്ലികൊടുക്കും. ജൂലായ് അഞ്ചിന് ചേര്‍ന്ന സുപ്രീംകോടതി കൊളീജിയമാണ് എസ്.വി ഭാട്ടിയെയും ഉജ്ജ്വല്‍ ഭുയാനെയും സുപ്രീംകോടതി ജഡ്ജിമാരാക്കാന്‍ ശുപാര്‍ശ ചെയ്തത്. എസ്.വി ഭാട്ടി കേരള ഹൈക്കോടതി ചീഫ് ജസ്റ്റിസും ഉജ്ജ്വല്‍ ഭുയാന്‍ തെലുങ്കാന ഹൈകോടതി ചീഫ് ജസ്റ്റിസുമായിരുന്നു. ജസ്റ്റിസ് ഭാട്ടി ആന്ധ്രപ്രദേശ് ഹൈക്കോടതിയിലും ജസ്റ്റിസ് ഉജ്ജ്വല്‍ ഭുയാന്‍ ഗുവാഹത്തി ഹൈക്കോടതിയിലും ജഡ്ജിമാരായി സേവനം ചെയ്തിരുന്നു.

അരിക്കൊമ്പനെ കുറിച്ച് ഒന്നും പറയേണ്ടെന്ന് സുപ്രീംകോടതി ; ഹര്‍ജി സമര്‍പ്പിച്ചവര്‍ക്കെതിരെ 25000 പിഴ

webdesk15 — Thu, 06 Jul 2023 07:32:24 +0000

അരിക്കൊമ്പനെ മയക്കുവെടിവെയ്ക്കുന്നത് വിലക്കണമെന്ന് ഹര്‍ജി സമര്‍പ്പിച്ചവര്‍ക്കെതിരെ സുപ്രീംകോടതി 25000 രൂപ പിഴയിട്ടു.അരിക്കൊമ്പനെ കുറിച്ച് ഒന്നും പറയേണ്ടെന്നും ആന കാട്ടില്‍ എവിടെയുണ്ടെന്ന് നിങ്ങള്‍ക്ക് എന്തിന് അറിയണമെന്നും സുപ്രിം കോടതി ചോദിച്ചു.
എല്ലാ രണ്ടാഴ്ചയും അരിക്കൊമ്പന് വേണ്ടി പൊതുതാല്പര്യ ഹര്‍ജി വരുന്നുവെന്നും കോടതി വിമർശിച്ചു.അരിക്കൊമ്പനെ മയക്ക് വെടി വയ്ക്കുന്നത് തടയണമെന്ന് ആവശ്യപ്പെട്ട് വാക്കിങ് ഐ ഫൗണ്ടേഷന്‍ ഫോര്‍ ആനിമല്‍ അഡ്വക്കസി എന്ന സംഘടനയാണ് ഹര്‍ജി നല്‍കിയത്. ഭരണഘടനയുടെ 32 അനുച്ഛേദ പ്രകാരം ഫയൽ ചെയ്യുന്ന ഹർജികളോട് സുപ്രീം കോടതി സ്വീകരിക്കുന്ന സമീപനത്തെ അഭിഭാഷകൻ വിമർശിച്ചതാണ് പിഴയിടാൻ കാരണമായത്.അരിക്കൊമ്പൻ വിഷയവുമായി ബന്ധപ്പെട്ട് പരിസ്ഥിതി പ്രവർത്തകർ നൽകിയ ഹർജിയും സുപ്രീംകോടതി ഇന്നലെ തള്ളിയിരുന്നു.

supremcurt – Chandrika Daily

ജസ്റ്റിസുമാരായ എസ്.വി ഭാട്ടിയും ഉജ്ജ്വല്‍ ഭുയാനും ഇന്ന് സത്യപ്രതിജ്ഞ ചെയ്യും

അരിക്കൊമ്പനെ കുറിച്ച് ഒന്നും പറയേണ്ടെന്ന് സുപ്രീംകോടതി ; ഹര്‍ജി സമര്‍പ്പിച്ചവര്‍ക്കെതിരെ 25000 പിഴ