വളരെ തരംതാഴ്ന്ന പ്രസ്താവന. കലയും കലാകാരന്മാരും സമൂഹവും മുന്‍പോട്ട് പോകുന്ന സമയത്ത് ജാതീയപരമായും വംശീയപരമായുമൊക്കെ നടത്തുന്ന പ്രസ്താവനകള്‍ അത്രയും നിലവാരം കുറഞ്ഞതാണ്. ഇത് വളരെ മോശമായി പോയി, കാരണം രാമകൃഷ്ണന്‍ സാര്‍ ഞങ്ങളുടെ അധ്യാപകനാണ്. കാലടിയില്‍ പഠിക്കുന്ന സമയത്ത് മോഹിനിയാട്ടം നമ്മളെ പഠിപ്പിച്ചു തന്നിട്ടുള്ള അധ്യാപകനാണ്.

അദ്ദേഹത്തിന്റെ കഴിവിനെയും സൗന്ദര്യത്തെയുമൊക്കെ എങ്ങനെയാണ് അളക്കാന്‍ കഴിയുക. അദ്ദേഹത്തിന്റെ പെര്‍ഫോമന്‍സ് കണ്ടിട്ട് ഞങ്ങളൊക്കെ മതിമറന്നിരുന്നിട്ടുണ്ട്. നമ്മള്‍ നിറത്തെ കുറിച്ചോ സൗന്ദര്യത്തെ കുറിച്ചോ ചിന്തിച്ചിട്ടില്ല, നമ്മള്‍ കലാകാരന്മാരാണ്. അതുകൊണ്ട് തന്നെ ഇവര് പറയുന്നത് എന്താണ് എന്ന് മനസിലാകുന്നില്ല, സുരഭി വ്യക്തമാക്കി.

പരിക്കേറ്റവരെ ഡോക്ടറുടെ കാറിൽ കയറ്റാൻ ശ്രമച്ചിരുന്നെങ്കിലും അപകടത്തെ തുടർന്നുണ്ടായ പരിഭ്രമത്തിൽ അവർക്ക് വാഹനം എടുക്കാൻ സാധിച്ചിരുന്നില്ല. ഇതു കണ്ടുനിന്ന താൻ സമയം കളയാതെ അവരെ ആസ്പത്രിയിൽ എത്തിക്കുകയായിരുന്നെന്ന്, ദേശീയ പുരസ്‌കാര ജേതാവ് കൂടിയായ സുരഭി ചന്ദ്രികയോട് പ്രതികരിച്ചു.

അതേസമയം കാർ ഓടിച്ച ഡോക്ടർ അപകടത്തില്‍പ്പെട്ടവര്‍ക്ക് സഹായവുമായി മെഡിക്കൽ കോളേജിൽ എത്തി.

ഓണപ്പരിപാടിയില്‍ ബീഫ് കഴിക്കുന്നത് ശരിയല്ലെന്നും ബീഫ് കഴിക്കുന്നതിലൂടെ ഹിന്ദുക്കളെ അപമാനിച്ചെന്നുമായിരുന്നു സമൂഹ മാധ്യമങ്ങളിലൂടെയുള്ള ആക്ഷേപം. ഹിന്ദുക്കള്‍ ഓണത്തിന് മാംസം കഴിക്കാറില്ലെന്നും പിന്നെന്തിനാണ് മാംസം കഴിക്കുന്നതെന്നും ചോദിച്ചാണ് പല പോസ്റ്റുകളും. മുസ്ലീം ചാനലില്‍ പോയി സുരഭി ഹിന്ദുക്കളെ അപമാനിക്കുകയാണ് എന്നു പറഞ്ഞവരും ഉണ്ട്. പെരുന്നാളിന് ചാനലില്‍ വന്നിരുന്നു പന്നിയിറച്ചി കഴിക്കാനും ചിലര്‍ വെല്ലുവിളിച്ചിരുന്നു.

എന്നാല്‍ ഓണമായലും ഓണപ്പരിപാടി ആയാലും തനിക്കു ഇഷ്ടമുള്ള ഭക്ഷണം കഴിക്കുമെന്നായിരുന്നു സുരഭിയുടെ പ്രതികരണം. മീഡിയ വണ്‍ ചാനലില്‍ ‘സുരഭിയുടെ ഓണ’മെന്ന പേരില്‍ സുരഭി ലക്ഷ്മി അവതരിപ്പിച്ച പരിപാടിക്കിടെ ബീഫും പൊറാട്ടയും കഴിച്ചതിനാണ് നടിയേയും ചാനലിനേയും സോഷ്യല്‍ മീഡിയില്‍ തെറിവിളിയും അധിക്ഷേപങ്ങളും കൊണ്ട് അപമാനിക്കുന്നത്. എന്നാല്‍ പരിപാടി ഒരാഴ്ച മുമ്പ് തന്നെ ഷൂട്ട് ചെയ്തതാണെന്നും കോഴിക്കോട്ടെ ഒരു ഹോട്ടലിലായിരുന്നു ഷൂട്ട് എന്നും സുരഭി വ്യക്തമാക്കിയിരുന്നു. ഓണത്തിന് കോഴിക്കോട്ടുകാരിക്ക് കോഴിക്കറി കൂട്ടി ഓണം എന്ന അടിക്കുറിപ്പോടെ മറ്റൊരു ഫോട്ടോയും സുരഭി പോസ്റ്റ് ചെയ്തിരുന്നു. അതിനൊന്നും ഇല്ലാത്ത എതിര്‍പ്പായിരുന്നു ചാനല്‍ പരിപാടിക്കിടെ ബീഫും പൊറോട്ടയും കഴിച്ച സുരഭിക്ക് നേരെ ഉണ്ടായത്. അതിന്റെ പിന്നാലെയാണ് വിഷയം ഏറ്റെടുത്ത് ഉത്തരേന്ത്യയിലെ സംഘപരിവാര്‍ അനുഭാവികളും രംഗത്തെത്തിയത്.